Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Fjolla Morina, këngëtare dhe personazh i showbizit shqiptar nga Kosova, u intervistua për “Revista Who” në fillim të janarit. Në një foto e kopertinës së revistës – të cilën e ndau në profilin e saj në Instagram, Morina shfaqet me një fustan të bardhë me partnerin e saj Fisnik Syla .
“Gjëja më e rëndësishme është që unë jam shumë e lumtur, si asnjëherë më parë,” i tha Morina revistës, me gjasë nga një banesë 3 katëshe në lagjen Nr. 6 në qytetin verior të Kukësit, ku jeton që prej 22 shtatorit 2020, nën masën shtrënguese “të arrestit në shtëpi”.
Morina u arrestua më 19 shtator 2020, menjëherë pasi kishte kaluar kufirin në pikën doganore të Morinës duke udhëtuar nga Kosova për në Shqipëri, kur pas kontrollit në makinë u gjet një pistoletë dhe 35 fishekë pistolete.
Sipas vendimit të ndërmjetëm të gjykatës së Kukësit të dhënë me 1 dhjetorit 2020, në të cilin u shqyrtua paraprakisht kërkesa për gjykimin e çështjes nga prokurori, Morina ka pranuar se arma dhe fishekët kanë qenë të sajat, duke shfajësuar të fejuarin Fisnik Sylaj dhe shoferin Fitim Muji. Të dy burrat kanë deklaruar në prokurori se nuk kishin dijeni për armën.
Çështja ndaj Morinës mori kthesë serioze pasi gjykatësi, Florin Demollari që shqyrtoi paraprakisht dosjen ndaj saj, në të cilën Morina akuzohej fillimisht vetëm për “armëmbajtje pa leje”, ia ktheu atë prokurorisë duke arsyetuar se fakti ishte “cilësuar gabim”.
Demollari, në vendimin për kthimin pas të akteve, arsyetoi se Morina duhej të ngarkohej me akuzën “trafikim të armëve dhe municioneve”.
Ai i është referuar në vendimin e tij arsyetimit të Kolegjeve të Bashkuara të Gjykatës së Lartë, që cilësonin si trafik kalimin e një malli në mënyrë të paligjshme nga një vend në një vend tjetër.
Siç del në vendimin e gjykatës për plotësim hetimi, ricilësimi i veprës u kundërshtua prej prokurorit Edmond Karriqi.
Karriqi i tha BIRN se nuk kishte asnjë element të ri që të çonte drejt ngritjes së akuzës për “trafik armësh”, por shtoi se do të zbatonte vendimin e gjykatës.
“Është hetimi gjyqësor që do e vërtetojë nëse kemi të bëjmë me armëmbajtje pa leje, apo me trafik armësh,” tha Karriqi.
Ajo rrezikon minimalisht 7 vjet burg nëse gjendet fajtore për akuzën e “trafikimit të armëve dhe municionit” për të cilën pret të gjykohet në Gjykatën e Kukësit.
Avokatja e Morinës dhe e dy personave që u ndaluan me të – i fejuari Fisnik Syla dhe shoferit Fitim Muji, ndaj të cilëve prokuroria nuk ka ngritur akuzë, i akuzoi mediat se e kishin rënduar klienten e saj për shkak se ishte personazh i famshëm.
“Ne i kemi kërkuar prokurorisë që të pushojë çështjen, jo të ndryshojë akuzën që të rendojë pozitat e klientes sime”, tha avokatja Aurora Guska.
Ajo shtoi se akuza për trafik armësh lidhej vetëm me faktin se Morina ishte “kapur në pikë kufitare”.
Arrestimi dhe jeta në shtëpinë përballë policisë
Makina me të cilën udhëtonte Fjolla Morina, i fejuari i saj Fisnik Syla dhe shoferi Fitim Muji në 19 shtator 2019, u ndalua nga policia menjëherë pasi kaloi kufirin dhe kishte hyrë në Shqipëri nga Kosova. Sipas dëshmive të dhëna nga Morina, Syla dhe Muji ato po udhëtonin drejt Tiranës sepse “e pandehura kishte për të bërë një klip”. Policia ushtroi kontroll në makinë mbi dyshime që nuk bëhen të ditura në vendim e gjykatës së Kukësit.
“Gjatë kontrollit në çantën personale të të pandehurës, Fjolla Morina është zbuluar një send i dyshuar si armë zjarri,” thekson gjykata, ndërsa shton se në çantë ishin edhe tre fishekë, ndërsa 32 fishekë të tjerë u gjetën në mbajtësen e krahut të automjetit.
