"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË– Kryetari i Partisë Demokratike ka deklaruar se më 25 prill, kryeministri Edi Rama do të pësojë një humbje të madhe. I ftuar në ‘Neës 24”, Basha tha se Opozita ka kalkuluar me përgjegjësi të madhe skemën për të maksimalizuar votën.
Sipas kryedemokratit, ajo që e bashkë atë me qytetarët shqiptarë është largimi i kryeministrit Edi Rama dhe se do t’ja dalë kësa gjëje. Basha shtoi se shkaku i varfërisë dhe shkaku i krizës së psikologjike dhe sociale në të cilën gjenden sot shqiptarët është dështimi 8-vjeçar i qeverisjes së Ramës.
Pjesë nga biseda
Nisida Tufa: Ndalemi pak tani tek Opozita e Bashkuar, për të folur se sa kompakte është Opozita e bashkuar. Le të flasim edhe me deklarata e zonjës Kryemadhi , kryetares së Lëvizjes Socialiste për Integrim. Ёshtë bërë e ditur se do të dilet me dy lista. Ёshtë pikë për opozitën kjo apo le të themi edhe mund të humbë?!
Lulzim Basha: Opozita ka kalkuluar me përgjegjësi të madhe skemën për të maksimalizuar votën. Ajo që na bashkon të gjithëve ne është domosdoshmëria për të larguar Edi Ramën, që është e keqja e këtij vendi, është dështimi 8-vjeçar dhe shkaku i varfërisë dhe shkaku i krizës së psikologjike dhe sociale në të cilën gjenden sot shqiptarët . Për ne nuk ka gjë më të rëndësishme se t’i përgjigjemi këtyre shqetësimeve kryesore që kanë sot shqiptarët. Po e them dhe një herë papunësia, pasiguria për vendin e punës për ata që e kanë një vend pune; pamundësia dhe çfarë kam parasysh me pamundësinë?! Ka një shtresë së mesme, sigurimi kryesor i programit tonë është që këtë shtresë të mesme ta forcojmë, ta zgjerojmë, ta zmadhojmë. Por edhe ajo shtresë e mesme për shkak të politikave të Edi Ramës, siç është e ashtuquajtura taksë progresise, megjithëse mund të kenë rroga mbi le të themi 800 mijë lekë burrë e grua, prapë se prapë sillen vërdallë, bëjnë apo s’bëjnë dot një javë pushime në vit, kruajnë kokën dy herë, bëjnë apo s’bëjnë dot pushime me fëmijët, një javë në vit, shkojnë marrin borxh poshtë e lartë për të mbyllur muajin.
Kur fëmijët u rriten e kanë të pamundur të sigurojnë pa siklet një kredi fjala bie për strehimin e tyre. Këto janë hallet e problemet e shtresës së mesme, të shkojmë te shtresat e tjera, te fermerët që përbëjnë gjysmën e popullsisë. Vit pas viti në veçanti katër vitet e fundit janë futur në gropë, jo vetëm që nuk kanë arritur dot të gjenerojnë fitime, por sic i kam takuar nga jugu në veri, nga Devolli në Myzeqe, në Shishtavec, në Xarrë, ata janë futur në borxh sepse politikat e kësaj qeverie jo vetëm nuk i ka mbështetur, por kanë bërë të pamundur që edhe atë prodhim që e kanë nxjerrë me djersën e tyre, ta nxjerrin në treg. Vijmë tek të më të pamundurit, shikoni atë që nxjerr Banka Botërore, nuk janë statistika nuk janë shifra thjesht për t’i nxjerrë në titujt e lajmeve, ato janë dhimbje, dhimbje që unë edhe bashkëpunëtorët e mi i kemi parë me sytë tanë dhe jam i detyruar që disa prej tyre t’i shpalos edhe përmes rrjeteve sociale.
E patë atë babain që tha e shes gjakun për fëmijët e mi, tani duhet të kesh humbur çdo ndjesi njerëzore që të shohësh diçka të tillë edhe të vazhdosh sikur asgjë nuk ka ndodhur në këtë vend. Përgjegjësia ime kryesore nesër si kryeministër është që për të gjitha këto probleme dhe këto shtresa edhe të tjerë që nuk përmenda, mjekët, mësuesit, intelektualët, në 100 ditët e para do të sjellim stabilizim dhe pas kësaj, menjëherë pas kësaj, të nisim kurbën rritëse të ekonomisë dhe të mirëqenies sociale.
