Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Udhëheqësi i Koresë së Veriut Kim Jong Un shfrytëzoi një ekspozitë ushtarake për të bërë komentet e tij të para lidhur me Shtetet e Bashkuara që kur Donald Trump u zgjodh President, duke thënë se negociatat e kaluara konfirmuan atë që ai e cilësoi armiqësi të "pandryshueshme" të Uashingtonit ndaj Phenianit.
SHBA- Në mandatin e tij të parë si President i Shteteve të Bashkuara, Donald Trumpi forcoi sanksionet ekonomike kundër Koresë së Veriut në përpjekje për ta detyruar atë të hiqte dorë nga programi i armëve bërthamore. Korrespodenti i Zërit të Amerikës, Young Gyo Kimi hedh një vështrim asaj se çfarë duhet të presë zoti Trump nga Pheniani, në mandatin e tij të dytë.
Udhëheqësi i Koresë së Veriut Kim Jong Un shfrytëzoi një ekspozitë ushtarake për të bërë komentet e tij të para lidhur me Shtetet e Bashkuara që kur Donald Trump u zgjodh President, duke thënë se negociatat e kaluara konfirmuan atë që ai e cilësoi armiqësi të "pandryshueshme" të Uashingtonit ndaj Phenianit. Udhëheqësi Kim u zotua se do të zgjerojë “pa kufi” aftësitë bërthamore të Koresë së Veriut si mënyra e vetme për të kundërshtuar kërcënimet e jashtme. Ish-zyrtari i Departamentit të Shtetit për Çështjet Aziatike, Evans Revere mendon se Kim Jong Un është sot për zotin Trump një kundërshtar krejtësisht ndryshe nga koha kur ata u takuan për herë të fundit në vitin 2019.
“Kim Jong Un beson se ka më shumë fuqi. Dhe besoj se pjesë e kësaj dore më të fortë është marrëdhënia e tij e re me rusët”.
Zyrtarët ushtarakë amerikanë thonë se aktualisht në Rusi gjenden më shumë se 10,000 trupa të Koresë së Veriut që e ndihmojnë atë në luftën kundër Ukrainës.
Ministri rus i Mbrojtjes Andrei Belousov ishte në Phenian muajin e kaluar, për të forcuar traktatin e partneritetit strategjik që sipas ministrit ul rrezikun e luftës në gadishullin Korean.
Sekretari i Përgjithshëm i NATO-s Mark Rutte thotë se aleanca Moskë-Phenian është një sfidë për administratën e ardhshme Trump.
“Teknologjia bërthamore dhe ajo e raketave po zhvillohet me shpejtësi në Korenë e Veriut dhe tani ka rrezik që ajo ta përdorë atë, duke qenë një kërcënim për ne këtu, por edhe për territorin e Shteteve të Bashkuara”, tha ai.
Të bëra bashkë, Rusia dhe Koreja e Veriut paraqesin rrezik për paqëndrueshmëri më të madhe, thotë ish-oficeri i inteligjencës kombëtare amerikane për Korenë e Veriut, Sydney Seiler.
“Kjo po bëhet një aleancë ushtarake që paraqet rrezik afatshkurtër dhe afatgjatë, rrezik për zgjatjen e luftës në Ukrainë, destabilizimin e Gadishullit Korean, pra, paqëndrueshmërinë e komunitetit ndërkombëtar”, thekson ai.
Tani që Koreja e Veriut po siguron nga Moska sistemet ruse të mbrojtjes ajrore, modernizim të prodhimit të municioneve, para, ndihma ushqimore dhe karburanti, udhëheqësi Kim ka më pak nevojë për Uashingtonin sesa gjatë mandatit të parë të zotit Trump, thotë ish-oficeri Seiler.
“Me të gjitha gjërat që Kim Jong Un është në gjendje të marrë nga miku i tij i ri më i mirë Vladimir Putin, pse do t'i drejtohej Donald Trumpit?, thotë Sydney Seiler, nga Qendra për Studime Strategjike dhe Ndërkombëtare.
Në mandatin e tij të parë, zoti Trump punoi me udhëheqësit e Koresë së Jugut në përpjekje për të frenuar programin e armëve bërthamore të Koresë së Veriut.
Në mandatin e dytë ai do të përballet me një Kore të Veriut që ka përjashtuar mundësinë e reduktimit apo heqjes dorë nga armët bërthamore, thotë zoti Revere.
“Ajo që koreano-veriorët synojnë është që të pranohet, ose të paktën Shtetet e Bashkuara ta pranojnë, se Koreja e Veriut është një fuqi bërthamore, legjitime dhe se dy vendet duhet të ulen së bashku dhe të bisedojnë se si mund të bashkëjetojnë me njëri-tjetrin”, thekson ai.
Vetëm disa ditë para zgjedhjeve amerikane presidenciale, Koreja e Veriut provoi një raketë të re balistike ndërkontinentale që mund të arrijë në pjesën më të madhe të territorit të Shteteve të Bashkuara./ VOA
Benjamin Netanyahu IZRAEL- Kryeministri izraelit, Benjamin Netanyahu doli në gjykatë në Tel Aviv të martën për të gjasht...
Frank-Walter Steinmeier GJERMANI- Në mesazhin e tij të Krishtlindjeve, Presidenti gjerman, Frank-Walter Steinmeier u ndal te tragjedia në Ma...
Kulla Eifel FRANCË- Turistët janë evakuuar të martën nga monumenti ikonë i Parisit, Kulla Eifel, pas raportimeve për nj&...
Gene Spector RUSI- Gjykata e Moskës ka dënuar të martën një shtetas amerikan me 15 vjet burg për spiunazh, sipas agjenci...
Pema e djegur SIRI- Djegia e një peme të Krishtlindjes pranë Hamës shkaktoi protesta në Siri, duke bërë q...
Foto ilustruese FLORIDA- Një shfaqjeje ajrore e dronëve për Krishtlindjeve nuk shkoi siç duhet në Florida. Shumë dronë...
Zjarri SHBA- Një shpërthim vdekjeprurës ka ndodhur pasditen e së hënës në një varkë në marinën e&nbs...
Ismail Haniyeh IZRAEL- Izraeli konfirmoi të hënën se vrau liderin e Hamasit, Ismail Haniyeh dhe lëshoi një paralajmërim t&...
Festa e Krishtlindjeve GJERMANI- Krishtlindjet janë sot festa kryesore e fesë së krishterë, por tradita e festave përreth kohë...
protesta SIRI- Protestat kanë shpërthyer në Siri për djegien e një peme të Krishtlindjes pranë qytetit të Hama. Nj...
