Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në ndryshimet e propozuara të publikuara në Fletoren Zyrtare të Kuvendit të Shqipërisë, shihen se “Dhuna seksuale” dhe “Armëmbajtja pa leje” do të dënohen nga 5 deri në 10 vite burg.
TIRANË-Ministria e Brendshme në bashkëpunim me Ministrinë e Drejtësisë kanë depozituar ditën e sotme ndryshimet në Kodin Penal, që reflektohen nga “Paketa Ligjore për Sigurinë në Shkolla” e ndërrmarë nga qeveria muajin e kaluar.
Në ndryshimet e propozuara të publikuara në Fletoren Zyrtare të Kuvendit të Shqipërisë, shihen se “Dhuna seksuale” dhe “Armëmbajtja pa leje” do të dënohen nga 5 deri në 10 vite burg. Një pikë tjetër në paketën ligjore është dhe “Pornografia” e cila dënohet nga 2 deri në 3 vite.
• Dhuna seksuale (neni 107/a)
• Pornografia (neni 117);
• Trafikimi i të miturve (neni 128/b);
• Mbajtja pa leje dhe prodhimi i armëve, armëve shpërthyese dhe i municionit (neni 278);
• Prodhimi, mbajtja, blerja apo shitja pa leje e armëve të ftohta (neni 279);
• Prodhimi dhe shitja e narkotikëve (neni 283);
• Përshtatja e lokalit për përdorim droge (neni 285/a);
• Hedhja ose braktisja e shiringave (neni 285/b);
• Nxitja për përdorimin e drogës (neni 286);
• Drejtimi i automjeteve në mënyrë të parregullt (neni 291).
PROJEKTLIGJI
Nr. ______/2023
PËR DISA SHTESA NË LIGJIN NR. 7895, DATË 27.1.1995, “KODI PENAL I REPUBLIKËS SË SHQIPËRISË”, TË NDRYSHUAR
Në mbështetje të neneve 81, pika 2, shkronja “d”, dhe 83, pika 1, të Kushtetutës,
KUVENDI
I REPUBLIKËS SË SHQIPËRISË
VENDOSI:
Në ligjin nr. 7895, datë 27.1.1995, “Kodi Penal i Republikës së Shqipërisë”, të ndryshuar, bëhen shtesat dhe ndryshimet si më poshtë:
Neni 1
Në nenin 50 “Rrethanat rënduese”, shtohet paragrafi “ë” me këtë përmbajtje:
ë) kryerja e një vepre penale në dëm të një të mituri në mjediset e një institucioni arsimor ose në perimetrin e sigurisë së tij.
Neni 2
Në nenin 107/a “Dhuna Seksuale”, shtohet paragrafi me këtë përmbajtje: “Kur kjo vepër kryhet në mjediset ose në perimetrin e sigurisë së institucionit arsimor të frekuentuar nga i dëmtuari dënohet me burgim nga pesë deri në dhjetë vjet”.
Neni 3
Në nenin 117 “Pornografia”:
Pas paragrafit të parë, shtohet paragrafi me këtë përmbajtje:
“Kur kjo vepër kryhet në mjediset e një institucioni arsimor ose në perimetrin e sigurisë së tij, dënohet me burgim nga tre deri në pesë vjet”.
Pas paragrafit të tretë, shtohet paragrafi me këtë përmbajtje: “Rekrutimi, përdorimi, shtrëngimi ose bindja e një të mituri për të marrë pjesë në shfaqje pornografike, kur kryhet në mjediset e një institucioni arsimor ose në perimetrin e sigurisë së tij, dënohet me burgim nga shtatë deri në pesëmbëdhjetë vjet”.
Neni 4
Në nenin 128/b “Trafikimi i të miturve”, shtohet paragrafi si vijon:
“Kur kjo vepër kryhet në mjediset e një institucioni arsimor ose në perimetrin e sigurisë së tij, dënimi me burgim shtohet me ¼ e dënimit të dhënë”.
Neni 5
Në nenin 278 “Mbajtja pa leje dhe prodhimi i armëve, armëve shpërthyese dhe I municionit”, pas paragrafit të parë shtohet paragrafi me këtë përmbajtje:
“Kur kjo vepër kryhet në mjediset e një institucioni arsimor ose në perimetrin e sigurisë së tij, dënohet me burgim nga pesë deri në dhjetë vjet”.