Nisida Tufa: Do të flasim edhe për këtë, do të ndalim më me detaje. Zoti Basha ju folët për maksimalizim të votës, kryetarja e LSI ka deklaruar se në disa zona Partia Demokratike dhe Levizja Socialiste për Integrim do të kenë një listë të përbashkët. Në cilat zona i keni pritshmëritë ?
Lulzim Basha: Këto janë të gjitha…është e saktë ajo që thotë zonja Kryemadhi edhe unë e kuptoj që ka interes gjithmonë edhe për këtë le të themi aspekt taktik të politikës. Më ndjeni në qoftë se vëmëndja ime sot edhe në këtë bisedë që kemi bashkë nuk është kaq shumë takticizmi politik se sa tek ato që janë problemet e vërteta të shqiptarëve. Nuk mendoj që shqiptarët sot shqetësim kryesor kanë se si do të maksimalizojmë votën e PD-LSI, padiskutim që ne kemi një plan të qartë dhe do ta shpalosim atë hap pas hapi.
Nisida Tufa: Kur zoti Basha ?
Lulzim Basha: Sepse qëllimi ynë kryesor është që çdo votë e shumicës absolute të shqiptarëve që duan largimin e Ramës, të shkojë aty ku duhet edhe të numërohet
Nisida Tufa: Zoti Basha do ta maksimalizoni apo do ta mbroni votën sepse ky është qëllimi?
Lulzim Basha: Të dyja bashkë, janë dy gjëra krejt të ndryshme. Njëra është maksimalizimi i votës dhe e dyta është mbrojtja e votës. Dhe për të dyja pavarësisht përpjekjeve të Edi Ramës, pavarësitsht aleancës së tij të vazhdueshme me faktorët më negativë të shoqërisë, një gjë është e sigurt, fitorja e opozitës së bashkuar do të jetë e thellë dhe largimi i Edi Ramës është i sigurtë, i vulosur. Prandaj bëj një hap prapa dhe them që e kuptoj interesin tuaj për të diskutuar edhe për këtë që dmth unë e quaj takticizëm politik, dhe në anglisht analistët e thonë small business politics. Por problemet e vërteta të shqiptarëve janë ato të cilat ju tregova. Sepse ka dy gjëra që shoh, njëra që pa diskutim më motivon në mënyrën e saj, që është ky mjerim që ka kapur Shqipërinë. Mjerimi ekonomik, mjerimi i mijëra familjeve që vazhdojnë në rrebeshin e sotëm, qëndrojnë në çadra ndonëse u premtua që do të ishin në shtëpi të reja në shtator. Mjerimi i atyre që s’paguajnë dot ilaçet e pandemisë, mjerimi i familjeve që kanë nevojë për ndihmë ekonomike dhe nuk marrin asnjë kacidhe dhe kanë fëmijë për të ushqyer dhe atyre që marrin por prapë ajo ndihmë ekonomike nuk iu del. Pasiguria e të gjithë pjesës tjetër të popullsisë të cilët në një situatë normale me planin tonë ekonomik do të jenë ajo shtresë e mesme. Do të kenë mundësi edhe të planifikojnë pushime nesër për vete dhe fëmijët e tyre. Do ketë mundësi edhe të planifikojë, pa kaluar përmes ferrit një kredi për fëmijët që duan ti martojë por që sot nuk ka siguri, do ta kem apo nuk do ta kem vendin e punës? Do t’i hapë apo nuk do t’i hapë dot qepenat nesër? Këto janë problemet që shqetësojnë shqiptarët. Nisida duhet të më kuptosh, këto janë problemet kryesore që më shqetësojnë mua. Gjithçka tjetër për të cilët më pyetët ka një ekip opozita që po punon 24 orë.
Nisida Tufa: Mirë se mazhoranca për shembull shprehet qartë, zoti Basha, Partia Socialiste llogarit se ka fitore të sigurt, ka hambar mandatesh Fierin, Vlorën, Gjirokastrën apo Beratin. Në vijim të asaj që unë iu pyeta, ku i ka pritshmëritë Partia Demokratike?
Lulzim Basha: Në të gjithë Shqipërinë, nga jugu në veri Rama dhe klika e tij do pësojë disfatën më të thellë.
Nisida Tufa: Këtë jua tregojnë sondazhet, zoti Basha?
