"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Arrestohet gjyqtarja e Elbasanit, Zamira Vyshkaj. •Me urdhër të SPAK u zhvillua mëngjesin e sotëm operacioni në disa banesa në Elbasan, pasi dyshohej për korrupsion në sistemin e drejtësisë. •Pas kontrolleve SPAK ka bërë me dije se tre persona kanë rënë në prangat e policisë, ndërkohë për dy të tjerë është dhënë masa “arrest shtëpie”, pasi akuzohen për korrupsion. •Ilir Pashaj me detyrë avokat si dhe personat: Taulant Ramollari dhe Xhulio Musaj janë arrestuar, ndërkohë është dhënë masa “Arrest në shtëpi” për gjyqtaren Zamira Vyshkaj. •Pashaj dhe Vyshkaj kishin marrë një shumë prej 4 milionë lekësh të reja nga familjarët e një prej të arrestuarve me qëllim favorizimin në caktimin e masës së dënimit. • I dënuari është Xhulio Musaj, i arrestuar në vitin 2019 pasi ishte i përfshirë në vjedhjen e një makine. •Negociatori ishte Ilir Pashaj, ish gjyqtari i cili u tërhoq nga Vettingu.•KLGJ pritet të mblidhet për të bërë pezullimin e nga detyra të gjyqtares Zamira Vyshkaj
7 artikuj për këtë temë.
ELBASAN- Gjyqtarja e Elbasanit, Zamira Vyshkja, për të cilën GJKKO vendosi masën e arrestit të shtëpisë, sw bashku me avokatin Ilir Pashaj dyshohet se kanë marrë 4 milionë lekë për ndryshimin e masës së dënimit për Xhulio Musain, i cili ka qenë i arrestuar për plagosje.
Familjarët kanë tentuar të korruptojnë gjyqtaren, nëpërmjet avokatit të tyre mbrojtës Ilir Pashaj, për shumën e 2 milionë lekëve por, pas takimit me gjyqtaren, sipas SPAK ajo ka kërkuar më shumë para.
Vyshkja do të përballet me masën e arrestit të shtëpisë nën akuzën e korrupsionit. Përveç saj SPAK ka kërkuar arrest me burg për avokatin Ilir Pashaj, dhe për shtetasit Taulant Ramollari, Xhulio Musaj. Ndërkohë që familjari i një të dënuari do të përballet po ashtu me masën e arrestit të shtëpisë.
TIRANË- Detaje të reja kanë dalë në dritë nga urdhër arrestet e lëshuara nga SPAK ditën e sotme ku arrestuan gjyqtarja e Elbasanit Zamira Vyshka dhe avokati Ilir Pashaj.
Avokati i arrestuar, Ilir Pashaj para 4 vitesh ka qenë gjyqtar në Elbasan. Ai dha dorëheqje nga sistemi i drejtësisë, pak para se të futej në filtrin e vettingut, pasi nuk plotësoi formularin e deklarimit të pasurisë.
Gjyqtarja dhe avokati akuzohen pas dyshimeve për korrupsion, për një rast në vitin 2021 ku dyshohet se kanë marrë 5 milionë lekë të vjetra për të lehtësuar një mase dënimi, ndërkohë që janë edhe 3 qytetarë të dyshuar për këtë rast korrupsioni.
ELBASAN- Xhulio Musaj, është i burgosuri, familjarët e të cilit tentuan të negocionin me gjyqtaren për zbutjen e dënimit. Familjarët e tij i ofruan gjyqtares dhe avokatit në Elbasan shumën 400 mijë lekë për të zbutur dënimin e tij.
Në vitin 2019 Xhulio Musaj ishte i përfshirë në vjedhjen e një makine. Negociatori ishte Ilir Pashaj, ish gjyqtari i cili u tërhoq nga frika e vettingut.
ELBASAN- Gjyqtarja Zamira Vyshkja, e arrestuar për korrupsion, ka marrë ryshfet 400 mijë lekë në tetor të vitit 2021 për të liruar të arrestuarin, Xhulio Musain.
Avokati Ilir Pashaj u tha familjarëve se do i ulte të dënuarit 6 muaj burg për 200 mijë lekë. Pas takimit me gjyqtaren kërkoi 400 mijë lekë, por familjarët e kundërshtuan.
Nga përgjimet ka rezultuar se familjarët e të dënuarit i kanë thënë avokatit: Më mirë t’i hajë ai 400 mijë lekë në burg se sa gjyqtarja.
ELBASAN- Zamira Vyshkja, është gjyqtarja e Elbasanit e cila do të përballet me masën e arrestit të shtëpisë nën akuzën e korrupsionit.
