Sulmet kibernetike tek Siguria/ PD: Rrezikohet destabilizimi i vendit. DSIK: S’janë prekur informacionet e klasifikuara

Elisa Spiropali dhe Dorian Tola

TIRANË- Dorian Tola, drejtori i Drejtorisë së Sigurimit të Informacionit të Klasifikuar (DSIK) ka deklaruar në Komisionin e Sigurisë Kombëtare se informacionet e ruajtura në sistemin TIMS dhe MEMEX nuk janë informacione të klasifikuara.

Ai u shpreh me bindje se deri më tani hakerat nuk kanë prekur asnjë sistem që trajton informacione të klasifikuara në vendin tonë.

Elisa Spiropali: Zoti Salianji tha që ju thatë që nuk kishte sulme në sistemet e klasifikuara. Ne folëm për sistemet ku ruhen informacionet e klasifikuara. Nuk ka informacion për sulme në këto sisteme.

Flamur Noka: Drejtori e di shumë mirë, TIMS-I, MEMEX-i…

Dorian Tola: Sistemet që ju po përmendni nuk janë sisteme të akredituara për trajtimin e informacioneve të klasifikuara dhe nuk duhet të trajtojnë informacione të klasifikuara.

Flamur Noka: Sa i morët ju si qeveri jua hakeruan. E kupton sa e rëndë është kjo?

Dorian Tola: Dua të konfirmoj atë që dha ministrja që sistemet që trajtojnë informacion të klasifikuara deri më tani nuk kemi të dhëna për kompromentim

Flamur Noka: Po ça ministrja, ti je drejtor

Ditën e djeshme prokuroria lëshoi një urdhër për ndalimin e të dhënave të botuara nga hakerat që janë marrë nga sistemi TIMS i policisë së shtetit. Me anë të një njoftimi për mediat Prokuroria njoftoi dje se ka vendosur që asnjë e dhënë e botuar nga autorët e sulmit kibernetik të mos publikohet nga mediat audiovizive, të shkruara, online, në rrjete sociale apo në çdo formë të publikimit apo transferimit të të dhënave që postohen nga autorët e këtij sulmi kibernetik mbi sistemin TIMS të Policisë së Shtetit. Për këtë Prokuroria ka ngarkuar Njësinë C për Hetimin e Krimit Kibernetik në Policinë e Shtetit

Ervin Salianji

TIRANË- Deputeti demokrat, Ervin Salianji ka komentuar në Komisionin për Sigurinë Kombëtare projektligjin “Për informacionin e klasifikuar” duke e lidhur atë me sulmet kibernetike që kanë ndodhur ndaj sistemeve shqiptare digjitale nga Irani.

Ai kërkoi nga Prokuroria të hetojë me shpejtësi nëse ka pasur bashkëpunëtorë në sulmet kibernetike, ndërsa ngriti hipotezën se mund të ketë ndodhur dhe që “patronazhistët kanë marrë ndonjë lekë” dhe kanë ndihmuar hakerat. Deputeti demokrat duke iu referuar të dhënave që kanë dalë në media të publikuara më herët nga hakerat, për email që ka shkëmbyer ish drejtori i Policisë Gledis Nano me disa institucione ligjzbatuese, tha se ato janë rrezi për stabilitetin e vendit, pasi është krijuar ideja në opinionin publik se policia mbron të shumëkërkuarit,

