Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Sipas gjykatësit, lidhur me dëshmitaret Adelina, Ema dhe Zanfina Ismaili, për të cilat është lëshuar urdhëresë për sjellje me detyrim në seancë, sipas një raporti që e ka pranuar gjykata nga Policia e Kosovës, ka qenë e pamundur që të sigurohet prania e tyre në seancë gjyqësore.
KOSOVË- Gjykata Themelore në Prishtinë ka njoftuar se nuk është siguruar sërish pjesëmarrja e dëshmitareve Adelina, Zanfina dhe Ema Ismaili, në rastin ku Enver Sekiraqa po akuzohet për nxitje në vrasjen e Triumf Rizës.
Kjo u bë e ditur në seancën e së enjtes nga kryetari i trupit gjykues, gjykatësi Agim Kuçi, raporton “Betimi për Drejtësi”.
Sipas gjykatësit, lidhur me dëshmitaret Adelina, Ema dhe Zanfina Ismaili, për të cilat është lëshuar urdhëresë për sjellje me detyrim në seancë, sipas një raporti që e ka pranuar gjykata nga Policia e Kosovës, ka qenë e pamundur që të sigurohet prania e tyre në seancë gjyqësore.
Lidhur me mosrealizimin e urdhëresave nga ana e Policisë, për dëshmitaret e lartcekura ka qenë e njohur edhe komandanti i stacionit policor Jugu, po ashtu me parashtresën e datës 13 shtator 2022, nga avokati Alban Makolli, gjykata ka pranuar njoftimin, sipas të cilit, dëshmitaret janë të gatshme dhe do të mund të deklarohen përmes video-linkut.
Në këtë seancë mungoi edhe i dëmtuari Shefqet Riza, i cili sipas gjykatës ka qenë i njoftuar nga seanca e kaluar, por mungesën nuk e ka arsyetuar.
Po ashtu, në seancë mungoi edhe avokati Alban Makolli, i cili ftesën e ka pranuar në mënyrë të rregullt, por nuk e ka arsyetuar mungesën.
Gjykata Themelore në Prishtinë, për herë të dytë më 16 shtator 2019, e kishte shpallur fajtor Enver Sekiraqën për nxitje në vrasjen e ish-policit Triumf Riza dhe i kishte shqiptuar dënim në kohëzgjatje prej 30 vitesh.
Mirëpo, Gjykata e Apelit me 6 mars 2020, kishte vendosur të aprovojë ankesën e mbrojtjes së Sekiraqës duke e kthyer rastin për të dytën herë në rigjykim, pasi sipas Apelit aktgjykimi i shkallës së parë ishte marrë me shkelje të dispozitave të procedurës penale.
Sekiraqa për të njëjtin rast ishte dënuar edhe më 17 maj 2016, për dy vepra penale për “nxitje në kryerje të vrasjes së rëndë” dhe për veprën “detyrimi” me dënim unik prej 37 viteve burgim, kurse ishte liruar për veprën penale “dhunimi”.
Gjykata e Apelit, më 24 tetor 2017, kishte mbajtur një seancë dëgjimore lidhur me caktimin e masës së sigurisë ndaj Enver Sekiraqës, pasi e njëjta gjykatë më 19 tetor, në orët e mbrëmjes, e kishte liruar nga paraburgimi atë dhe ndaj tij kishte shqiptuar masën e arrestit shtëpiak.
Për ndryshimin e masës së sigurisë ndaj tij, kishin votuar tri gjykatëset e Apelit, dy nga radhët e EULEX-it, Elka Ermenkova dhe Anna Adamska-Gallant, si dhe gjykatësja vendore Mejreme Memaj.
Por, kjo gjykatë, pas vetëm dy ditësh, kishte vendosur që sërish ta rikthej në paraburgim, Enver Sekiraqën dhe për këtë, shkak ishte bërë një fotografi e publikuar në rrjetin social, nga miqtë që e kishin vizituar atë pas lirimit nga paraburgimi.
