LIVE UPDATES
LIVE UPDATES

Vizita në Shqipëri/ Presidentja e Hungarisë: Kosova&Serbia të gjejnë rrugën drejt paqes! Begaj: Dhuna ndaj KFOR e papranueshme

•Presidentja e Hungarisë Katalin Novak ndodhet në Shqipëri në një vizitë dy ditore. •Ajo u prit me një ceremoni zyrtare nga presidenti Bajram Begaj, me të cilin mbajti edhe një konferencë për shtyp. •Të dy së bashku bënë thirrje për çtensionimin e situatës në veri të Kosovës. •Novak tha se Kosova dhe Serbia të gjejnë rrugën e paqes ndërkohë presidenti Bajram Begaj tha se popullata serbe po keqpërdoret. •Novak do të ketë edhe një fjalë përshëndetëse në Kuvendin e Shqipërisë, në orën 13:00.

5 artikuj për këtë temë.

1 VITE ME PARE

'Erdha në Shqipëri në një kohë kritike'/Presidentja e Hungarisë në Kuvend: Të ruajmë sigurinë

Vizita në Shqipëri/ Presidentja e Hungarisë: Kosova&Serbia
Katalin Novak

TIRANË- Presidentja e Hungarisë, Katalin Novak la folur sot në Kuvend për situatën e sigurisë në Ballkanin Perëndimor, duke prekur edhe situatën e tensionuar në veri të Kosovës.

Gjatë vizitës në Tiranë, Novak theksoi se është e rëndësishme të ruhet stabiliteti dhe siguria e vendeve të Ballkanit Perëndimor.

“Kam ardhur në Shqipëri në një kohë kritike. Europa po përballet me vështirësi. Në radhë të parë, lufta në Ukrainë dhe pasojat e kësaj lufte. Në radhë të dytë Ballkani perëndimor, stabiliteti. Dhe së treti rritja e vazhdueshme e imigracionit ilegal, Së katërti sfidat demokratike. Së pesti fuqia politike botërore e Europës është në pikëpyetje. Duhet të flas në lidhje me luftën në Ukrainë,-"tha Katalin Novak.

Presidentja e Hungarisë gjatë fjalimit të saj gjithashtu ka theksuar se e mbështet integrimin e Shqipërisë në BE.

"Të gjithë ishin të habitur me atë që ka ndodhur në Ukrainë. Vendimi i Rusisë për të sulmuar fqinjin e tij na ka vënë në një situatë të re. Dua të përmend që si fqinj të Ukrainës kemi ndihmuar 2 mln refugjatë. Shumica e tyre nuk kanë qëndruar për një kohë të gjatë. Ne jemi aty kur duhet të japim ndihmë humanitare. Lufta duhet të mbarojë sa më shpejt. Shohim rritje të çmimit të energjisë elektrike, inflacioni, shohim frikën në sytë e njerëzve në Europë. Çdo njeri ka frikë se lufta mund të shkojë deri në kombin e tij. Së dyti kam përmendur stabilitetin. Të gjithë shohim Ukrainën por ne harrojmë sa i rëndësishëm është që Ballkani perëndimor të ketë paqe dhe siguri. Sa pak duhet për të rritur tensionet që kjo pastaj të kalojë edhe në nivel lufte. Është e rëndësishme të ruajmë stabilitetin dhe sigurinë e vendeve të Ballkanit Perëndimor. Në Kosovë, në misionin e KFOR-it ka 400 ushtarë hungarezë, 20 janë lënduar gjatë sulmeve të fundit. Shumica e tyre janë në spital. Jam i bindur që stabiliteti i Ballkanit Perëndimor është çelës për integrimin europian. Paqja, siguria e Europës varet shumë nga Ballkani Perëndimor. Ne mbështesin integrimin e Shqipërisë në BE. Ndaj duam që ju, shqiptarët t’ju përshëndesim si qytetarë të BE. Edhe ne kemi nevojë për ju brenda BE”, -tha ajo.

1 VITE ME PARE

“Kemi mbi 400 trupa, pjesë të KFOR-it në Kosovë”, Presidentja e Hungarisë: Dialogu, rruga e duhur për zgjidhjen e situatës

Vizita në Shqipëri/ Presidentja e Hungarisë: Kosova&Serbia
Katalin Novak dhe Bajram Begaj

TIRANË- Presidentja e Hungarisë, Katalin Novak, në konferencën e përbashkët me kreun e shtetit Bajram Begaj, theksoi se dialogu është rruga e duhur për zgjidhjen e situatës në Kosovë. Presidentja Novak vuri në dukje se situata e krijuar në Kosovë gjatë ditëve të fundit ka qenë temë diskutimi në këtë takim, ku fokusin e ka vënë te rëndësia që ka dialogu mes dy palëve për të arritur paqen dhe stabilitetin në rajon.