Lulzim Basha: Sigurisht dhe nuk ka diskutim që kjo do ‘ti vijë jo thjesht dhe vetëm nga shumica dërrmuese e shqiptarëve që i gënjeu, i mashtroi, me premtime boshe që nuk i mbajti, por Nisida të jesh e bindur do t’i vijë dhe nga vetë socialistët shqiptarë, të cilët njësoj si shumica dërrmuese e popullsise në këto tetë vite në veçanti katër vitet e fundit, kanë parë varfërinë të thellohet, kanë parë pamundësinë për të siguruar një vend dinjitoz pune, dhe janë edhe më të zhgënjyer sepse në fund të fundit ishte njeriu dhe ishin njerëzit të cilët i mbështetën për të ardhur në pushtet. Rezultoi që pushtetin e kishin vetëm për vet, për të trefishuar, pesëfishuar apo dhjetëfishuar pasuritë e tyre për të marrë 20% me Ndraghetën e me mafian, por për të harruar këdo dukë përfshirë edhe socialistët shqiptarë. Prandaj jua them me bindjen më të thellë, 25 Prilli është dita kur do të fitojnë të gjithë shqiptarët. Të vetmit të humbur do të jenë ata që për 8 vite braktisën premtimet me në krye Edi Ramën, braktisën vendin dhe e lanë në mëshirë të fatit dhe të fundit në çdo aspekt në raport me vendet e tjera të rajonit.
Nisida Tufa: Duke shkuar tek 25 Prilli, fushatën do ta bëni të përbashkët apo kështu siç po ndodh tani, veç LSI, veç Partia Demokratike, si do të vijojë ?
Lulzim Basha: Sigurisht që fushata është edhe sot e përbashkët. Po të shikoni ka një lajtmotiv, i cili bashkon të gjitha partitë e opozitës, Partinë Demokratike, Lëvizjen Socialiste për Integrim, Partinë Republikane, Lëvizjen për zhvillim Kombëtar, Partinë Agrare Ambientaliste, Partinë Demokristiane, Partinë për Drejtësi Integrim dhe Unitet, Partinë Bashkimin e të Drejtave të Njeriut, Partinë e Legalitetit, çdo parti të opozitës, të gjitha partitë e opozitës kanë një lajtmotiv, largimin e të keqes. Nuk ka ndryshim në Shqipëri pa larguar Edi Ramën. 25 Prilli është dita e largimit të keqes. 26 Prilli e tutje është dita që pasi është zhbllokuar rruga të nisë një ndryshim për të gjithë, jo vetëm për partitë tona, jo vetëm për mbështetësit tanë por për çdo shqiptar. Dhe për këtë unë dhe Partia Demokratike kemi një program të qartë dhe të zbatueshëm.
Nisida Tufa: U ndalëm tek LSI-ja, por në fakt është momenti për të folur pak edhe për aleatët, shohim dhe foton ilustruese. Ende nuk janë përmbyllur marrëveshjet e Partisë Demokratike me PDIU, po kështu edhe me PR. Ku është ngërçi, z.Basha, sepse i kanë shfaqur pas deklaratave pretendimet e tyre z.Mediu por edhe z.Idrizi ? Cfarë po ndodh që nuk po mbyllet si marrëveshje ?
Lulzim Basha: Jo, nuk ka asnjë ngërç, nuk ka asnjë ngërç. Unë të siguroj që opozita do të dalë e bashkuar në këto zgjedhje si asnjë opozitë më parë dhe koalicioni fitimtar i 25 Prillit do të bëjë realitet të gjitha zotimet që ka marrë para shqiptarëve. Natyrisht përgjegjësia kryesore për këtë i takon Partisë Demokratike, më takon mua. Dhe pikërisht në kuadër të kësaj përgjegjësie mbi parimet tashmë të njohura dhe të shpallura botërisht, gjithsecili do të ketë mundësinë të shpalosë para shqiptarëve le të themi fuqinë dhe angazhimin për të qenë pjesë e kësaj fitoreje dhe në bazë të vlerësimit gjithësecili prej anëtarëve të koalicionit dhe të Partisë Demokratike do të marrë peshën e përgjegjësisë për të kthyer programin tonë në një realitet ndryshimi për çdo shqiptar.
Nisida Tufa: Dakord. Kur do të bëhet marrëveshja ?
Lulzim Basha: Po ndodh kjo. Gjatë kohës që flasim edhe sot ..
