Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Megaoperacion në Korçë, shkatërrohet grupi kriminal. • 23 persona janë vendosur në prangat e Policisë së Shtetit, ndërkohë që të tjerë janë shpallur në kërkim. • Pas operacionit të parë ‘Knock Doën’, sot është finalizuar pjesë e dytë të goditjes, ku në pranga ka përfunduar edhe kreu i grupit, Rreli Nazifi (Aurel Telhai).• Grupi merrte drogë nga Tirana, Fieri, Elbasani dhe Durrësi, për ta shitur më pas me doza më të vogla në Korçë. • Veç të arrestuarve, janë gjetur dhe sekuestruar: 700 gramë kokainë e ndarë në doza; 1 kilogramë kanabis e ndarë në doza; - 100 gramë heroinë e ndarë në doza; një sasi metadoni dhe prekusori; 1 armë zjarri tip pistoletë me silenciator; 38 automjete; 30 aparate celular; 5 peshore elektronike; 1 radio policie; një sasi rreth 50 milionë lekë në euro, dollarë dhe paund dhe dokumente të ndryshme identifikimi të dyshuara të falsifikuara për shtetas të ndryshëm. • Në aksionin e parë u arrestuan 24 persona, ndërsa 6 u shpallën në kërkim. • Ndërkohë që aksioni vazhdon sërish për të kapur ata që ende nuk kanë përfunduar në pranga.
3 artikuj për këtë temë.
KORÇË- Janë publikuar pamjet nga megaoperacioni i policisë në Korçës, ku u shkatërrua një grup kriminal i prodhimit dhe shpërndarjes së lëndëve narkotike në qytetin juglindor të vendit.
Në gati 3 minuta video ku janë dokumentuar momentet kur Policia ka shkuar për kontrolle dhe ka gjetur edhe lëndë narkotike por ajo që bie në sy është se bëhet fjalë për doza shumë të vogla, gati për shitje. Ndërkohë që nuk mungojnë edhe paratë e sekuestruara, që sipas Policisë së Shtetit përllogariten deri në 50 milionë lekë të vjetra.
KORÇË- Detaje të reja janë mësuar lidhur me megaoperacionin e zhvilluar në Korçë, ku 23 persona u arrestuan. Burime për Dosja.al bëjnë me dije se në pranga ka përfunduar edhe Rreli Nazifi (Aurel Telhai), i cili konsiderohet si kreu i grupit kriminal të shpërndarjes dhe shitjes së drogës në Korçë. Mendohet se ai negocionte me grupet e tjera ku blinte mallin dhe më pas e shpërndante në Korçë dhe në rrethina.
KORÇË- Një grup i strukturuar kriminal në fushën e prodhimit dhe shitjeve të drogës është shkatërruar nga policia e Korçës, nga ku 23 persona kanë përfunduar në prangat e Policisë së Shtetit, ndërkohë që të tjerë janë shpallur në kërkim. Në kuadër të operacionit ‘Knock Down’ janë gjetur dhe sekuestruar 50 milionë lekë, 38 makina dhe drogë të llojeve të ndryshme: 1 kilogramë kanabis e ndarë në doza; 100 gramë heroinë e ndarë në doza; një sasi metadoni dhe prekusori.
Emrat e të prangosurve Policia nuk i ka bërë me dije, por vetëm inicialet e tyre, ndaj konkretisht janë arrestuar: R. M., 31 vjeç; E.Ç., 33 vjeç; M. T., 30 vjeç; P. K., 32 vjeç; K.N 22 vjeç., L. S., 32 vjeç; J. Xh., 26 vjeç; D. G., 35 vjeç; M. S., 24 vjeç; E. R., 44 vjeç; A. T., 45 vjeç; B. M; 18 vjeç; R. A 18 vjeç; L. S., 18 vjeç; E. H., 21 vjeç; A. B., 19 vjeç; K. S., 21 vjeç; I. P., 28 vjeç; D. Z., 36 vjeç; D. S., 22 vjeç; R.T., 37 vjeç; V. H., 28 vjeç, banues në Korçë dhe A. O., 35 vjeç, banues në Pogradec.
Ndërkohë që në kërkim janë shpallur 9 persona, për të cilët po punohet për t'i vendosur gjithashtu në prangat e Policisë së Shtetit. Në një konferencë për shtyp, u bë me dije se droga që shpërndahej në Korçë dhe në Pogradec, e siguronin nga vende si: Tiranë, Fier, Durrës dhe Elbasan. Më pas, i shpërndanin për llogari të tyre me doza më të vogla.
