'Bullizmi' vret 26-vjeçarin në Bulqizë/ Pas sherrit në lokal, fqinji i shkon te shtëpia dhe 'e masakron' me kaçavidë, viktima mbrojti kushëririn

Autori Dorian Mema

BULQIZË- Personi që shihni në foto është Dorjan Mema, 30-vjeçari i cili u arrestua si autor i vrasjes së 26-vjeçarit Dritan Manjani mbërmjen e djeshme në Shupenzë të Bulqizës. 

Dorjan Dema

Vrasja ka ndodhur mbrëmjen e kaluar në qytetin e Dibrës. Një konflikt mes dy fqinjëve, të cilët bullizonin njëri-tjetrin, duke përdorur nofka ka çuar në këtë ngjarje të rëndë ku një i ri humbi jetën pasi u përpoq që të parandalonte përplasjen fizike. Autori Dorjan Dema është arrestuar, ndërsa familja e tij është marrë në mbrojtje.

Pamje nga vendngjajrja

BULQIZË- Zbardhen detaje nga krimi që tronditi Bulqizën, ku humbi jetën një 26-vjeçar, i identifikuar si Dritan Manjani. Autori i vrasjes Dorjan Mema është vënë në pranga nga policia, ndërsa dyshohet se shkak është bërë një konflikt i çastit. 

Manjani dhe Mema jetonin në fshatin Shupenzë dhe prej kohësh dyshohet se kanë patur përplasje verbale, pasi ata e thërrisnin njeri-tjetrin me nofka. 

Ngjarja ka ndodhur mbrëmjen e djeshme pak orë para mesnatës, ku konflikti fillimisht ka nisur në një kafe të zonës. Më pas autori Mema ka shkuar në shtëpinë e fqinjit me kaçavidë për t'u sqaruar, por situata ka dalë jashtë kontrollit. 

Mema kërkonte të goditse kushëririn e Manjatit, por ky i fundit është përpjekur ta mbrojë nga sulmi duke i dalë para autorit i cili e ka goditur 26-vjeçarin me kaçavidë. Si pasojë e plagëve ky i fundit ka ndërruar jetë në spital. 

Dëshmia e banorit të fshatit Shupenzë

BULQIZË- Një banor i fshatit Shupenzë, aty ku mbrëmjen e djeshme u vra 26-vjeçari Dritan Manjani ka treguar disa rrethana ndryshe të ngjarjes. Ai tha se pak para se të ndodhte krimi kishte pirë kafe me viktimën, Dritan Manjanin, në të njëjtin lokal ishte edhe viktima. Banori pretendon se sherri mes dy të rinjve ka nisur në lokal dhe se sipas tij disa orë para mesnatës 26-vjeçari është vrarë me thikë. 

“Ishin duke ngrënë, duke pirë 5 veta. Unë piva një kafe me të ndjerin, por unë u largova dhe e lash të ndjerin në lokal. Autori ishte me 4 veta të tjerë duke ngrënë meze e duke pirë birra. Se di se çfarë ndodhi më pas. Ai nuk u bashkua me ata, por ishte tavolinë tjetër. Thonë se ka nisur konflikti në lokal, por aty kanë ndërhyrë dhe i kanë ndarë. Më pas viktima, rreth orës 9 e gjys e kanë thirrur te shtëpia. Ai ishte duke ngrënë bukë dhe kur ka dalë i kanë shtirë me thikë dhe jo me kaçavidë siç kanë thënë. Kaq kisha unë”, thotë i prekur një prej banorëve të fshatit. 

Vrasja në Bulqizë

BULQIZË- Detaje të reja janë zbardhur nga vrasja e 26-vjeçarit Dritan Manjanit në Bulqizë, i cili sipas hetimeve paraprake rezulton se është vrarë me kaçavidë. 

Ngjarja ka ndodhur pak orë para mesnatës në fshatin Shupenzë. Autori i krimit, Dorjan Dema dhe viktima kanë qenë në të njejtin lokal deri në orët e vona të darkës dhe pasi kanë dalë janë zënë në hyrje të fshatit Shupenzë. 

