Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Sot një nga personalitetet më të njohura shqiptare, Rexhep Qosja feston ditëlindjen e tij të 85-të. Detaj që me siguri nuk e dinit pasi askush (bëhet fjalë për politikanët dhe pushtetarët) nuk është kujtuar që ta urojë për ditën e lindjes. Të paktën në këtë anë të kufirit, pasi dje në Kosovë në nder të tij u organizua nga ceremoni, ku mori pjesë edhe kryeministri Albin Kurti.
“Librat e Rexhep Qosjes dhe të shkrimtarëve dhe studiuesve të tjerë ngriheshin në duart e demonstruesve përballë shkopinjve dhe armëve të policisë dhe, siç na dëshmon historia e përbotshme, libri e pena janë kurdoherë fitimtarë. Veç titulli i librit Populli i ndaluar, botuar në vitin 1990, mjafton për të rrokur në një togfjalësh historinë e shqiptarëve në ish-Jugosllavi dhe si parathënie e asaj që do të vijonte në dy dekadat e ardhshme. Angazhimi i Rexhep Qosjes në politikën e Kosovës, me gjithë polemikat dhe kundërshtitë e pashmangshme, moskuptimet e mëritë që mund të ketë lënë te të tjerët, nuk është shkëputur aspak nga përpjekja intelektuale për ta ruajtur bashkimin shpirtëror të shqiptarëve dhe për ta ngjizur atë në program politik në rrethanat e kohës. Edhe njëherë, i urojmë akademikut e intelektualit tonë të madh e të dashur të jetojë dekada të reja e të tjera, për ta parë idealin e tij të realizuar!,”-tha Kurti dje. Ndërsa në Shqipëri ka heshtje.
Askush nuk është kujtuar që ta urojë, madje as kryeparlamentari Gramoz Ruçi, i cili vjet nuk e kurseu mesazhin e tij. Po ashtu mungon edhe kryeministri Edi Rama, i cili ka një rubrikë të veçantë në Facebook për të gjithë personazhet e shquara që festojnë ditëlindjen. Ndër to ka nxjerrë aktorin Florina Binaj, Filip Çakulli, etj. Por nuk ka vend për Qosjen.
Po kush është Rexhep Qosja?
Ai është një studiuesit dhe shkrimtarët më të njohur të letërsisë shqiptare të 50 viteve të fundit. Edhe pse publiku i gjerë në Kosovë, Shqipëri dhe hapësirat e tjera shqipfolëse, e njeh më shumë për polemikat e tij të ashpra dhe të gjata, me disa prej figurave më të njohura publike këtej dhe andej kufirit. Qosja lindi më 25 qershor 1936 në fshatin Vuthaj, fshat shqiptar i mbetur në Malin e Zi. Në vitin 1959 mbaroi Shkollën Normale në Prishtinë, dhe një vit më vonë nisi studimet në Degën e Gjuhës dhe të Letërsisë Shqipe në Fakultetin Filozofik të këtij universiteti, ku dhe u diplomua më 1964. Në vitin 1967, nisi punë si ndihmës në Institutin Albanologjik të Prishtinës, dhe po atë vit kreu studimet master në Universitetin e Beogradit. Në vitin 1971 mbrojti tezën e doktoratës mbi jetën dhe krijimtarinë e shkrimtarit të njohur shqiptar, Asdreni. Gjatë kësaj kohe nisi të shkruajë tregime e romane, dramaturgji, histori të letërsisë, kritikë dhe eseistikë.
Vitet e fundit, është marrë më tepër me esetë e gjata në formën e replikave me personalitete të ndryshme, mbi çështjen kombëtare dhe ato politike në Shqipëri dhe Kosovë duke u kthyer edhe si protagonist. E para ndodhi në vitin 1989, kur u propozua të bëhej kryetar i Lidhjes Demokratike të Kosovës, por e refuzoi. Në vend të tij në krye të LDK u zgjodh Ibrahim Rugova. Marrëdhëniet mes tyre do të ishin gjithmonë armiqësore. Madje Qosja nuk la t’i humbte asnjë rast në sulmimin e Rugovës, duke e cilësuar atë tradhtar dhe të shitur tek Beogradi.
Si një kundërpeshë ndaj LDK, ai krijoi Forumin Demokratik të Intelektualëve Shqiptarë, dhe në vitin 1998 themeloi Lëvizjen Demokratike të Bashkuar. Në këtë cilësi mori pjesë në bisedimet e Rambujesë në shkurtin e vitit 1999, si anëtar i delegacionit shqiptar. Dha dorëheqjen nga partia e tij, pas rezultateve të dobëta në zgjedhjet e 28 tetorit 2000.
