"Një nismë e improvizuar!" Mbahet sot në Gjermani Samiti i 10-të i Procesit të Berlinit, Scholz pret liderët e Ballkanit Perëndimor
Nuk ka një strukturë fikse! Analiza: Çfarë është dhe si nisi Procesi i Berlinit? 14 Tetor, 08:34 ...
Nuk ka një strukturë fikse! Analiza: Çfarë është dhe si nisi Procesi i Berlinit? 14 Tetor, 08:34 ...
Si ndodhi aksidenti në Fier? Policia jep detaje: Automjetet u përplasën me njëra-tjetrën dhe morën para bagët...
Plagosja me thikë në Tiranë/ Autori, me precedent të mëparshëm penal (EMRAT) 12 Tetor, 19:46 Pla...
Qeveri teknike si e vitit 2017? Berisha: Ai ishte model i dështimit të plotë! Një qeveri teknike me Ramën kryeminist&eu...
•Shqipëria feston sot 111 vite nga krijimi i shtetit. •Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur. •28 Nëntori njihet ndryshe edhe si Dita e Flamurit, një ditë e rëndësishme për mbarë shqiptarët në trevat shqiptare dhe anembanë botës. •Për herë të parë në vendin tonë eshte organizuar Parada e shqiptarëve. •Me pjesëmarrjen e mijërave shqiptarëve nga të gjitha trojet, parada mblodhi mbi 150 Ansamble popullore. •Në Vlorë është mbajtur ceremonia e ngritjes së flamurit shqiptar me rastin 111-vjetorit të Pavarësisë së Shqipërisë. •Të pranishëm në këtë aktivitet kanë qenë krerët më të lartë të shtetit; Presidenti Begaj, Kryeministri Rama dhe kryeparlamentarja Nikolla. •I pranishëm në Vlorë në ceremoninë e ngritjes së flamurit ka qenë po ashtu edhe Kryeministri i Kosovës, Albin Kurti. •Pas përfundimit të ceremonisë zyrtare të zhvilluar nga krerët e shtetit shqiptar, në Vlorë ka shkuar edhe kryedemokrati Sali Berisha. •I pashoqëruar nga deputetë të tij, Berisha ka vendosur kurorë në monumentin e Ismail Qemalit.
21 artikuj për këtë temë.
SHBA- Shqiptarët që banojnë në Shtetet e Bashkuarat të Amerikës kanë festuar sot me këngë dhe valle Ditën e Pavarësisë së Shqipërisë.
Videot e festimeve janë publikuar në rrjetet sociale, ndërkohë që njëra prej tyre ka bërë xhiron e rrjetit, duke vjedhur zemrat e shikuesve.
Në video është një vajzë e vogël e cila këndon para një turme njerëzish këngë patriotike, ndërsa duartrokitet nga të gjithë të pranishmit.
@pema._jetes1 Shqipetarja e vogel ne usa???????????????? #viralvideo #qeshmelot???????????? #videoviral ♬ original sound - Pema._jetes
Më herët gjatë ditës së sotme, kryetari i Bashkisë së New York-ut, Eric Adams, ka uruar të gjithë shqiptarët me rastin e Ditës së Flamurit.
SHBA- Dita e Pavarësisë së Shqipërisë është festuar edhe në New York të Shteteve të Bashkuara. Shqiptarët që banojnë atje kanë organizuar festime me këngë dhe valle, siç shihet në videon e mëposhtme.
Më herët gjatë ditës së sotme, kryetari i Bashkisë së New York-ut, Eric Adams, ka uruar të gjithë shqiptarët me rastin e Ditës së Flamurit.
Përmes një postimi në median sociale Twitter, Adams shkruan nga ajo që njihet si “Little Albania” (Shqipëria e vogël), në rajonin e Bronx-it, Brooklyn dhe Staten Island, se “fqinjët dhe biznesmenët e vegjël, apo sipërmarrësit shqiptarë, punojnë pa lodhje që New York-u të lëvizë”.
KOSOVË- Ylli shqiptar me famë botërore, Rita Ora ka uruar festën e Ditës së Pavarësisë kombit shqiptar.
Përmes një postimi në rrjetet sociale Rita ka uruar festën Shqipërisë, ku krahas disa fotove me presidenten Vjosa Osmani dhe bashkëshortin e saj, Taika Waititi, shkruan: Gëzuar Ditën e Pavarësisë, Shqipëri, nga familja jonë tek e juaja!