Me këtë, gjykata e shkallës së dytë, kishte vlerësuar se Enver Sekiraqa ka shkelur masën e arrestit shtëpiak, që i ishte caktuar.
Ndryshe, në seancën e Gjykatës së Apelit, e cila ishte mbajtur më 6 shtator 2017, ku ishin shqyrtuar pretendimet ankimore të palëve, Enver Sekiraqa, kishte kërkuar që të lirohet nga paraburgimi dhe të mbrohet në liri.
E si garancion për lirimin e tij, Sekiraqa kishte ofruar pasurinë e tij, përfshirë shtëpinë, lokalin dhe një shumë parash, të cilat kishte thënë se do t’i mblidhte me ndihmën e familjes.
Prokurorja ndërkombëtare e Prokurorisë së Apelit, Anca Stan, në seancën e 6 shtatorit të kolegjit të Apelit, kishte deklaruar se përveç pretendimeve në ankesë nuk kishte çfarë të shtonte tjetër, por e njëjta kishte thënë se kërkesa e palës mbrojtëse që të përjashtohen disa nga provat kruciale janë të gabuara.
Në prill të vitit 2014, Prokuroria Speciale e Republikës së Kosovës kishte ngritur aktakuzë ndaj Enver Sekiraqës për tri vepra penale, për nxitje në vrasjen e Triumf Rizës, “detyrim” dhe “dhunim”, ku për këtë të fundit, gjykata e shkallës së parë e kishte shpallur të pafajshëm.
Prokuroria pretendon se incidenti i ndodhur në “Swiss Casino” në mes të Sekiraqës dhe Rizës ishte njëri nga motivet që çuan në vrasjen e Triumf Rizës.
Incidenti në “Swiss Casino”, kishte ndodhur në dhjetorin e vitit 2006, ndërsa në të ishin të përfshirë Enver Sekiraqa dhe disa shoqërues të tij në njërën anë, dhe i ndjeri Triumf Riza e Arben Selmani në anën tjetër. Në këtë incident i plagosur rëndë kishte mbetur Arben Selmani.
Triumf Riza u vra më 30 gusht të vitit 2007, vrasje për të cilën Arben Berisha është dënuar me 35 vjet burg, ndërsa Enver Sekiraqa ishte dënuar me 37 vjet burgim. /BetimipërDrejtësi/
TIRANË- Tik Tok është aplikacioni më i përdorshëm për të rinjtë në mbarë botën, por ka rën&eu...
SHBA- Revista klasike komike e Marvel-it e vitit 1981 tregon Hulk-un gjigant jeshil me lotët që i rrjedhin në fytyrë ndërsa i bë...
Dua Lipa BRAZIL- Këngëtarja Dua Lipa ka qënë së fundmi në Brazil për një koncert. Ajo ishte e shoqëruar me fam...
R. Kelly SHBA- Këngëtari Robert Sylvester Kelly, 55-vjeç, është shpallur fajtor për abuzim seksual të fëmij&...
DashiTë lindur më: 21 Mars - 19 PrillShëndeti do mbetet i mirë pavarësisht ditës plot tension. Përqendrohuni në &ccedi...
Armina Mevlani TIRANË- Blogerja e njohur Armina Mevlani ka dhënë detaje nga dasma e saj me djalin e ish-kryeministrit Sali Berisha, Shk&eu...
Armina Mevlani TIRANË- Blogerja Armina Mevlani ka ndarë një "hall" që e mundon. Gjatë emisionit të sotëm në "Goca d...
Melanie Chisholm SHBA- Ish- ylli i grupit ikonik “Spice Girls” Melanie Chisholm, ka shokuar me rrëfimin e saj teksa ka zbuluar se &eu...
Britney Spears SHBA- Emri i Britney Spears është tashmë çdo ditë në media në mbarë botën, kjo për shka...
Andresa Ambrosio TIRANË- Vajza simpatike e cila bëri për vete publikun shqiptar, Andresa Ambrosio, është duke përjetuar nj&eu...
