Atentat në Memaliaj/ Qëllohet me breshëri plumbash avokati për çështje pronash, arrestohet autori (EMRAT)
Atentati ndaj avokatit në Memaliaj/ Reagon policia: Autori qëlloi në ajër për t'i kanosur, sekuestrohet arma e për...
Atentati ndaj avokatit në Memaliaj/ Reagon policia: Autori qëlloi në ajër për t'i kanosur, sekuestrohet arma e për...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Duke folur pas takimit për mediat një nga pedagogët u shpreh se ata kanë këndvështrime të kundërta me ministrinë ndërsa shtuan se protesta e datës 5 tetor e paralajmëruar nga ana e tyre nuk do të anulohet.
TIRANË- Pedagogët të cilët protestojnë prej javësh duket se nuk kanë arritur dakortësi me ministren e Arsimit dhe Sportit sa i përket rritjes së pagave. Në një takim që zgjati më shumë se tre orë në zyrën e ministres duket se palët nuk e kanë gjetur gjuhën e përbashkët sa i përket pikave dhe çështjeve të ngritura.
Duke folur pas takimit për mediat një nga pedagogët u shpreh se ata kanë këndvështrime të kundërta me ministrinë ndërsa shtuan se protesta e datës 5 tetor e paralajmëruar nga ana e tyre nuk do të anulohet.
“Në momentin që di kuptohet që synimi i kërkesave tona është synimi për një arsim të lartë cilësor, që studentët të studiojnë në Shqipëri. Ne në kërkesat tona kamë qenë minimaliste, megjithëse ministria pre. Jemi në pritje të një feedback për kërkesat që ramë dakord me ministrinë. Nuk mbettë gjë tjetër veçse të vazhdojmë protestat, protesta e 5 tetorit nuk anulohet. Për rritjen e pagës nuk është arritur një dakordësi. 180 euro ministrisë i duket hataje, ne 200 euro na duket tallje. Ramë dakord në lidhje me transparencën te U-transprenca të shpenzimeve të universiteteve. Premtoi që do u kërkojë universiteteve me shkresë që qytetarët të kenë njohuri sesi shpenzohen paratë publike. Për pikën në lidhje me doktoraturat, me kushte për të marrë titullin profesor. Mund të rregullohet se është një non sens. Ramë dakord për një rikonceptim të orës mësimore. U ra dakord që do analizohet në tërësi që të mund të vihet një koeficient. 23% që i është vënë për tatim. Ministrja tha se do rakordohej me rektoratet”, tha pedagogu.
Ndërkohë me anë të një postimi në rrjetet sociale ministrja Evis Kushi shkruan se bisedat për rritjen e pagave do të vijojnë por që aktialisht kanë të tjera prioritete në proces draftimi.
"Zhvilluam sot një tryezë diskutimi të gjatë me Sindikatën e Punonjësve të Universiteteve të Shqipërisë në lidhje me kërkesat e parashtruara prej tyre.
Pjesën më të madhe të çështjeve të parashtruara e kemi tashmë në proces draftimi edhe me Komitetin e Përbashkët të Politikave për Arsimin e Lartë dhe Konferencën e Rektorëve, të tilla si:
- mbështetja e kërkimit shkencor, e cila do të reflektohet edhe në Strategjinë e re Kombëtare të Shkencës, Teknologjisë dhe Inovacionit;
- rishikimi i udhëzimit për veprimtarinë dhe ngarkesën mësimore të pedagogëve;
- rishikimi i procedurave për pagesën e orëve suplementare;
- rishikimi i kritereve për marrjen e titujve akademike;
- si dhe rritja e transparencës për veprimtarinë akademike dhe financiare të universiteteve.
Ndërkohë, do të vazhdojmë dialogun për politikën e pagave jo vetëm me ta, por edhe me rektorët euniversiteteve dhe grupet e interesit. Ne synojmë që kjo politikë të lidhet me performancën e universiteteve, me qëllim vlerësimin e suksesit dhe nxitjen e cilësisë dhe konkurrencës", shkruan Kushi.
Pas reagimit të ministres Evis Kushi ka reaguar dhe kreu i Partisë Demokratike, Sali Berisha i cili e ka cilësuar dështimin e një marrëveshjeje mes pedagogëve dhe ministres si një akt cinik të kryeministrit Edi Rama. Berisha shkruan se ofron mbështetjen e plotë për pedogogët dhe protestën e tyre të thirrur në datën 5 tetor të cilën Berisha e cilësoi dhe si një ditë greve të përgjithshme. Ende nuk dihet nëse opozita do të marrë pjesë duke marrë parasysh edhe thirrjen e fundit të kreut të selisë Blu nga foltorja e Kuvendit i cili, bëri thirrje për greva dhe protesta në të gjithë vendin.