View this post on Instagram
Më herët përmes story-ve në Instagram ajo tregoi se mbrëmjen e sotme ka zgjedhur të veshë këpucët e saj të kuqe duke e theksuar se është një zgjedhje në shenjë të kësaj dite.
Rita prej disa ditësh ndodhet në Kosovë, e cila është e shoqëruar nga familjarë të saj dhe bashkëshorti Taika Waititi. Pas festës së ditëlindjes në Prishtinë ajo ka qëndruar edhe gjatë ditës së sotme kur po festohet 28 Nëntori.
Më herët sot, edhe Dua Lipa, këngëtarja shqiptare me famë botërore, i është bashkuar urimeve për 111 vjetorin e pavarësisë së Shqipërisë. Ylli i Popit ka ndarë disa foto në 'instastory' me flamurin kuqezi. Dua shkruan “Gëzuar Ditën e Pavarësisë”.
TIRANË- Kryetari i Partisë Demokratike, Sali Berisha në kuadër të 111-vjetorit të Pavarësisë së Shqipërisë, ka organizuar në selinë blu eventin “Krenaria e Trashëgimisë”.
Gjatë fjalës së tij, Berisha tha se pa pavarësi të Shqipërisë, nuk do të kishte kurrë pavarësi të Kosovës dhe po ashtu shqiptarët kudo që janë në Ballkan, nuk do mund të ishin këta që janë sot.
Kryedemokratik shtoi se nëse kombet e tjera e kanë pavarësinë si dhuratë, disa të tjera si aksident të historisë, Shqipëria e ka një akt mbinjerëzor nga Ismail Qemali dhe elita e asaj kohe.
FJALA E BERISHËS:
Mirëmbrëma, dhe një përshëndetje të përzemërt, urim për të gjithë ju, për të gjithë shqiptarët, këtë ditë që shënon ditëlindjen moderne të kombit shqiptar. Shënon ditën e pavarësisë së vendit, një ditë frymëzimi për çdo shqiptar.
Dua të përshëndes përzemërsisht departamentin ‘Brain Gain’ që ka përzgjedhur të nderojmë së bashku këtë ditë me një dimension kulturor, dhe kjo është një përzgjedhje e mençur, e drejtë.
Në rast se bëhet fjalë për pavarësinë e një kombi, kushti i të gjitha kushteve është identiteti i tij, dhe identiteti i çdo kombi, i kombit shqiptar ka për shtyllë kryesore, gjuhën-kulturën, kulturën dhe gjuhën. Ndaj dhe në kremtimin e pavarësisë tonë, në këtë dimension ne i bëjmë një kremtim vërtetë fisnik. Theksoj edhe njëherë, pavarësia është ditëlindja moderne e një kombi. Është ditë frymëzimi sepse në kushtet kur Ismail Qemali dhe etërit e tjerë të pavarësisë, shpallën në Vlorë, pavarësinë e Shqipërisë, ai ishte një akt i guximit, vizionit të jashtëzakonshëm. Ishte një akt kur nga të gjithë fuqitë e mëdha, përveç njëra, të gjithë ishin kundër. Askush nuk donte përveç Austro-Hungarisë dhe kontit Bertold, një shtet të pavarur në trojet e tij. Qeverinë e Ismail Qemalit nuk e njohën gjer në gusht të vitit 1913.
Por nëse ky burrë i madh, vizionar, nuk do të ngrihej me një guxim mbi kohën, së bashku me Isa Boletinin dhe elitën tjetër të kombit, të shpallte në Vlorë pavarësinë, gushti i 1913 do të kishte vendosur shpërbërjen, copëtimin përfundimtar të kombit shqiptar.
Ismail Qemali i vendosi fuqitë e botës, që nuk donin një shtet shqiptar, para faktit të kryer, se shteti shqiptar ekzistonte, se Shqipëria ekzistonte si shtet sovran dhe i pavarur. Në këtë kontekst po të shkojmë pas në ato kohëra dhe të mendojmë këtë akt, ky akt kalon në një legjendë të vërtetë. Por ky akt u bë vendimtar për fatin e kombit, asokohe të ndarë dhe të pushtuar pothuajse në 2/3 e trojeve të tij. Ky akt ka qenë përcaktues për Kosovën e lirë dhe të pavarur. Pa pavarësi të Shqipërisë nuk do të mund të kishte kurrë, pavarësi të Kosovës. Pa pavarësi të Shqipërisë, shqiptarët kudo që jetojnë në vendet e tjera në Ballkan nuk do të mund të ishin ata që janë sot.
