"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar!
...
Aktualitet
Vranë një 39-vjeçar dhe plagosën një tjetër për prishje të pazareve të drogës, arreshtohen dy shqiptarët në Greqi (EMRAT)
Dy të arrestuarit në Haidar kanë kaluar pragun e prokurorit rreth orës 11:30 të mëngjesit të sotëm, pasi u kapën në makinë me dy kallashnikovë dhe karikator me 90 fishekë.
15 Shtator 2022, 12:36Nga d.a.
arrestimi
GREQI- Dy shqiptarë të identifikuar si Viktor Gala 37 vjeç dhe Andi Beqiri 23 vjeç, kanë rënë në prangat e policisë greke nën akuzën e përfshirjes në grupe kriminale pasi u ndalën për një kontroll rutinë.
Sipas mediave vendase, dy të arrestuarit në Haidar kanë kaluar pragun e prokurorit rreth orës 11:30 të mëngjesit të sotëm, pasi u kapën në makinë me dy kallashnikovë dhe karikator me 90 fishekë.
37-vjeçari Gala dyshohet si autor i vrasjes së një 39-vjeçari të ndodhur më 31 korrik në Agia Varvara dhe një tentativë vrasjeje e një 36-vjeçari të ndodhur mbrëmjen e 15 korrikut 2022 në Agios Pavlos në Athinë. Autori është një nga dy shqiptarët që u arrestuan në Haidar, ku në makinë kishin dy kallashnikovë.
Sipas informacioneve, Gala është i njohur për autoritetet greke dhe për trafik të lëndëve narkotike, vjedhje dhe grabitje ndërkohë që Beqiri, që ndodhej me të në makinë, është arrestuar për vjedhje dhe grabitje më parë. Motivi i vrasjes në Agia Varvara ishte trafiku i drogës, ndërsa tentativa në Agios Pavlos ende nuk është zbardhur.
Gjatë një kontrolli rrugor policia ka ndaluar dy shqiptarët dhe i ka kërkuar drejtuesit të makinës që të ndalonte mjetin teksa ishte duke lëvizur në rrugën e Athinës në Palataki në Haidar, ai iu bind menjëherë urdhrave të oficerëve. Policia i ka kërkuar që të dalin nga automjeti, ashtu siç kanë bërë, ndërsa në të njëjtën kohë njëri prej oficerëve ka nisur të kontrollojë makinën.
Gjatë kontrollit, policia ka gjetur në bagazh dy automatikë kallashnikov dhe ka vënë menjëherë në pranga drejtuesin e mjetit, si dhe pasagjerin. Menjëherë për rastin është njoftuar prokuroria e cila ka marrë përsipër hetimin paraprak të rastit.
Më 30 korrik në Agia Varvara, 39-vjeçari u gjet i plagosur në rrugën Stratigou Makrygianni 9 dhe u dërgua në spital ku edhe ndërroi jetë. Policia e gjeti të gjakosur vetëm në vendngjarje ku dhe kishin mbetur 4 gëzhoja. Sipas raportimeve, viktima dhe autori janë njohur me njëri-tjetrin dhe kanë pasur një debat të ashpër para të shtënave.