Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Në këtë intervistë për Dosja.al ai ndan me ne arsyet e këtij vendimi, çfarë ka mësuar nga takimet me qytetarët dhe si e shikon Shqipërinë në vitin 2030.
DURRËS- Ani Dyrmishi, një nga figurat e spikatura të administratës publike dhe drejtimit vendor, është sot kandidat për deputet i Partisë Socialiste në Qarkun e Durrësit. Me një profil të ndërtuar përmes punës në qeverisje dhe angazhimit publik, Dyrmishi kërkon që këtë herë zëri i tij të dëgjohet në Kuvend. Në këtë intervistë për Dosja.al ai ndan me ne arsyet e këtij vendimi, çfarë ka mësuar nga takimet me qytetarët dhe si e shikon Shqipërinë në vitin 2030.
1-Zoti Dyrmishi, keni pasur një karrierë të gjatë në administratë. Pse vendosët të kaloni në politikën aktive?
Nuk ka qenë një vendim i momentit. Pas shumë viteve në administratë dhe në pozicione drejtuese, ndjeva se kishte ardhur momenti të kontribuoj më drejtpërdrejt në vendimmarrje. Kam parë nga afër si funksionon politika publike dhe ku ngec ajo në zbatim. Në Kuvend, dua të ndihmoj që këto përvoja të përkthehen në ligje dhe politika më efektive.
2- Ishte kjo një zgjedhje personale apo ju erdhi si ftesë?
Ka qenë një vendim i menduar gjatë dhe i nisur nga dëshira për të shërbyer më afër qytetarëve. Sigurisht, mbështetja nga kolegë dhe nga strukturat e Partisë Socialiste ka qenë një motivim i fortë. Por në thelb, ishte një zgjedhje e ndërgjegjshme.
3- Çfarë përfitimi shihni në rolin e deputetit, krahasuar me atë të drejtuesit në administratë?
Roli i deputetit të jep mundësinë të ndikosh në hartimin e politikave dhe në kontrollin e zbatimit të tyre. Ndryshe nga administrata, ku zbaton vendime, në Kuvend merr përgjegjësinë për të ndërtuar vizionin dhe kornizën ligjore që prek jetën e qytetarëve. Unë garoj me idenë që çdo votë është përgjegjësi, jo trofe.
4- Si e shihni garën brenda partisë dhe me kandidatët e tjerë?
E konsideroj një garë të shëndetshme dhe të nevojshme. Partia Socialiste ka një ekip të gjerë me njerëz me integritet dhe përvojë. Për mua, kjo është më shumë një sfidë për të bindur qytetarët se mund të jem zëri i tyre në Kuvend.
5- Çfarë do të ndodhë nëse nuk fitoni?
Vazhdoj të jem në shërbim, kudo ku përvoja ime mund të sjellë vlerë. Kandidimi nuk është një përpjekje për pozicion, por për të kontribuar më thellësisht. Edhe jashtë Kuvendit, kam qenë dhe do të jem aktiv në çështjet që prekin qytetarët.
6- Nga takimet me qytetarët, çfarë po kuptoni?
Shqetësimet janë reale dhe të ndryshme, nga ekonomia te shërbimet, por ajo që bie më shumë në sy është nevoja që njerzit duan të ndihen të dëgjuar dhe të përfaqësuar. Ata kërkojnë që politika të jetë më e afërt me përditshmërinë e tyre — jo vetëm gjatë fushatës, por çdo ditë. Dhe kjo është një përgjegjësi që unë e ndjej fort, veçanërisht duke ardhur nga qeveria.
7- Cili është mesazhi juaj për qytetarët e Qarkut të Durrësit?
Të mos zgjedhin mbi bazë fjalësh, por mbi bazë veprash dhe qëndrueshmërie. Kam qenë i pranishëm në çdo hap të zhvillimit lokal dhe kombëtar, dhe dua të jem po aq i pranishëm në Kuvend, për të çuar zërin e qytetarëve të Durrësit aty ku merret vendimi.
8- A janë të varfër shqiptarët sot?
Ne kemi punuar shume qe te thyejme ciklin e varfërisë por ka ende shumë sfida sociale dhe ekonomike që prekin qytetarët, veçanërisht në zonat me më pak mundësi. Nuk mund të mohojmë se ka njerëz që përballen me vështirësi reale, por pikërisht për këtë arsye, prioriteti ynë duhet të mbetet përmirësimi i kushteve të jetesës, rritja e punësimit dhe zgjerimi i aksesit në shërbime. Nuk mjafton të flasim për zhvillim — duhet ta ndjejë çdo qytetar në jetën e përditshme.
9- Si e shihni Shqipërinë në vitin 2030? Dhe ku e shihni veten?
E shoh pjesë të Bashkimit Europian, me institucione më të forta, me drejtësi funksionale dhe me një ekonomi më konkurruese. Shpresoj të jem ende në shërbim të publikut, aty ku mund të jap më shumë. Kontributi im nuk është i lidhur me një titull, por me një mision.
10- Si e shihni rolin e qytetarëve në procesin e integrimit të Shqipërisë në Bashkimin Europian, dhe çfarë mesazhi mund t’u jepni për të kontribuar në këtë udhëtim?
Qytetarët janë thelbësorë në këtë proces, sepse integrimi në Bashkimin Europian është një angazhim që kërkon mbështetje dhe përpjekje të përbashkëta. Kryeministri Edi Rama ka udhëhequr me shumë angazhim këtë rrugëtim, duke realizuar hapa të rëndësishëm drejt përmbushjes së kushteve të BE. Por, për të arritur objektivin final, është e nevojshme që çdo qytetar të japë kontributin e tij, qoftë me mbështetje për reformat, qoftë me angazhim për përmirësimin e kushteve të jetesës. Mesazhi im është i thjeshtë: çdo veprim, çdo përpjekje që bëni për të përmirësuar jetën tuaj dhe të komunitetit tuaj, është një hap më afër integrimit dhe një Shqipëri më të fortë dhe më të drejtë.