Nisida Tufa: Nuk është mbyllur marrëveshja me PR edhe me PDIU-në.
Lulzim Basha: Shiko, ne kemi një marrëveshje. Është një keqkuptim mediatik që nuk është mbyllur marrëveshja.
Nisida Tufa: Atëherë është koha ta sqarojmë.
Basha: Domethënë, ne kemi marrëveshje që opozita është e bashkuar në këto zgjedhje. Detajet në kushtet e pas 5 Tetorit janë subjekt i grupeve që po punojnë intensivisht edhe të jeni e sigurt që këtu nuk ka për të pasur asnjë surprizë, përkundrazi do të materializohet vullneti ynë që së bashku t’i japim fund kësaj të keqe në 25 Prill.
Nisida Tufa: Domethënë, z. Mediu kërkon më tepër se një mandat të sigurt?Lulzim Basha: Unë nuk jam pjesë e drejtpërdrejtë e këtyre negociatave, por ju siguroj që ajo që na bashkon është tmerrësisht më e madhe se çdo gjë që duket sikur na ndan. Ne na bashkon vendosmëria për të larguar Edi Ramën, për të larguar të keqen dhe për t’ju dhënë Shqiptarëve shpresën dhe ndryshimin që meritojnë dhe që është plotësisht e mundur.
Nisida Tufa: Pra është çështje ditësh mbyllja e asaj që ju quani keqkuptim për finalizimin e marrveshjes?
Lulzim Basha: Për mua nuk ka fare rëndësi nëse ajo është mbyllur sot pasdite apo mbyllet nesër në mëngjes. E rëndësishme është që ditë për ditë opozita, Partia Demokratike, njerëzit tonë, unë personalisht jemi në terren për tu marrë me ato probleme që siç ju thashë janë problemet e vërteta të njerëzve. Çfarë do të bëjmë për papunësinë? Çfarë do të bëjmë për njerëzit në mjerim ekonomik? Çfarë do të bëjmë për të ndalur plagën e emigracionit? Si do të arrijmë që Shqipërisë ti hapet rruga e mbyllur drejt Bashkimit Europian? Çfarë do të bëjmë për t’ju kundërvënë pandemisë dhe pasojave shëndetësore dhe ekonomike të pandemisë. Këto janë problemet kryesore të shqiptarëve, këto janë problemet e mia kryesore dhe prandaj jam në këtë garë dhe prandaj nesër si kryeministër i shqiptarëve këto do të jenë problemet të cilave do t’ju jap zgjidhje fillimisht.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kryetari i Partisë Demokratike Lulzim Basha është shprehur se fushata e selisë blu para 25 prillit, do të realizohet me takime me qytetarët dhe der...
TIRANË- Ministri aktual i Brendshëm, Bledi Çuçi deklaron pasuri familjare me vlerë 64.3 milionë lekë, por burimet financiare të deklaruara ja...
TIRANË– Kryetari i Partisë Demokratike Lulzim Basha është shprehur se kryeministri Edi Rama e vemtja gjë që ka bërë në këto tetë vite qeverisje, ësht...
TIRANË– Kryetari i Partisë Demokratike Lulzim Basha ka kërkuar që të nisin hetimet pas përgjimeve të bujshme të klanit “Ndrangheta” ku janë përmendur...
TIRANË– “Shqipëria buzëqesh”, fushata e vaksinimit në Shqipëri me lulen e verdhë dhe me nusepashkën në qendër të saj, duket se nuk është një projekt e ide ...
TIRANË– Partia Demokratike është shprehur se nuk ia ka frikën asnjë lloj procesi gjyqësor.Vetëm vetëm pak minuta pasi kryebashkiaku i Tiranës, Erion ...
TIRANË– Kryetari i Bashkisë së Tiranës, Erion Veliaj do të padisë në gjykatë Grida Dumën për shpifje. Përmes një reagimi zyrtar, Veliaj thekson se dëshirat...
TIRANË– Ditën e sotme, ryetarja e LSI-së, Monika Kryemadhi ka zhvilluar një takim me banorët e Zall Bastarit. Kryemadhi u shpreh se edhe 92 ditë janë larg...
TIRANË– Ministrja Ogerta Manastirliu ka ndarë me qytetarët një lajm të mirë. Manastirliu shkruan në Twitter se kanë parapaguar 3.9 milionë dollarë te...
