Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Ishte Gjykata e Shkallës së Parë në Vlorë, ajo që vendosi masën “Sekuestro Preventive” të tokës në zonën e Livadhit në Himarë.
VLORË- Prokuroria e Vlorës ka sekuestruar 6000 m2 tokë në Himarë më vlerë 1.8 mln euro, të cilat ishin regjistruar me dokumente të falsifikuara në emër të Kristo Gjokës. Ishte Gjykata e Shkallës së Parë në Vlorë, ajo që vendosi masën “Sekuestro Preventive” të tokës në zonën e Livadhit në Himarë. E gjitha pasi nga hetimi rezultoi se pasuria e regjistruar pranë Agjencisë Shtetërore të Kadastrës Vlorë (ASHK) është regjistruar me dokumenta të falsifikuara, ndaj dhe Gjykata ka vendosur masën e sekuestros mbi pasurinë, e cila me vlerën e tregut përllogaritet se kap vlerën e 1.8 milionë eurove.
Po ashtu, më tetor të vitit 2019, Kristo Gjoka pati probleme me disa prona të tjera në jug. Asokohe, ai doli në një deklaratë për mediat pasi kallëzoi 13 persona, mes tyre dhe biznesmenin Alban Xhillari. E gjitha ka nisur me një kërkesë për t’a tjetërsuar këtë pronë, për t’a kaluar si një tokë shtetërore. Familja Gjoka e ka fituar çështjen në gjykatë dhe vendimi është i formës së prerë.
Në 12 shkurt të atij viti, gjykata e Apelit në Vlorë kishte vendosur që t’i jepte pronën familjes Gjoka dhe ta lejonte regjistrimin e pronës. Procesi ka vijuar, dhe pronarët jo vetëm që kanë marrë pronën, po kanë bërë edhe shitje në palë të treta, duke zbatuar vendimin e Apelit. Ndërkohë një vendim i gjykatës së Lartë më 6 qershor, bën që palët të hyjnë në një tjetër konflikt. Gjykata e Lartë vendosi anulimin e vendimit të Gjykatës së Apelit Vlorë, por palët tashmë kishin nisur zbatimin e vendimit të Apelit. Dosja.al zbuloi e para se prona për të cilën palët kishin hyrë në konflikt ishte trualli në të cilin është ndërtuar kompleksi “Folie Marine”.
Për çështjen pati dhe një seri shkarkimesh në Kadastrën e Vlorës, duke numëruar 3 drejtorë të larguar, e duke përfshirë edhe 3 nëndrejtorët. Drejtorët e larguar pretendonin se vendimi i Gjykatës së Lartë ishte i pavlefshëm dhe nuk mund të zbatohej, pasi palët e kanë zbatuar vendimin e Gjykatës së Apelit.
Njoftimi i plotë:
Me kërkesë të Prokurorisë Pranë Gjykatës së Shkallës së Parë Vlorë, Gjykata e Shkallës së Parë Vlorë, caktoi masën e sigurimit pasuror “Sekuestro Preventive”, për një sipërfaqe totale prej 6000 m², të ndodhura në zonën e Livadhit, Himarë në Qarkun Vlorë. Vlera e pasurisë të sekuestruar, sipas përllogaritjeve bazuar mbi çmimet e tregut, kap shifrën prej 1 800 000 euro.
Prokuroria Pranë Gjykatës së Shkallës së Parë Vlorë në datë 07.09.2021, ka regjistruar proçedimin penal me nr.1300, për veprat penale “Shpërdorim detyre”, “Falsifikim të dokumenteve” dhe “Pastrim të produkteve të veprës penale ose veprimtarisë kriminale”, parashikuar nga nenet 248, 186 dhe 287 të K.Penal. Nga hetimi rezultoi se pasuria e regjistruar pranë Agjencisë Shtetërore të Kadastrës Vlorë (ASHK), në nenin hipotekor 235, datë 01.09.2020, ZK.1952, Himarë, është regjistruar me dokumente të falsifikuara në emër të shtetasit K. Gj.
