Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Policët italianë kanë treguar për gazetaren e maskuar si turiste, se jetesa e tyre në vendin tonë është po ashtu si turistë. Ato janë shprehur se kanë arritur të vizitojnë qytete të tjera përveç Shëngjinit.
ITALI- Investigimi i emisionit "Piranjat" brenda resortit ku janë akomoduar efektivët e policisë italiane në Shëngjin ka bërë bujë në mediat e Italisë. Ishte "La Repubblica" ajo që fillimisht i kishte kushtuar një shkrim këtij investigimi ku pasqyrohej, puna e gazetares së Piranjave, Luela Gaxhja. Kjo e fundit e maskuar si turiste ka hyrë brenda resortit me 5 yje "Rafaelo" dhe ka mundur të flasë edhe me oficerët italianë, akomodimi i të cilëve është deri suksesi i vetëm i marrëveshjes Rama- Meloni.
"La Stampa" po ashtu i ka bërë jehonë këtij inevstigimi disa ditor brenda resortit në të cilin ndodhen të akomoduar rreth 100 policë italianë dhe ku gjithçka është tepër e kontrolluar dhe e survejuar.
"Qendrat e emigrantëve, edhe pse bosh, janë të hapura dhe forcat e policisë të vendosura në hotelin Rafaelo, një super luks, kanë mbetur. Kështu programi televiziv shqiptar Piranjat, intervistoi disa agjentë të vendosur në Gjadër. Historia e tyre nuk duket aq shumë si ajo e një misioni, por e një pushimi të këndshëm: sauna çdo ditë "sepse gjithçka është falas këtu", udhëtime turistike në Shkodër, Durrës dhe Tiranë, shëtitje të gjata dhe mbrëmje në diskotekë." thuhet ndër të tjera në artikull.
"Open Online" shkruan sesi agjentët e policisë italiane kanë treguar për emisionin investigativ Piranjat, të gjitha përfitimet e marra deri dhe pa nxjerrë asnjë qindarkë nga xhepi.
"Policët e përgjuar nga një gazetar i programit shqiptar investigativ përshkruajnë të gjitha përfitimet e marra deri më tani, pa paguar asnjë euro. Sauna falas çdo ditë, udhëtime turistike në Shkodër, Durrës dhe Tiranë, por edhe kërcime në disko. Kjo është “dolce vita” e oficerëve të policisë italiane, të vendosur në Shëngjin, qytetin shqiptar ku ndodhet një nga dy qendrat e emigrantëve të krijuar nga qeveria Meloni. Qendrat deri tani bosh për shkak të dënimeve të gjyqtarëve të Gjykatës së Romës dhe rregulloreve evropiane.", shkruan media italiane.
"“Na paguajnë që të jemi turistë”. Mes saunave dhe udhëtimeve, jeta e ëmbël e policëve italianë në Shqipëri!", është titulli me të cilin "Huffingtonpost.it" ka shkruar për investigimin e Piranjave.
Policët italianë kanë treguar për gazetaren e maskuar si turiste, se jetesa e tyre në vendin tonë është po ashtu si turistë. Ato janë shprehur se kanë arritur të vizitojnë qytete të tjera përveç Shëngjinit. Po ashtu kanë treguar edhe për trajtimin që përfitojnë në resortin me 5 yje, ku kanë sauna, banjë turke, pishinë, palestër dhe dhomë relaksi.
"Kamerat e fshehta të programit shqiptar “Piranjat” filmojnë deklaratën e agjentëve italianë që qëndruan në detyrë në Shëngjin, qytetin shqiptar ku ndodhet një nga dy qendrat e emigrantëve të themeluar nga Giorgia Meloni. Ndonëse qendrat e Shëngjinit dhe Gjadërit nuk janë funksionale, policia ka qëndruar e akomoduar në resortin superluksoz Raffaello. Janë afërsisht njëqind agjentë, në shërbim me pagesë të rregullt të misionit ndërkombëtar, e barabartë me 100 euro në ditë plus dhomën dhe ushqimin. Agjentët, të pavetëdijshëm se ishin filmuar, i shoqëruan dy korrespondentët e Piranjat fillimisht në treg për të blerë cigare, më pas në breg të detit." shkruhet në artikull ndër të tjera.
ARTIKULLI I PLOTË I PIRANJAVE:
Shqipëria dhe Italia, një histori e gjatë dashurie. Një raport i shoqëruar me bashkëpunime, me disa pushtime nga më i forti, por edhe me mikpritje dhe dhënie ndihme në ditë të vështira. Sidoqoftë, jo gjithmonë gjërat kanë marrë drejtimin e duhur. Si në rastin më të fundit, aq i kontestuar në të dy brigjet e Adriatikut. Në 6 nëntor të vitit që shkoi në Romë, do të nënshkruhej një marrëveshje midis kryeministres italiane Giorgia Meloni dhe kryeministrit shqiptar Edi Rama, për strehimin e emigrantëve të paligjshëm, e cila parashikonte ngritjen e dy qendrave në territorin Shqiptar. Njëra në Shëngjin, si qendër pritjeje, dhe tjetra në Gjadër, një kamp me kapacitet prej 3000 personash, rreth 8 km larg nga qyteti i Lezhës, aty ku do të akomodoheshin më pas emograntët e ardhur kryesisht nga vendet e afrikës.
