“Europës i duhet rajoni ynë”/ Rama nga Berlini: Shqipëria dëshiron të bëhet pjesë e BE-së përpara se të mbarojë kjo dekadë
“Sulmet kibernetike janë një problem madhor, me të cilat është përballur vendi"/ Rama: Dezinformimi krijoi m...
“Sulmet kibernetike janë një problem madhor, me të cilat është përballur vendi"/ Rama: Dezinformimi krijoi m...
"Toka të mos u shitet spekulatorëve Trump dhe Kushner"/ Eurodeputetja Salis nga PE: Në Shqipëri po protestojnë kund&eum...
"'Revolucioni i flamingove' në Shqipëri po kundërshton planet e tyre"/ Komenti i The Guardian: Ajo që duan Jared dhe Ivanka,...
Operacioni i SPAK/ Kush është Dritan Gjika, "koka" e mafias shqiptare të trafikut të drogës në Ekuador 16 Qershor...
Ndonëse numri i pasagjerëve është rritur, bllokimet e trafikut dhe devijimet e shpeshta të itinerareve kanë ulur numrin e kilometrave të përshkuar nga autobusët.
Prej 14 ditësh në Tiranë po zhvillohen protesta masive qytetare, që nisin në orët e pasdites dhe përfundojnë në orët e vona të natës me marshime në rrugët pranë qendrës. Për transportin publik në Tiranë mbajtja e protestave po jep efekt domino.
Nga njëra anë, në disa linja urbane është vënë re një rritje e ndjeshme e numrit të udhëtarëve, veçanërisht në orët e vona të mbrëmjes. “Prej 20 vitesh në shërbimin e transportit publik nuk kishte ndodhur asnjëherë një fluks kaq i lartë pasagjerësh në orët 22:00 dhe 23:00. Është hera e parë që shoh një frekuentim të tillë të lartë. Rritja ka ardhur për shkak të protestave” pohon një faturino i linjës Qendër–Porcelan.
Ndonëse numri i pasagjerëve është rritur, bllokimet e trafikut dhe devijimet e shpeshta të itinerareve kanë ulur numrin e kilometrave të përshkuar nga autobusët.
Kjo situatë pritet të ndikojë drejtpërdrejt edhe te të ardhurat e operatorëve, pasi kompensimi për perfomancën, që operatorët përfitojnë nga Bashkia e Tiranës llogaritet mbi bazën e kilometrave të realizuar në shërbim. Si pasojë, sa më pak kilometra të përshkruhen, aq më i ulët është edhe kompensimi që përfitojnë operatorët.
Në Tiranë, transporti i shërbimit publik operon me financim të bashkisë së Tiranës nëpërmjet dhënies së subvencioneve dhe financim të kompanive private.
Kostandin Foni kryetar i Shoqatës Kombëtare të Transportit Qytetas shpjegon se vetëm për transportin urban në Tiranë, Bashkia jep kompensim në bazë të itinerarit të kilometrave të përshkruara.
Konkretisht, sipas tij, nëse operatorët kanë përshkuar 94 deri në 96% të kilometrave të përcaktuara, përfitojnë kompensim në vlerën 0.9 lekë për çdo biletë të shitur.
Nëse kanë përshkruar 92 deri 94% të itenerarit, masa e kompensimit është 0.8 lekë për çdo biletë. Dhe për 90 deri 92% të itenerarit vlera e kompensimit për biletë është 0.7 lekë.
Për shkak të protestave në shumë akse të Tiranës ka pasur bllokime dhe për këtë arsye iteneraret e linjave, si për autobusët e Unazë së Vogël, Tiranën e Re, TEG, Kristal etj është detyruar të devijohet itenerari.
Në këtë situatë Shoqata Kombëtare e Transportit Qytetas i ka dërguar një letër Bashkisë ku i kërkon që gjatë kësaj periudhe të merren në konsideratë kushtet e krijuara nga protestat për vlerësimin e perfomancës së operatorëve.
