Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Aktakuza kundër këtij klani familjar lexohet si një film horrori dhe do të mund të bartte këtë titull: “Rrahje, dhunime, terror psikik, izolim: katër gra shqiptare në një familje në Zvicër”.
Një burrë shqiptar dhe katër djemtë e tij do të gjykohen në Zvicër nga e hëna për shkak se dyshohet se kanë kontrabanduar në Zvicër disa vajza nga viset shqiptare. Ato janë mbajtur të izoluara si skllave me vite të tëra dhe kanë qenë të detyruara t’ua lajnë edhe këmbët burrave të tyre patriarkalë dhe të dhunshëm. Aktakuza kundër këtij klani familjar lexohet si një film horrori. Më 24 nëntor pritet të shpallet aktgjykimi. Është e mundshme që Adem J. (emri i ndryshuar) dhe katër djemtë e tij do të dënohen me burg shumëvjeçar, madje deri në 20 vjet. Procesi gjyqësor kundër tyre fillon këtë të hënë në Moutier, në kantonin Jura, jo larg Bernit, kryeqytetit të Zvicrës.
Aktakuza kundër këtij klani familjar lexohet si një film horrori dhe do të mund të bartte këtë titull: “Rrahje, dhunime, terror psikik, izolim: katër gra shqiptare në një familje në Zvicër”.
Gazeta “Tages Anzeiger” e ka rekonstruktuar rastin duke u bazuar në aktakuzë. Është një shembull i dhunës patriarkale dhe i terrorit toksik të burrave.
Për shembull rasti i Dritës (emri i ndryshuar). Në vitin 2007 ajo pas një udhëtimi disaditor arriti në Zvicër – ilegalisht. Adem J., një burrë 50-vjeçar, u kishte premtuar prindërve të Dritës në Shqipëri se vajza e tyre mund të jetojë më mirë në Zvicër nëse martohet me djalin e tij. Drita ishte vetëm 15-vjeçare kur erdhi në Zvicër. Ajo nuk deshi të vinte këtu, por prindërit e saj të varfër dhanë pëlqimin.
15 vjet më vonë në Zvicër do të fillojë procesi gjyqësor kundër Adem J., i cili e solli Dritën në Zvicër. Adem J. tani është 65-vjeçar, ai ka shtetësi serbe dhe i përket pakicës shqiptare në Serbinë jugore. Të akuzuar janë edhe 4 djemtë e tij të moshës 26 deri 38. Ata akuzohen për: trafikim njerëzish, shkaktim të lëndimeve trupore, martesë me detyrim, dhunim, veprime seksuale me fëmijë. Babai i djemve akuzohet edhe për keqpërdorim të ndihmave sociale. Këta pesë burra dyshohet se i kanë kryer krimet e lartpërmendura në periudhën mes viteve 2003 dhe 2019. Në këtë periudhë ata përveç Dritës sollën në Zvicër edhe tri vajza të tjera nga Shqipëria dhe nga Serbia jugore. Ato u sollën këtu me premtimet e rrejshme se do të kenë një jetë më të mirë.
Aktakuza prej 34 faqesh numëron një sërë krimesh të kryera nga ky klan burrash mbi gratë e “importuara”. Burri i Dritës, Arsimi (emri i ndryshuar), me urdhër të babait të tij ushtron dhunë kundër Dritës, me rrip, me grusht, me gërshërë. E pështyn në fytyrë, e kërcënon se do ta vrasë, se do t’ia shkatërrojë jetën, se do të gëzohej nëse ajo vdes. E quan lavire. E dhunon.
Në vjeshtën e vitit 2008, shkruan “Tages Anzeiger”, Drita (16-vjeçare) lind fëmijën e parë. Jeton në shtëpi si në burg. Burri dhe vjehrri nuk e lejojnë të dalë nga shtëpia. I lejohet të dalë njëherë në tri javë. Vjehrri e urdhëron të birin e tij që t’i lejojë Dritës të telefonojë me familjen në Shqipëri vetëm njëherë në muaj – 5 deri 10 minuta. Në vitin 2018, Drita tashmë është 26-vjeçare pajiset me telefonin e parë mobil në jetë, por s’ka kredi për të telefonuar. Kështu thuhet në aktakuzë.
