Dita e 15-të e protestës/ Qytetarët vijojnë revoltën: Rama në burg, Berisha në burg
Sot protesta e 15 në Tiranë/ Nis marshimi drejt Kryeministrisë(VIDEO) 14 Qershor, 18:35 Dita e 15-të e pro...
Sot protesta e 15 në Tiranë/ Nis marshimi drejt Kryeministrisë(VIDEO) 14 Qershor, 18:35 Dita e 15-të e pro...
FOTOLAJM/ Qytetarët rreshtojnë atletet para Kryeministrisë, si simbol i largimit të rinisë nga Shqipëria 13 Qersh...
Berisha: Çdo demokrat e ka vendin te protesta, sloganet kundër nesh janë vepër e veglave të qeverisë 13 Qershor...
“Rama në burg, Berisha në burg"/ Tensione në Rrjoll, banorët përplasen me policinë 13 Qershor, 11:20 ...
Për industrinë e birrës, Botërori konsiderohet një nga momentet më të rëndësishme të vitit.
Çdo event i madh sportiv krijon një efekt të menjëhershëm në sektorin e mikpritjes. Ndeshjet e rëndësishme tërheqin klientë në bare, restorante dhe ambiente sportive, ku konsumi i pijeve dhe i ushqimeve rritet ndjeshëm krahasuar me ditët normale.
Për industrinë e birrës, Botërori konsiderohet një nga momentet më të rëndësishme të vitit.
Operatorët e bareve në vend pohojnë se gjatë eventeve të mëdha sportive, kërkesa për birrë rritet ndjeshëm, veçanërisht në ndeshjet eliminatore dhe finalet, ku frekuentimi mund të arrijë disa herë më shumë se në ditët e zakonshme.
Me zhvillimin e 104 ndeshjeve, Botërori 2026 pritet të gjenerojë një periudhë të zgjatur konsumi për sektorin e mikpritjes.
Për distributorët e pijeve dhe lokalet sportive, turneu përfaqëson një mundësi për të rritur shitjet në kulmin e sezonit veror, duke kombinuar dy faktorë tradicionalisht të favorshëm për konsumin: temperaturat e larta dhe futbollin.
Përgatitjet kanë nisur që përpara fillimit të turneut. Disa operatorë të bareve sportive tregojnë se po planifikojnë furnizime shtesë me birrë dhe organizim të veçantë të ambienteve për periudhën e Botërorit.
Në disa raste, frigoriferë të posaçëm vetëm për birrën janë vendosur ose planifikohen të vendosen pranë zonave ku do të transmetohen ndeshjet, me synimin për t’iu përgjigjur fluksit më të lartë të klientëve.
Sipas tyre, përvoja e eventeve të mëdha sportive ka treguar se birra mbetet produkti më i kërkuar gjatë transmetimeve të futbollit, ndaj një pjesë e investimeve paraprake lidhen pikërisht me rritjen e kapaciteteve të furnizimit dhe shërbimit.
Me 104 ndeshje të shpërndara gjatë më shumë se një muaji, operatorët presin që Botërori të krijojë një sezon të veçantë konsumi, ku tifozët jo vetëm ndjekin ndeshjet, por kalojnë më shumë kohë në lokale, duke rritur konsumin e pijeve dhe ushqimeve.
Një birrë vendase 0.5 litra në një lokal në Shqipëri kushton mesatarisht rreth 250 lekë, ndërsa një birrë importi, rreth 300 lekë. Një vakt i thjeshtë në restorant, për të shoqëruar pijen, kushton mesatarisht 800 lekë.
Nëse një grup prej 100 mijë tifozësh ndjek mesatarisht 10 ndeshje gjatë Botërorit në ambiente publike dhe konsumon vetëm dy birra për ndeshje, shpenzimi total mund të arrijë rreth 440 milionë lekë (4.4 milionë euro) vetëm nga konsumi i birrës.
Ndeshjet do të zhvillohen në Amerikën e Veriut, që do të thotë se shumë prej tyre do të luhen në orët e vona të mbrëmjes sipas kohës shqiptare.
Kjo zakonisht favorizon baret dhe lokalet, sepse shikimi në grup bëhet më i zakonshëm se ndjekja familjare në shtëpi.
Në shumë vende europiane, lokalet raportojnë se periudhat e Botërorit renditen mes muajve me xhiron më të lartë të vitit. Shqipëria, ku kultura e ndjekjes së futbollit në ambiente publike është e përhapur, nuk pritet të jetë përjashtim.
Deri më 5 qershor, disa ditë para çeljes së Botërorit, ende nuk janë konfirmuar pikat ku do të organizohen eventet e ‘public view’.
Bastet sportive, një treg që ndizet me Botërorin
Pas rikthimit me ligj të basteve sportive online në vitin 2024, Botërori 2026 pritet të jetë testi i parë i madh për tregun e rregulluar të basteve në Shqipëri.