Ervin Salianji: Sulmet e pas 15 korrikut, e përmendi shpesh ministrja, ne ende nuk kemi një dijeni, e kur ka agresion nga një shtet i huaj të vendosë në dijeni qeveria parlamentin më së pari komisonin e sigurisë. Duke qenë se s’kemi informacion dhe ju jepni info të pasakta, i vetmi informacion i besueshëm është Microsofti kur thotë që sulmi ka nisur në maj 2021. A ka përgjegjësi konkrete? Si ka mundësi janë lënë terroristë shtete armiqësore të jenë në sistem për një vit e kusur? Thuhet që për shkak të mos update të një prej serverave që e bën me përgjegjësi direkt qeverinë është bërë e mubdur ndërhyrja në këto sisteme. Në kushtet kur kanë dalë informacione që rriskojnë dhe stabiltietin e vendit, të dhëna nga policia e shtetit, lëre më ato që thuhen që policia e di cfarë ndodh këtu por nuk ndërhyn që persona në kërkim dalin në mes të mexhelisit. Për shkak të mungesës së këtij ligji ka pasur një mësymje të këtij lloji apo ka pasur ligj e kemi shkelje të ligjit? Qeveria përpiqet ta mbulojë me propagandë, ne i kërkojmë prokurorisë që me të njëjtën shpejtësi që ka ndërmarrë dje veprimin për ti kërkuar gazetarëve e mediave bllokimin e informacioneve të klasifikuar, minimalisht për të njëjtën shpejtësi duhet të ketë një hetim të shpejtë nëse ka pasur bashkëpunëtorë. Pse e merrni përgjegjësine ju si qeveri cfarë i djeg qeverisë që e merr përgejgjësine paradhënie Ku e dini ju ka pasur bashkëpunëtorë apo jo se mund të ketë dikë nga brenda që bashkëpunon, mund të jenë ata që i kanë marrë për patronazhistët kanë marrë ndonjë lek dhe i kanë nxjerrë mund të ketë dikush që ka ceduar për papërgjegjshmëri
duhet hetim i plotë. Ne e kemi shqetësim të madh shteti sot është tërësisht në duart e terroristëve ose quajeni fuqi armiqësore është shqetësim ky apo ta kalojë me propagandë? Se këto nuk janë as cështje që merren vota, ka rënë shteti plotësisht në duart e një fuqie armiqëësore. Se filma kemi parë ne me këto por që të ndodhin në këto situata, edhe dënohesh kur nuk ka por dhe kthehen përmbys por dhe dalin këto situatat e tjera se si po e vijojmë opastaj nëse doni, mos e zhvendosni vëmendjen mendjen përgjegjqësi qeveria për këtë apo jo?.

Mbledhja e Komisionit të Sigurisë Kombëtare

TIRANË- Është shoqëruar me debate të forta mbledhja e Komisionit të Sigurisë gjatë diskutimeve për projektligjin e informacionit të klasifikuar. 

Në debat u përfshin deputeti demokrat, Flamur Noka dhe ministrja e Shtetit për Marrëdhëniet me Parlamentin, Elisa Spiropali. Noka shtroi pyetjen se kush janë kompanitë që kanë përfituar 195 milion euro për sistemet e sigurisë së sistemeve dixhitale. Ndërkohë ministrja refuzoi t'i përgjigjej duke iu drejtuar që t'i drejtohet me shkresë insitucionit. 

Në debat u përdshi dhje kryetari i Komisionit të Sigurisë, Nasip Naço i cili kërkoi të vihet qetësi. Ndërkohë deputeti Noka ironizoi ministren duke u shprehyur se me urdhër të Skëndërbeut (kryeministrit Rama) por urdhëron Naçon.

DEBATI:

Spiropali: Nuk janë dëmtuar të dhënat.

Noka: Lëre propagandën o zonjë

Spiropali: Ne do kemi mbështetjen e aleatëve tanë siç dhe kanë premtuar. 

Noka: Janë paguar 195 milion euro nga taksat e qytetarëve për të ndërtuar sistemin dixhitaL të mbroijtjes së të dhënave. A mund të na thone se cilat janë kompani që me tendera sekret u keni dhënë mbrojtjen e sistemeve. Kush janë kompanitë? Pse janë paguar 195 milion euro, se dhe shtete me të fuqishme se ne nuk kanë shpenzuar kaq për sistemet.

Spiropali: Kur nisi sulmi..

Noka: Lëri këto por përgjigju. Këtu duan shqiptarët.

Spiropali: Nëse do informacion për kompanitë, deputetët kanë të drejtë të bëjnë kërkesë dhe do merrni gjithë informacionin e nevojshëm. Për të mbërritur në nivelin e ri dhe pse ne kemi marrë gjithë analizën e sulmit, se sot sistemet nuk janë të rrënuara por janë në këmbë. Nuk të them emrat e kompanineve siç bëni ju.

Noka: O zonjë kush janë këto kompani që kanë marrë miliona euro për mbrojtjen e sistemeve. 

Spiropali: O kryetar a do vësh pak qetësi se u bë...

Noka: Zonjë jam duke të bërë pyetje...

Spiropali: Kur ne jemi në një luftë, në një luftë kibernetike ju vini këtu dhe bëni shoëë. Kërkoj ndërhyrjen e kryetarit që të vihet rregull. Ju nuk keni lidhje me sigurinë

Noka: Ministrja me urdhër të Skëndërbeut po urdhëron kryetarin.

Spiropali: Lëri fyerjet

Noka: Janë dhe 5 milion euro tek doganat, lutju zotit për Skëndërbeun

Komisioni i Sigurisë Kombëtare

TIRANË- Është zhvilluar me debate të forta mbledhja e Komisionit të Sigurisë ku po diskutohet projektligji për dekorimet.