Ekspertiza e policisë provoi se arma që ju bllokua këngëtares – e tipit “Zoraki M906-T” ishte një pistoletë jo standarde “që përdor municion fishekë standard luftarak”.
Avokatja Guska thotë se pistoleta – që sipas Morinës ishte një dhuratë nga një mik i ndjerë, ishte në fakt jo luftarake dhe përdorej kryesisht për zhurmë, por ajo pranoi se ajo qëllonte plumba të vërtetë dhe ishte modifikuar për të kryer qitje.
Tre ditë pas arrestimit në 22 shtator 2020, dy bashkudhëtaret e Morinës u lanë në burg nga gjykata për 30 ditë, por në fillim të tetorit u liruan me masë “detyrim paraqitje”, pasi në dëshmi Morina mori përsipër pronësinë e armës dhe municionit.
Këngëtarja pretendoi para gjykatës se kishte bërë një test shtatzanie dhe dyshonte se ishte shtatzëne dhe u caktua me masë sigurie “arrest shtëpie”. Por me kërkesë të forcave të rendit asaj iu vu si kusht nga gjykatë që të qëndronte në një shtëpi pranë policisë.
Një godinë, përballë Drejtorisë së Policisë në Kukës që sapo ishte rikonstruktuar për tu bërë hotel ishte bosh dhe pronari pranoi ta lëshonte me qira për Morinën. Shtëpia trekatëshe me ngjyrë të blertë, në katin e parë të sëcilës është një kafene, është kthyer prej këtij momenti në një vend kërshërie në Kukës.
Në shtëpi hyjnë e dalin miq të Morinës dhe i fejuari i saj Syla qëndron me të në një pjesë të madhe të kohës. Vetë Morina është njohur me fqinjët e saj dhe sipas avokates është miqësuar me fëmijët e tyre – të cilëve u shpërndan çokollata kur del në oborr.
Një banor i pallatit pranë banesës së këngëtares, Indrit Gaxha i tha BIRN se ajo nuk del nga shtëpia, përveç se për të zbritur në kafen poshtë dhe në pak raste në supermarket.
Gaxha tregoi se këngëtarja është gjithmonë e shoqëruar me dikë që ai mendon se është truproja dhe nuk ka komunikim me banorët.
“Të vetmit që ka kontakt janë fëmijët që kur e shohin i afrohen, dikush me i marrë autograf,” tha Gaxha. Ai po ashtu tregoi se e ka parë Morinën të ndajë çokollata dhe lekë të vogla për fëmijët.
Ndërsa ishte në arrest në këtë shtëpi, Morina njoftoi fejesën me Sylën në rrjete sociale ndërsa pozoi me unazë. Në intervistën për “Revistën Who” ajo përsëriti se në 2021, sëbashku me Sylën prisnin “një fëmijë me dashuri”.
Përplasja mes gjykatës dhe prokurorisë
Sipas vendimit të gjykatës së Kukësit, Morina ka deklaruar se ajo nuk e dinte që e kishte pistoletën në çantë kur u ndalua nga policia në pikën kufitare me 19 shator.
Avokatja po ashtu pretendoi se këngëtarja kishte në makinë shumë çanta që i përdorte për t’i kombinuar me kostumet dhe se kishte marrë me vete çantën me armë pa e ditur se kishte brenda pistoletën.
“Të gjitha çantat rëndonin si ajo që kishte pistoletën, pasi kishin brenda parfume,” tha Guska, duke pretenduar se klientja e saj ishte ngatërruar dhe se ajo nuk donte të kryente krim.
Por alibia e këngëtares dyshohet se nuk është e vërtetë. Sipas vendimit të gjykatës, veç armës që u gjet në çantë, shumica fishekëve të saj ishin në një prej mbajtësve të krahut në makinë, fakt që ngre dyshime mbi rastësinë dhe harresën.
Prokuroria, e bazuar mbi këto prova vendosi ta dërgonte Morinën në gjykim për akuzën “armëmbajtje pa leje”. Kodi penal parashikon 3 deri në 7 vjet burg për këtë vepër penale. Por me gjykim të shkurtuar dhe mundësinë që gjykata të merrte parasysh si lehtësi mungesën e precedentëve penalë, Morina mund të shpresonte për një dënim prej disa muajsh.
Por gjykatësi paraprak që shqyrtoi kërkesën e prokurorisë me këtë akuzë arsyetoi se fakti penal ishte cilësuar gabim. Gjykatësi Demollari arsyetoi se cilësimi i saktë duhej të ishte “trafik armësh dhe municionesh”.