Pas miratimit të ndryshimeve ligjore në vitin 2024, Shqipëria riktheu bastet sportive vetëm në formatin online dhe nën një regjim licencimi të kontrolluar nga shteti. Tregu po kalon fazën e konsolidimit dhe të licencimit të operatorëve, ndërsa qeveria ka miratuar gjatë vitit 2026 aktet nënligjore dhe standardet teknike për funksionimin e platformave.
Turne të tilla konsiderohen tradicionalisht periudhat me aktivitetin më të lartë të lojërave sportive në nivel global, pasi miliona tifozë vendosin baste mbi rezultatet, golashënuesit dhe ecurinë e skuadrave pjesëmarrëse.
Për tregun shqiptar, Botërori 2026 do të jetë ngjarja e parë globale e futbollit që zhvillohet pas rikthimit të basteve sportive online të licencuara. Për këtë arsye, operatorët e konsiderojnë turneun një test të rëndësishëm për të matur sjelljen e konsumatorëve dhe aftësinë e tregut për të kanalizuar aktivitetin drejt platformave të rregulluara.
Në nivel global, Botërori renditet vazhdimisht mes ngjarjeve më të mëdha për industrinë e basteve. Gjatë Botërorit të Katarit 2022, kompania britanike e analizës së tregut “H2 Gambling Capital” vlerësoi se volumi global i basteve sportive të lidhura me turneun kaloi 35 miliardë dollarë.
Televizorë më të mëdhenj për një muaj futboll
Përfitues të tjerë potencialë janë tregtarët e pajisjeve elektronike. Historikisht, eventet e mëdha sportive kanë qenë një nxitës i shitjeve të televizorëve, sistemeve audio dhe të pajisjeve të transmetimit.
Botërori shpesh i shtyn familjet të zëvendësojnë televizorët ekzistues ose të investojnë në modele me ekran më të madh. E njëjta tendencë po vërehet edhe te lokalet sportive, të cilat po përgatiten për fluksin e tifozëve duke rinovuar ambientet dhe duke zëvendësuar një pjesë të ekraneve ekzistuese me televizorë më të mëdhenj dhe me rezolucion më të lartë.
Operatorë të ndryshëm tregojnë se për ndeshjet me audiencën më të lartë, cilësia e figurës dhe madhësia e ekranit janë bërë faktorë të rëndësishëm në konkurrencën mes lokaleve.
Kjo ka nxitur investime të reja në pajisje elektronike gjatë muajve para turneut.
Sipas ofertave të publikuara nga rrjeti i shitjes së elektronikës Neptun, një televizor 75 inç kushton mesatarisht nga 70 mijë deri në 100 mijë lekë, ndërsa modelet premium me ekran 85 inç arrijnë deri në 130 mijë lekë. Për një lokal që instalon dy ose tre ekrane të rinj, investimi mund të kalojë 200 mijë deri në 300 mijë lekë.
Në Shqipëri, zinxhirët e shitjes së elektronikës mund të përfitojnë nga kërkesa e shtuar gjatë muajve para turneut. Për shumë konsumatorë dhe biznese, një televizor i ri konsiderohet tashmë pjesë e përvojës së Botërorit, në të njëjtën mënyrë siç ndodh me investimet sezonale për turizmin apo fundvitin.
Të drejtat ekskluzive të transmetimit për Shqipërinë janë siguruar nga TV Klan, i cili pritet të transmetojë të 104 ndeshjet e Botërorit 2026 pa pagesë për publikun.
Kjo do të thotë se ndryshe nga kampionate të tjera sportive, tifozët shqiptarë nuk do të jenë të detyruar të blejnë abonime shtesë për të parë ndeshjet e Botërorit./Monitor.al
Kur nis Botërori, fituesit nuk janë vetëm skuadrat. Në çdo vend të botës, përfshirë Shqipërinë, aktiv...
Foto Ilustruese TIRANË- Dita e sotme do të ketë temperaturat më të larta të javës. Do të vijojë ndikimi i masa...
Eralb dhe Erzen Breçani TIRANA- Erlabi Breçani është ekstraduar mbrëmjen e kësaj të shtune nga Spanja. Era...
Moisi Habilaj TIRANË- I shumëkërkuari i drejtësisë Moisi Habilaj, është arrestuar mbrëmjen e kë...
Moisi Habilaj TIRANË- I shumëkërkuari i drejtësisë Moisi Habilaj, është arrestuar mbrëmjen e kësaj t...
Pamje TIRANË- Protestuesit po vijojnë marshimin e tyre kilometrik në rrugët e Tiranës, ndërsa kanë përsëritur ...
Pamje TIRANË- Mijëra qytetarë po vijojnë marshimin e tyre në rrugët e kryeqytetit, ndërsa u kanë bërë thi...
Pamje TIRANË- Qytetarët janë zhvendosur drejt Kuvendit, ku kanë thirrur në kor: “Parlamenti i krimit”. Nën thirrj...
TIRANË- Qytetarët kanë mbyllur fjalimet e tyre para Kryeministrisë dhe kanë nisur marshimin në rrugët e kryeqytetit. Në...
Pamje TIRANË- Një protestues ka deklaruar ditën e sotme se 33 vite më parë i ka kërkuar ish-presidenti të asaj kohe...
