Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
HAGË – Dëgjimi i dëshmitarit të dytë në gjykimin ndaj Gucatit e Haradinajt në Dhomat Speciale në Hagë do të vazhdojë ditën e nesërme.
Halil Berisha, i cili ka punuar si gazetar dhe redaktor në Gazetën Infokus, ka thënë se ishte i pranishëm vetëm në konferencën e parë në OVL-UÇK ku u prezantuan dokumentet të cilat pretendohej se kishin rrjedhur nga Specialja. Halil Berisha, i cili kishte punuar gazetar deri në shtator të vitit 2020, u është përgjigjur pyetjeve të prokurorisë rreth dokumenteve të cilat i kishin marrë nga drejtuesit e OVL-UÇK në konferencat për shtyp të mbajtura në shtator të vitit të kaluar. Ai ka thënë se Zyra e Prokurorisë Speciale (ZPS) është njoftuar dy herë për praninë e dokumenteve.
“Kanë ardhur personat që e kanë mbajtur konferencën për media dhe kanë filluar konferencën. Siç shihet në video që është edhe online, kanë folur zotëri Nasim Haradinaj dhe zotëri Hysni Gucati. Folën për dokumentet të cilat i ka sjellur në zyrën e OVL-së një person i panjohur”, ka thënë dëshmitari Berisha.
Prokurori ka shfaqur video të konferencës së 7 shtatorit të vitit 2020, në të cilën kishte marrë pjesë gazetari, pamje të cilat nuk u bënë publike dhe seanca vijoi e mbyllur. Dëshmitarit i është kërkuar të identifikojë personat në video, dhe ai ka thënë se ishin Hysni Gucati e Nasim Haradinaj.
“Po kërkonin disa dokumente të cilat thuhet se dëshmojnë bashkëpunimin që e ka pasur Task Forca Speciale e Hetimit me prokurorë dhe me njerëz të institucioneve të Serbisë”, ka dhënë dëshmitari.
Dëshmitari ka thënë se pas përfundimit të konferencës, mediat janë afruar t’i shohin dokumentet e prezantuara nga ish-krerët e OVL-UÇK, t’i fotografojë dhe xhirojnë ato.
“Numri i dokumenteve ishte goxha i madh dhe nuk kish mundësi, nuk e dinim saktë çka mundet me pas aty, nuk kish pas mundësi me i xhiru krejt, kështu që kam kërkuar një pjesë të dokumenteve”, ka thënë dëshmitari Berisha.
Dëshmitari ka thënë se e ka pyetur Nasim Haradinajn, i cili sipas tij, edhe i ka dhënë leje të marrë një pjesë të dokumenteve. Ai ka shtuar se nga Haradinaj i është thënë që t’i shpërndante dokumentet nëse i kërkoheshin nga kolegët e tjerë gazetarë. Dëshmitari ka thënë se renditja e dokumenteve ka qenë e çrregullt, çka sipas tij, ka bërë që mos të kuptojë me saktësi se çfarë përmbajnë ato.
“Më është thënë që përderisa ka shumë dokumente, numri i kopjeve që janë aty është i vogël dhe nuk ka për të gjitha mediat. Kështu që nëse mundet me i kërkua një media tjetër, për shkak që mos me i pas veç unë, nëse është e mundshme me bashkëpunu edhe me media të tjera. Dokumentet janë konfidenciale ose jo se nuk kam ndonjë mjet me vlerësua këtë punë, megjithatë në disa prej faqeve, në disa prej dokumenteve ka qenë shkrimi që tregon se janë të klasifikuara konfidenciale”, ka thënë dëshmitari.
Dëshmitari ka thënë se dokumentet pastaj i kanë shpërndarë në zyrën e redaksisë ku kishte punuar dhe i kanë shikuar se çfarë përmbajnë. Ai ka shtuar i kanë drejtuar pyetje Zyrës së Prokurorisë Speciale lidhur me dokumentet në fjalë. Berisha ka thënë se dokumentet i kanë vendosur në një hapësirë të sigurt në redaksi dhe i janë drejtuar dy herë me pyetje ZPS-së për ta njoftuar për dokumentet që posedojnë.
“Porsa i kemi marrë dokumentet i kemi shkruar edhe Zyrës së Prokurorit të Specializuar një e-mail për me pyet për këto dokumente, por që përgjigja ka qenë në fakt pa përgjigje, kanë thënë që nuk mundemi me i komentu këto gjëra. Në atë rast duke dyshuar që këto dokumente, edhe për autenticitetin e tyre edhe për konfidencialitetin, kemi vendosë që me i ruajt këto dokumente mos u marrë shumë me to, derisa të qartësohet pak më shumë. Këtë email e kemi dërguar për arsye se përgjigja e parë e ZPS-së, në fakt nuk e di a mundemi me quajt përgjigje sepse nuk na kanë dhënë asnjë informatë veçse kanë thënë se nuk mundemi me fol për këtë temë, edhe siç e ceka më herët kemi nuk kemi qenë të sigurt së pari për autenticitetin e dokumenteve pastaj edhe për konfidencialitetin e tyre dhe kemi dëshiruar me shku në mënyrë të sigurt dhe e kemi njoftuar ZPS-në”, ka thënë dëshmitari.
