Sokol Bode
BERAT- Sokol Bode u arrestua mbrëmë në banesën e tij në Berat. Ai kishte 4 ditë që ishte kthyer nga Anglia, kur në derën e shtëpisë së tij "trokiti" Policia e Shtetit. Burime për Dosja.al bëjnë me dije se në momentin e arrestimi ka kërkuar vetëm 2 minuta kohë që të ndahej me prindërit dhe nga vëllai, i cili ishte me aftësi të kufizuara. Në momentin që po ndahej dhe përshëndetej me familjarët e tij, nëna e Bodes ka shpërthyer në lot, por në këtë moment ka ndërhyrë i biri, i cili e ka qetësuar duke i thënë: Qetësohu se kjo dihej tani...
Duke nënkuptuar se e priste që edhe mund të kishin marrë informacion për ardhjen e tij në Shqipëri. Ndaj dhe arrestimi ishte i pritshëm.
Arrestimi i tij është bërë nga forcat e Policisë së Beratit, që në mbrëmjen e djeshme, rreth orës 21:40, kanë hyrë në banesën dy katëshe ku jetonte Bode dhe në ndihmë të tyre kanë qenë edhe efektivë të forcave "Shqiponja". Ai është shoqëruar në ambijentet e DVP Berat, për veprime të tjera proceduriale, ndërkohë që mësohet se do të transferohet drejt Tiranës. Për aksionin që u ndërmor mbrëmë u informua vetëm një grup i vogël efektivësh ishin në dijeni të këtij operacioni, pasi i druheshin një dekonspirimi të mundshëm. Por aksioni shkoi siç duhej.
Kush është Sokol Bode?
Ai ishte dënuar me 8 vjet burg, pasi akuzohet nga SPAK për implikim në trafikun e narkotikëve të kryer nga organizata kriminale e drejtuar prej vëllezërve Moisi dhe Florian Habilaj. Bode, ish-drejtori i Postës në Dhërmi, ka qenë prej kohësh në vëmendje të publikut dhe medias, pas publikimit të një foto ku shihej përkrah Florian dhe Moisi Habilajt. Bode, bashkë me ish-drejtorin e Policisë së Vlorës, Jaeld Çela si dhe Gjergj Kohila, shefi i sektorit të luftës kundër krimit të organizuar, kanë drejtuar në drejtorinë e Qarkut Vlorë gjatë viteve 2015-2016, ndërsa akuzohen si të përfshirë në dosjen ‘Habilaj’ për trafikun e kanabisit nga Shqipëria drejt Italisë.
Në 3 shkurt 2019, Prokuroria e Krimeve të Rënda dërgoi në Gjykatën e Krimeve të Rënda dosjen për gjykimin e të pandehurve Saimir Tahiri, Jaled Çela, Gjergji Kohila dhe Sokol Bode, nën akuzën “Trafikimi i narkotikëve”, në bashkëpunim në formën e grupit të strukturuar kriminal, “Grup i strukturuar kriminal”, si dhe “Kryerjen e veprave penale nga organizata kriminale dhe grupi i strukturuar kriminal”, parashikuar nga nenet 283/a/1, 28/4, 333/a/2 dhe 334/1 të Kodit Penal. Ndërsa më 10 korrik 2019, gjykata vendosi pezullimin e gjykimit për të pandehurit Sokol Bode dhe Gjergji Kohila pasi nuk ishin gjetur, ndërsa ndau çështjen e tyre nga çështja nga Saimir Tahiri dhe Jaeld Çela.