Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Ndryshimet ligjore erdhën si nismë e disa deputetëve socialistë dhe parashikojnë hapjen e rrugës investimeve dhe aktivitetit industrial në Zonat e Mbrojtura natyrore duke ulur nivelin e mbrojtjes së tyre dhe duke u dhënë bashkive të drejtë administrimi mbi këto territore.
TIRANË-Në një letër të firmosur nga 56 organizata të shoqërisë civile drejtuar Këshillit të Ministrave dhe Kuvendit kërkohet tërheqja e projektligjit nga axhenda e Kuvendit dhe rihapja e një procesi të ri konsultimi me publikun e komunitetin e ekspertëve të mjedisit.
Ndryshimet ligjore erdhën si nismë e disa deputetëve socialistë dhe parashikojnë hapjen e rrugës investimeve dhe aktivitetit industrial në Zonat e Mbrojtura natyrore duke ulur nivelin e mbrojtjes së tyre dhe duke u dhënë bashkive të drejtë administrimi mbi këto territore.
“Të ndërmerrni sa më shpejt procedurat për tërheqjen e shqyrtimit të këtij projektligji nga seanca plenare; Të bëhet publik relacioni që shoqëron projektligjin; Kuvendi të rihapë procesin e konsultimit publik së bashku me dëgjesën publike, proces i cili nuk është realizuar plotësisht dhe është penguar edhe nga defektet teknike të platformës së konsultimit”- thuhet në letrën e firmosur nga organizatat.
Organizatat kërkojnë që ky projektligj të shqyrtohet përmes një procesi të rregullt ligjor konsultues me publikun dhe të kalojë në dëgjesë me aktorët e interesit për ta bërë transparent këtë proces.
Projektligj u kundërshtua gjithashtu të martën nga drejtues të këtyre organizatave gjatë seancave dëgjimore në Komisionin parlamentar për Veprimtaritë Prodhuese, Tregtinë dhe Mjedisin.
Taulant Bino, drejtues i shoqatës së Orintologjisë, u tha deputetëve se këto ndryshime ishin një tentativë për t'i trajtuar këto zona si “lulishte bashkiake”.
“Projekt-ligji i barazon zonat e mbrojtura në “lulishte bashkiake” jo natyrore të cilat pavarësisht funkioneve që kryejnë për komunitetin, nuk kanë asnjë vlerë dhe funksion natyror nga pikëpamja e habitateve”- tha ai.
Sipas tij, ‘parimi i përshtatshmërisë' që propozojnë deputetët e PS-së është i rrezikshëm dhe ligjëron shkatërrimin e ZM-ve.
Ai solli si shembull zonën e Pishë Poros në Vlorë, ku një pjesë e peisazhit të mbrojtur të pyllit me pisha u dogj gjatë verës.
“Aktualisht kjo zonë nuk e përmbush parimin e përshtatshmërisë dhe ky parim lehtëson tjetërsimin e saj”- tha Bino duke shtuar se, “nëse është djegur me qëllim për hapjen e trojeve, atëherë ky parim zyrtarizon qëllimin e fshehur të keqbërësit”.
“Tendenca e projekt-ligjit është trajtimi i zonave të mbrojtura, thjesht dhe vetëm si zona ekonomike”- këmbënguli Bino, në oponencën para komisionit, ku parashtroi argumentet për çdo nen të ligjit.
Sipas tij, ndryshimet parashikojnë që në brendësinë dhe zemrën e këtyre zonave mund të zhvillohet çdo lloj aktiviteti ekonomik i paqëndryeshëm dhe i papranueshëm për ruajtjen e integritetit ekologjik të tyre, habitateve natyrore dhe specieve të faunës dhe florës së egër që ato strehojnë.
Të njëjtin qëndrim ndau me komisionin edhe Mirjan Topi, drejtor ekzekutiv i Guidës së Shpendëve, i cili kërkoi tërheqjen e projektit duke e quajtur konfuz dhe në kundërshtim të hapuir me udhëzimet e bashkësisë ndërkombëtare për mbrojtjen e natyrës.