Më pas nisi të mbështesë publikisht PDK-në, e dalë nga radhët e Ushtrisë Çlirimtare të Kosovës. LDK e akuzoi publikisht se kishte marrë 220 mijë euro nga partia e Hashim Thaçit, për ta sulmuar egërsisht këtë parti. Madje kur Isa Mustafa u bë kryeministër si pjesë e marrëveshjes PDK-LDK, Qosja e etiketoi publikisht si një vrasës, për shkak të postit të ministrit që mbante në qeverinë e krahinës në dhjetorin e 1989-ës, kur forcat serbe shtypën me gjak protestën e studentëve të Prishtinës.
Kohët e fundit, Qosja ishte ftohur edhe me Hashim Thaçin duke refuzuar që të merrte medaljen e nderit me rastin e 10-vjetorit të shpalljes së pavarësisë së Kosovës. Qosja akuzoi Thaçin dhe ish-luftëtarët e tjerë të UÇK-së, se kanë tradhtuar idealet e dikurshme, pa e ditur që disa vite më pvonë të gjithë do të thirreshin në Hagë për t’u përballlur me akuzat për krime lufte.
Në Shqipëri, dy përplasjet më të bujshme ai i ka pasur me liderin historik të PD, Sali Berishën, dhe shkrimtarin e mirënjohur Ismail Kadare. Me Berishën, ka një armiqësi të hapur prej 27 vitesh. Gjithçka pretendohet se e ka zanafillën një prag të një tubimi kombëtar në Tiranë në shkurtin e vitit 1992, ku shqiptarët nga Shqipëria, Kosova dhe diaspora, do të diskutonin mbi zgjidhjen e çështjes kombëtare. Por Qosja e bojkotoi takimin duke nisur dhe përplasjet në distancë.
Ndërkohë debati më i shumëpërfolur, është përplasja mes tij dhe Ismail Kadaresë. Deri në vitin 1996, marrëdhëniet mes tyre ishin korrekte. Por përplasja nisi kur Kadare botoi esenë e tij “Identiteti evropian i shqiptarëve”, duke pretenduar qasjen perëndimore, ndërsa shtonte edhe elementin e fesë së ndryshuar prej pushtimin otoman. Qosja iu kundërpërgjigj me një tjetër ese, “Realitet i shpërfillur”, ku pretendonte të kundërtën.
(k.m/dosja.al)
Iftar dhe politikë, a u prek Muaji i Ramazanit nga politikanët?
ANGLI- Gina Coladangelo, e cila u kap ditën e sotme duke u puthur me Matt Hancock, është drejtoresha e Marketingut dhe Komunikimit në kompaninë Oliver Bonas. T...
SHBA- Të paktën katër persona humbën jetën pas shembjes së një godine 12 katëshe në periferi të Majamit ndërsa ekipet e shpëtimit vazhdojnë kërkimin për 159 të ...
ATHINË– Babis Anagnostopoulos ka lëshuar një tjetër deklaratë për vrasjen e gruas së tij, kësaj here nga qelia e burgut të Koridhalosit. Sipas medias greke...
GREQI- Autoritetet Portuale në Greqi kanë ndjekur ditën e djeshme dy turq me skaf në det. Tanea shkruan se ngjarja ndodhi në Rodos, ku dy turq me skaf nuk pranu...
GREQI– Truproja e Dan Bilzerian ‘mbretit të Instagramit’, Nikos Aravantinos, është sulmuar mbrëmjen e djeshme nga një grup prej 15 turistësh francez-algjerian n...
SLLOVAKI-Sllovakia do të heqë dorë nga 160 mijë doza vaksine, Sputnik, që i kishte blerë nga Rusia për arsye se popullsia ka patur një kërkesë të ulët për këtë ...
BRUKSEL- Presidentja e Komisionit Evropian Ursula von der Leyen, ka deklaruar se deri tani në të gjitha vendet e BE-së 60% e të riturve ka marrë të paktën 1 doz...
GREQI- Autori me origjinë bullgare, i përdhunimit të pastrueses 50- vjeçare shqiptare është paraqitur ditën e sotme para gjykatës në një seancë faljeje d...
KOSOVË- Policia e Kosovës ka falenderuar Arben Shabanin, për ndihmën që i ka dhënë ditën e djeshme në shpëtimin e 3 personave nga aksidenti në Gjilan. Poli...