Nga vendimi i zbardhur i gjykatës për “plotësim hetimi” rezulton se në seancë ka pasur një debat mes gjykatësit dhe prokurorit të çështjes. Gjykata thotë se arsyetimi i prokurorit për të pushuar hetimet për “trafik armësh” ndaj të tre të ndaluarve, “nuk është formuluar qartë dhe saktë”.
“Në këtë kuptim në bazë të parimit të subsidiaritetit, në rastet e importimit, eksportimit, tranzitimit dhe tregtimit në kundërshtim me ligjin, të armës, armëve apo municioneve luftarake, nga një shtet në një shtet tjetër, cilësimi i saktë juridik i veprës penale është “trafikimi i armëve dhe i municionit”, shkruan Demollari.
Ai e bazon vendimin e tij kryesisht mbi faktin se arma që iu gjet Morinës kishte kaluar kufijtë e dy shteteve dhe duke iu referuar një vendimi të Kolegjeve të Bashkuara të Gjykatës së Lartë arsyeton se rasti është trafik.
Në seancë gjyqësore prokurorit i është kërkuar që të ndryshojë qëndrim mbi akuzën, por ai ka kundërshtuar, pasi siç thotë provat që kishte gjatë hetimit tregonin vetëm “armëmbajtje paleje”. Me kundërshtimin e prokurorit, gjykata ka dalë me vendim që i kërkon atij të plotësojë hetimet dhe të shkojë në gjykatë me akuzën e “trafikut të armëve dhe municioneve”.
Por prokurori Karriqi thotë se hetimet e reja nuk kanë zbuluar elementë shtesë që do të faktonin veprën penale të trafikimit të armëve dhe municioneve.
“Gjatë rihetimit nuk kam vërejtur ndonjë element të ri që do çonte në ndryshimin e akuzës,” tha Karriqi për BIRN, ndërsa shtoi se e pranoi ndryshimin e saj për të zbatuar vendimin e gjyqtarit paraprak.
Ai ju referua një precedenti në aeroportin Nënë Tereza në Rinas, ku pasi një person u ndalua me armë u dënua vetëm për “armëmbajtje pa leje”.
Karriqi e cilësoi rastin si një sjellje ‘e tepruar’ e të akuzuarës.
Ndërkohë avokatja e Fjolla Morines, Aurora Guska insistoi se klientja e saj nuk është përfshirë në krim dhe se çështja ndaj saj duhej të pushohej, ndërsa shtoi se ishte habitur nga rëndimi i akuzave, për të cilat fajësoi mediat.
“Në ndryshimin e akuzës kanë ndikuar mediat dhe rrjetet sociale pasi kemi të bëjmë me një personazh të showbiz-it,” përfundoi Guska.
Marrë nga Reporter
1 vit nga zgjedhjet e 25 prillit si e shikoni gjendjen e vendit:
RUBIK- Policia ka dhënë detaje në lidhje me aksidnetin tragjik në Rubin ku humbën jetën 4 persona, anëtarë të një familje.Policia bënë të ditur se nga aksident...
TIRANË – Një lajm i mirë për 2467 familje në Bashkinë e Tiranës, banesat e të cilëve u dëmtuan nga tërmeti i 26 nëntorit i vitit 2019. Të gjitha këto...
RUBIK- Detaje të reja kanë dalë nga aksidenti tragjik që është regjistruar pasditen e sotme në aksin Rrëshen Rubik.Burime për Dosja.al bëjnë me dije se 4 viktim...
KUKËS– Të afërmit e Abedin Oruçit, i cili është shpallur në kërkim pasi është konfrontuar me Policinë e Shtetit, kanë dalë sërish sot para Gjy...
KUKËS– Sejdi Oruçi, vëllai i Abedin Oruçit ish-kreut të Partisë Demokratike në Kukës u konfrontua me policinë, ka akuzuar për gjithçka...
MILOT– Një ngjarje e rëndë ka ndodhur pasditen e sotme në aksin Rrëshen-Rubik, në Kubin ku është shuar një familje. Një mjet nga Kosova tip “Citroen”, në të cil...
POGRADEC– Disa zona të Pogradecit janë përfshirë nga rreshjet e dëborës.Në zonën e njohur si Qafë Plloçi në Pogradec, reshjet e dëborës kanë qenë intensi...
KUKËS– Dalin para Gjykatës së Kukësit, 6 të arrestuarit e ngjarjes së ndodhur para dy ditësh, ku i përfshirë ishte ish-kreu i Partisë Demokratike të këtij ...
TIRANË– Odesa Rraja, bashkëshortja e Redjan Rrajës, i cili është marrë i pandehur për atentatin ndaj prokurorit Arjan Ndoja.Në përgjimet e publikuara nga P...