Ndaj dhe nëse kombet e tjera e kanë pavarësinë edhe si dhuratë, apo e kanë ndonjëherë edhe si aksident të historisë, shqiptarët e kanë nga një akt mbinjerëzor i Ismail Bej Vlorës dhe elitës së kombit. I atyre luftëtarëve, politikanëve, udhëheqësve popullor, që organizuan kryengritjet e mëdha të Kosovës. Pra sa më shumë të ndalesh në pavarësinë tonë, ta mendosh, studiosh, lexosh, aq më mahnitëse, mrekulli, magjepsëse dhe më frymëzuese bëhet ajo.
SERBI- Ministria e Jashtme e Serbisë ka uruar festën e Ditës së Pavarësisë Shqipërisë dhe Popullit shqiptar. Përmes një postimi në platformën "X", ministria shkruan gjithashtu se mezi presin të forcojnë më tej marrëdhëniet mes dy vendeve dhe dialogun e ngushtë.
POSTIMI:
Urimet tona më të sinqerta për kolegët tanë në Shqipëri dhe popullit shqiptar me rastin e Ditës së Pavarësisë. Ne mezi presim të forcojmë më tej marrëdhëniet tona miqësore dhe dialogun e ngushtë.
Our most sincere felicitations to our colleagues at @AlbanianDiplo and to the people of #Albania on the occasion of their #IndependenceDay.
— MFA Serbia ???????? (@MFASerbia) November 28, 2023
We look forward to further enhancing our friendly relations and close dialogue. ???????????????????? pic.twitter.com/U0muKDRjek
Sot Shqipëria dhe populli shqiptar brenda dhe jashtë kufijve festojnë 111-vjetorin e Ditës së Pavarësisë. Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur.
SHBA-Sekretari Amerikan i Shtetit Antony Blinken ka uruar Shqipërinë për 111-vjetorin e Pavarësisë. Kreu i diplomacisë amerikane thekson se lidhja mes dy vendeve është e qëndrueshme. Përmes një deklarate për shtyp, ai ka thënë se SHBA është krenare që punon me Shqipërinë si aleate dhe partnere të NATO-s.
Blinken ka falenderuar vendin tonë për mirëpritjen dhe mbështet fuqishëm integrimin e plot në komunitetin euroatlantik dhe në rrugën drejt anëtarësimit BE.
Deklarata e plotë e Blinken:
Në emër të Shteteve të Bashkuara të Amerikës, uroj qeverinë dhe popullin e Shqipërisë dhe ju uroj një festë të gëzuar për 111-vjetorin e Pavarësisë.
Shtetet e Bashkuara janë krenare që punojnë me ju si aleatë dhe partnerë të NATO-s të angazhuar për të forcuar përpjekjet e Shqipërisë për reformën në drejtësi, për të çuar më tej bashkëpunimin tonë për sigurinë kibernetike dhe për të vazhduar mbështetjen tonë të palëkundur për Ukrainën përballë luftës së agresionit të Rusisë. Ne ju falënderojmë për mirëpritjen tuaj bujare dhe me zemër të hapur të afganëve dhe mbështesim fuqishëm integrimin tuaj të plotë në komunitetin euroatlantik, veçanërisht përmes përparimit në reformat e sundimit të ligjit dhe drejt anëtarësimit në Bashkimin Evropian.
Zgjedhja e fundit e Shqipërisë në Këshillin e OKB-së për të Drejtat e Njeriut është një shenjë respekti ndërkombëtar për përparimin e fuqishëm që ka bërë kombi juaj në dekadat e fundit dhe një njohje e shërbimit të tij shembullor në 2015-2017. Ne jemi krenarë që shërbejmë përkrah Shqipërisë dhe presim me padurim të punojmë së bashku për të promovuar dhe mbrojtur të drejtat e njeriut në mbarë botën.
Lidhjet midis kombeve tona, të bazuara në vlerat, kulturën dhe miqësinë e përbashkët mbeten të qëndrueshme. Le të vazhdojë të përparojë puna jonë së bashku.
