Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pse po përmendet emri i Astmer Bilalit në vrasjet që po ndodhin në Shkodër?
SHKODËR- Erjon Xhenjen, i cili u vra dje në Shkodër dhe Endri Mustafën, i bashkon një emër...dhe ai është Astmer Bilali. Më 17 Maj 2021 u gjet pa jetë dhe i masakruar Endri Mustafa. I riu u nxorr në pritë nga një i mitur, vetëm 15 vjeç, Ergys Malja. Familjarët e të ndjerit por edhe përfaqësuesi i një tjetër familjeje të njohur në Shkodër, Mustafa Lici, kanë bërë me dije publikisht lidhjet e Mustafës me Bilalin. Por këto të dhëna nuk ishin sekrete. Viktima ka qenë i arrestuar më parë dhe i dënuar për plagosje, njihej si pjesë e grupit të Astmer Bilalit dhe ka qenë i arrestuar më parë pas një operacioni të policisë së Shkodrës.
Nëna e Endri Mustafës, Fahrije Mustafa, nxjerrë emra të tjerë, të cilët i akuzon se janë implikuar në vrasjen e të birit. Ajo thotë se djalin e saj e ka vrarë Edion Arazi, me nofkën ‘Coli’.
“Ergysi na ka ardhur në shtëpi dhe ka lyp kalin për Astmer Bilalin, se nji ky Ergys është shoku që hyn del natë-ditë ke Astmer Bilali. Djali jem nuk është marrë as me Ibrahim Licin as me Astmerin. Shokë i ka pas, por ka thënë gjithmonë, se unë nuk merem me ta… Ka dalë djali jashtë, ka ndejt nja 10-15 minuta dhe i ka thanë nuses mi baj teshat gati se du me ik me Ergysin deri në Livadhe dhe për 10 minuta vij. Unë i thashë,…mos moj nanë mos shko me të se të nxjerrë në pritë, se kush e di se ça të ka ba me nanën. Por djali m’u përgjigj se për 10 minuta vjen në shtëpi dhe ai nuk më erdhi më, s’më hapte celularin, ma ka qit djalin për paret, ma ka shuar shtëpinë, ah ça më ka bërë ky djalë. Ky është mostër i tan botës, njeri i poshtër që më ka marrë në qaf… Djali më tha nan mos u bëj merak se nuk jam vetëm se jam edhe me “Colin”. Unë tash e kam marrë vesh se “Coli” është Edison Arazi. Ergys Arazi dhe Edison Arazi, janë shokët e Astmer Bilalit dhe kanë ndejt ditë-natë tek Astmer Bilali dhe aty është bërë gjurulldia. Kjo është meseleja që thoni se jo është Ibrahim Lici jo ai. Askërkush nuk është dhe unë këto gjëra i kam dhënë në deklaratën qysh në fillim. Edison Arazi ma ka nxjerrë djalin në pritë me Ergysin. Edison Arazi është që më vra djalin. Unë prej këtyre të dyve, kërkoj djalin me drejtësi…”,-deklaronte e ëma.
Por edhe në vrasjen e mbrëmshme përmendet emri i Bilalit. I riu, i cili mbeti i vrarë mbrëmjen e kaluar në një lokal në Shkodër, punonte në fermën e kuajve në pronësi të Asmer Bilalit. Erjon Xhenje kishte lidhje me emrin e njohur të botës së krimit në Shkodër dhe paraprakisht dyshohet se atentati mund të ketë lidhje me rivalitetin e bandave të dy fiseve, Bajri dhe Lici. Po ashtu, Erjon Xhenje është i afërm i Sehar Xhenjës, i cili është në kërkim për tentativë vrasjeje pasi qëlloi me armë drejt automjetit me të cilin po lëvizte Taulant Pepaj në shkurt të vitit 2021. Për këtë ngjarje janë shpallur në kërkim edhe Eljon (Esmeraldo) Hato, 31 vjeç dhe dhe Shkelzen Xhenja, 29-vjeç.
Por KUSH ËSHTË ASMER BILALI? Pse përmendet e emri i tij në thuajse çdo ngjarje kriminale që ndodh në Shkodër?
Asmer Bilali, është me precedentë penalë të mëparëshëm në policinë e Shkodrës si i dyshuari kryesor për plagosjen e Hermes Beqirit në një nga lokalet e qytetit. Për ngjarjen e ndodhur në vitin 2017, Asmer Bilali u arrestua në fshatin Grudë ku ishte larguar me motorin e tij për t’ju fshehur Policisë. Atij iu gjet edhe një armë tip pistoletë që mendohet se është përdorur për kryerjen e krimit. Pas lirimit, Bilali u kap edhe njëherë tjetër gjatë operacionit "Oaz", e në 23 Dhjetor 2020, Gjykata e Shkodës e dënoi me 3 vite burg për veprat penale: mbajtje pa leje e armëve shpërthyese dhe municionit; parapërcaktim i rezultateve sportive dhe ndërtim të paligjshëm.
E ndërkohë që ndodhej në burg, më 30 mars 2019, iu vranë në derën e shtëpisë babai dhe xhaxhai, Ibrahim dhe Atsrit Bilali. Për vrasjen e tyre u arrestuan 29-vjeçari Arsen Stojku dhe 23-vjeçari Myslym Rama nga Vau i Dejës. Ndërsa në kërkim u shpallën Ibrahim Lici dhe D. B.
Dy vrasje që të çojnë tek i njëjti emër. Por Policia ende nuk ka raportuar nëse e kanë marrë në pyetje të riun për të zbardhur kështu gjithë çfarë po ndodh në kryeqendrën e Veriut.
Momenti kur Suli futet ne SPAK TIRANË- Kryebashkiaku i Kamzës, Rakip Suli ka mbërritur ditën e sotme në Strukturën e Pos...
Zyra VLORË- Vijon ende bllokimi i zyrave ALEAT. Në Vlorë, Gjirokastër, Korçë dhe Elbasan, zyrat e ALEAT kanë mbetur pa...
Vendi i ngjarjes SHKODËR- Autorët të cilët ekzekutuan me armë zjarri Erjon Xhenjen në Shkodër, ishin të maskuar e t...
Sehar Xhenja SHKODËR- Erjon Xhenje, 19-vjeçari që mbeti i vrarë është i afërm i Shkëlzen dhe Sehar Xhenj&eum...
Policia TIRANË-Një 26-vjeçar është vënë në pranga nga policia e Tiranës. Ky person, ishte i shpallur në...
Policia KORÇË-Romeo Berberi ka dëshmuar në Polici se nuk e njeh personin që e plagosi me armë zjarri në këmbë...
Kanabis GREQI- Dy shqiptarë, një 47-vjeçar banues në Selanik dhe një 31-vjeçar, ishin kultivuesit e plantacionit të ...
Konfindustria TIRANË- Konfindustria kërkon nga Qeveria që të rishqyrtojë vendimin për kufirin që i vendos abonent&e...
Policia greke GREQI- Alarmi ka përfunduar sot për 14-vjeçaren nga Shqipëria, e cila u zhduk nga Kos më 9 shtator, me paraqitjen ...
Hygert Geca BRITANI E MADHE- Hygert Geca është 24-vjeçari shqiptar i cili ka rënë në prangat e policisë britanike, p&e...
