6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Ditën e sotme u organizua ceremonia e përurimit të Abetares së përbashkët Kosovë-Shqipëri. •Në ceremoni morën pjesë Ministret e Arsimit të Kosovës dhe të Shqipërisë, Arbërie Nagavci dhe Evis Kushi dhe kryeministri i Kosovës, Albin Kurti. • Kryeministri i Kosovës e përshëndeti këtë nismë dhe uroi më të mirat për nxënësit. •Abetarja e unifikuar vjen si zbatim i marrëveshjes së nënshkruar mes qeverive të dy vendeve. •Ajo është botuar nga shtëpia botuese ‘Dukagjini’ ndërsa autorë janë Mimoza Gjokutaj, Tereza Babasuli, Naser Zabeli, dhe Saranda Bozhegu. •Shpërndarja e saj do të nisë në zona rurale, ndërsa pritet shpërndarja edhe në shkollat e qyteteve për të qënë në duart e vogëlushëve më 12 shtator.
3 artikuj për këtë temë.
MAQEDONIA E VERIUT- Zëvendëskryeministri i parë i Maqedonisë së Veriut, Artan Grubi pas takimit me ministrin e Arsimit dhe Shkencës, Jeton Shaqiri tha se i ka dorëzuar abetaren e unifikuar mes Kosovës dhe Shqipërisë.
Në një postim në Facebook Grubi theksoi se ka njoftuar kryeministrin Dimitar Kovaçevski për nismën për përfshirjen e së njëjtës në sistemin arsimor në Maqedoninë e Veriut.
“Gjithashtu dje njoftova edhe Kryeministrin Kovaçevski për iniciativën si dhe bisedova me Kryeministrin Rama për këtë çështje të cilin e kishim diskutuar në takimin tonë të fundit dhe kam bindjen që Jetoni do ta nis procesin e përfshirjes së Abetares në procesin tonë arsimor”, ka shkruar mes tjerash Grubi.
Ditën e sotme u organizua ceremonia e përurimit të Abetares së përbashkët Kosovë-Shqipëri. Në ceremoni morën pjesë Ministret e Arsimit të Kosovës dhe të Shqipërisë, Arbërie Nagavci dhe Evis Kushi dhe kryeministri i Kosovës, Albin Kurti.
KOSOVË- Ministrja e Arsimit e Shqipërisë, Evis Kushi ishte prezente në ceremoninë e përurimit të abetares së përbashkët Shqipëri-Kosovë. Gjatë fjalës së saj, ministrja deklaroi se kjo nuk është thjesht një abetare por është një abetare cilësore që reflekton të gjitha shqetësimet. Më tej, Kushi tha se ky është libri që do bashkojë më shumë dy kombet dhe do fshijë kufinjtë e krijuar mes Shqipërisë dhe Kosovës.
“Shumë njerëz ishin skeptike, që ne do ta realizonim këtë nismë. Jo thjesht një abetare të re, por një abetare cilësore dhe që reflekton të gjitha shqetësimet. Kur ka bashkëpunim asgjë nuk është e pamundur. Kjo abetare do të fshijë kufijtë mes Shqipërisë dhe Kosovës. Ky është libri që do ta na bashkojë më shumë dhe forcojë më shumë dashurinë për njëri-tjetrin. Jemi një komb dhe kemi një gjuhë. Edhe Faik Konica ka thënë e vetmja lidhje që i ka mbajtur të lidhur shqiptarët ka qenë gjuha shqiptare. Për ne nuk ka krenari më të madhe sesa gjuha shqipe. Sa shumë histori me shkronjat shqipe. Ne kemi organizuar një ekspozitë me të gjitha abetaret, më shumë se 100 abetare. Unë jam krenare që gjuha shqipe mësohet jo vetëm në Shqipëri dhe Kosovë, por edhe në Universitetet më prestigjioze në botë. Së fundmi gjuha shqipe do të mësohet në Universitetin e Harvardit”, tha Kushi.
KOSOVË- Kryeministri Albin Kurti deklaroi ditën e sotme se abetarja e përbashkët mes Kosovës dhe Shqipërisë është një vazhdim i punës së të parëve për gjuhën shqipe. Gjatë ceremonisë e përurimit të abetares në Gjakovë, Kurti theksoi se fati i shkollës shqiptare ka qenë i lidhur ngushtë me fatin e kombit, sipas tij, raporti në mes të gjuhës dhe kombit është historik.
“Nëpërmjet gjuhës është mësuar në mënyrë të drejt dashuria për kombin, sot në gjirin e barazisë dhe lirisë, kombin tonë e përbashkon edhe kjo abetare. Një brez i ri shqiptar po fillon rrugën e dijes me abetaren e përbashkët unike, kështu po materializohet frymëzimi i trashëguar ndër breza që na ka mbajtur të lidhur gjithmonë. Në ditë si këto duhet kujtuar puna dhe sakrifica e të gjithë atdhetarëve, intelektualëve, albanologëve, mësimdhënësve, studiuesve,kontribuuesve të parezervë, burrave dhe grave që e ruajtën gjuhën shqipe në kohët më të vështira e ruajtën pasurinë tonë të përbashkët. Jam i lumtur që andaj sot e kemi në duar këtë abetare për të cilën u zotuam me marrëveshjen e përbashkët nga mbledhja e dy qeverive tona U qoftë e mbarë rruga e diturisë”,ka thënë Kurti.
