Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Pas një beteje 3-vjeçare për transparencë mes BIRN Albania dhe Komisionit të Pavarur të Kualifikimit, Gjykata e Lartë vendosi të lërë në fuqi vendimin që detyron institucionin e vetingut që të bëjë publik emrin e sponsorit të vet privat.
TIRANA- Gjykata e Lartë vendosi të mërkurën që të lërë në fuqi një vendim të Gjykatës Administrative të Apelit, që e detyron Komisionin e Pavarur të Kualifikimit që të publikojë emrin e sponsorit privat që financoi një aktivitet të komisionerëve të vetingut në resortin luksoz “Marina Bay” në Vlorë.
Vendimi u mor nga trupa e Kolegjit Administrativ, e drejtuar nga relatori Sokol Sadushi dhe me anëtarë Sokol Ngresi dhe Gentian Medja. Ai i jep fund betejës 3-vjeçare të BIRN Albania me Komisionin e Pavarur të Kualifikimit, i cili refuzonte në kundërshtim me ligjin “Për të drejtën e informimit” që të vinte në dispozicion emrin e kompanisë private që pagoi faturat e akomodimit dhe ushqimit për 12 komisionerët e KPK-së dhe tre anëtarët e stafit gjatë aktivitetit në Vlorë.
Komisioni i Pavarur i Kualifikimit zgjodhi resortin luksoz “Marina Bay” në bregdetin e Vlorës si destinacion për të zhvilluar një analizë 4-vjeçare të punës në shtator të vitit 2021. Aktiviteti u zhvillua me 30 shtator, por 12 komisionerët e KPK-së dhe tre pjestarë të stafit u akomoduan në hotel për dy netë fjetje falë ‘bujarisë’ së një kompanie private që mbuloi shpenzimet për akomodimin, ushqimin, qiranë e sallës së konferencave dhe kostot e tjera të aktivitetit.
Komisioni i Pavarur i Kualifikimit është institucion kushtetues, i krijuar në kuadër të Reformës në Drejtësi për vetingun e gjyqtarëve dhe prokurorëve me qëllim final rikthimin e besimit të publikut te drejtësia. Përgjatë mandatit të tij, qindra magjistratë kanë dhënë llogari përballë KPK-së dhe janë penalizuar me shkarkim për dhuratat apo sponsorizimet e përfituara nga personat e tretë, të cilat janë vlerësuar në dritën e konfliktit të mundshëm apo në dukje të interesit. Vetë anëtarët e KPK-së refuzuan t’i nënshtrohen të njëjtit standard.
Saga gjyqësore për transparencë nisi me një kërkesë për të drejtë informimi të BIRN dhe një vendim të Komisionerit për të Drejtën e Informimit të 7 dhjetorit 2021, që e urdhëronte KPK-në të vendoste në dispozicion të BIRN një kopje të plotë të marrëveshjes së sponsorizimit. KPK refuzoi ta zbatonte vendimin e Komisionerit për të Drejtën e Informimit dhe e sfidoi atë në Gjykatën Administrative të Tiranës, ku mori një vendim në favor. Në padinë e vet, Komisioni pretendoi se bërja publike e sponsorit do të cënonte sigurinë kombëtare, procesin e vetingut si dhe imazhin e KPK- së dhe të partnerëve ndërkombëtarë.
Vendimi i Shkallës së Parë u rrëzua si i pabazuar nga Apeli Administrativ që theksoi se respektimi i klauzolave konfidenciale kontraktore nuk duket se përbën kufizim të parashikuar në marrëveshjen e sponsorizimit, por është interpretuar më pas si i tillë nga Komisioni. Megjithëse vendimi i Apelit Administrativ është i formës së prerë, KPK refuzoi ta ekzekutonte dhe iu drejtua Gjykatës së Lartë me rekurs, por që u rrëzua të mërkurën si i pabazuar duke lënë në fuqi vendimarrjen për transparencë.
Më parë, Komisioni kërkoi në Gjykatën e Lartë pezullimin e ekzekutimit të vendimarrjes së Apelit Administrativ. Më 27 maj, Gjykata e Lartë i rrëzoi pretendimet për ekzistencën e një dëmi të menjëhershëm dhe të pariparueshëm që mund të passillte ezkekutimi vendimit të formës së prerë të Apelit, duke çmuar se ishin hipotetike dhe pa ndonjë argument ligjor./ BIRN
Foto ilustruese SHKODRA- Një tragjedi është shmangur në Shkodër, ku një 27-vjeçare tentoi të hidhej në ...
foto ilustruese TIRANË- Autoriteti Kombëtar i Ushqimit (AKU) ka reaguar ditën e sotme lidhur me rastin e tregtimit të akulloreve t...
Foto ilustruese VLORA- Me të konstatuar dëmtimit e trafikndarëseve dhe ngritjes së kioskave në akset rrugore me fluks turistik n&e...
pamje nga vendngjarja VLORË- Disa dyqane u përfshinë nga flakët këtë mbasdite në fshatin Nartë të Vlorës....
Foto ilustruese SHKODRA- Të tjera detaje kanë dalë lidhur me ngjarjen e cila u parandalua nga policia e Shkodrës, teksa një n...
Alma Arrazi me fëmijët SHKODËR- Ngjarja e mbrëmjes së 2 prillit ku Alma Arrazi dhe 3 fëmijët e saj të mitur dyshohe...
Foto Ilustruese SHKODËR- Një tragjedi tjetër është parandaluar ditën e sotme në Shkodër. Një 27-vje&cced...
Foto ilustruese TIRANA- GJKKO ka pranuar kërkesën e SPAK për të dërguar për gjykim çështjen e Bruno Ç...
Foto Ilustruese VLORË- Një vatër zjarri ka rënë ditën e sotme në qendër të Nartës në Vlorë...
Tefik Tashi ELBASAN- Gjykata e Elbasanit ka dënuar me burgim të përjetshëm Tefik Tashin për vrasjen e kunatës së ti...