TIRANË- Me një koncert të vërtetë janë përballur qytetarët në Rinas. Artistët e Teatrit Kombëtar të Operas dhe Baletit i kanë surprizuar me rastin e 111-vjetorit të Pavarësisë së Shqipërisë. Ata janë vendosur në ambientet e aeroportit “Nënë Tereza” në Rinas dhe kanë performuar për publikun që ndodhej aty, ata që vinin dhe largoheshin nga vendi.
Videon nga eventi i organizuar prej tyre e shpërndau edhe kryeministri Edi Rama, ku tha se kjo është një surprizë e veçantë në 70 vjetorin e Teatrit Kombëtar të Operas dhe Baletit.
"Surpriza krejt e veçantë e Ditës së Flamurit nga Teatri Kombëtar i Operas, Baletit dhe Ansamblit Popullor"- shkruan Rama.
PRESHEVË-Shqiprim Arifi, Kryetari i Komunës së Preshevës njoftoi se është vendosur në godinën e përfaqësuesve lokal flamuri shqiptar. Ngjarja ka ndodhur me rastin e festës së Ditës së Flamurit, ku shihet dhe nga foto se si kryekomunari vendos shtizën pranë dritares së godinës.
Nga ana tjetër sipas tij, kjo shënon një përpjekje të vazhdueshme për të dhënë mesazhin e autonomisë, duke qenë se disa herë vendosja e flamurit në Preshevë është penguar.
Kujtojmë se në qershor të këtij viti Arifi është marrë nga gjykata e Serbisë për dhënë shpjegime për vendosjen e flamurit në hapësirat publike, ku dhe është gjobitur.
POSTIMI I SHQIPRIM ARIFIT:
"Në Preshevën shqiptare, sot valon flamuri më i bukur në botë!"
PRISHTINË-Arbnora Fejza-Idrizi ka realizuar një flamur me përmasa gjigande dhe të jashtëzakonshme me origamë. Ajo e ka realizuar flamurin në një sallë sporti me ndihmën e 70 nxënësve nga medreseja "Alauddin". Flamuri përbëhet nga 120 mijë letra origami dhe secila nga ato është në formë piramidale.
Nxënësit mendohet të kenë palosur rreth 50 mijë letra, kurse pjesa tjetër është bërë me ndihmën e familjarëve. Fejza synon një rekord të ri Guinnes, duke qenë se flamuri është konsideruar si nga më të mëdhenjtë e punuar ndonjëherë.
Puna e bukur e saj ka marrë një vëmendje të veçantë me rastin e 111-vjetorit të Ditës së Flamurit.
SHBA- Edhe Dua Lipa, këngëtarja shqiptare me famë botërore, iu është bashkuar urimeve për 111 vjetorin e pavarësisë së Shqipërisë. Ylli i Popit ka ndarë disa foto në 'instastory' me flamurin kuqezi.
Dua shkruan “Gëzuar Ditën e Pavarësisë”.
BRUKSEL-NATO ka uruar ditën e sotme Shqipërinë me rastin e Ditës së Flamurit. Aleanca e Atlantikut të Veriut me anë të një postimi në Facebook ka uruar 111-vjetorin e Pavarësisë së Shqipërisë. Në postin e saj, NATO uron Shqipërinë si një aleat që prej 14 vitesh është pjesë e aleancës.
POSTIMI I NATO-s:
“Bashkohuni me ne për të festuar me aleatin tonë”
TIRANË-"Parada e Shqiptarëve" ka nisur ditën e sotme në bulevardin "Dëshmorët e Kombit". Tradita e paradës ka ardhur këtë vit në 111-vjetorin e Pavarësisë, nga New York në Tiranë.
Festa është organizuar nga "Rrënjët Shqiptare" në bashkëpunim me Bashkinë Tiranë, ku kanë marrë pjesë 150 ansamble popullore.
Kujtojmë se sot Shqipëria shënon 111-vjetorin e Ditës së Pavarësisë të ngritjes së flamurit në Vlorë në 28 Nëntor 1912.
Për nder të 111-të vjetorit të pavarësisë së Shqipërisë në zyrat e Këshillit Kombëtar Shqiptar në Bujanoc është vendosur flamuri shqiptar. Flamuri është vendosur nga Kryetari i Këshillit Kombëtar Shqiptar, Nevzad Lutfiu, i cili në llogarinë e tij në Facebook ka postuar edhe një video ku shihet duke vendosur flamurin shqiptar në hapësirat e institucionit që udhëheqë.
