Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Kryetari i Partisë Demokratike, Lulzim Basha, ishte i pranishëm ditën e sotme në banesën me qira të çiftit të sapomartuar Mikel Kungulli dhe Xhesika Rusi, ku iu shpjegoi atyre dhe të gjithë familjeve të reja shqiptare efektet e Programit Ekonomik të PD.
Basha tregoi me detaje efektet pozitive që do të sjellë për familjet e reja programi ekonomik, ku në fokus do të jetë strehimi, punësimi dhe fëmijët. Kreu i PD tha se ky program nuk është një paketë me premtime, por me angazhime prej të cilave fiton Shqipëria dhe fitojnë shqiptarët.
Pjese nga biseda:
Lulzim Basha: Kemi shpalosur një pjesë të programit tonë ekonomik dhe pjesë kryesore ose më mirë të themi në qendër të programit tonë ekonomik është familja, familja shqiptare e në veçanti rinia dhe familjet e reja, çiftet e reja si ju. Sepse u bënë 8 vite që për rininë nuk kujdesen askush.
Mikel Kungulli: Zero!
Lulzim Basha: Dhe të pyesësh prindërit tuaj, ju vetë shokët tuaj, miqtë tuaj, plaga kryesore që ka sot vendi është që rinia po largohet. Katastrofë kombëtare. Po na largohen të rinjtë, me mijëra të rinj për javë marrin rrugën për në Perëndim. Natyrisht kjo është shumë e keqe për shoqërinë për familjet…
Mikel Kungulli: Shumë, shumë.
Lulzim Basha: Për ekonominë, dhe po se ndalëm këtë plagë vendi shkon drejt një gremine totale. Na duhet jo të bëjmë fjalë por punë për këtë, ndaj dhe programi nuk parashikon premtime, por angazhimet të cilat kanë në fokus familjet, çiftet e reja dhe rininë. Cilët janë problemet tuaja kryesore. Problemi i parë është punësimi. E dyta është mundësia për të blerë një shtëpi. E treta është për të pasur mbështetje për fëmijët për të planifikuar familje sepse çdo fëmijë vjen me një kosto shtesë për familjen, duhet të ketë një mbështetje të vazhdueshme.*
*Lulzim Basha: Me planin tonë ekonomik ne i gjendemi pranë të rinjve dhe në veçanti familjeve të reja, çifteve të reja si ju, nga fillimi e deri në vazhdimësi. Si i gjendemi pranë ? E para, për çdo fëmijë të porsalindur do të jepet çdo muaj një përkrahje prej 30 mijë lekë të vjetra. Nuk është ndonjë shumë mrekulli por është një shumë e mjaftueshme për të përballuar kostot shtesë që sjell një fëmijë i porsalindur deri në moshën 5 vjeç, muaj për muaj 30 mijë lekë të vjetra për çdo fëmijë të porsalindur. Nga njëra anë kjo ju mbështet ju si çifte të reja me koston shtesë që sjell një fëmijë i ri që sillni në jetë dhe nga ana tjetër ndihmon për të luftuar plakjen, sepse popullsia shqiptare po plaket si rezultat i emigracionit dhe si rezultat i rënies së madhe të lindjeve. Sepse në qoftë se një çift i ri nuk i ka mundësitë ekonomike, kuptohet qe mendohet 10 here para se të mendojë të fillojë të nisë familjen, të bëjë planifikimin familjar. 30 mijë lekë të vjetra, pra 3 mijë lekë të reja në muaj për çdo fëmijë të porsalindur deri në moshën 5 vjeçare. Pastaj me fillimin e shkollës, plani ynë parashikon së pari tekste falas. Pra ju heq një pjesë të madhe të kostos së fëmijëve. Së dyti parashikojmë që të nisim dhe pastaj ta shtrijmë në të gjithë vendin një sistem ku edhe pasi mbaron orari shkollor fëmijët të kenë mundësi sipas mundësive dhe dëshirës së prindërve, të kenë mundësi të qëndrojnë dhe pas orëve të shkollës për të bërë detyra, për të bërë aktivitete jashtë shkollore dhe të mbështetën po kështu me një drekë nga shteti. Dhe së treti kur është faza e futjes në universitet apo në studime profesionale, parashikojmë për të gjithë ata që vijnë nga familje me të ardhura nën 640 mijë lekë të vjetra në muaj, mos të paguajnë tarifat e universiteteve, këto tarifa të paguhen nga buxheti i shtetit. Dhe për familjet në nevojë ekonomike të kenë edhe mbështetje ekonomike për të ndjekur studimet për t’u përgatitur për tu futur në jetë. Pra, dora e shtetit të ndihet që nga momenti që lind fëmija e derisa bëhet gati për t’u futur në jetë, pra të mbarojë universitetin apo shkollën profesionale apo një shkollë tjetër dhe të gjejë një vend pune. Ky është një aspekt që unë mendoj do të ndihmojë shumë familjet e reja shqiptare.
