Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pasi u shoqërua në komisariat pas kallëzimit, aventura e njërit prej djemve ka vijuar edhe në qelitë e paraburgimit, ku ka dhunuar tre policët e shoqërimit, sepse nuk ka pranuar t’i hiqej varësja e floririt nga qafa.
TIRANË- Një 23-vjeçare nga Peruja, por me banim në Itali dhe që udhëtoi drejt Shqipërisë, këmbënguli në polici se dy të rinj e ngacmuan atë seksualisht, pasi e kishin ftuar për të festuar. Sipas Policisë së Kamzës, denoncimi i vajzës me inicialet V.C.Z., kërkoi ndihmë tek një vajzë, duke iu lutur që ajo të telefononte sa më urgjent forcat e rendit. E reja po ndiqej me vrap nga një person, i identifikuar më pas si S.V., i cili së bashku me bashkëmoshatarin tjetër, i kërkuan të hiqte rrobat vajzës dhe e prekën në trup, duke i kërkuar që ajo të kryente seks.
Pasi u shoqërua në komisariat pas kallëzimit, aventura e njërit prej djemve ka vijuar edhe në qelitë e paraburgimit, ku ka dhunuar tre policët e shoqërimit, sepse nuk ka pranuar t’i hiqej varësja e floririt nga qafa.
Rrëfimi i studentes: M’u qep pas i zhveshur nudo
Deri më tani, policia i thotë Gazetasi.al, se ka arrestuar shtetasin K.V., i cili sipas denoncimit të peruanes, e preku në krahë dhe në trup, derisa ajo iu lut djalit tjetër që e kishte ftuar për kafe që ta linin të qetë, pasi po e bezdisnin. Por edhe ky, kur kanë ndenjur vetëm për vetëm është zhveshur nudo dhe i ka kërkuar që të njëjtën gjë të bëjë edhe studentja, e cila i është lutur: Do të jap para, merre çantën merr ç’të duash, por mos më prek.
Kur është ndeshur me këmbënguljen e S.V., e reja i ka thënë djalit që po e telefononte e ëma.
Në një çast, thotë peruania, e cila jeton në Itali me të ëmën, ku dhe po ndjek studimet, i shpëtoi nga duart dhe ngjiti shkallët për të dalë, por ai i zhveshur nudo iu qep nga pas.
“Ai më kapi çantën dhe unë e lëshova atë. Një vajzë e re, e cila ishte në oborr, e pa ndjekjen, iu luta të njoftonte policinë”, - thotë V.C.Z., që shkoi në komisariatin numër pesë të policisë dhe tregoi ngjarjen.
Policia i thotë Gazetasi.al, se e gjeti çantën të flakur në një cep rrugice, teksa e reja përshkroi për autoritetet hotelin ku qëndronte që prej mbërritjes në Tiranë, ku dhe iu nënshtrua një ndërhyrjeje estetike.
Si i njoh me djalin nga Kukësi në autobus
Studentja peruane qëndroi sipas burimeve të Gazetasi.al në një hotel nën shoqërinë e të ëmës. Gjatë muajit korrik, ajo vendosi të udhëtojë drejt qytetit të Gjirokastrës, pasi operacioni estetik ishte mbyllur me sukses.
“Në autobus njoha një djalë, që m’u prezantua si S.V. Fliste italisht dhe biseduam, më foli për jetën e tij. Rrugës së kthimit shkëmbyem numrat, Instagramin dhe rrjetet sociale“, - deklaron në polici studentja.
Por pa dashje, ajo e kishte fshirë numrin e kuksianit dhe kur ai i telefonoi, ajo nuk e hapi, pasi nuk ishte në gjendje ta identifikonte telefonuesin.
“Në Instagram, S.V., më shkroi”, - shton kallëzuesja, bëjnë më dije burimet policore. E interesuar për t’u takuar dhe për të pirë kafe me djalin simpatik, studentja e pranon ftesën e tij dhe më pas S.V., i dërgon vendndodhjen. Ajo informoi të ëmën dhe u largua drejt lokalit me muzikë.
“Kur shkova atje, e gjeta S.V., dhe një tjetër shqiptare që kishte lindur në Itali, por ishte me origjinë shqiptare, si dhe kushëririn e S.V. Ky i fundit nisi të më prekë në kurriz dhe në gjoks. Ja bëra të ditur se nuk isha e interesuar dhe për të qenë e qartë u ngrita dhe kërceva me A., vajzën me origjinë shqiptare. Kur ajo po kërcente, kushëriri i saj S.V., i bërtiti dhe nisi një debat, derisa aty mbërritën truprojat dhe nuk na lejuan të vazhdonim”.
Të rinjtë sipas asaj që tregojnë kamerat e sigurisë, kanë dalë jashtë dhe pas një grindjeje mes tyre, nga njëra anë fanatizmi i S.V., dhe kundërshtimet e kushërirës së tij, ishte e paqartë pse nuk e lejuan të kërcejnë. Ndërsa A., rezulton se është larguar e nevrikosur.