Njoftimi i plotë:
Korçë – Drejtori i Drejtorisë Vendore të Policisë Korçë Drejtues i Parë Gjovalin Loka, së bashku me Prokurorin e Rrethit Gjyqësor Korçë Z. Olger Eminaj, konferencë për shtyp për finalizimin e fazës së dytë të megaoperacionit antidrogë të koduar “Knock Doën 2”. Drejtoria Vendore e Policisë Korçë, një vit më parë në bashkëpunim me Prokurorinë pranë Gjykatës së Rrethit Gjyqësor Korçë, bazuar në inteligjencën informative për disa grupe kriminale që ushtronin aktivitetin e tyre kriminal në fushën e prodhimit dhe shitjes së narkotikëve, bazuar dhe në provat e siguruara kanë regjistruar procedimin penal për këtë qëllim.
Bazuar në provat e sigurura gjatë hetimit proaktiv të regjistruar, sot më datë 28.10.2022, u finalizua faza e dytë e megaopercionit policor të koduar “Knock Doën 2”, në kuadër të të cilit u bë ekzekutimi i dhjetra masave të lëshuara nga Gjykata e Rrethit Gjyqësor Korçë. Gjatë fazës së dytë, nga Gjykata janë lëshuar 32 masa sigurie, nga të cilat ditën e sotme strukturat hetimore në bashkëpunim me forcat “Shqiponja” dhe strukturat e rendit në DVP Korçë kanë ekzekutruar 23 masa sigurie “Arrest në burg”, ndërsa 9 persona janë shpallur në kërkim, e konkretisht:
R. M., 31 vjeç; E.Ç., 33 vjeç; M. T., 30 vjeç; P. K., 32 vjeç; K.N 22 vjeç., L. S., 32 vjeç; J. Xh., 26 vjeç; D. G., 35 vjeç; M. S., 24 vjeç; E. R., 44 vjeç; A. T., 45 vjeç; B. M; 18 vjeç; R. A 18 vjeç; L. S., 18 vjeç; E. H., 21 vjeç; A. B., 19 vjeç; K. S., 21 vjeç; I. P., 28 vjeç; D. Z., 36 vjeç; D. S., 22 vjeç; R.T., 37 vjeç; V. H., 28 vjeç, banues në Korçë dhe A. O., 35 vjeç, banues në Pogradec.
Janë shpallur në kërkim 9 shtetas dhe po punohet për lokalizimin dhe kapjen e tyre.
Në të dyja fazat e operacionit janë sekuestruar në cilësinë e provës materiale:
– 700 gramë kokainë e ndarë në doza;
– 1 kilogramë kanabis e ndarë në doza;
– 100 gramë heroinë e ndarë në doza;
– një sasi metadoni dhe prekusori;
– 1 armë zjarri tip pistoletë me silenciator;
– 38 automjete;
– 30 aparate celular;
– 5 peshore elektronike;
– 1 radio policie;
– një sasi rreth 50 milionë lekë në euro, dollarë dhe paund;
– dokumente të ndryshme identifikimi të dyshuara të falsifikuara për shtetas të ndryshëm.
Në kuadër të të dy fazave të operacionit, janë proceduar penalisht 197 persona, nga të cilët 54 janë arrestuar, 16 janë shpallur në kërkim dhe vijon hetimi për 127 persona të tjerë. Nga hetimet ka rezultuar se personat e mësipërm, vepronin në formën e grupeve të strukturuara kriminale, të cilët siguronin nga rrethet Tiranë, Fier, Durrës dhe Elbasan droga të forta, kokainë e heroinë, si dhe cannabis dhe i shpërndanin në qytetin e Korçës. Në vijim të këtij operacioni vijon puna operative-gjurmuese e proceduriale për dokumentimin ligjor të veprimtarisë kriminale në ngarkim të shumë personave të tjerë të implikuar në këtë lloj veprimtarie kriminale, për të cilët priten arrestime në ditët në vijim.
Po në kuadër të këtij procedimi në bashkëpunim me Departamentin e Policisë Kriminale dhe Drejtoritë Vendore të Policisë Tiranë, Elbasan, Durrës e Fier, nën drejtimin e Prokurorisë së Rrethit Gjyqësor Korçë po bashkërendohet puna për kapjen dhe vënien përpara përgjegjësisë ligjore të personave të tjerë të përfshirë në këtë aktivitet kriminal. Theksojmë faktin, se strukturat hetimore të Drejtorisë Vendore të Policisë Korçë në bashkëpunim me Prokurorinë pranë Gjykatës së Rrethit Gjyqësor Korçë, janë duke punuar për finalizminin e një sërë procedimeve penale që aktualisht janë në ndjekje për goditjen e veprimtarisë kriminale në këtë qark. Sigurojmë qytetarët se Shërbimet e Policisë që operojnë në qarkun Korçë, janë tërësisht të angazhuara për të parandaluar, evidentuar dhe goditur paligjshmërinë në cilëndo fushë që ajo shfaqet, krimin në përgjithshësi dhe krimin e organizuar në veçanti dhe në këtë kuadër ftojmë qytetarët që të bashkëpunojnë akoma më shumë me Policinë, pasi bashkarisht ndërtojmë një të ardhme më të sigurt”.