Edhe të hënën Kryetari i Komunës së Preshevës, Shqiprim Arifi, ka vendosur flamurin shqiptar në objektin e komunës, po për nder të ditës së pavarësisë së Shqipërisë.
VLORË- U desh festa e Pavarësisë që të shihnim një shtrëngim duarsh të dy liderëve shqiptarë. Kryeministrat Edi Rama dhe Albin Kurti kanë shtrënguar duart në Vlorë, ku të dy ndodhen në qytetin ku 111 vite më parë u ngrit flamuri shqiptar.
Dy Kryeministrat morën pjesë së bashku në ceremoninë e ngritjes së flamurit dhe vendosën kurora me lule në varrin e Ismail Qemalit.
Pas mosdakordësive në distancë mes dy liderëve për çështjen e raportit Kosovë-Serbi, tashmë duket se ujërat janë qetësuar./Dosja.al
PREKAZ- Një pamje e veçantë është parë në Prekaz të Kosovës ditën e sotme me rastin e ditës së flamurit, ku dy parashuta me simbolet kombëtare kanë fluturuar mbi Prekaz. Korrespondenti i 'Euronews Albania' për Kosovën, Kosovë Gjoci u shpreh se dy parashutat shihen të mbuluara nga simbolet e flamurit të Kosovës dhe Shqipërisë.
Në festën e 28 Nëntorit, Ditës së Flamurit, në Prekaz mbahen sot dhe homazhet për komandatin Adem Jashari me rastin e datëlindjes së tij.
VLORË- Kryeministri i Kosovës, Albin Kurti ka dhënë një mesazh nga Vlora, me rastin e Ditës së Flamurit. Në një prononcim shkurt për mediat tha se kjo është dita e bashkimit.
“Gëzuar të gjithëve 28 nëntorin, festën e bashkimit! Flamuri, pavarësia, bashkimi dhe liria”, tha Kurti shkurt për mediat.
Dita e Flamurit sot ka bërë bashkë, Albin Kurtin dhe Edi Ramën, ndërsa të pranishëm ishin edhe Presidenti, Bajram Begaj dhe kryetarja e Kuvendit, Lindita Nikolla./Dosja.al
KOSOVË- Presidentja e Kosovës Vjosa Osmani e shoqëruar me Kryetarin e Kuvendit Glauk Konjufca ka zgjedhur ditën e sotme, t'i bëjë homazhet e festës së 28 Nëntorit në Kompleksin Memorial "Adem Jashari" në Prekaz. Gjatë fjalës së Osmanit festa sot përmban tre urime, ditëlindjen e Adem Jasharit, dalja e parë e UÇK-së dhe festa e Ditës së Flamurit.
Nga ana tjetër Presidentja shprehu vlerësimin për familjen Jashari duke vijuar se respekti dhe nderimi për ta do të jetë i përjetshëm nga instiucionet e Kosovës.
“Sot e fillojmë këtë ditë historike duke e nderuar një familje si familja Jashari duke e shënuar ditëlindjen e heroit dhe daljen e UÇK-së. Kjo ditë na kujton çmimin e lirisë, çmimin e lartë të lirisë dhe sakrificave që janë bërë për shekuj që ne të jemi të lirë. Është moment reflektimi për atë që heronj tanë kanë bërë që nga Skënderbeu e deri te Ismail Qemajli e te komandanti Adem Jashari. Lavdi të gjithë atyre që kanë dhënë për lirinë dhe respekt i jashtëzakonshëm për familjen Jashari”-u shpreh Osmani.
Konjufca ka theksuar rëndësinë e vendit ku ndodhet kompleksi memorial në Prekaz dhe ka përmendur datën e 28 nëntorit si një ditë historike për popullin e Kosovës duke i lavdëruar sakrificat e dëshmorëve për liri.
“28 nëntori në Kosovë gjithmonë fillon në Prekaz këtu ku ka ndodhur sakrifica më e lartë E POPULLIT TË Kosovës për liri dhe këtu ku është ngjizur lufta e lavdishme e UCK-së. Po ashtu kjo datë është dalja publike e UÇK-së e po ashtu është ditëlindja e heroit Adem Jashari. Nënorët do të festohen gjithmonë uroj që neve të na gjejnë gjithmonë më të bashkuar e gjithnjë më të fortë. Lavdi dëshmoreve dhe urime dita e flamurit gjithë shqiptarëve kudo që jetojnë ata”.-tha Konjufca.