Peruania ka vazhduar të qëndrojë me dy djemtë, duke u zhvendosur me automjetin e tyre drejt një ambienti tjetër. Policia thotë se të rinjtë shkuan në një lokal, që ishte planifikuar të hapej ditët e para të muajit gusht dhe ditën që ndodhi ngacmimi i studentes, ai ishte ende jo funksional.
“Mua më sollën një pije energjike, që e hapa aty, duke e parë me sytë e mi. S.V., piu birra, si edhe kushëriri i tij. Kushëriri i tij nisi të qeshë dhe u frikësova, sepse më preku flokët sërish. I thashë S.V., që kisha frikë dhe që duhet të më kthente tek mami. Po flisnin shqip dhe në një moment kujtova se ata nuk ishin normalë apo se mos ishin të çmendur. Nuk po flisnin italisht dhe s’po kuptoja asgjë”, - thotë e reja në dëshminë që citohet nga burimet Gazetasi.al. Duke mos mjaftuar kjo situatë, e reja për të qenë e sigurt i ka dërguar lokacionin të ëmës.
Por kuksiani që e kishte ftuar, e ka qetësuar dhe më pas peruania pa që kushëriri i tij u largua. “Pasi kemi biseduar në lokal, S.V., nisi të më prekë, i kujtova se festa mbaroi dhe duhet të kthehesha pranë mamasë. Më kërkoi që ta njoftoja mamanë që do qëndroja me të. Kundërshtova“.
I riu, sipas përshkrimit e ka paralajmëruar se nëse ajo nuk i heq rrobat do t’ia heqë ai. Dhe gjatë përleshjes, e reja i ka shpëtuar nga duart, duke u ndjekur pas nga S.V., që ndërkohë ishte zhveshur lakuriq. Policia i thotë Gazetasi.al, se pas këqyrjes së kamerave dhe përshkrimit, peruania ka kryer njohjen e të rinjve përmes fotografive në sistemin TIMS, duke konfirmuar identitetet e tyre. Njëri i identifikuar si S.V., dhe tjetri si K.V. Ky i fundit u arrestua, ndërkohë që kuksiani tjetër vijon të jetë në kërkim policor.
Sherri vazhdon edhe në paraburgim
Bëhet me dije se kur K.V., u dërgua në komisariatin numër pesë për dyshimet e ngacmimit seksual, si fillim ai është kontrolluar bazuar në rregulloren e policisë që ndalon mbajtjen e sendeve, si rrip pantallonash, cigare dhe çakmak.
“Në dhomën e shoqërimit, kur iu hoqën këto sende, polici raportoi se i riu nuk pranoi të dorëzonte me procesverbal varësen e floririt”, - denoncon polici i parë tek kolegët.
Me shenja në fytyrë dhe i gjakosur ai shpjegon se si u sulmua prej të dyshuarit nga Kukësi.
“U njoftova nga kolegu me radio dhe kërkova përforcim. I kërkuam qytetarit ta dorëzojë varësen, pasi është e ndaluar, ai nxori dy mijë lekë dhe po na lutej që do na paguante, veç që mos t’ia hiqnim varësen. Hoqëm prangat dhe armët dhe hymë në dhomën e shoqërimit për t’ja hequr me forcë. Ai na u sul dhe na qëlloi”, - tregon polici i dytë dhe po ashtu edhe polici i tretë.
Burimet i thonë Gazetasi.al, se K.V., akuzohet edhe për kundërshtimin dhe rrahjen e tre policëve, të cilët u fotografuan dhe dhuna vërtetohet nga shenjat në fytyrë./GazetaSi
Vajzat me Iphone TIRANË- Dy vajza kanë gjetur një qese me 4 telefona të llojit iPhone 13 Pro Max në Tiranë. Vajzat janë ...
Kotorr E keni parë Spanjën, Italinë dhe Greqinë? Ka vende të tjera që ofrojnë peizazhe spektakolare, qytete antike - dhe...
Zjarr VLORË- Tre shtëpi të pabanuara kanë marrë flakë dhe janë djegur në fshatin Dushkarak të Selenicës. ...
Zjarr MAT- Pyjet vijonë të digjen edhe në bashkinë e Matit. Një tjetër vatër zjarri është aktivizuar në M...
Foto ilustruese TIRANË- 3 viktima janë shënuar nga pandemia e koronavirusit në Shqipëri. Gjatë 24 orëve të fundit n...
Vendi ku u vra Jonada Avdia HIMARË- Prokuroria konsideron aftësinë e 38 vjeçarit për të drejtuar mjete lundruese si dë...
Zjarr në Shkodër SHKODËR- Pamjet që po shikoni vijnë nga Shkodra aty ku është aktivizuar një vatër zjarri mjaf...
Policia Greke SHQIPËRI- Rreth 70 pako me drogë, me peshë 77 kg e 320 gramë marijuanë janë sekuestruar në Igumenicë,...
Pamje nga aksioni VLORË- Detaje të reja janë zbuluar nga operacioni antidrogë i titulluar “The Eye” që u zhvillua nga ...
Sherri në Sarandë SARANDË- 48-vjeçari Alban Çoba i cili u shpall në kërkim nga policia e Sarandës një dit&...