Më tej Berisha ka thënë se më 9 shtator të vitit 2020, hetues të ZPS-së kanë shkuar në redaksinë ku ai punonte dhe i kanë marrë dokumentet.
“Fillimisht më ka thirrur dikush prej zyrës së Prokurorit të Specializuar, një numër që ka qenë prej Holandës dhe më ka pyetur nëse munden dy hetues me ardh dhe me i marr dokumentet, unë kam pranuar që ata me ardhur, pastaj ata më kanë thirr në telefon, e kemi lënë takimin sepse ata nuk e kanë ditur ku është zyra, kanë ardhur në zyrë, kanë qëndruar rreth një orë, para se ata me i pa dokumentet, ua kemi kërkuar një kartelë identifikimi me e ditë nëse janë ata persona që janë prezantuar, na kanë prezantuar kartelat e identifikimit që kanë qenë prej Zyrës së Prokurorit të Specializuar, na kanë kërkuar së pari me i pa dokumentet, i kemi marrë dokumentet prej atij vendit ku i kemi vendos, i kanë parë dokumentet dhe na kanë kërkuar më i marrë dokumentet, pastaj i kanë marrë dokumentet dhe kanë shkuar”, ka thënë dëshmitari Berisha.
Ai ka theksuar se në gazetë kanë shkruar për dokumentet në fjalë vetëm gjatë periudhës që i kanë pasur ato në duar, duke shtuar se nuk kanë marrë pjesë në asnjë konferencë tjetër të OVL-UÇK.
Berisha ka thënë në fillim të seancë se ka punuar gazetar dhe redaktor në Gazetën Infokus dhe ka deklaruar se nuk ndjehet i lumtur që po dëshmon në këtë gjykim, por sipas tij ka qenë i detyruar për të bëjë një gjë të tillë. Ai ka ndaluar së ushtruari profesionin e gazetarit në shtator të vitit 2020 pasi ka shkuar për studime në Gjermani. Dëshminë e tij ai do ta vazhdojë nesër para trupit gjykues në Dhomat e Specializuara në Hagë. Trupi gjykues në Hagë kishte dëgjuar më parë për gjashtë ditë me radhë dëshmitaren Zenka Pumper, hetuese në ZPS.
LAJMI KRYESOR: Gjyqi ndaj Gucatit dhe Haradinaj, Pumper vijon dëshminë, del dëshmitari i dytë
(m.k/dosja.al)
Cila mendoni se është alternativa më e mirë:
HAGË – Pas Zenka Pumper ishte radha e dëshmitarit të dytë për tu paraqitur para Gjykatës Speciale të Hagës në gjyqin kundër Hysni Gucati e Nasim Hara...
HAGË – Zenka Pumper, Dëshmitarja e parë e zyrës së Prokurorit të Specializuar në gjykimin ndaj ish-krerëve të Organizatës së Veteranëve të Luftës së ...
HAGË – Ka vazhduar të dëgjohet në Dhomat e Specializuara në Hagë, hetuesja e ZPS-së Zenka Pumper duke hyrë kështu në ditën e 6 të dëshmisë së saj për...
VJENË- Katër persona kanë mbetur të plagosur në Vjenë ditën e sotme gjatë një sulmi terrorist. Merkur.de shkruan se një person ka sulmuar me thikë disa kal...
KOSOVË– Trajneri i futbollit Afrim Tovërlani është vënë në pranga pasi akuzohet se ka sulmuar me thikë kryetarin e Prishtinës Shpend Ahmeti në shtëpi...
BRAZIL – Një raport i madh hetimor ka ngritur akuza serioze nga Presidentit të Brazilit, Jair Bolsonaro, për menaxhimin e pandemisë Covid në vend.Sipas BB...
BEOGRAD– “Ky do të ishte një lajm katastrofik, i tmerrshëm për popullin tonë,”-kështu u shpreh presidenti serb Aleksandër Vuçiç. Sipas predi...
PRISHTINË– Publikohen pamjet e kamerave të sigurisë, ku është vënë në pranga 46-vjeçari Feim Berisha, i cili pak minuta më parë kishte dhunuar...
MAQEDONIA E VERIUT- Kryeministri i Maqedonisë së Veriut Zoran Zaev ka thënë se shumica parlamentare do të zgjerohet pas zgjedhjeve lokale. Alsat.mk shkruan se Z...
SERBI – Një “stuhi reagimesh” ka shpërthyer në mediat serbe pasi Valentina Petroviç, miss-i i zgjedhur i Serbisë ka pozuar me Miss-in ...
