Anti tank, snajper e kallashë, gjendet baza e armëve, u zbulua nga përgjimet e vëllezërve Beqiri

Pamje nga armët e gjetura

TIRANË- Policia e Shtetit ka bërë "inventarin" për armët e gjetura të groposura mes pallateve tek zona e "5 majit" në Tiranë. Sipas njoftimit të bërë nga Policia, bëhet me dije se të groposura janë gjetur: kallashë, mitraloz të lehtë, mitraloz të rëndë, pushkë, municione luftarake dhe pajisje optike ushtarake. Armët ishin të futur në thasë, por nuk dihet se sa kohë kishin që ishin vendosur nën tokë, ndoshta për të mos u gjendur kurrë. Të gjitha armët e gjetura janë dërguar në Institutin e Policisë Shkencore për ekzaminim në mënyrë që të gjendet se kush dhe ku janë përdorur. Ndoshta për të zbardhur edhe ndonjë ngjarje kriminale në vendin tonë. 

NJOFTIMI I POLICISË SË SHTETIT: 

Tiranë

Sekuestrohen pjesë të armëve të ndryshme, dylbi për snajper, një granatëhedhës, karikatorë dhe municion luftarak. Më datë 05.10.2022, në rrugën "Besim Fagu", Tiranë, shërbimet e Komisariatit të Policisë Nr. 4, pas informacioneve të marra në rrugë operative se disa persona, për shkak të presionit të Policisë, kishin transportuar dhe hedhur në një ambient të jashtëm, pjesë armësh e municion luftarak, menjëherë kanë ushtruar kontroll dhe kanë gjetur në rrugën "5 Maji", pjesë armësh të ndryshme (kallashi, mitralozi të lehtë, mitralozi të rëndë, pushke), municione luftarake dhe pajisje optike ushtarake, të futura në thasë. Grupi hetimor, nën drejtimin e Prokurorisë pranë Gjykatës së Rrethit Gjyqësor Tiranë, vijon punën për identifikimin e poseduesve të armëve dhe dokumentimin e plotë të këtij rasti. Provat materiale do dërgohen në Institutin e Policisë Shkencore, për ekzaminim.

Baza e armëve që u gjetën në Tiranë, në zonën e '5 Majit' është zbuluar nga përgjimi i vëllezërve Beqiraj. Mësohet se Policia e Tiranës kishte dy ditë që i kishte zbuluar armët përmes telefonatave të bëra nga vëllezërit Indrit dhe Gentjan Beqiraj që zbërthyen një grup kriminal me vrasës me pagesë e me bazë në Durrës. Por, vetëm dje është zhvilluar aksioni për sekuestrimin e armëve. 

Vendi ku u gjetën armët

TIRANË- Baza e armëve që u gjetën në Tiranë, në zonën e '5 Majit' është zbuluar nga përgjimi i vëllezërve Beqiraj. Mësohet se Policia e Tiranës kishte dy ditë që i kishte zbuluar armët përmes telefonatave të bëra nga vëllezërit Indrit dhe Gentjan Beqiraj që zbërthyen një grup kriminal me vrasës me pagesë e me bazë në Durrës. Por, vetëm sot është zhvilluar aksioni për sekuestrimin e armëve. 

Armët ishin futur në thasë e çanta dhe ishin lënë një grumbull shkurresh në një bllok pallatesh në zonën e "5 Majit". Ende nuk ka asnjë të arrestuar në lidhje me operacionin në fjalë. Aksioni është ende në vijim. 

Pamje nga depoja e armëve

TIRANË- Dalin pamjet e para nga depoja me armë zjarri tek "5 maji". Siç duket edhe nga fotot e mëposhtme, e gjithë zona është e mbushur me efektivë të Policisë së Shtetit. Deri më tani bëhet me dije se u gjetën 7 thasë, 1 arkë dhe 1 valixhe që futen në furgon nga efektivët.

Mësohet se armët ishin të futura nëpër thasë dhe të vendosura pranë një grope të mbuluar me shkurre në afërsi një blloku pallatesh. Po ashtu, raportohet se të gjitha armët ishin të groposura. 

Vendi ku u gjetën armët

TIRANË- Zbulohet një bazë armësh në Tiranë. Arsenali me anti tank, snajper dhe kallashnikovë është gjetur në zonën e "5 Majit". Armët dyshohet se përdoreshin nga një grup kriminal. Armët e municionet ishin të futura në disa thasë dhe të hedhura në një gropë pranë një pallati te mbuluara nga shkurret.

Ende nuk dihet nëse ka persona të arrestuar në kuadër të operacionit në fjalë. Operacioni ka nisur që prej mëngjesit të sotëm dhe është në vijim.