Mikel Kungulli: Të gjithë.
Lulzim Basha: Çiftet e reja, dhe fëmijët dhe rininë shqiptare. Tek strehimi unë e di që shumica dërmuese e çifteve nuk kanë mundësi as ta mendojnë, ta çojnë nëpër mend që të blejnë një shtëpi. Nuk e di nëse ju po mendoni të blini një shtëpi?
Mikel Kungulli: As diskutohet. Fare, as…
Xhesika Rusi: Normal që jo.
Lulzim Basha: Absolutisht!
Mikel Kungulli: S’është çuar ndër mend se çfarë do të bësh me 350 mijë lekë rrogë, të paguash qiranë, të paguash dritat, te hash bukë.
Lulzim Basha: Ça mbetet thua?
Xhesika Rusi: Ça mbetet!
Lulzim Basha: Çfarë mbetet, si mund ta arrijmë këtë? Sigurisht nuk mund ta arrijmë për të gjithë çiftet menjëherë, por planifikojmë që vit për vit 5 mijë çifte të reja të përfitojnë nga shteti subvencionim 100% të interesave të kredisë bankare. Çfarë do me thënë kjo? Do blesh një apartament apo një banesë, do të shkosh të marrësh kredi në bankë, shteti për 5 mijë çifte të reja apo 5 mijë familje të reja do të paguajë 100% të interesave bankare. Pra, kjo do të mundësojë që shumë familje shumë çifte të reja si ju, të kenë mundësinë ta marrin kredinë me këtë mbështetje nga shteti, me këtë mbështetje nga buxheti i shtetit, me ketë mbështetje nga qeveria. Sot këtë mbështetje e gëzojnë drejtorët e administratës. Ndërsa nesër pas 25 prillit këtë mbështetje do ta kenë 5000 çifte në vit. Qëllimi është që brenda 4-vjeçarit të parë të qeverisë që do të dalë nga 25 Prilli, 20 000 mijë familje dhe çifte të reja të kenë përfituar nga kjo skemë dhe të kenë një banesë të tyren të blerë sigurisht me kredi, por kur interesat e kredisë paguhen 100% nga shteti. Familja është në qendër të vëmendjes tonë. Në qoftë se ne nuk ia dalim të mbështesim familjen shqiptare, në qoftë se Shqipëria nuk arrin dot, shteti shqiptar nuk arrin dot të mbështesë familjen shqiptare asnjë masë tjetër nuk ka për të funksionuar, se ju jeni qeliza e shoqërisë. Nga ju varet mosplakja, lindja e fëmijëve, rritja dhe edukimi i tyre i duhur dhe nga mundësitë që ju jepen ju, varet edhe mirëqenia e të gjithë shoqërisë, prandaj investimi tek familja shqiptare është objektiv kryesor i planit që ne kemi shpalosur. Sigurisht do doja që të kishim mundësin të bënim edhe më shumë se kaq. Do doja t’ju thoja se do t’i falnim apartamentet çifteve të reja apo që pagesa për fëmijë do të ishte shumë më e lartë por plani që të zbatohet duhet të jetë realistë dhe me këto që ju thashë me këto masa qeveria e ardhshme që del pas 25 Prillit i ka të gjitha mundësitë që t’ju vijë ndihmë.*
Kreu i PD tha se ky program nuk është një paketë me premtime, por me angazhime prej të cilave fiton Shqipëria dhe fitojnë shqiptarët.
