Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Dosja.al ka rindërtuar historinë e gjakmarrjes!
LEZHË- Gjakmarrja duket se është arsyeja e vërtetë e vrasjes së Ardian Nikulajt në hollin e biznesnit të tij, ku po pinte një kafe, që për të do të ishte e fundit. Ruben Saraiva, i veshur si një person që shpërndan pako u fut në biznesin e Nikulajt, e me dy fjalët që kishte mësuar shqip e përshëndeti: Si je, Ardian?! Më pas, nxorri armën dhe qëlloi pa mëshirë mbi 50-vjeçarin duke e lënë të vdekur në vend. Plumbi në kokë ishte fatal për 50-vjeçarin, duke rihapur edhe njëherë dosjen e vjetër. Atë që nuk u mbyll kurrë siç duhet!
Edmond Haxhia, djali i dajës së Elton Lekstakaj (më poshtë në artikull do t'i njohim edhe mbiemrin Stakaj) kishte porositur, financuar dhe planifikuar të gjithë vrasjen. Për të kryer ekzekutimin e mirëmenduar ndihmuan edhe 4 shtetas të tjerë britanikë: Harry Simson; Thomas Mithan; Steven Hunt dhe Harriet Bridgeman. Të gjithë janë jashtë shtetit, ndërsa Policia e Shtetit pret që të lokalizohen dhe të merren në pyetje për ngjarjen e ndodhur në Shqipëri.
Por si ka nisur e gjithë kjo histori gjakmarrje? Dosja.al ka rindërtuar historinë, duke u bazuar në rrëfimet e Elton dhe Klodian Lekstakajt për "Pasdite në Top Channel" 7 vite më parë kur kërkonin ndihmë nga autoritetet e drejtësisë shqiptare për vrasjen e familjarëve të tyre. Nga familja e tyre kishin mbetur vetëm 4 meshkuj që nuk vinin në Shqipëri as për gëzime dhe as për mort.
E gjitha ka nisur për vetëm 5 mijë lekë të reja.
1997- Një sherr mes 15-vjeçarëve në një pikë karburanti la një viktimë. Ishte një konflikt banal, në një karburant. Atje u vra një djalë nga familja Nikulaj. Atje familja vuri gishtën mbi familjen Lekstakaj. Pas debatit verbal u vra vëllain i Ardian Nikulaj, Pëllumbi.
Për ngjarjen, dëshmitar ka qenë Eltoni, i cili e kujton kështu: Më kanë trajtuar si kriminel. Kam folur me anglezët po jo me shtetin shqiptar. Kam qenë në benzinatë. Kam qenë unë, Gëzim Lekstakaj dhe Laurent Gjetja. Pastaj kemi ikur në oborr tek gjyshi jem, isha unë, nipi dhe axha Gëzimi. Kemi ndejt aty për të takuar, kur ka ardhur dikush i Nikulajve ka ardhur tek axha i babës tem me automatik në dorë dhe i ka thanë: Po nuk erdhi Gjergji deri në orën 8 të darkës te benzinata e Fran Qulajt, unë e vras! Pjesëtarët e fisit tem kanë shku aty. Kurse me fisin e Fran Qulajt nuk kena pasë lidhje me ta kurrë. Por pjesëtarët e fisit tem kanë shkuar aty se Pllumbi kishte lanë fjalë me u taku. Kur kushërinjtë kanë shku të benzinata, kanë gjet Fran Qulajn dhe Mark Lekstakajn duke folur me ta për punë 5 mijë lekë naftë (5 mijë lekë të vjetra), por në atë moment ka ardhur P. N. me automatik në drejtim tyne. Janë gjuajtur më armë. Aty ka mbetur i vramë Fran Qulaj dhe P. N., ndërsa Mark Lekstakaj, ka mbetur i plagosun. Në atë ngjarje kemi hy në gjak fisi Lekstakaj, fisi Qulaj dhe fisi Nikulaj. Vetëm sepse Nikolin Lekstakaj kishte marrë 5 mijë lekë borxh karburant. Ded Pali e di këtë punë, xhaxhi im Marku dhe turizmi.
Pse nuk keni marrë hak?
Eltoni: Gjithë shteti është kundër nesh. Ne kanë vrarë 2-3 herë. Unë kam 18 vjet që merrem me shtetin. Kam çuar 1 milionë letra. Ka qenë edhe Mal Berisha, kontaktojeni personalisht. Unë dua nga shteti shqiptar Ardian Nikulajn, Ardian Nikulajn! Nikoll Nikulajn dhe zetoristin që ishte ngjarje.
I ke kërkuar Prokurorisë shqiptare që të bashkëpunosh dhe të marrësh statusin e dëshmitarit?
