“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
Bashkia Lezhë nuk i ka përjashtuar tenderimet që kanë lidhje me qentë endacakë. Në vitin 2022 e kanë nisur me mbi 16 milionë lekë të vjetra për ”SHËRBIMI I MBAJTJES NË KONTROLL TË QENVE ENDACAKË PËR VITIN 2022”.
TIRANË- Edhe Korça, që ka shpenzuar miliona, nuk ka arritur dot t’i japë zgjidhje dinjitoze problematikës. Interesant është fakti që Bashkia më e madhe në Juglindje të vendit nuk ka një strehëz për qentë endacakë, duke ia lënë këtë “nder” Pogradecit, pavarësisht se ka një buxhet mbi dyfishin e liqenorëve.
Strehëza mbase nuk ka gjetur vend në fondin e Bashkisë, por tenderat për kujdesin e qenve endacakë, sterilizimin e tyre, ka pasur, madje dhe prej atyre me shifra të konsiderueshme. Vetëm në vitin 2020, Bashkia e Korçës ka dhënë mbi 15 milionë lekë të vjetra për sterilizimin dhe matrikullimin e qenve endacakë.
Pogradeci kishte një dyndje qensh, që konsiderohej se vinin nga bashkitë përreth, pa përjashtuar dhe qytetin e Korçës. Përgjigjja ndaj kësaj dyndjeje të atyre viteve ishte edhe më e keqe. Qentë helmoheshin dhe liheshin në rrugë. Qytetarët u përballën me pamje mjaft të rënda që prekën edhe personat më të pandjeshëm ndaj 4putrakëve. Pogradecarët reaguan aso kohe ndaj këtij skandali.
Bashkia Lezhë nuk i ka përjashtuar tenderimet që kanë lidhje me qentë endacakë. Në vitin 2022 e kanë nisur me mbi 16 milionë lekë të vjetra për ”SHËRBIMI I MBAJTJES NË KONTROLL TË QENVE ENDACAKË PËR VITIN 2022”.
Në vitin 2023 ka pasur një rritje te 20 milionë lekë, e po ashtu në vitin 2024 kjo shifër është rritur sërish duke shkuar afërsisht 25 milionë lekë të vjetra. Në fakt, ajo që vihet re është se të gjitha këto procedura tenderimesh janë bërë pa garë dhe janë klasifikuar me flamuj të kuq nga Open Data. Arsyeja është e qartë, pasi në vitin 2022 dhe 2023, në garë ishte vetëm operatori fitues.
Në tenderin e zhvilluar në vitin 2024, duke dashur të shmangin mungesën e konkurrencës janë futur në garë dhe dy kompani. Në fakt, prezenca e tyre ka qenë fiktive, pasi nuk kanë pasur asnjë qëllim real të konkurrojnë. Subjektet nuk paraqitën asnjë dokument.
Nuk ka pasur ankesa pas shpalljes së fitueses. Janë skualifikuar operatorët ekonomikë: “LEONARD HALA” P.F, për arsye se nuk ka paraqitur asnjë dokumentacion dhe “ORNIAD” SH.P.K, se nuk ka paraqitur asnjë dokumentacion.
Nga shfletimi i dokumentacioneve kuptohet se dy kompanitë e futura në tender si konkurrentë të subjektit Irisa Kacelit, në fakt kanë pasur rol vetëm për të bërë garën të besueshme.
Elbasani është një ndër qytetet që ka strehë për qentë endacakë. Shpeshherë pjesë e skandaleve dhe denoncimeve nga ana e shoqatave për mënyrën e trajtimit të kafshëve dhe mungesën e kushteve. Nga tenderat e shumtë që kanë hapur për blerjen e ushqimeve për qentë endacakë, vëmendjen e tërheq një tender i vitit 2019.
Pavarësisht vlerës së vogël, vetëm prej 655 mijë lekëve të reja, për blerjen e medikamenteve dhe ushqim për trajtimin dhe shërbimin e qenve endacakë pa pronar, fituesi Shkëlqim Kurti tërheq vëmendjen. Eksperienca në aktivitetin e tij, çuditërisht, ishte regjistrimi i videoklipeve, incizim CD dhe transporti i klubit të futbollit Memaliaj.
“Regjistrim videoklipi dhe incizim CD, e deri te transporti i klubit të ekipit të Memaliajt për fazën e dytë të sezonit 2017-19”.
Praktikisht, shumica e Bashkive, në momentin që kanë hedhur fondet për qentë endacakë, qoftë ushqimet, qoftë blerjen e materialeve, apo dhe sterilizimin e tyre, në raste të konsiderueshme kanë zgjedhur kompani “gjithçkabërëse”.