VLORË- Kryedemokrati Sali Berisha ka zhvilluar homazhe në monumentin e Pavarësisë në Vlorë.
FJALA E BERISHËS:
Sot, mbarë shqiptarët, kudo që janë, përulen me mirënjohjen më të pakufishme, nderimin më të madh, para veprës së pavdekshme të Ismail Bej Vlorës, ditës së Flamurit Kombëtar, ditë e të gjitha ditëve të kombit shqiptar.
Me aktin e tij të një vizioni dhe kurajo të jashtëzakonshme, Ismail Bej Vlora, bëri të mundur ekzistencën e Shqipërisë dhe kombit shqiptar. Pa këtë akt, Shqipërinë dhe shqiptarët i prisnin greminat, honet e historisë.
Sot, ata janë anëtarë të NATO-s, Kosova është e pavarur.
Por unë erdha këtu për t’u betuar para varrit të Ismail Bej Vlorës, se Pashiqi shqiptar, që sapo ka vendosur kurorën aty, e ka të fundit, sepse shqiptarët, në Shqipëri, Kosovë dhe kudo që ndodhen, do e paketojnë atë në Beograd, aty ku e ka vendin. Tradhtar si ky, kombi nuk ka pasur ndonjëherë në histori. Dhe ky është një zotim solemn përpara Babait të Pavarësisë se edhe njëherë, Pashiqi nuk do ketë vend në Tiranë, por të shkojë në Beograd te padroni i tij Vuçiç. Gëzuar qytetarë dhe qytetare të Vlorës, gëzuar shqiptarë dhe shqiptare kudo që jeni, këtë ditë të bekuar, këtë feste të të gjitha festave tona. Rroftë flamuri ynë, nderim përjetë Ismail Bej Vlorës dhe etërve të pavarësisë.
Edhe kryeministri Edi Rama, Presidenti Bajram, Begaj, kryeministri Albin Kurti e zyrtarë të tjerë ishin sot në Vlorë, aty ku u mbaj ceremonia e ngritjes së flamurit./Dosja.al
VLORË- Ka nisur ceremonia e ngritje së flamurit në Vlorë, me rastin e 111 vjetorit të Pavarësisë së Shqipërisë. Kryeministri Edi Rama, Presidenti Bajram Begaj, Lindita Nikolla, kryeministri i Kosovës Albin Kurti, së bashku me zyrtarë të tjerë ndodhen në Vlorë, teksa shihen duke kryer nderimet pranë Sheshit të Flamurit.
Rama dhe Kurti nuk u panë në asnjë moment pranë njëri-tjetrit.
Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur.
SHBA- Kryetari i Bashkisë së New York-ut, Eric Adams, ka uruar të gjithë shqiptarët me rastin e Ditës së Flamurit.
Përmes një postimi në median sociale Twitter, Adams shkruan nga ajo që njihet si “Little Albania” (Shqipëria e vogël), në rajonin e Bronx-it, Brooklyn dhe Staten Island, se “fqinjët dhe biznesmenët e vegjël, apo sipërmarrësit shqiptarë, punojnë pa lodhje që New York-u të lëvizë”.
From Little Albania in the Bronx to Brooklyn to Staten Island, our Albanian neighbors are the small business owners, entrepreneurs and hard-working New Yorkers who keep our city moving. Happy Albanian Independence Day! pic.twitter.com/0bcabP6lne
— Mayor Eric Adams (@NYCMayor) November 27, 2023
TIRANË- Në 110 vjetorin e pavarësisë së Shqipërisë, Google ka bërë një ‘surprizë’ në këtë ditë të shënuar për shqiptarët.
Google ka ‘ndryshuar imazhin’ dhe është veshur kuqezi në nder të shpalljes së pavarësisë të Shqipërisë.
Shqipëria feston sot 111-vite nga krijimi i shtetit. Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur. 28 Nëntori njihet ndryshe edhe si Dita e Flamurit, një ditë e rëndësishme për mbarë shqiptarët në trevat shqiptare dhe anembanë botës./Dosja.al
