"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Berisha tha se dokumentet zyrtare të grumbulluara nga PD-ja janë të pakundërshtueshme dhe faktojnë shkatërrimin e këtij procesi zgjedhor.
TIRANË- Kryetari i Partisë Demokratike, Sali Berisha tha se PD po punon në këtë periudhë më dokumentin e shkeljeve zgjedhore të 11 majit. Berisha tha se dokumentet zyrtare të grumbulluara nga PD-ja janë të pakundërshtueshme dhe faktojnë shkatërrimin e këtij procesi zgjedhor .
Gjatë fjalës së tij, ai akuzoi kryeministrin Edi Rama se në zgjedhjet e 21kishte përdorur 130 milionë euro nga buxheti për të disbursuar familjet e prekura nga tërmeti. Ndërkohë sipas tij në zgjedhjet e 11 majit, Rama ka përdorur 1 miliardë e 24 milionë euro. Këto para, tha Berisha u përdorën për të falur gjobat apo për bonuset e pensionistëve në këmbim të votës.
PJESË NGA FJALA E BERISHËS :
Edhe njëherë. Partia Demokratike për këtë periudhë po merret me ndriçimin e të vërtetës të farsës elektorale të 11 majit 2025 dhe mendoj se, ka arritur të grumbullojë dokumente zyrtare të pakundërshtueshme që faktojnë shkatërrimin e këtij procesi në çdo qelizë. Të kuptohemi, diktaturat janë dy lloje; janë diktatura totalitare të cilat nuk lejojnë konkurrencën, janë diktatura autoritare që puthadorët e qeverisë i quajnë tani, liberale. Diktaturat autoritare lejojnë konkurrencën, por e bëjnë fiktive garën. E bëjnë të pabarabartë. Rasti konkret, në Shqipëri në zgjedhjet e 2021, Edi Rama përdori 130 mln euro para buxheti, që disbursoi për familjet e prekura nga tërmeti. I disbursoi në rrethet, Tiranë, Lezhë, Durrës dhe Kurbin. Tani nëqoftëse në 2021 u disbursuan nga buxheti për të blerë vota 130 mln euro dhe kjo ishte asgjësimi i votës, i procesit zgjedhor, si proces i rregullt, pra ishte farsë, në këto zgjedhje diktatori, apo diktatura autoritare përdori 1 miliardë e 24 milionë euro.
Cilat janë? 500 mln në kundërshtim me ligjin në prokurorime publike. 244 mln në kundërshtim me ligjin interesa bankare dhe grante për fermerët. 200 e ca milionë gjoba dhe kamata të falura të 10 viteve të fundit. 76 mln çdo pensionist 100 euro.
Pra vetëm me këto, pa llogaritur dhe 100 mln rrënjë kanabis, që nuk mbillen dot. Të them unë, 100 mln nuk i mbjell dot.
Pa llogaritur, ju i patë, qindra mijëra kate ndërtime nga kartelët e drogës dhe të tjerë, lejet e ndërtimit, lejet e legalizimit, certifikatat e pronësisë. Pa llogaritur dhjetëra mijëra të punësuar të përkohshëm. Pra kemi të bëjmë me një proces zgjedhor të vdekur. Nuk është totalitar, sepse e lejon garën, por e vdes në fushë garën. Ky është problemi.
Nuk ka ideologjinë komuniste, as naziste, as doktrina fetare në bazë, ka drogën dhe fuqinë e saj të tmerrshme. Ka drogën. Se shiko, është ndryshe diktaturë autoritare e një elite që bën gjithçka për të qëndruar në pushtet, është krejt tjetër diktatura autoritare e bazuar në krimin dhe drogën. Droga të bën ministër, droga të bën ambasador, droga të bën kryegjykatës, të bën kryeprokuror. Droga të emëron drejtor të Përgjithshëm policie. Droga të eliminon kur i shkel në kallo. Është vendimmarrësi më i fuqishëm. Ndaj me dhjetëra e dhjetëra media të huaja e kanë quajtur narkoshtet.
Droga bën që prokurori special të mbajë në xhep mandatin e klanit Troplini dhe presin pastaj të merret... Në asnjë mënyrë, ai e ka mburojë, ai e din që do zëvendësonte Troplinin në çdo variant, ai që do të mbante në xhep mandatin dhe nuk do arrestonte. Po, po. Edhe tani ai Elvis Doçi në shtëpi është, bashkë me Altin Hajrin. Tani në Shqipëri e thërrasin masivisht Altin Troplini. Po don të fusë ligjin tani që ta mbrojë, të dënojë gazetarët që të mos flasin dot kundër tij dhe Irena Gjokës.
Kjo është çmenduri.
Pasi bëri fushatë 1 vjeçare për të ndryshuar kushtetutën se po më mbaron mandati dhe si të ja bëj. Duhet të ndryshonim kushtetutën për mandatin e tij, e kuptoni apo jo gjer ku shkon mendja e prokurorit të karteleve. Keni parë ju të dënohet qoftë dhe një njeri i vetëm jashtë dokumenteve të ardhura nga jashtë? Edhe ato i fut në turshi. Ky shtet po të mos ishin milionë faqe e dokumente të ardhura nga jashtë, këtu nuk arrestohet kush për drogën. Pse nuk kapet 1 kg drogë në Portin e Durrësit? Sepse ka në dorë droga. Ndaj dhe kjo diktatura liberale e avokatit të narkoshtetit, kjo është një diktaturë e pudrosur me një pluhur toksik që po shkatërron Shqipërinë, po largon shqiptarët nga Shqipëria.
Kalaja TIRANË- Aleanca për Mbrojtjen e Teatrit Kombëtar, AMT paraditen e sotme është paraqitur para ambiente të SPAK ku kan&e...
sali berisha TIRANË- Kryetari i Partisë Demokratike, Sali Berisha po zhvillon ditën e sotme një konferencë me gazetarët nga s...
Zhupa TIRANË- Deputetja demokrate, Ina Zhupa përmes një postimi në "Facebook" ka reaguar në lidhje me ndryshimet në Kodin Pen...
jorgo goro TIRANË- Gjykata e Posaçme ka dënuar me dy vjet burg ish-kryetarin e bashkisë së Himarës, Jorgo Goron, për v...
erion veliaj TIRANË- Kryebashkiaku i Tiranës, Erion Veliaj ka reaguar nga qelia lidhur me komunikimin e akuzës së ngritur ndaj tij nga...
Shaip Kamberi SERBIA- Deputeti shqiptar nga Bujanoci në Kuvendin e Serbisë, Shaip Kamberi, e ka dorëzuar një draft-rezolutë në...
Aleksandër Vuçiç, Donald Trump dhe Albin Kurti SHBA- Kongresistet amerikane, Claudia Tenney dhe Chrissy Houlahan u kanë dë...
Kos SERBI- Deputeti shqiptar në Parlamentin e Serbisë, Shaip Kamberi përmes një postimi në "Facebook" ka publikuar letrën e k...
Tedi Blushi TIRANA- Sekretari i Përgjithshëm i Partisë së Lirisë Tedi Blushi tha sot gjatë një konference për shtyp...
Foto TIRANË- Financierja dhe e penduara e drejtësisë, Adela Kondakçiu ka zbuluar detaje të reja në lidhje me dhënien e...