Drita dhe tri gratë e tjera e kalojnë kohën duke shërbyer në shtëpi. Ato detyrohen t’ua lajnë edhe këmbët vjehrrit dhe burrave të tjerë. Terrori fizik dhe psikik i thyen këto gra, ato vuajnë aq shumë nga frika dhe depresioni, saqë nuk marrin guximin të ikin nga shtëpia ku mbahen praktikisht të izoluara. Ato frikësohen se mund të dëbohen nga Zvicra pasi që burrat e tyre nuk i kanë lajmëruar te autoritetet në përputhje me ligjin.
Rreth vitit 2018 punëtorëve të entit social u bie në sy kjo familje. Ata kërkojnë që gratë të ndjekin një kurs të gjuhës gjermane dhe të interesohen për punë. Në fillim të vitit 2019 njëra nga kunatat e Dritës braktis burrin e saj të dhunshëm. Kjo e acaron vjehrrin, i cili e kërcënon Dritën se nëse edhe ajo ikën nga shtëpia, do të ketë pasoja, i thotë se mund të angazhojë një vrasës nga Shqipëria. Megjithatë, edhe Drita vendos të ikë nga shtëpia me fëmijët e saj. Pastaj ikin edhe gruaja e tretë dhe e katërt. Aktualisht, sipas avokatit të viktimave, ato jetojnë nën mbrojtje të autoriteteve. Për të akuzuarit vlen supozimi i pafajësisë deri në vendimin e plotfuqishëm të drejtësisë.
Gazeta “Tages Anzeiger” pyet në fund të shkrimit se si ka qenë e mundur që këta pesë burra të mbajnë këtë sistem të terrorit ndaj katër grave? Pse nuk e ka vërejtur askush këtë tmerr me vite të tëra? A kanë ditur diçka familjarët e afërt? Ndoshta në disa nga këto pyetje do të ofrojë përgjigje procesi gjyqësor./GazetaEkspress
Dritan (Gramoz) Rexhepi EKUADOR- “Mbreti i Kokainës ”, siç njihet bosi shqiptar i drogës Dritan (Gramoz) Rexhepi, vepron nga n...
Joy TIRANË- Publikohet një foto që tregon qartë gjendjen e 22-vjeçares nga Kenia, e cila njihet me emrin Joy. Fotoja &...
Artan Hoxha TIRANË- Gazetari investigativ Artan Hoxha tha se droga në Shqipëri nga vendet e Amerikës Latine nuk vjen vet&eum...
Artan Hoxha TIRANË- Gazetari investigativ, Artan Hoxha ka komentuar kokainën që sillet në Shqipëri përmes portit të Dur...
Pamje nga denoncimi Fiks Fare solli në vëmendjen e të gjithëve një fenomen mjaft të përhapur sot, bullizmin. Fakti b&eum...
Foto ilustruese Në Shqipëri niveli i korrupsionit është i krahasueshëm me atë në Rusi, një vend aut...
Foto ilustruese Dritan Zeneli është një nga banorët e Berxullit, tokat e të cilit preken nga projekti i rrugës Thumanë-K...
Foto ilustruese 6 vjet nga miratimi i ndryshimeve në Kodin e Procedurës Civile, Gjykata Kushtetuese ka dalë kundër parlamentit dhe ka s...
Proteste DURRËS- Gjykata e Durrësit la të lirë ditën e sotme personat që ishin nën akuzë për pasojat e t...
Silvana Hamza TIRANË- Nëna e "Renit të Elbasanit", Silvana Hamza tha se pas zhdukjes së djalit të saj kishin marrë disa mesa...