Ajo akuzohet se ka marrë rryshfet kundrejt lehtësimit të masës për një të arrestuar. Përveç saj SPAK ka kërkuar arrest me burg për avokatin Ilir Pashaj, dhe për Taulant Ramollari, Xhulio Musaj.
Hetimi për këtë çështje ka nisur në vitin 2021, ndërkohë që rezulton se familjarët në bashkëpunim me avokaten, i kanë ofruar ryshfet gjyqtares, kundrejt lehtësimin të masës për një person të arrestuar. Nuk dihet ende sasia e parave që është përfituar nga gjyqtarja, dhe as identiteti i personit që ka qenë i ndaluar.
ELBASAN- Prokuroria e Posaçme kundër Korrupsionit dhe Krimit të Organizuar ka dalë me një njoftim zyrtar për operacionin e zhvilluar mëngjesin e sotëm në Elbasan. SPAK njofton se kanë arrestuar gjyqtaren Zamira Vyshkja dhe avokatin Ilir Pashaj për korrupsion, ndërsa në pranga janë vënë edhe 3 të tjerë. Sipas SPAK, persona të interesuar/familjarë të një personi të arrestuar në bashkëpunim me avokatin mbrojtës, i kanë ofruar gjyqtarit të çështjes një shumë monetare me qëllim favorizim në caktimin e masës së dënimit.
Për gjyqtaren është ekzekutuar masa e sigurimit “Arrest në shtëpi”, e njëjtë është vepruar dhe me avokatin.
NJOFTIMI I SPAK
Prokuroria e Posaçme kundër Korrupsionit dhe Krimit të Organizuar, ka kryer hetime në kuadër të procedimit penal nr.209 të vitit 2021, për veprat penale “Korrupsioni aktiv i gjyqtarit, prokurorit dhe funksionarëve të tjerë të drejtësisë”, në bashkëpunim, parashikuar nga nenet 319 dhe 25 të Kodit Penal, “Korrupsionit pasiv i gjyqtarit, prokurorit dhe funksionarëve të tjerë të drejtësisë”, parashikuar nga nenet 319/ç të Kodit Penal, si dhe “Moskallëzimi i krimit”, parashikuar nga neni 300 i Kodit Penal.
Fakti penal i hetuar, lidhet me një rast të korrupsionit aktiv/pasiv në sistemin e drejtësisë (në qytetin e Elbasanit), ku persona të interesuar/familjarë të një shtetasi të arrestuar në bashkëpunim me avokatin mbrojtës, i kanë ofruar gjyqtarit të çështjes një shumë monetare me qëllim favorizim në caktimin e masës së dënimit.
Pas analizimit të provave të grumbulluara në kuadër të këtij procedimi penal nga Prokuroria e Posaçme, i është drejtuar Gjykatës së Posaçme të Shkallës së Parë për Korrupsionin dhe Krimin e Organizuar kërkesa për caktimin e masave të sigurimit. Gjykata me vendimin nr. 64 datë 21.07.2022 ka vendosur caktimin e masave të sigurimit personal për 5 (pesë) shtetas.
Më datë 22.07.2022 nga ana e Drejtorisë së Përgjithshme të Policisë së Shtetit është bërë ekzekutimi i vendimit të Gjykatës nr.64 datë 21.07.2022, për caktimin e masave të sigurimit. Është ekzekutuar masa e sigurimit “Arrest në shtëpi”, parashikuar nga neni 237 i Kodit Procedurës Penale për shtetasen Z. V., me detyrë gjyqtare në Gjykatën e Rrethit Gjyqësor, Elbasan. Janë ekzekutuar masat e sigurimit “Arrest në burg”, parashikuar nga neni 238 i Kodit Procedurës Penale, për shtetasin I. P., me detyrë avokat mbrojtës, si dhe për shtetasit T.R. dhe Xh.M. Është ekzekutuar masa e sigurimit “Arrest në shtëpi”, parashikuar nga neni 237 i Kodit Procedurës Penale edhe për shtetasin A.T.
ELBASAN- Tre persona janë vënë në pranga nga policia në Elbasan, në kuadër të operacionit të nisur mëngjesin e sotëm me urdhër nga SPAK. Burime për Dosja.al bëjnë të ditur se në mesin e personave të ndaluar është dhe një gjyqtare. Kontrollet nisën herët në mëngjes në disa banesa në kuadër të operacionit për goditjen e korrupsionit në sistemin e drejtësisë.
Operacioni është ende në vijim ndaj pritet që të dalin më shumë detaje.
