Mashtrime në call-centera, policia spanjolle aksion në Shqipëri, kontrolle në Elbasan, Vlorë e Tiranë, ka të shoqëruar

Pamje nga brenda godinës

ELBASAN- Dalin pamjet nga ajo që la pas aksioni i Policisë spanjolle dhe efektivëve të forcave "Shqiponja" brenda një call centre në Elbasan. Siç edhe duket nga pamjet e siguruara nga Report Tv, në tokë janë thyer xhama, si shenja kontrolleve, ndërkohë që e gjithë godina është izoluar. Deri më tani janë sekuestruar servera dhe dokumente të këtyre kompanive që dyshohet se me dhjetera qytetarë të shteteve të huaja.

Call centera-t janë identifikuar nëpërmjet IP-ve. Burimet thanë se prej disa muajsh SPAK ka marrë letër-porosi të dërguara nga Gjermania, Italia dhe Spanja, të cilat raportojnë një numër të madh të qytetarëve të tyre të mashtruar për investime në bursa fiktive apo edhe në kriptomonedha.

Foto ilustruese

TIRANË- Operacioni i zhvilluar sot në bashkëpunim mes policisë shqiptare dhe asaj spanjolle, pas Elbasanit dhe Vlorës, tashmë ka ardhur edhe në Tiranës. Kontrolle janë ushtruar në një godinë në “Komunën e Parisit” në Tiranë, por ka pasur kontrolle në zonën e Liqenit të Thatë, pasi mendohet se disa persona janë shpallur në kërkim. Por ende nuk ka asnjë emër dhe detaje për operacionin që po zhvillohet e kush është personi që po kërkohet në Shqipëri.

operacioni per call-centera

ELBASAN-Operacioni blic i zhvilluar sot në Elbasan nga prokuroria e Tiranës dhe ajo spanjolle, për goditjen aktiviteteve të paligjshme të call-center, është zgjeruara edhe në dy qytete të tjera, përkatësisht Tiranë dhe Vlorë.

Mësohet se në kuadër të këtij operacioni janë shoqëruar disa persona, ndërsa janë sekuestruar kompjuterë, servera dhe dokumenta të disa kompanive që dyshohet se mashtronin shtetas të huaj me metodën e call-center online. Gjithashtu nga hetimet e deritanishme, mësohet se operacioni ka nisur nga denoncimet e bëra nga shtetasit spanjollë të cilët kanë rënë pre e mashtrimeve nga operatorët dhe punonjësit e këtyre kompanive dhe u janë vjedhur shuma të mëdha parash. Bëhet fjalë për dhjetëra milionë euro. 

Organi i posaçëm i akuzës ka vënë në zbatimin shumicën e urdhër-arresteve në kuadër të këtij operacioni, por për asrye hetimore nuk janë zbuluar ende emrat e të arrestuarve. Pritet që SPAK apo policia e shtetit të dalë me një njoftim zyrtar për të dhënë më shumë detaje lidhur me këtë operacion dhe personat e vënë në pranga./Dosja.al

Artan Hoxha

TIRANË- Gazetari investigativ, Artan Hoxha ka dhënë detaje nga operacioni i policisë spanjolle, forcat Shqiponja dhe Policinë në ambientet e një call centeri në Elbasan. I ftuar ditën e sotme në 'Abcnews', Hoxha u shpreh se këto call center kanë mashtruar qytetarë të shumtë të vendeve të BE-së, ndërsa shtoi se këto biznese kanë qënë burimet kryesore të policëve të korruptuar në Shqipëri. Po ashtu, ai shton se policia spanjolle nuk ka pasur besim tek autoritetet shqiptare, ndaj ka ndërmarrë këtë aksion vetë. 

“Këto Call Centera që mashtronin qytetarët e vendeve të BE-së për gjoja investime ne bursa kanë patur të ardhura të jashtëzakonshme duke korruptuar policinë. Call Centerat dhe paratë e basteve të Ervis Martinajt ishin burimet kryesore të policëve të korruptuar në Shqipëri. Ata mashtronin qytetarë nga Gjermania, Anglia, Zvicra, Spanja, etj., policët spanjollë nuk kanë patur besim te policia jonë dhe prandaj kanë ardhur vetë. Dihej që puna do të shkonte deri këtu pasi shumat e humbura nga qyetarët e Spanjës ishin të mëdha. Spanjollët kanë identifikuar përmes internetit se nga cila pikë Call Centeri ishin mashtruar qytetarët e tyre”. Rol kryesor kanë patur izraelitë nga vende të ish-Bashkimit Sovjetik“.

Operacioni i policisë spanjolle, sipas Hoxhës, tregon se ata kanë mosbesim tek policia shqiptare ndaj janë detyruar që të vijnë vetë në Shqipëri.

“Policia spanjolle sot bëri kërkime në një call center në Elbasan. Një nga të ardhurat kryesore për të korruptuar policinë vjen për shkak të call centera ve ilegalë. Në fillim në Shqipëria erdhën gjermanet, amerikanët sepse qytetarët e tyre po mashtroheshin nga call center në Shqipëri. Operacioni i sotëm i organizuar nga policia spanjolle, ka identifikuar saktësisht se ku është objekit që ka mashtruar qytetarët spanjollë, që kanë humbur shifra marramendëse nga mashtrimet e call center. Operatorët nuk kanë faj. Objekti i operacioneve nuk janë operatorët por drejtuesit. Është një operacion i radhës. Kjo dëshmon se sa porozë jemi bërë për policitë e BE-së. Ata kanë mosbesim te ne, sa që janë detyruar të vijnë vetë këtu. Sot pamë një skuadër të plot të gardës civile spanjolle, e cila po kryente operacion në zemër të shqipërisë. Ky operacion në vazhdën e një serie operacionesh”,- shtoi gazetari.

Policia spanjolle

ELBASAN- Zbardhen detaje nga operacioni i zhvilluar ditën e sotme në Elbasan nga policia shqiptare në bashkëpunim me atë spanjolle. Autoritetet kanë kryer kontrolle në një qendër tregtare ku dyshohej se kryhej aktiivitet i paligjshëm i call-center. Në subjekt nuk kishte persona, e për këtë arsye policia është detyruar të thyejë derën e xhamit, për të kryer kontrolle të imtësishme.

Në qendër tregtare janë gjetur kompjuterë, të cilët janë sekuestruar dhe do të ekzaminihen për të zbardhur dyshimet mbi aktivitetin e paligjshëm të call-centerave. Operacioni është kryesuar nga Prokuroria e Tiranës në bashkëpunim me kolegët spanjollë. Ndërsa nuk është bërë ende me dije nëse objektivi ka qenë aktiviteti i mundshëm i paligjshëm apo nëse në ambientet e qendrës tregtare fshihet ndonjë person në kërkim. Policia pritet të zbardhë detaje përmes një njoftimi zyrtar./ Dosja.al