“Nëse lejojmë, mund të ndodhë një përshkallëzim i situatës në Bosnje dhe në Kosovë, dhe bashkë me presidentin kemi diskutuar rëndësinë e paqes dhe të stabilitetit të rajonit. Duke mbështetur integrimin e vendeve të Ballkanit Perëndimor, dhe në çdo forum ne themi se duhet mbështetja e Shqipërisë në rrugën e integrimit. Kombi është në rrugën e duhur dhe ne do të ndihmojmë për të mbajtur paqen dhe sigurinë. Kemi mbi 400 trupa, pjesë të KFOR-it në Kosovë dhe falenderoj z. president për shprehjen e keqardhjes për plagosjen e ushtarëve në veri të Kosovës”, është shprehur ndër të tjera presidentja hungareze.

Novak u shpreh se integrimi i Ballkanit Perëndimor, ka një rëndësi të veçantë në ruajtjen e sigurisë në Evropë. “Është i rëndësishëm për mua ky takim, pasi pak a shumë kemi të njëjtën kohë në këtë pozicion. Në këtë vit jam përpjekur që të jemi aktivë në Ballkanin Perëndimor, pasi është pengu i sigurisë së Evropës. Paqja në Ballkanin Perëndimor ka rëndësi për Evropën, ndaj ka rëndësi bashkimi i tyre me BE-në, dhe kam mbaruar rrugëtimin me të gjithë liderët dhe i sigurova se do i mbështesim ato në integrimin e BE-së”.

1 VITE ME PARE

Begaj pret homologen hungareze: Keqardhje për ushtarët tuaj të lënduar në Veri të Kosovës

Vizita në Shqipëri/ Presidentja e Hungarisë: Kosova&Serbia
Presidenti i Shipërisë, Bajram Begaj

TIRANË- Presidenti Bajram Begaj ka organizuar ditën e sotme një takim me presidenten e Hungarisë, Katalin Novak, me qëllim arritjen e një bashkëpunimi dypalësh, për procesin e integrimit në BE të Shqipërisë dhe Ballkanit Perëndimor, si dhe për zhvillimet aktuale në rajon. Ai shprehu keqardhjen e tij për ushtarët hungarezë që u lënduan në veri të Kosovës.

I shpreha keqardhjen presidentes Novak, për ushtarët hungarezë të lënduar në Veri të Kosovës. Vlerësova marrëdhëniet shumë të mira, historike e tradicionalisht miqësore midis dy vendeve. Heronjtë kombëtarë të dy vendeve tona, Skënderbeu dhe Huniadi, hodhën bazat e një partneriteti strategjik. Faleminderit Hungarisë që inicioi shpalljen nga OKB të 5 shtatorit si Ditën Ndërkombëtare të Bamirësisë në nderim të shenjtores shqiptare, Nënë Tereza.

Falë vizionit të përbashkët euroatlantik, marrëdhëniet politike dypalëshe janë forcuar edhe më shumë. Dy vendet tona janë aleate në NATO dhe bashkëpunojnë ngushtë në kuadër të procesit të integrimit në BE të Shqipërisë. Vëmendje shumë të veçantë ia kushtuam bashkëpunimit ekonomik e tregtar. Vlerësova interesin në rritje të bizneseve hungareze për të investuar në Shqipëri. Kërkova ndihmën e Presidentes Novak, për ta inkurajuar më shumë biznesin hungarez të orientohet drejt tregut shqiptar. Mundësitë janë shumë të mëdha. Mirënjohje për mbështetjen që Hungaria i ka dhënë Shqipërisë në procesin e integrimit evropian. Vlerësova angazhimin e madh të Hungarisë për stabilitetin e Ballkanit Perëndimor.

Vlerësova kontributin e gjatë me trupa ushtarake në Kosovë, në kuadër të KFOR-it. Për ne ka rëndësi shumë të madhe mbështetja e dialogut, si dhe mbështetja e Kosovës për t’u anëtarësuar në organizatat ndërkombëtare, përfshirë edhe në KiE. Vlerësuam dhe bashkëpunimin shumë të mirë në kuadër të organizatave ndërkombëtare.  Hungaria  mbështeti kandidaturën e Shqipërisë për të qenë anëtare jo e përhershme në Këshillin e Sigurimit të Kombeve të Bashkuara”, u shpreh presidenti Bajram Begaj.

