Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Më largimin e Shkrelit nga puna, ajo thotë se thellohet shkatërrimi i një teatri shekullor dhe shkatërrimi i tempullit më të rëndësishëm të Shkodrës, siç është teatri "Migjeni".
SHKODËR- Aktori i trupës së Teatrit “Migjeni” në Shkodër, Simon Shkreli është larguar nga puna me urdhër të kryebashkiakut, Benet Beci. Lidhur me këtë ka reaguar kryetarja e PD-së në Shkodër, Eliona Kodra Shkreli, njëkohësisht bashkëshortja e Shkrelit.
Përmes një postimi në rrjetet sociale, Kodra shprehet se ky largim i padrejtë nga pun a është kostoja e lirisë së fjalës, denoncimit me fakte, evidentimit të problemeve dhe thënies së të vërtetës në këto 2 vite që Benet Beci, sipas saj më shumë e ka shkatërruar qytetin se sa ka ndërtuar.
Më largimin e Shkrelit nga puna, ajo thotë se thellohet shkatërrimi i një teatri shekullor dhe shkatërrimi i tempullit më të rëndësishëm të Shkodrës, siç është teatri "Migjeni".
"Pa asnjë diskutim që largimi i padrejtë nga puna i bashkëshortit tim do vijojë në një proces gjyqësor përballë Bashkisë korruptive, abuzuese me taksat e shkodranëve dhe hakmarrëse të Benet Becit dhe shokëve e shoqeve të Tij, servilë të bindur.", shprehet ajo ndër te tjera.
POSTIMI I PLOTË:
Sot Bashkia Shkodër me urdhër personal të Benet Becit ka nisur procedurën për largimin nga puna të bashkëshortit tim, Simon Shkreli!
Patjetër që kjo është “kostoja” e lirisë së fjalës, denoncimit me fakte, evidentimit të problemeve dhe thënies së të vërtetës në këto 2 vite që Benet Beci, turisti shkodran, më shumë shkatërroi se sa ndërtoi duke vjedhur në emër të investimeve e projekteve taksat e shkodranëve!
Sot nuk po largohet nga puna thjesht një aktor i teatrit “Migjeni”, një kryefamiljar, sot po thellohet shkatërrimi i një teatri shekullor dhe shkatërrimi i tempullit më të rëndësishëm të Shkodrës, shkatërrim i cili ka filluar që me shkrirjen e tij, një vendim i atyre keqdashësve që trashëgiminë që lanë emrat më të njohur të skenës shqiptare e më gjërë, t’a “zhdukin” me një vendim absurd bazuar në mentalitetin komunist që Shkodra dhe shkodranët duhen persekutuar edhe sot!
Bashkëshorti im, Simoni, prej vitit 2006 është angazhuar në teatrin “Migjeni” me trupën profesioniste, atëherë kur teatri prodhonte premiera të suksesshme. Në 2014-tën, Simoni u bë aktor rezident i trupës së teatrit me vendim ligjor të Bashkisë Shkodër!
Studimet e larta i kreu në Prishtinë në Fakultetin e Arteve për aktor me notë diplome 10. Student i emrave të njohur të artit shqiptar si i ndjeri Faruk Begolli, Ilire Vinca, Enver Petrovci etj.
Ka kryer me shumë përkushtim e dëshirë çdo rol që i është ofruar duke dhënë maksimumin përmes punës për të realizuar më të mirën e mundshme.
Notën e diplomës, talentin, dhe dashurinë e publikut nuk mund t’ja heqë kurrë Simonit, Benet Beci!
Vendimi për largimin e bashkëshortit tim nga puna, është hakmarrje e pastër politike e Benet Becit ashtu siç kanë vepruar paraardhësit e Tij komunistë. Sot metoda moderne e Benetit është largimi nga puna e të gjithë atyre që nuk i binden apo e kritikojnë me fakte e argumenta. Paraardhësit e tij komunistë internonin, persekutonin e pushkatonin, ndërsa Benetët komunistë të sotëm, të largojnë nga puna për të të zëvendësuar me patronazhistë servilë dhe ushtarë të bindur!
Kjo nuk na tërheq pas sepse eksperienca të tilla i kemi pasur edhe më përpara, përkundrazi na bën më të fortë përballë frikacakëve që përballjen me faktet e fjalën e lirë e dënojnë me largime nga puna.
Pa asnjë diskutim që largimi i padrejtë nga puna i bashkëshortit tim do vijojë në një proces gjyqësor përballë Bashkisë korruptive, abuzuese me taksat e shkodranëve dhe hakmarrëse të Benet Becit dhe shokëve e shoqeve të Tij, servilë të bindur.
Njeriu në jetë ka vetëm dinjitetin dhe karakterin që e formëson në një qënie të pranuar në shoqëri. Simoni dhe unë kemi punuar gjithmonë me dinjitet, me shumë punë e sakrifica për të qënë këta që jemi sot. Dy qytetarë të Shkodrës që kemi dhënë kontributin tonë modest në gazetari, art e së fundmi dhe në politikë. “Emrin” që kemi fituar me punë të ndershme nuk na e heq as Benet Beci e as drejtuesit e tij të paaftë.
Ne do vazhdojmë përpara edhe më të fortë sepse fuqia e çdo njeriu mbaron aty ku fillon ajo e Zotit!
Me Zotin në krah ia kemi dalë dhe do ia dalim çdo sfide tjetër!
Misioni i të vërtetës nuk mposhtet nga hakmarrjet e turistëve të cilët ‘pushtetin’ kalimtar që kanë do e gëzojnë në dyert e qelive të burgut!
foto ilustruese TIRANË- Situata me zjarret, veçanërisht në zonat bregdetare të jugut, është përkeqësuar dit&...
Foto ilustruese TIRANË- Italianët e joshur vitet e fundit nga ideja e pushimeve të lira në Shqipëri duket se llogaritë u kan&...
foto ilustruese TIRANË- Dita e sotme pritet të sjellë kushte atmosferike të paqëndrueshme në të gjithë territorin s...
Kozeta Teço dhe Ilirjan Selmani POGRADEC- Prokuroria e Korçës ka lëshuar urdhër arresti për Ilirjan Selmanin, i cili...
Foto ilustruese EUROPA- Agjencia e lajmeve "Reuters" ka bërë një pasqyrim të situatës së zjarreve në rajonin e Mesdheut ...
Foto ilustruese KONISPOL- Një vatër zjarri është regjistruar pasditen e sotme në fshatin Janjar, Bashkia Konispol. Sipas rapo...
Foto ilustruese DURRËS- Në zonat turistike të Durrësit, një model i ri akomodimi po ndryshon ekuilibrat e sezonit veror. Rritja e ...
Foto ilustruese KUKËS- Një radhë e gjatë kamionësh të tonazhit të rëndë është krijuar në aksin ...
Kreu i OVL të UÇK-së, Hysni Gucati. Fotografi nga arkivi. KOSOVA- Organizata e Veteranëve të Ushtrisë Çlirimtare t&e...
Foto ilustruese VLORA- Një i ri është aksidentuar në sheshin e Lungomares, në Vlorë ditën e sotme teksa ishte duke ...