"Qëndrim cinik i Edi Ramës ndaj pedagogëve të universiteteve! Zonja Kushi me porosi të Ramës sillet si zonja Askushi! Ajo, në emër të Edit, refuzon kërkesat minimaliste të pedagogëve për pagat dhe kushtet e tjera minimale për universitetet. Pedagogët shpallin 5 tetorin ditën e grevës së përgjithshme! Mbështetje të plotë pedagogëve grevistë! Dënim qëndrimit cinik të Edi Ramës", shkruan Berisha.
Pagat e pedagogëve dhe kërkesat e studentëve për mbështetje me një fond mujor prej 100 euro, ishin dy nga temat e nxehta që përfshinë në debat opozitën dhje mazhorancën në parlament të enjten. Deputetët e opozitës gjatë seancës në Kuvend u "kujdesen" që t'i kujtojnë ministres Kushi se pedagogët dhe studentët janë lënë pa mbështetje. Nga ana tjetër Kushi u mbrojt duke thënë se në lidhje me pagat e pedagogëve kanë nisur diskutimet me rektorët që në muajin gusht.
“Në datën 22 Gusht, në Ministrinë e Arsimit, ne kemi zhvilluar një takim me rektorët dhe administratorët e universiteteve, madje bashkë me ministren e Financave pikërisht për çështjen e pagave të pedagogëve, por edhe për çështje të tjera financiare. Çfarë vendime do marrim nuk mund ta them që tani, e rëndësishme është që ne e kemi këtë çështje në vëmendje, e konsiderojmë shumë të rëndësishme në varësi të shumë faktorëve që lidhen me situatën ekonomike, sigurisht do kemi dhe një vendimmarrje”, tha Kushi në Kuvend.
Pedagogët kërkojnë në veçanti rishikimin e pagës së tyre. Sipas tyre, prej vitit 2004 për këtë kategori nuk janë rritur pagat dhe as janë indeksuar sipas inflacionit. Ata kërkojnë edhe rritje të buxhetit për kërkimin shkencor, si dhe rritje të pagës për orët suplementare. Ata në protestat e mbajtura më parë kanë paraqitur dhe kërkesat e tyre ndaj kryeministrit dhe qeverisë. Nga ana e tij kryeministri Rama është shprehur se nuk pranon ultimatume dhe se gjërat duhet të zgjidhgen me dialog. Kujtojmë se dhe studentët kanë dalë në protestë ku kërkojnë kushte më të mira dhe një bonus nga qeveria për të përballuar çmimet e larta dhe kostot e larta të jetëses.
Foto ilustruese TIRANË- Fitim Marku është mjeku që u arrestua sot tek Trauma. Deri më tani është bërë me dije ...
Vodafone Është e premte, pragu i ëmbël i fundjavës, kur çdonjëri prej nesh nis e bën plane, në mos për ...
Efektivët tek Trauma TIRANË- Një mjek është vënë në praga pasi akuzohet për korrupsion. Mësohet se arrest...
Policia italiane ITALI- Një rrjet kriminal i shpërndarjes së drogës është zbuluar në Itali. Policia, pranë zon...
Foto ilustruese TIRANË- Dy persona janë vënë në pranga të policisë për veprën penale të vjedhjes....
Prokuroria e Durrësit DURRËS- Prokuroria e Durrësit ka vënë nën sekuestro pasuritë e Klejdi Abdylit dhe familjarëve...
droga e kapur GREQI- Një bllokim është vendosur në rrugën nacionale Athinë-Selanik, në lartësinë e rrugës...
Muhamet Rrumbullaku TIRANË- Drejtori i Përgjithshëm i Policisë së Shtetit, Muhamet Rrumbullaku, ka komentuar për mediat ...
Faruk Ozer TURQI- Në Stamboll u mbajt seanca e tretë e çështjes në ngarkim të Faruk Ozer, i cili u arrestua pak ditë m...
Foto ilustruese Televizionet në Shqipëri realizuan të ardhura totale prej 5.7 miliardë lekësh [afërsisht 48 milionë euro...