Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Një ngjarje e rëndë ndodhi mbrëmjen e sotme në fshatin Gështenjas të Pogradecit ku një person mbeti i vdekur pasi u godit me thikë nga fqinji • Safet Yskollari u dërgua menjëherë në spital por nuk arriti t'u mbijetonte dot plagëve të marra duke ndërruar jetë • Shkak për vrasjen besohet të jetë bërë një mosmarrëveshje për tokën që viktima Safet Yskollari 65 vjeç kishte me Fatmir Manellarin i cili pas vrasjes u largua nga vendi i ngjarjes • Bashkëshortja e autorit dhe djali i tij e mësuan live nga mediat faktin se tashmë Safet Yskollari kishte ndërruar jetë. Ata u panë të tronditur për ngjarjen • Mësohet se viktima jetonte prej 20 vjetësh në SHBA dhe ishte rikthyer në fshatin e lindjes për të kaluar vitet e pleqërisë • Duke folur për mediat fqinjët e përshkruajnë Yskollarin si njeri të qetë dhe pa parobleme • Autori i ngjarjes vijon të jetë në kërkim nga Policia
6 artikuj për këtë temë.
POGRADEC- Personi që po shikoni në foto është Safet Yskollari, 63-vjeçari që u vra nga fqinji i tij në fshatin Gështenjas në Pogradec. 63-vjeçari jetonte në Amerikë dhe ishte kthyer në vendlindje këtë verë. Fatmir Manellari debatoi me të këtë mbrëmje dhe e qëlloi me thikë.
Yskollari u dërgua menjëherë në spital por nuk arriti tu mbijetonte dot plagëve të marra duke ndërruar jetë. Manellari, pas vrasjes u largua nga vendi i ngjarjes dhe është shpallur në kërkim. Autori i krimit dyshohet se trajtohej me antidepresantë.
POGRADEC- Detaje të reja kanë dalë në dritë nga ngjarja e rëndë e ndodhur në fshatin Gështenjas të Pogradecit.
Mësohet se viktima Safet Yskollari 65 vjeç kishte 20 vite që jetonte e punonte së bashku me bashkëshorten në SHBA. Pas daljes në pension ai ishte rikthyer në fshat së bashku me bashkëshorten e tij që të kalonin aty pleqërinë pas shumë vitesh punë përtej oqeanit.
Sipas informacioneve pas rikthimit në fshati viktima ka pasur konflikte të vazhdueshme me Fatmir Manellarin i dyshuar si autor i vrasjes. Ajo që mbetet ende e paqartë është fakti nëse viktima ka denoncuar në Polici konfliktet me fqinjin.
I afërmi i 65-vjeçarit që u vra këtë pasdite në një fshat në Pogradec për çështje pronësie ka folur për mediet rreth ngjarjes që tronditi sot Pogradecin. Sipas tij Yskollari ishte njeri i qetë.
Dhe banorët e zonës kanë folur dhe e kanë përshkruar viktimen si njeri të urtë.
“Ishte njeri serioz, i sjellshëm, i edukuar. Nuk di gjë nëse kishin pasur më parë konflikte. Ka qenë në Amerikë, jetonte atje. S’ka as një vit që ishte kthyer. Ishte njeri i qeshur, njeri pozitiv”, thotë fqinji i viktimës.
Kokflikti ka ndodhur sot, pasi viktima kishte vendosur disa tub shkarkimi për rregullimin e rrugës që e çonte në shtëpi. Autori ka marrë vesh këtë dhe ka shkuar për t'u konfliktuar. Debati ka agravuar dhe kështu autori ka nxjerrë thikën dhe e ka ngoditur duke i shkaktuar vdekjen.
Policia po vijon punën për kapjen e Fatmir Manellari i cili, është larguar nga vendngjarja pas kryerjes së krimit të rëndë.
POGRADEC- Banorët e fshatit Gështenjas ku dhe ndodhi vrasja këtë pasdite tregojnë se 65-vjeçari, Safet Yskollari, që u vra sot nga fqinji i tij ishte kthyer një vit më parë nga Amerika. Në një deklaratë për mediat, ata shprehen se Yskollari ishte njeri shumë i mirë dhe i qetë. Ndërsa autorin e përshkruajnë si person negativ.
"Viktima ka qenë në Amerikë, nuk ka një vit që është kthyer. Jetonte atje. Ishte njeri shumë shakator, i sjelklshëm dhe i edukuar. I njoh të dy palët. Autori ishte njeri negativ, pa shkollë. Nuk ishte në rregull me trutë, nuk kishte edukatë. Viktima ishte njeri i shkëlqyer. Janë zënë për këtë vendin që nuk e ka asnjëri, as tjetri. Mustaqet e Çelo Picarit. Viktima ishte në Amerikë dhe erdhi. Jetonte këtu vetëm me gruan se fëmijë një bëri,”- tha një prej banorëve.
Ngjarja e rëndë u regjistruar rreth orës 17:50 në fshatin Gështenjas, Pogradec. Gjatë nisi për një gardh dhe dyshja u zunë. Manellari plagosi me thikë Yskollarin. Ky i fundit u transportua në Spitalin e Pogradecit, ku ndërroi jetë. Autori Fatmir Manellari ndërroi jetë.
POGRADEC- Bashkëshortja e Fatos Munellarit, 63-vjeçarit që vrau fqinjin e tij, Safet Yskollari pas sherrit për gardhin, ka reaguar e tronditur kur ka marrë vesh lajmin.
Në videon e publikuar nga Syri, ajo shihet teksa nis të qajë, ndërkohë që për një moment mendon se ka ndërruar jetë edhe i shoqi.
"Oboboo, si moj ka vdekur? Ne s'e dinim. Të dy kanë vdekur? Obobo çfarë na gjeti."-thotë bashkëshortja e autorit.
Ngjarja e rëndë ndodhi këtë pasdite në Pogradec. Fatos Munellari ka vrarë me thikë Safet Hyskollarin, pas sherrit për një gardh.
POGRADEC- Detaje të reja kanë dalë në dritë nga ngjarja e rëndë në Pogradec. Mësohet se autori Fatmir Manellari dhe viktima Safet Yskollari kanë qenë fqinjë me njëri-tjetrin.
Sipas informacioneve konflikti ka nisur për shkak të konflikteve që viktima dhe autori kishin për pronat.
Autori i ngjarjes është ende në kërkim ndërsa Policia po punon për kapjen e tij.
POGRADEC- Një person ka mbetur i vrarë në Pogradec këtë pasdite. ngjarja e rëndë ka ndodhur në fshatin Zërvaskë. Mësohet se S. H., rreth 65 vjeç është qëlluar me thikë nga një 63-vjeçar me inicialet F. M.. 65-vjeçari është dërguar në spital për të marrë ndihmën e nevojshme mjekësore, por ka ndërruar jetë në spital. Autori i ngjarjes është në kërkim.
Njoftimi i policisë:
Më datë 07.09.2022, rreth orës 17:50, në fshatin Gështenjas, Pogradec, gjatë një konflikti, shtetasi F. M., 63 vjeç, dyshohet se ka plagosur me mjet prerës (thikë) shtetasin S. H., rreth 65 vjeç, i cili u transportua në Spitalin e Pogradecit, ku si pasojë e plagëve të marra ka ndërruar jetë. Nga ana e Policisë, po bëhet krehja e zonës me qëllim kapjen e autorit dhe vënien e tij para përgjegjësisë ligjore. Grupi hetimor po punon për sqarimin e plotë të rrethanave të ngjarjes