Deputeti i Partisë Demokratike Ferdinant Xhaferraj është përplasur me deputetët socialistë në Komisionin për Sigurinë Kombëtare lidhur me praninë e kreut të Kadastrës Artan Lame në mbledhjen e sotme. Projektligji parashikon që dekoratat t’i kalojnë si kompetencë kryeministrit. Deputetët e Partisë Demokratike, e cilësojnë këtë shqyrtimin si cenim të presidentit të Republikës.

Xhaferraj u shpreh se korrupsioni në Kadastra sot përbën kërcënim për sigurinë kombëtare. Nga ana tjetër ministrja e Shtetit për Marrëdhëniet me Parlamentin, Elis Spiropali deklaroi se Lame është pjesë e grupit të punës së caktuar nga kryeministri për titujt e nderit.

Ferdinant Xhaferraj: Zoti Lame duhet të lërë zyrën sepse korrupsioni në Kadastra përbën kërcënim për sigurinë kombëtare. Duhet të lënë këtë zyrë. Përbën kërcënim për sigurinë kombëtare.

Elisa Spiropali: Të respektohet rregullorja, e Sqarova deputetin që kryeministri ka ngritur një grup pune për këtë projektligj për titujt e nderit. Dhe zoti Lame është një nga ekspertët. Opinionet tuaja ju mund t’I bëni publike por ju lutem respektoni faktin që jeni në komisionin e sigurisë. Nëse doni t’iu vëmë në dispozicion botimet e Lames në këtë fushë mund ta bëjmë edhe këtë. Pas këtij diskutimi, Xhaferraj mori sërish fjalën duke lënë sallën me argumentin se për projektligjin e dekoratave nuk ka asnjë përfaqësues nga Presidenca por vetëm nga Kadastra.

Ferdinant Xhaferraj: Ky projektligj nuk ka asgjë emergjente dhe momentalisht na krijon vakum. Ky projektligj duhet të kthehet dhe ne s’kemi përfaqësues nga Presidenca po nga kadastra dhe prandaj do e lë.

Artan Lame: Më vjen keq që nuk janë zoti Xhaferri dhe Noka jo për debat po se desha të sqaroj diçka që do tërhiqeshin. I vetmi njeri që më ka dekoruar ka qenë Nishani, në vitin 2012, unë jam krenar. Po a dija që do bëhej kështu mbledhja do e kisha vënë në qafë.

Kalimin e kësaj kompetence te kryeministri ka nxitur edhe reagimin e deputetit demokrat, Ervin Salianji i cili u shpreh se ky kalim shërben për politizim dhe se dekoratat do të përdoren për të blerë vota.

Elisa Spiropali dhe Artan Lame

TIRANË- Komisioni i Sigurisë diskutoi ditën e sotme shqyrtimin e dy projektligjeve, ndërsa nuk munguan tensionet çka solli dhe braktisje të sallës. Deputeti i Partisë Demokratike, Ferdinand Xhaferraj debatoi me socialistët në Komisionin për Sigurinë Kombëtare lidhur me praninë e kreut të Kadastrës Artan Lame në mbledhje.

Sipas Xhaferrajt, korrupsioni në Kadastra duhet cilësuar si kërcenim serioz për sigurinë kombëtare. Ministrja e Shtetit për Marrëdhëniet me Parlamentin, Elisa Spiropali deklaroi se Lame ishte aty si ekspert, por dhe si pjesë e grupit të punës, i caktuar nga kryeministri Edi Rama. 

PJESË NGA BISEDA: 

Xhaferraj: Nuk ka punë drejtori i legalizimeve për dekoratat
Spiropali: Ai është pjesë e një grupi pune për këtë çështje. Është në cilësinë e këtij grupi pune të firmosur.
Xhaferraj: Të lutem shumë kryetar, zoti Lame nuk duhet që të jetë këtu. Ai është cënimi i sigurisë kombëtare.
Naso: E para, nuk je as mbret dhe as xhandar. Ke një vend këtu, respekto të tjerët. Si deputet për fyerje përgjigjes si gjithë të tjerët. Të lutem.
Xhaferraj: Nuk bëjmë llogari votash se i vidhni ju. Ku e gjeti cilësinë e ekspertit drejtori i Kadastrës?
Naso: Unë e di që ka bërë libra e të tjera, ti jap atë që i takon, të paktën në këtë fushë meriton respekt.