“Si pasojë e protestave të zhvilluara në territorin e Bashkisë Tiranë, të cilat kanë sjellë bllokime dhe devijime të vazhdueshme të akseve kryesore rrugore. Për shkak të këtyre kufizimeve të qarkullimit, operatorët e transportit publik qytetas janë detyruar të ndryshojnë itineraret e linjave, të devijojnë nga rrugët e miratuara dhe në shumë raste të mos kenë mundësi të realizojnë plotësisht kilometrat e planifikuara sipas kontratave dhe detyrimeve të përcaktuara nga Bashkia Tiranë.
Kërkojmë që kilometrat e parealizuara si pasojë e rrethanave të njihen dhe të konsiderohen si kilometra të realizuara, për efekt të vlerësimit të përfomancës dhe detyrimeve kontraktore të operatorëve”, thuhet në letër.
Në total në kryeqytet operojnë rreth 50 linja autobusësh, me një flotë prej 200 autobusësh.
Letra e plotë
“Shoqata e Transportit Publik Qytetas dëshiron të sjellë në vëmendjen tuaj situatën e krijuar gjatë javës së fundit dhe në vijim, si pasojë e protestave të zhvilluara në territorin e Bashkisë Tiranë, të cilat kanë sjellë bllokime dhe devijime të vazhdueshme të akseve kryesore rrugore. Për shkak të këtyre kufizimeve të qarkullimit, operatorët e transportit publik qytetas janë detyruar të ndryshojnë itineraret e linjave, të devijojnë nga rrugët e miratuara dhe në shumë raste të mos kenë mundësi të realizojnë plotësisht kilometrat e planifikuara sipas kontratave dhe detyrimeve të përcaktuara nga Bashkia Tiranë.
Theksojmë se kjo situatë nuk ka ardhur si pasojë e neglizhencës apo mosangazhimit të operatorëve, por për shkak të rrethanave objektive dhe të pavarura nga vullneti i tyre. Pavarësisht vështirësive, operatorët kanë vijuar të ofrojnë shërbimin e transportit publik në masën më të madhe të mundshme, duke garantuar lëvizjen e qytetarëve dhe funksionimin e rrjetit të transportit.
Kështu, kërkojmë që në vlerësimin e performancës së operatorëve për periudhën e javës së kaluar dhe ditët në vijim, të merren në konsideratë kushtet e jashtëzakonshme të krijuara nga protestat, devijimet dhe bllokimet e akseve rrugore. Konkretisht, kërkojmë që kilometrat e parealizuara si pasojë e këtyre rrethanave të njihen dhe të konsiderohen si kilometra të realizuara për efekt të vlerësimit të performancës dhe detyrimeve kontraktore të operatorëve.
Jemi të bindur se Bashkia Tiranë do të vlerësojë me objektivitet këtë situatë të jashtëzakonshme dhe do të marrë në konsideratë ndikimin real që ajo ka pasur në aktivitetin e operatorëve të transportit publik qytetas.”/Monitor
Foto ilustruse TIRANË- Ditën e Hënë vendi ynë do të ndikohet nga kushte atmosferike relativisht të qëndrueshme. Mot...
pamje nga protesta TIRANË- Një shembull qytetarie është shfaqur gjatë protestës në zonën e Laprakës. Nd&...
Eugert Merizaj TIRANË- Gjykata e Apelit në Tiranë ka pranuar kërkesën për konvertimin e dënimit të Eugert Merizajt ...
SHBA- Në prag të ndeshjes Holandë-Japoni në Teksas, atmosfera në stadium ka marrë vëmendje të veçantë...
TIRANË- Edhe këtë të diel, mijëra qytetarë u mblodhën në Tiranë në ditën e 15-të të prot...
pamje nga protesta TIRANË- Ka përfunduar protesta e 15-të e revoltës qytetare ndaj poltikave në vend. Mësohet se qytetar&eum...
Osman Stafa TIRANË- Gazetari Osman Stafa ka motivuar protestuesit duke u thënë se janë në anën e duhur të historisë...
interpol ANGLI- Interpol Tirana në bashkëpunim me njësinë kombëtare të të kërkuarve pjesë e National Crim...
pamje nga protesta TIRANË- Një protestues i është kundërpërgjigjur me tone të ashpra deklaratës së kryeministr...
TIRANË- Pankarta me shkrime pikante kanë tëhequr vëmendjen e mediave dhe qytetarëve në protestën e 15-të në kryeq...