Persona të cilët nuk janë krejtësisht adapt për t’u marrë me kafshët, por shfaqen në veprimtari nga më të ndryshme dhe ndër të tjera, marrin ndonjë fond për kafshët. Në dukje, diçka e tillë mund të konsiderohet e papërfillshme, por tregon hapur qasjen që kanë drejtuesit vendorë në lidhje me stabilizimin e kafshëve. Praktikisht e shohin si një mundësi për të kënaqur disa persona që mund të bëjnë gjithçka me një të rënë të borderove të tyre.
Edhe Bashkia Sarandë rezulton se ka çelur fonde për trajtimin e kafshëve endacake. Ky është një tender i disa viteve më parë me vlerë rreth 330 mijë lekë të reja. Megjithatë, tenderat në vetvete kanë një problem strategjik, i cili nuk është i fokusuar te mirëqenia e kafshëve të shoqërimit, qenve në rastin konkret, sipas kreut të Urdhrit Veterinar, Ervin Resuli.
‘Bashkitë gabojnë sepse nuk mund të japin tendera për të blerë ushqime, mjete për qentë endacakë, përpara se të vendosin rregull dhe të fokusohen te krijimi i strehëzave. Duhet fillimisht të hedhin hapa për ndërtimin e strehëzave, që më pas edhe investimet e tyre të kenë rezultate konkrete dhe jo vetëm të jenë kalimtare, për inerci’ – u shpreh Ervin Resuli, Kreu i Urdhrit të Mjekut Veterinar.
Tenderat nuk kanë munguar as nga Bashkitë e mëdha. Tirana ka qenë shpeshherë nën objektivin e animalistëve për shkak të sjelljes apo qasjes aspak pozitive ndaj qenve endacakë. Akuzat për helmime masive të qenve të rrugës nuk kanë munguar në zona të ndryshme të Tiranës.
Në fakt, Tirana ka një strehëz, e cila mendohet se ka një kapacitet rreth 1000 qen. Trajtimi i tyre në vitin 2023 u finalizua me një tender rreth 240 milionë lekë për blerje materiale dhe ushqim për strehëzën veterinare. Fituesi i tenderit ishte oferta e bashkimit të operatorëve ekonomikë “BOE METANI & MILIFAR”.
Megjithatë, ky tender ishte me “red flag” dhe u kalua si mungesë konkurrencë. Pra, ka pasur vetëm një ofertë dhe pavarësisht kësaj, Agjencia e Konsumatorit mbylli prokurimin duke shpallur fituese këtë kompani.
Në kryeqytet janë realizuar tendera të shumtë për ushqime, medikamente apo materiale të strehëzës veterinare, por rrugët janë plot me kafshë në mëshirë të fatit.
‘Shpeshherë futen në tendera persona që e fitojnë dhe më pas e kalojnë si nënkontraktorë realizimin e tenderit. Këta persona që futen shpesh në tendera arrijnë të fitojnë, por nuk kanë lidhje me këtë punë. Duhet ndaluar kjo gjë, shoqatat nuk mund të fusin hundët në marrjen e fondeve publike’ u shpreh Ervin Resuli, Kreu i Urdhrit të Mjekut Veterinar.
E në fakt, Inside Story ka bërë një vëzhgim në bashkitë që kanë strehëza veterinare dhe ka folur për problematikat dhe kostot që kanë buxhetet e këtyre institucioneve të pushtetit vendor për kafshët./ TCH
Aktivistja TIRANË- Në Shqipëri, janë rikthyer së fundi helmimet masive ndaj kafshëve. Ato janë të koordinuara nga i...
Flamur Dodoveci BERAT- Jemi në Berat, pasi taksisti Flamur Dodoveci, tregon, se është ndaluar në vitin 2018 dhe ka vuajtur dë...
Foto TIRANË- Edmond Daliu nga Tirana, është drejtuar në redaksinë e emisionit “Stop” në Tv Klan për një...
Çifti GREQI- Detaje të reja janë zbardhur në lidhje me ndarjen tragjike nga jeta të foshnjës 5 muajshe në Greqi. ...
Foto DIMAL- Në fshatin Drenovicë të Dimalit banorët ankohen për ndotjen masive në koshat e mbeturinave të ven...
Dhunimi GREQI- Një 34-vjeçar shqiptar është shpallur në kërkim pasi së bashku me dy persona të tjerë u filmu...
Tifozi ZVICËR- Video dhe pamje të reja vijojnë të qarkullojnë në rrjet nga festa e tifozëve shqiptarë për ndes...
Foto KOSOVA- Agjencia e Ushqimit dhe Veterinarisë ka njoftuar ndalimin e importit të deleve dhe dhive nga i gjithë territori i Shqipëri...
Cenaj ITALI- Ish-polici shqiptar, Fatos Cenaj pas tre ditësh në luftë me jetën nuk ka arritur tu mbijetojë plagëve të ma...
Foto ilustruese TIRANË- Prokuroria e Tiranës në një njoftim zyrtar ka bërë me dije se do të regjistrojë procedim pe...