Nga hetimet paraprake dyshohet se ngjarja lidhet me konflikte të vjetra mes dy personave, por nuk dihet ende motivi që e çoi 30-vjeçarin Dorjan Dema të vriste me kaçavidë Manjanin. Policia po heton për zbardhjen e plotë të ngjarjes.  

Dorjan Dema

BULQIZË-  Një nga fqinjët ka treguar detaje nga krimi i rëndë në Shupenzë ku 30-vjeçari Dorjan Dema vrau me kaçavidë të 26-vjeçarin Dritan Manjani. Në rrëfimin e tij para mediave, fqinji është shprehur se autori i ka shkuar tek banesa për ta qëlluar, ndërsa vetë e ëma e viktimës ka qenë personi i fundit që e ka parë gjallë të birin. 

“Ishte djali më i mirë, nuk bën më nëna. Ka punuar në Greqi, me nder. I ka djemtë shumë të mirë. Ai ka qenë flori, atij edhe po t'i bije nuk kthente dorë. Nuk kanë pasur konflikte, nuk kanë qenë problematikë. Kanë qenë duke pirë në lokal, e ka parë një djali im duke pirë atje. Dy makina kanë ardhur mbrapa, janë kthyer dhe atëherë e kanë thirrë atë djalin duke i rënë në telefon, ka dalë jashtë dhe atëherë...Tek shtëpia e kanë vrarë. I kanë parë 2 makina. Nëna e vetë i ka thënë dil Dritan se mos ke zënë rrugën. Ka qenë duke ngrënë bukë, dhe më pas ka ndodhur ajo që ndodhi.

Nuk ishte i martuar, dhe nuk di të kenë pasur konflikt apo probleme. Nuk kanë hapur kurrë probleme. Për ngjarjen di që kanë qenë duke pirë. I kanë parë të tjerë dhe më pas morëm vesh që ndodhi kjo ngjarje. Ishin në të njëjtën vend me autorin tek lokali. Por thanë që më mbrapa kanë ardhur dy makina, e kanë thirrur këtë djalin. Ai ka dalë jashtë dhe më pas ka ndodhur edhe vrasja. Kanë ardhur natën nga ora 21:45, me makina me dy makina , thonë ata që i kanë parë unë nuk i kam parë,"-tha ai.

Vrasje ka ndodhur mbrëmjen e kaluar në qytetin e Dibrës. Një konflikt mes dy fqinjëve, të cilët bullizonin njëri-tjetrin, duke përdorur nofka ka çuar në këtë ngjarje të rëndë ku një i ri humbi jetën pasi u përpoq që të parandalonte përplasjen fizike. Autori Dorjan Dema është arrestuar, ndërsa familja e tij është marrë në mbrojtje.

Pamje nga Bulqiza

BULQIZË- Policia e Bulqizës ka marrë në mbrojtje banesën e Dorjan Demës, autorit të vrasjes së 26-vjeçarit Dritan Manjani. Banesa ndodhet në fshatin Homesh të Bulqizës, atje ku banon edhe viktima.

Sikurse duket në videot e siguruara nga Dosja.al, punonjës të Policisë qëndrojnë para portës së banesës së autorit,për të shmangur ndonjë konflikt të mundshëm mes dy familjeve. Autori u vu në pranga menjëherë pas ngjarjes.

Foto ilustruese

BULQIZË- Detaje të reja janë zbardhur nga vrasja e 26-vjeçarit Dritan Manjani në fshatin Shupenzë të Bulqizës. Mësohet se i riu është qëlluar për vdekje disa herë me kaçavidë nga autori i identifikuar si Dorjan Mema. 

Nga hetimet paraprake dyshohet se ngjarja ka ndodhur si pasojë e një konflikti të vjetër. Policia dhe grupi hetimor kanë mbërritur në vendin e ngjarjes.

Nuk ka ende një njoftim zyrtar lidhur me ngjarjen.