Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital
3 Qersho...
Art&Argëtim
Shkoi për të festuar në jahtin e reperit amerikan, gjendet e vdekur në ujë modelja erotike Adriana Vieira
31-vjeçarja pas festës besohet se kishte hyrë në ujë për të notuar në gjirin e Miami, para se të gjendej trupi i saj i pajetë.
1 Tetor 2024, 15:24Nga E. D
Adriana Vieira
SHBA- Modelja braziliane, Adriana Vieira është gjetur e vdekur në det pasi kishte marrë pjesë në festën e jahtit të një reperi në Miami. 31-vjeçarja pas festës besohet se kishte hyrë në ujë për të notuar në gjirin e Miami, para se të gjendej trupi i saj i pajetë. Ndërsa reperi i raportuar nga mediat si një muzikant vendas, nuk është bërë ende publik në media.
Medelja braziliane postonte rregullisht përmbajtje erotike në platforma me pagesë dhe më parë ka punuar si kërcimtare dhe modele në SHBA. Gjithashtu ajo ishte nënë e një fëmije gjashtë-vjeçar, për të cilin kujdesej një dado, teksa ajo udhëtonte në impenjimet e punës. Adriana, nga Sao Paulo, ishte vendosur në Florida me bashkëshortin dy vjet më parë dhe shpesh postonin në rrjet për stilin e tyre ekstravagant të jetesës.
Bashkësorti i saj i identifikuar si Roberto Tesario, ishte kthyer më herët në Brazil duke lënë Adriana të rriste e vetme fëmijën e tyre. Trupi i Adriana, e cila njihej në rrjetet sociale si ‘LadyRichForever’, po mbahet për autopsinë nga mjekësia ligjore teksa policia heton mbi shkaqet e rrethanat e vdekjes së pashpjeguar.
“Dua të hetohet vdekja e vajzës time dhe kërkoj ndihmë për kthimin e trupit në atdhe. Nuk dua që ta varrosin atje në varrezat e të varfërve”, tha nëna e saj Antonia de Lourdes Vieira.
Ngjarja tragjike vjen pas vdekjes së modeles së njohur Paulina Lerch që ishte qëlluar për vdekje në shtëpinë e saj bashkë me bashkëshortin. Policia dyshon se bashkëshorti i saj Słavomir e ka vrarë atë para se të kthente armën nga vetja në shtëpinë e tyre në Poznań, Poloni. 47 vjeçari Słavomir, i përmendur me pare për trafik drogash, u arrestua pas gjetjes së një sasie drogash të fshehura në një magazinë.