1 VITE ME PARE

Rritja e pagave për deputetët, Begaj: S’kam dhënë miratim paraprak, ligji kaloi me konsenus në Kuvend

Vizita në Shqipëri/ Presidentja e Hungarisë: Kosova&Serbia
Bajram Begaj

TIRANË- Rritja e pagave u komentua ditën e sotme nga Presidenti Bajram Begaj. Gjatë konferencës së përbashkët me presidenten e Hungarisë, Begaj tha se ligji në fjalë bëhet për të rregulluar piramidën e pagave, ndërsa theksoi se ende nuk e ka pëlqimin për përmbajtjen ligjit

“Presidenti në fakt zbaton kushtetutën dhe ligjet e vendit. Nuk ishte vendim i deputetëve. Ishte ligj i miratuar në parlament, me shumicë dhe konsensus. Ligji në fjalë bëhet për të rregulluar piramidën e pagave, në administratë dhe pagat e magjistratëve. Presidenti ka dhënë sipas Kushtetutës pëlqimin paraprak që ky ligj të hyjë në fuqi pas dekretimit. S’kam dhënë pëlqimin për përmbajtjen e ligjit. Presidenti ka marrë kohë për të vlerësuar ligjin. Nuk është dhënë miratimi paraprak për ligjin, por për hyrjen në fuqi të ligjit në momentin e dekretimit”

Begaj dekretoi dy ditë më parë 3 ligjet për rritjen e pagave për deputetët, ministrat dhe administratës publike. Pas firmosjes së dekretit të Begajt, ligjet hyjnë në fuqi në mënyrë të menjëhershme. Ligji i ri është pjesë e strategjisë së qeverisë për të rritur pagën mesatare në vend nga 530 euro në 930 euro dhe përfitues të parë ka 130 000 punonjësit e administratës.

Në seancën e fundit parlamentare, të majtët dhe të djathtët bashkuan votat për të miratuar rritjen e pagave, vendim nga, i cili do të përfitojnë edhe 140 deputetët e Parlamentit si dhe ministrat e qeverisë./Dosja.al

1 VITE ME PARE

Presidentja e Hungarisë mbërrin në Tiranë, pritet me vizitë zyrtare nga Begaj

Vizita në Shqipëri/ Presidentja e Hungarisë: Kosova&Serbia
Katalin Novak dhe Bajram Begaj

TIRANË- Presidentja e Hungarisë, Katalin Novak ka mbërritur në Tiranë, teksa është pritur me vizitë zyrtare nga kreu i shtetit Bajram Begaj.

Në qendër të bisedimeve do të jenë zhvillimi i marrëdhënieve politike dhe ekonomike midis dy vendeve, bashkëpunimi me Hungarinë në funksion të procesit të integrimit të Shqipërisë dhe vendeve të tjera të Ballkanit Perëndimor, zhvillimet në rajonin e Ballkanit Perëndimor, si dhe zhvillimet e reja gjeopolitike të ndikuara nga agresioni ushtarak rus në Ukrainë.

Pas takimit që do të kenë 'kokë më kokë', dy homologët do të mbajnë edhe një konferencë për shtyp, e cila pritet të nisë rreth orës 11:30.

katalin novak bajram begaj

Sondazh

Poll

Raporti i BE për fonde e bujqësisë, Tabaku: OLAF e konsideron vjedhjen më të madhe

Raporti i BE për fonde e bujqësisë, Tabaku: OLAF e konsideron vjedhjen më të madhe

Abuzimet me fondet për bujqësinë/ Zhupa: Nuk duam t'i bëjmë gjyqin Frida Krifcës, le t'ja bëjë SPAK

Bardhi në Kuvend: Konferenca e Kryetarëve nuk e ka në kompetencë të refuzojë këtë kërkesë

"U ngrite se të doli emri, por nuk je i përgatitur",Rama i kujton profesionin e vjetër kryebashkiaut

Rama nxjerr shifrat:Për të ulur një charter në aeroportin e Tiranës duhet ta prenotosh 3ditë përpara

Rritja e çmimeve/ Rama: Vlonjatëve u kanë ikur trutë nga vendi, po bien në gropën e gjoksit të tyre

Rama: Ka një sulm të organizuar për të na dëmtuar, sistemet kibernetike kanë ndezur dritën e kuqe

Legalizimi/Rama me kryetarët e Bashkive:Ndërtesat për biznese le të presin, për banesat të nisi puna

Rama me kryetarët e Bashkive: Do përfshiheni në procesin e legalizimit, ka lënë për të dëshiruar

"Po e ktheni Berishën në të burgosur politik", Dumani i përgjigjet Shehut:Nuk kam lidhje me poltikën

Noka e Bardhi përplaset me Felajn në Kuvend,afrohet te foltorja, kryesuesja e seancës: Uluni në vend

"Kush po hetohet për aferën e inceneratorëve?", Dumani i përgjigjet Nokës: Është çështje në hetim!