“Ky projektligj bie ndesh me qëllimin e ligjit për ZM, amendimet krijojnë kushte që Këshilli Kombëtar i Territorit të lejojë të ndërtohen brenda tyre vepra të mëdha infrastrukturore, nxjerrja hidrokarbureve, rrethime të karakterit urban, të cilat e shfrytëzojnë dhe e degradojnë natyrën”- u tha ai deputetëve.
Po ashtu, ai kundërshtoi propozimin për zhvendosjen e kompetencave në varësi të bashkive për 20 përqind të territorit të këtyre zonave dhe heqjen e zonimit brenda tyre.
Sipas Topit ndryshimet e ligjit mund të vinin pas një analize të zbatueshmërisë së ligjit aktual dhe një konsultimi të gjerë me publikun, gjë e cila ska ndodhur në këtë rast.
Kryetari i komisionit Arben Pëllumbi u tha drejtuesve të organizatave mjedisore se pavarësisht se projektligji ishte futur në kalendar për tu votuar në seancën e datës 15 shkurt, Kuvendi nuk kishte asnjë ngut për ta miratuar pa dëgjuar palët e interesuara.
Ai përsëriti disa herë se ndryshimet nuk e preknin qëllimin e ligjit për mbrojtjen e këtyre zonave dhe i mbrojti propozimet si nevojë e ardhur nga bashkitë për të shfrytëzuar potencialin e tyre.
Ndërsa, deputeti Fadil Nasufi, një nga nismëtarët e ndryshimeve, argumentoi se, s'mund të lihej 1/5 e territorit vetëm për konservim, pa parë dhe përfitimet ekonomike.
Deputetët e PS-së që firmosën draftin e projektligjit thonë se morën shkas nga një letër e firmosur nga një dyzinë kryebashkiakësh socialistë që kërkonin ndryshimin e ligjit dhe të drejtën për të administruar këto zona në territorin e tyre për nevoja të zhvillimit ekonomik e turistik./REPORTER.AL
Foto ilustruese ELBASAN- Një aksident është regjistruar mbrëmjen e sotme në aksin rrugor Elbasan-Librazhd. Mësohet se dy...
Bledar Dedja ITALIA- Vrasja e 39-vjeçarit shqiptar Bledar Dedja në pyllin Paderno del Grappa në Itali vijon të jet&eum...
Foto ilustruese GREQIA- Shqiptari i kërkuar Elis Salaj, 35-vjeç, nga Fieri, i cili edhe pse akuzohet për vrasje shëtit i lir&eum...
Foto ilustruese TIRANË-Drejtoria e Shërbimit dhe Transportit Rrugor ka pranuar rritjen e çmimet për shërbimet që ofron. N&...
Policia KORÇË-Arrestohen 2 persona në Korçë. 28 vjeçari me inaciale F. D i cili ishte shpallur në k...
Foto ilsutruese Gjykata e Lezhës ka lënë fuqi vendimin për pezullimin e 11 punonjësve të Agjencisë së Kadastrë...
Gjykata Kushtetuese TIRANË- Gjykata Kushtetuese ka deklaruar se në ligjin që i hapi rrugë vendimit për ndërtimin e një h...
Albert Patushi BURREL- Drejtori i uzinës së Ferrokromit në Burrel, e cila tashmë administrohet nga kompania turke “Yildirim...
Pjerin Xhuvani dhe Arbër Paplekaj TIRANË- Seanca në Gjykatën e Apelit të Përgjithshëm ndaj Arbër Paplekajt dhe pers...
Suela Saliaj SHBA- Vrasja e 32-vjeçares shqiptare, Suela Saliaj ka tronditur Floridën por edhe Shqipërinë. Saliaj u vra nga bas...