Lulzim Basha: Unë nuk ju bëj premtime, as ju, as pensionistëve, as biznesit. Partia Demokratike nuk bën premtime por merr angazhime. Këto janë angazhime të patjetërsueshme të cilat do t’i bëjmë realitet, janë pjesë e një plani të mirë menduar dhe të zbatueshëm. E keni parë që kanë një javë tani që merren vetëm me sulme ndaj planit që ne kemi shpalosur. Pse? Sepse s’kanë bërë asgjë për 8 vite dhe shqiptarët e dinë që ata s’kanë mbajtur asnjë premtim. Shqiptarët e dinë që gjërat duhet të ndryshojnë, duhet patjetër të ndryshojnë dhe e dinë që në qoftë se vazhdohet kështu humb Shqipëria, humbin shqiptarët. Nëse ndryshon me planin tonë fiton Shqipëria, fitojnë shqiptarët. Dhe kjo është ajo që i shtyn drejt sulmeve se njeriu kur ka një alternativë e shpalos dhe thotë: këtë mendoni ju si opozitë? Jo, ne mendojmë këtë si qeveri. Por ata kanë dështuar, kanë pasur 8 vite kohë, 8 vite kohë për të realizuar premtimet e tyre e s’kanë mbajtur një premtim të vetëm dhe tani sillen dhe sulmojnë planin tonë për ta nxjerrë vendin nga kriza që është shenjë e qartë se ata prapë se prapë, jo vetëm që nuk kanë asnjë zgjidhje dhe asnjë plan për ju, por pushtetin e kërkojnë për vete. Ndërsa ne kërkojmë të ndryshojmë Shqipërinë dhe do ta ndryshojmë bashkë më ju, do ta ndryshojmë bashkë me rininë shqiptare. Por për këtë na duhet ndihma juaj. Vullneti juaj për ndryshim duhet të përkthehet në votë dhe të jeni të sigurt që do të keni ndihmën tonë. Do të keni ndihmën e shtetit nesër. Nesër do të keni një qeveri që nuk mendon për vetë, mendon për ju.
(A.B)/Dosja.al
1 vit nga zgjedhjet e 25 prillit si e shikoni gjendjen e vendit:
DURRËS– Kryetarja e LSI-së, Monika Kryemadhi gjatë prezantimit të platformës së LSI-së në Durrës deklaroi se me ardhjen e partisë së saj në pushtet Shqipër...
DURRËS– Partia Socialiste për Integrim ka prezantuar ditën e sotme platormën e saj për qytetin e Durrësit. Fjalën e mori drejtuesja e qarkut Elona Gu...
TIRANË– Deputeti socialist Ervin Bushati ka shkelur sërish rregullat anti covid. Pasi u kallëzua dy herë në KQZ pasi ishte prezent në një shkollë apo pasi ...
KORÇË-Kryeministri Edi Rama ka ndarë me ndjekësit e tij në Instagram një foto ku shihet pranë një oxhaku. I veshur me xhup, Rama bën të ditur se ndo...
TIRANË– Politikania e njohur Rudina Hajdari është ‘ballafaquar’ me gafat e saj! Teksa ishte e ftuar në episodin e radhës të emisionit EXPULS, Hajdarit iu s...
TIRANË– Ish-deputeti i Partisë Demokratike, Oerd Bylykbashi me anë të një postimi të bërë në ‘Facebook’ shkruan se qyteti i Durrësit i takon durrësakëve dh...
TIRANË– Kryeministri Edi Rama postoi një foto në Instagram, ku tregoi këpucët e prishura nga rrugët në Korçë. Në postimin e bërë mesditën e so...
TIRANË– Ish-deputetja e Partisë Demokratike, Jorida Tabaku ka shpjeguar se si do të mbështeten bizneset nga program ekonomik i demokratëve. Ajo sqaro...
TIRANË– Sot janë shënuar më shumë se 900 raste të reja me COVID-19, brenda jo më shumë se 24 orëve. Por pandemia duket se nuk është më në fokusin e s...