Gjatë hetimeve të kryera deri në këtë fazë të hetimit, mbi bazën e akteve të administruara si dhe aktit të ekspertimit tekniko-grafik të kryer nga ana e Institutit të Policisë Shkencore Tiranë, ka rezultuar e provuar se dokumentacioni i kësaj praktike që bën fjalë për pasuri të regjistruar në zonën e Livadhit Himarë, ka rezultuar i falsifikuar.
Nga aktet hetimore, provohet se i dyshuari shtetasi K. Gj., banues në Himarë, ka falsifikuar dokumentet e pronësisë, AMTP-në, formularin nr.6, si dhe gjithë praktikën e dalë nga Këshilli i Qarkut Vlorë, DAMT-ja. Shtetasi K. Gj., dokumentet e falsifikuara i ka paraqitur fillimisht pranë Bashkisë Himarë, Drejtorisë të Manaxhimit të Tokave Pyjeve dhe Kullotave ku ka kërkuar regjistrimin e ngastrës te quajtur “Apelistra”, me sipërfaqe 6000m2.
Mbi bazën e akteve të administruara deri më tani, nga ana e Prokurorisë pranë Gjykatës së Shkallës së Parë Vlorë, është paraqitur pranë Gjykatës së Rrethit Gjyqësor Vlorë, kërkesa për caktimin e masës së sigurimit personal shtrënguese, “Arrest në burg”, parashikuar nga neni 238 i K.Pr.Penale, për shtetasin K.Gj.
Me vendimin me nr.448 datë 22/10/2022 Gjykata e Rrethit Gjyqësor Vlorë ka pranuar kërkesën e paraqitur nga ana e Prokurorisë pranë Gjykatës së Shkallës së Parë Vlorë, sipas objektit të mësipërm. Po kështu, në funksion të këtij procedimi penal, është kërkuar pranë Gjykatës së Shkallës së Parë Vlorë, caktimi i masës së sigurimit pasuror “Sekuestro Preventive”, lidhur me nenin hipotekor 235, datë 01.09.2020, ZK.1952, Himarë më një sipërfaqe totale prej 6000 m², të ndodhura në zonën e Livadhit, Himarë në Qarkun Vlorë.
Me vendimin me nr.449 datë 22/10/2022, Gjykata e Rrethit Gjyqësor Vlorë, ka pranuar kërkesën e paraqitur nga ana e Prokurorisë pranë Gjykatës së Shkallës së Parë Vlorë, duke vendosur masën e sigurimit pasuror të sekuestros preventive për pasurinë e cituar në kërkesën e paraqitur nga Prokurorisë Vlorë.
vijon...
Porto Romano TIRANË- Një nga banorët e Porto Romanos ka treguar se si e ka marrë djalin e tij nga spitali, disa orë pasi e kishte ...
Aksidenti FUSHË KRUJË- Një aksident me pasojë vdekjen e një 20-vjeçari ka ndodhur ditën e sotme në fshatin Arrame...
Policia VLORË- Një rast kontrabandë është zbuluar ditën e sotme në Portin e Vlorës. Një 44-vjeçar ë...
Stuart Skeates BRITANI- Një gjeneral i lartë britanik Stuart Skeates, i cili ka shërbyer në Afganistan dhe në l...
Fabrika DURRËS- Inspektoriati Shtetëror Teknik Industrial ka reaguar pas shpërthimit të çisternave që ndodhën dit...
Policia FIER- Sherr mes dy vëllezërve. Policia informon se një 41-vjeçar ka goditur me sende të forta vëllain e tij. Person...
Ulsi Manja TIRANË- Ministri i Drejtësisë Ulsi Manja tha se mund t'i propozohet qeverisë një amnisti penale deri në fund t&eum...
Policia TIRANË- Një 24-vjeçar është arrestuar në kryeqytet. Policia informon se personi me inicialet S.S, iu janë gjet...
Ibrahim Lici TIRANË- Autoritetet turke i kanë dërguar një shkresë Prokurorisë shqiptare, me anë të së cilë...
Banori DURRËS- Një prej banorëve në Porto Romano ka treguar se mori vesh për rrjedhjen e gazit në fabrikën 'Gaz Poë...