Sipas akordit, të dy objektet do të konsideroheshin territor italian dhe gjithashtu do të kishin personel Italian që do të kujdesej për ruajtjen dhe mbarëvajtjen e saj. Ndërsa siguria e jashtme do të bëhet nga rojet shqiptare. Italia do të merrte përsipër të gjitha shpenzimet e këtij operacioni, rreth 670 milionë euro për pesë vjet Kjo marrëveshje e cila u votua në parlamentin italian më 15 shkurt të këtij viti shkaktoi debate dhe protesta si në Itali, ashtu edhe në Shqipëri. Nga nënshkrimi i kontestuar i kësaj marrëveshjeje, tashmë ka kaluar thuajse se një vit.
Shteti italian u përpoq në një rast të sillte një grup emigrantësh të cilët u akomoduan në Shëngjin për vetëm XX dite, por një gjykatë në Romë vendosi transferimin e tyre në Itali, duke e konsideruar si shkelje e të drejtave të njeriut këtë deportim në Shqipëri. Por çfarë ka ndodhur përgjatë kësaj periudhe në territorin e ashtuquajtur italian të Shëngjinit dhe Gjadrit? A po funksionon ky akord aq i përfolur? Duket se suksesi i vetëm i marrëveshjes, deri tani është akomodimi i stafit italian të kampeve, shumica policëve dhe karabinierë, në një resort luksi me pesë yje në qendër të Shëngjinit, fare pranë bregut të detit.
Piranja Luela Gaxhja kreu një investigim disa ditor brenda resortit ku janë akomoduar policet Italian. Brenda këtij resorti qëndrojnë rreth 100 policë italianë, gjithçka është tepër e kontrolluar dhe e survejuar. Në fakt, interesimi i gazetarëve për këtë projekt bashkëpunimi mes dy qeverive, i cili është në prag të dështimit, ka qenë tepër i madh. Ndaj dhe rojet e sigurisë tregohen të kujdesshëm në hyrje daljet e individëve të panjohur. Dhe kjo duket se është arsyeja e këtyre masave të rrepta brenda resortit me pesë yje. Sidoqoftë, pavarësisht pamundësive për të patur kontakt me policët italianë si gazetare na u desh të hiqeshim si turiste duke depërtuar brenda ambienteve ku ata qëndronin... Dhe ju sigurojmë se bisedat me ta, ishin tepër interesante.
Që në frazat e para, policët italianë shfaqin menjëherë interes për tu njohur me ne. Dhe për të qenë më të sigurtë nga syt kureshtarë, kërkojnë ta fshehin faktin që janë policë, pavarësisht stemave që kanë në gjoks. Pas disa bisedave të shkurtëra njohjeje, në hyrje të hotelit, i afrohemi një tjetër polic, i cili duket më i afrueshëm, dhe ka gjithë gatishmërinë për të komunikuar me ne....
Edhe polici i dytë si dy të parët, gënjen për arsyen e pranisë së tij në Shëngjin, duke u hequr si turist.Pas disa bisedave ata pranojnë se janë policë Italian që kanë ardhur për të ruajtur kampin e Gjadrit dhe Shëngjinit. Ata nisin të na tregojnë rreth aktivitetetve dhe punës që kryejnë në “territorin Italian” shqiptar. Një marrëveshje që edhe sipas personave që duhej të kujdeseshin për qendrën, është e dështuar... Por siç e thanë dhe agjentët italian, gjithçka bëhet për lekë. Praktikisht një jetë luksi me paratë e qytetarëve italianë. Fundja pse jo? Çfarë duhet të bëjnë tjetër në një qytezë si Shëngjini, që gjatë dimrit është thuajse e shkretë?
foto ilustruese ZVICËR- Komiteti i Përhershëm i Konventës së Bernës në dokumentin për Shqipërinë pas taki...
foto ilustruese DURRËS- Një 24 vjeçar është arrestuar nga Policia e Durrësit pasi shiste kanabis të ndarë në...
foto ilustruese TIRANË- Komisioni Rregullator ka miratuar numrin e mandateve për 12 qarqet e vendit dhe ngritjen e 93 Zonave t&eum...
foto ilustruese GJIROKASTËR- Një 39-vjeçar është arrestuar ditën e sotme në Gjirokastër. Mësohet se 39-...
foto ilustruese PATOS- Një tjetër aksident është regjistruar ditën e sotme në fshatin Ruzhdie në Patos. Mësohet se ...
foto ilustruese ITALI- Media italiane "La Repubblica" i ka bërë jehonë investigimit të emisionit "Piranjat" brenda resortit ku jan...
foto ilustruese ELBASAN- Një 40-vjeçar është arrestuar ditën e sotme në Elbasan për përndjekje. Mësohet se p...
foto ilustruese ELBASAN- Një 39 vjeçar i akuzuar nga Gjykata e Pejës, për veprimtari kriminale në fushën e narkotik&e...
shqiptari sander pemaj GREQI- Një ish-oficer i Antidrogës në Athinë, një shqiptar dhe një shtetas grek janë vën&eum...
pamje nga arrestimi ELBASAN- Shtatë shtetase të huaja janë arrestuar në Elbasan pasi akuzohet për ushtrim dhe shfrytëzim pro...