Neni 6
Në nenin 279 “Prodhimi, mbajtja, blerja apo shitja pa leje e armëve të ftohta” pas paragrafit të dytë shtohet paragrafi me këtë përmbajtje:
“Mbajtja e armëve të ftohta si shpatat, bajonetat, thikat dhe mjete të tjera të përgatitura e të destinuara posaçërisht për sulm kundër personave ose për vetëmbrojtje, pa lejen e organeve kompetente, në mjediset e një institucioni arsimor ose në perimetrin e sigurisë së tij, dënohet me burgim nga tre deri në gjashtë vjet”.
Neni 7
Në nenin 283 “Prodhimi dhe shitja e narkotikëve”, shtohet paragrafi me këtë përmbajtje:
“Kur kjo vepër kryhet në mjediset e një institucioni arsimor ose në perimetrin e sigurisë së tij, dënohet me burgim nga shtatë deri në pesëmbëdhjetë vjet”.
Neni 8
Në nenin 285/a “Përshtatja e lokalit për përdorim droge”, shtohet paragrafi me këtë përmbajtje:
“Kur kjo vepër kryhet në perimetrin e sigurisë së një institucioni arsimor, dënohet me burgim nga pesë deri në dhjetë vjet”.
Neni 9
Në nenin 285/b “Hedhja ose braktisja e shiringave”, shtohet paragrafi me këtë përmbajtje:
“Kur kjo vepër kryhet në mjediset e një institucioni arsimor ose në perimetrin e sigurisë së tij, dënohet me burgim nga një vit deri në tre vjet”.
Neni 10
Në nenin 286 “Nxitja për përdorimin e drogës”, paragrafi i dytë zëvendësohet nga paragrafi më këtë përmbajtje: “Kur nxitja apo injektimi i detyruar bëhet ndaj fëmijëve apo në mjediset e një institucioni arsimor ose në perimetrin e sigurisë së tij, në institucione penale, sportive apo të çdo veprimtarie tjetër shoqërore dënohet me burgim jo më pak se pesëmbëdhjetë vjet.
Neni 11
Në nenin 291 “Drejtimi i automjeteve në mënyrë të parregullt”, pas paragrafit të parë shtohet paragrafi me këtë përmbajtje: “Kur kjo vepër kryhet në perimetrin e sigurisë së një institucioni arsimor, dënohet me burgim nga një vit deri në tre vjet”.
Neni 12
Ky ligj hyn në fuqi 15 ditë pas botimit në Fletoren Zyrtare.
KRYETARI
Lindita Nikolla
Jamarber Malltezi TIRANË- Jamarbër Malltezi, i cili një ditë më parë u la në masën e sigurisë 'arrest me burg'...
Policia ELBASAN- Kontrollet për Suel Çelën në Elbasan, kanë çuar në shoqërimin e të atit dhe vëllait ...
Armet DURRËS- Arrestohet Lorenc Luku. Ndalimi i 38-vjeçarit u bë në kuadër të operacionit 'Baza', i cili u finalizua nga Se...
Oficeret TIRANË- Vijon sekuestrimi i pronave të Jamarbër Malltezit, dhëndrrit të kryetarit të Partisë Demokratike, Sali ...
Mjegull e dendur MALIQ-Një mjegull e dendur ka mbuluar aksin rrugor Maliq-Pogradec, çka ka krijuar dhe probleme në qarkullimin e automjet...
Suel Çela ELBASAN- Aksion në Elbasan për kapjen e Suel Çelës! Forca të ndryshme të policisë të asistu...
Berisha dhe Malltezi Më 1 qershor 2022, Fatmir Bektashi, biznesmen, pronar ose bashkëpronar i një numri kompanish ndërtimi në...
Moti TIRANË- Moti do të jetë me kthjellime dhe vranësira mesatare deri të dendura shtresore. Temperaturat minimale do të luh...
E reja TIRANË- Një zonjë denoncon motrën e saj të madhe në emisionin investigativ “Stop” në Tv Klan, e cila,...
TIRANË- Në 12 Shtator, emisioni investigativ “Stop” në Tv Klan transmetoi një problemtikë të një shtetasi itali...