Sa zyrtarë të lartë kanë përdorur Sky Ecc? Si ju përgjigj Dumani pyetjes së deputetit demokrat

Pse po mbahen dy standarte për Berishën dhe Ahmetajn? Dumani i përgjigjet deputetit të PD

Skandali i mikrokredive, Dumani i përgjigjet pyetjes së Bardhit: Nuk ka pushim të çështjes

"Rama iu ka kërkuar të mbyllni Dosjen Xibraka"/ Dumani i përgjigjet Bardhit

"Iu ka kërkuar Rama të mbyllni dosjen Xibraka"/ Bardhi pyet Dumanin: Çfarë përgjigje i ke dhënë?

Vrasjet janë më të shpeshta në Durrës e Fushë Krujë/Dumani tregon si pastrohen paratë në vendin tonë

Nga "Xibraka" te kullat në Tiranë, Çela i përgjigjet pyetjeve të Bardhit

Prokurori i Përgjithshëm raporton në Kuvend: Kriminaliteti më i lartë në Vlorë

Ndryshime për ligjin e armëve/ Tabaku: Kërkoni të ndërhyni dy herë brenda dy muajsh!

"Tallje me raportimin e institucioneve", Sula: E keni kthyer Kuvendin në Republikë Kryeministrore

Bardhi: Kërkojmë debat për gjetjet e OLAF për fondet në bujqësi, institucionet të hetojnë skandalin

Berisha thirrje qytetarëve dhe partive opozitare: Bashkohuni me ne për qeveri teknike

Berisha:Rama e do Shqipërinë pa shqiptarë!Ai tejkaloi edhe parashikimet gjenocidale të Çubrilloviçit

"Gjendemi përballë një katastrofe ekzistenciale", Berisha mban fjalën në protestë

Meta: Rama financohet në Uashington dhe Bruksel nga armiqtë më të egër, për ti ngulur thika Kosovës

Protestuesit te bashkia e Tiranës, hedhin molotov drejt godinës, flakë në dritaret e institucionit

"Turp për ata që përtojnë të vijnë këtu",Meta:Duhet të mblidhemi gjithë t'i vëmë vizën këtij regjimi

Mbështetësi besnik i Berishës dhe PD, Stresi ndan pamje nga protesta para kryeministrisë

PROTESTA/ Hidhet molotov drejt kryeministrisë, flakë te dera e godinës

Deputetët e PD dhe protestuesit lënë selinë blu, nisen drejt kryeministrisë i bashkohen protestës

"Të bashkuar në betejë"/ Nis protesta e opozitës para kryeministrisë, Meta mbërrin në tubim

Protesta kombëtare e opozitës

Protesta e opozitës, efektivët e policisë "blindojnë" kryeminstrinë

Gati protesta e opozitës, protestuesit mblidhen në selinë e PD

Interpelanca me Koçiun/, Tabaku: Nuk mund të bësh politikë me jetë njerëzish

“Rama të vijë në Kuvend dhe të japë llogari,” Zhupa: Maxhoranca do të ketë fatin e Beqajt

Debate të ashpra në Kuvend/ Nikolla i mbyll fjalë Nokës, deputetët e PD-së mblidhen te foltorja

Tensione në seancë, Bardhi- Braçes: Mbylle gojën, gore! Vrave njerëz dje para derës së SPAK-ut

Bardhi: Për çfarë e ka këshilluar Florian Coldea kryeministrin?

Me pranga në duar dhe i rrethuar me policë, dalin pamje nga arrestimi i Ilir Beqajt

Rama: Menaxherë të huaj do asistojnë QSUT-në, pagat e mjekëve sipas performancës

Rama sulmon mediat: Historia e kobaltit është e fabrikuar dhe kriminale

Rama: Të përdorësh uniformën si maskat e grabitqarëve, është krim kundër njerëzimit

Skandali te Onkologjiku, ministrja Koçiu:Mjekët që duan të punojnë në privat do duhet të marrin leje

Zjarr masiv në Shkodër/ Flakët SHKRUMBOJNË tregun e rrobave të përdorura dhe disa banesa

Zjarrfikëset në luftë me flakët në Shkodër, rrezikohen banesat

Zjarr në një treg rrobash në Shkodër/ Shtëllunga gjigande e tymit pushton zonën

“Jam çliruar nga ankthi i vulës dhe i logos”,Basha: Kushti që kam është distancimi nga Rama dhe Meta