Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Kongresi miratoi gjatë fundjavës një buxhet afatshkurtër për financimin e qeverisë për gjashtë javët e ardhshme.
SHBA-Presidenti Joe Biden thotë se Shtëpia e Bardhë është e vendosur që të vazhdojë mbështetjen për Ukrainën. Komentet e presidentit vijnë ndërsa buxheti afatshkurtër, i miratuar nga Kongresi ditë më parë, nuk përfshiu ndihma financiare për Ukrainën dhe udhëheqësi i sapozgjedhur i Sllovakisë shprehu dyshime rreth vazhdimit të mbështetjes për Ukrainën nga vendi anëtar i NATO-s. Ndërsa shfaqen krisje brenda mbështetjes Perëndimore për Ukrainën, Presidenti Joe Biden u ka kërkuar ligjvënësve republikanë që të miratojnë një paketë ndihme me vlerë 24 miliardë dollarësh për të forcuar Ukrainën përballë pushtuesit rus.
Kongresi miratoi gjatë fundjavës një buxhet afatshkurtër për financimin e qeverisë për gjashtë javët e ardhshme. Por buxheti nuk përfshinte ndihma për Ukrainën. Presidenti Biden u bëri thirrje ligjvënësve të të dy partive, që kanë shprehur shqetësime për fatin e ndihmave dhe për faktin që lufta ende po vazhdon pas më shumë se 19 muajsh.
“Shpresoj që miqtë e mi nga pala tjetër ta mbajnë fjalën për mbështetjen për Ukrainën. Ata thanë se do ta mbështesin Ukrainën në një votim të veçantë. Në asnjë rrethanë nuk mund të lejojmë që mbështetja amerikane për Ukrainën të ndërpritet. Pres që kryetari McCarthy të zbatojë plotësisht angazhimet e tij për të miratuar ndihmën e nevojshme për Ukrainën, ndërsa mbrohen kundër agresionit dhe brutalitetit”, tha Presidenti Biden.
Të hënën zëdhënësja e Shtëpisë së Bardhë, Karine Jean-Pierre, i tha Zërit të Amerikës se administrata mbetet e vendosur pavarësisht trysnisë së brendshme dhe shqetësimeve nga udhëheqësi i sapozgjedhur i Sllovakisë, vend i NATO-s, i cili bëri fushatë kundër ndihmave për Ukrainën.
“Aleanca e NATO-s është më e fortë se kurrë si rezultat i udhëheqjes së këtij presidenti. Ne do të vazhdojmë të konsultohemi me partnerët tanë. Por ajo që po bëjnë republikanët e Dhomës së Përfaqësuesve nuk e ndihmon situatën”, tha zëdhënësja e Shtëpisë së Bardhë, Karine Jean-Pierre. Presidenti Volodymyr Zelenskyy tha gjatë një takimi në Kiev me ministrat e jashtëm evropianë të hënën, se uniteti është thelbësor.
“Fitorja jonë varet drejtpërdrejt nga bashkëpunimi ynë. Sa më shumë hapa të fuqishëm dhe parimorë të hedhim së bashku, aq më shpejt do të përfundojë kjo luftë. Me rivendosjen e integritetit tonë territorial dhe një garanci të besueshme të paqes për të gjithë Evropën”.
Ndërkohë në Moskë, zëdhënësi i Presidentit Vladimir Putin reagoi duke thënë se Moska sheh “lodhje” mes mbështetësve perëndimorë. Shtëpia e Bardhë u përgjigj:
“Nëse Putini mendon se mund të fitojë, ai e ka gabim. Ne do të kemi së shpejti një paketë tjetër ndihme për Ukrainën, për të sinjalizuar mbështetjen tonë të vazhdueshme për popullin trim të Ukrainës. Ky është mesazhi ynë: nëse ai mendon se mund të fitojë, zoti Putin e ka gabim”, tha zëdhënësja e Shtëpisë së Bardhë, Karine Jean-Pierre.
Por ekspertët ushtarakë thonë se kundërofensiva e Kievit, e cila synonte rimarrjen e territorit të kontrolluar nga Rusia, ka qenë më e ngadaltë sesa pritej.
“Rezultatet kanë qenë zhgënjyese dhe shumë njerëz shtrojnë pyetjet se cili do të jetë përfundimi, cila është teoria e Ukrainës për fitoren? Presidenti Zelenskyy do të duhet ta sqarojë këtë gjatë dy muajve të ardhshëm për të forcuar mbështetjen e përkrahësve të tij”, thotë Mark Cancian me Qendren për Studime Strategjike dhe Ndërkombëtare. Por populli ukrainas mbetet i vendosur. Gjatë fundjavës, kryeqyteti i rrethuar zhvilloi maratonën e parë të plotë që nga fillimi i pushtimit. 5000 pjesëmarrësit, shumë prej tyre ushtarakë dhe disa që kanë humbur gjymtyrët në luftë, vrapuan në maratonën 42 kilometra të gjatë duke bërë fushatë për grumbullim fondesh për mbrojten e vendit të tyre./ Marrë nga VOA
Papa Françesku VATIKAN-Papa Françesku ka hapur një polemikë të madhe brenda Kishës Katolike ditët e fundit duke th&...
foto ilustruese GREQI- Të shtëna me armë zjarri dhe një sulm ndaj disa punëtorëve ka ndodhur pasditen e djeshme, në zon&...
ITALI-Një çift që kishte vendosur ta zhvillonte ceremoninë e martesës në Itali me 80 të ftuar është larguar nga...
foto ilustruese ARMENI- Parlamenti armen ratifikoi të martën dokumentet e themelimit të Gjykatës Penale Ndërkombëtare, n...
BRITANI-Ngjarjet e 24 shtatorit në veri të Kosovës, ku humbi jetën një efektiv dhe paralajmërimi i Uashingtonit javën e kal...
foto ilustruese SHBA-Meta Platforms do të përgatisë për përdoruesit e BE-së një tarifë abonimi mujor prej 14 dollar...
Tomas Szunyog KOSOVË- Shefi i Zyrës së BE-së në Kosovë, ambasadori Tomas Szunyog ka qëndruar për vizitë në...
milan radoiçiç SERBI- Ministria e Punëve të Brendshme të Serbisë ka njoftuar se ka arrestuar terroristin Milan Radoji&cce...
Richard Grenell SHBA- Ish i dërguari i Shteteve të Bashkuara të Amerikës në dialogun Kosovë-Serbi Richard Grenell, ka kritiku...
pamje nga vendngjarja TAJLANDË- Një 14-vjeçar është vënë në pranga pasi tre persona janë vrarë si pasoj...