Eltoni: Ia ka kërkuar Klodiani. Unë vij kur të duan ata, për një orë shkoj në Ambasadë. Shteti nuk na ka kthyer asnjë përgjigjie. Unë i bëj thirrje prokurorit dhe kryeministrit. E njeh Noc Gjetën personalisht. I bëj thirrje që të më çojë çështjen në Tiranë. Nuk kam qejf me fut kënd në sherr a në gjana. Kam frikë edhe për Nertilën. Ded Pali dhe Ardian Nikulaj të paraqiten para drejtësisë. I bëj thirrje Ben Angollit, të dorëzojë çështjen.
Shtator, 1997
Më pas, kushëriri i tij, Klodian Lekstakaj dëshmoi vrasjen për një tokë në Balldre, ku mbetën të vrarë Gëzim Stakaj dhe Laurent Ndoc Gjetja, djali i poetit të njohur lezhian, Ndoc Gjetja (nip në familjen Stakaj). Sipas tyre, i dyshuari kryesor për ngjarjen ishte Nikoll Nikulaj, i cili ka bërë 3 muaj burg, por doli i lirë për vetëmbrojtje edhe pse ishte në tokën e viktimave.
"Isha 20-30 larg xhaxhait tek toka. Pashë 2 persona që dolën nga kanali, ishin Arben dhe Ardian Nikulaj që dolën nga kanali dhe nisën që të qëllonin me kallash. Unë ika në shtëpi, u tregova të shtëpisë së çfarë kishte ndodhur tek toka. Ishte dhe një djalë tjetër aty, ai e ka parë ngjarjen por nuk ka dhënë dëshmi. Por i tha babait emrat e atyre që vranë Laurenin dhe Gëzminin. Ka ardhur Policia tek shtëpia, më mori në pyetje, i tregova të gjitha,"-tregon Klodiani.
Në janar 1998 u vra Gjovalin Stakaj dhe u plagos Pjeter Lekstakaj. Edhe pse ishin të të njëjtës familje, Pjetri u akuzua atentator për vrasjen dhe u dënua me 12 vite burg.
Edhe pse kishin kërkuar që të vinin në Shqipëri që të dëshmonin, me kushtin që do t'i mbrohej jeta, duket se fisi Lestakaj kanë zgjedhur që të veprojnë ndryshe dhe të marrin hak me metodën e vjetër të Kanunit, duke hapur kështu edhe njëherë plagën e hasmërisë së vjetër. 26 vite dhe qindra kilometra larg Shqipërisë, nuk i kanë bërë djemtë e mbetur të fisit që të mos marrin hak dhe të pajtojnë gjakun me Nikulajt, por zgjodhën që kësaj herë të merrnin një tjetër jetë; atë të Ardianit. Megjithatë plani i tyre nuk funksionjë. Edhe për shkak të gabimeve të bëra nga "skuadra e qitësve", Policia ka mundur që të zbërthejë për 1 javë të gjithë skenarin e përgatitur për hakmarrje. Tashmë, kushërinjtë ndoshta nuk do të kthehen në Shqipëri si dëshmitarë të drejtësisë, por porositës të një vrasje!
Momenti i vrasjes TIRANË- Edmond Haxhia është organizatori, porositësi dhe financuesi i vrasjes së Ardian Nikulajt. Ai ishte kthye...
Pjerin Ndreu TIRANË- Kandidati i Partisë Socialiste për bashkinë e Lezhës, Pjerin Ndreu ka reaguar pas zbardhjes së vras...
Ardian Nikulaj TIRANË- Edmond Haxhia, Ruben Saraiva, Harry Simson, Thomas Mithan, Steven Hunt dhe Harriet Bridgeman janë të përfshir&eu...
Elton Lekstakaj dhe Klodian Lekstakaj TIRANË- Personat në foto janë Elton dhe Klodian Lekstakaj, personat që janë në gjak me ...
Ardian Nikulaj TIRANË- Zbulohet emri i porositësit të vrasjes së Ardian Nikulajt. Edmond Haxhia, organizator, porositës dhe financ...
LEZHË- Ky është anglezi i cili ruante lëvizjet e biznesmenit Ardian Nikulajt. Ky person, dyshohet se shërbente si informator për...
TIRANË- Një incident është regjistruar sot në ‘zemër’ të Tiranës, duke rrezikuar jetën e qytetarë...
Muhamet Rrumbullaku TIRANË- Drejtori i Policisë së Shtetit, Muhamet Rrumbullaku doli ditën e sotme në një konferencë p&e...
Muhamet Rrumbullaku TIRANË- Drejtori i Policisë së Shtetit, Muhamet Rrumbullaku në konferencën për mediat bëri të d...
Sherri POGRADEC- Një ngjarje e rëndë ka ndodhur në mes të qytetit të Pogradecit. Një sherr me hanxharë e shkop...
