Sulm kibernetik/ Hackerat nxjerrin pamjet e kamerave të sigurisë në komisariate e dogana

• Grupi i hackerave “Homeland Justice” janë futur në sistemet e sigurisë së Policisë së Shtetit dhe në Dogana. •Dosja.al disponon video të bëra publike nga hackerat të cilët kanë mundur të kapin lëvizjet që janë kryer në muaj të ndryshëm gjatë vitit. •Pamjet janë nga ambientet e policisë, paraburgimi, zyrat madje hackerat kanë mundur të aksesojnë dhe kamerat në Rinas dhe në kufi të vendit. •Të gjitha videot janë bërë publike nga HomeLand Justice në rrjetin social 'Telegram'. • Ky grup u shfaq para sulmeve kibernetike në portalin shtetëror e-Albania, në mes të korrikut 2022. •Në faqen e internetit HomeLand Justice ekzistojnë disa publikime, në të cilat grupi merr përgjegjësinë për sulmin kibernetik, siç thuhet, për shkak të urrejtjes ndaj Qeverisë shqiptare. •Byroja Federale e Hetimit (FBI) dhe Agjencia e Sigurisë Kibernetike dhe Sigurisë së Infrastrukturës (CISA) kanë zbuluar se hackerat kanë qëndruar për më shumë se 14 muaj në sistemet e Qeverisë Shqiptare. • Sistemet TIMS në pikat kufitare u prekën në 9 shtator nga një sulm kibernetik. •Në fillim u raportuan probleme në sistemin TIMS në pikën kufitare të Kapshticës, ndërkohë më vonë u raportua për probleme dhe në pikën kufitare të Kakavijës dhe Rinasit. •Kryeministri Edi Rama akuzoi Iranin se fshihet pas këtij sulmi. •Vendi ynë shkëputi marrëdhëniet diplomatike me Iranin pas vërtetimit të akuzave se ishte pikërisht Irani ai që fshihej pas sulmeve kibernetike më datë 17 korrik që nxorrën jashtë funksionit faqen e shërbimeve qeveritare e-Albania duke rrezikuar seriozisht sigurinë kombëtare për shkak të të dhënave të qytetarëve që mund të ekspozoheshin.

2 artikuj për këtë temë.