Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Gjatë protestës, banorët kanë deklaruar se ata kërkojnë vetëm shtrimin e 30 kilometrave rrugë që lidhen krahiunat me Shkodrën.
SHKODËR- Banorët e Dukagjinit kanë dalë sërish në protestë ditën e sotme për të kërkuar asfaltimin e rrugës që lidh Shkodrën me njësitë vendore Pult, Shosh dhe Shalë. Me pankarta në duar dhe thirrjet “Dukagjini kërkon rrugën”, banorët për herë të dytë janë mbledhur pranë institucioneve në Shkodër dhe kanë bërë thirrje për shtrimin e rrugës. Gjatë protestës, banorët kanë deklaruar se ata kërkojnë vetëm shtrimin e 30 kilometrave rrugë që lidhen krahiunat me Shkodrën.
“Kërkesat e nevojat janë dy, realizmi dhe dëshira prapë janë dy. Dukagjini është një krahinë që e meriton një 30 km rrugë. Kemi dal për sensibilizim e për këtë kërkesë. Është tepër e nevojshme, dhe mbrapa s’kemi më nevojë për të bërë kështu mitingu. Ne na intereson të na e bëjë dikush, se kush është sipërmarrësi, më i afti për ta bërë këtë punë, ne kemi për borxh me i thënë të lumshin krahët”, tha një protestues.
Protesta e banorëve të Dukagjinit të cilët kërkojnë vetëm rrugën që lidh rreth 30 fshatra dhe pjesën më të madhe të Alpeve Shqiptare, sot përkoi edhe me 16 vjetorin e një prej aksidenteve më të rënda në këtë zonë. Në 12 Mars të vitit 2007, një furgon me 13 persona i cili ishte nisur drejt Shkodrës, doli nga rruga dhe për pasoje 10 prej tyre humbën jetë.
REAGIMI I PLOTË:
Duke përshëndetur dhe mbështetur fuqimisht protestën e dytë të zhvilluar për rrugën e Dukagjinit, Bashkia Shkodër gjen rastin të sqarojë opinionin publik dhe t’i përgjigjet kërkesës së komunitetit dukagjinas, duke bërë publike shkresat që disponojmë në lidhje me investimin në këtë aks të rëndësishëm rrugor, si dhe mirëmbajtjen e tij.
Në 28.08.2020 Bashkia Shkodër i është drejtuar me një shkresë që mban nr e protokollit 12121, Autoritetit Rrugor Shqiptar duke i kërkuar financim të aksit rrugor Shkodër – Dukagjin – Theth.
Në 13.08.2021 Bashkia Shkodër i është drejtuar me një shkresë që mban nr e protokollit 13795, Kryeministrit të Shqipërisë Edi Rama për financim të projekteve strategjike në Bashkinë Shkodër. Mes 8 projekteve të listuara është “Rikonstruksioni i aksit Shkodër – Dukagjin – Theth, me vlerë 2.847.368 mijë lekë.
Në 07.02.2023 Bashkia Shkodër i është drejtuar me një shkresë që mban nr e protokollit 1887, Ministrisë së Mbrojtjes pas thirrjes që kjo e fundit ka bërë ndaj njësive vendore për projekt propozimet në kuadër të programit “Fondi për menaxhimin e fatkeqësive natyrore”. Në këtë shkresë pika e parë që kërkohet nga Bashkia Shkodër për t’u zbatuar si projekt është:
Ndërtim strukturash për kalimin e përrenjve në segmentin Prekal – Kir – Mali i Shoshit – Breglumi – Ndërlysaj” me vlerë 22.331.983 lekë me TVSH.
Për mirëmbajtjen e zakonshme të kësaj rruge, nga ana e Bashkisë Shkodër miratohet një fond i veçantë në buxhetin vjetor. Përmes këtij fondi Bashkia Shkodër vit pas viti planifikon dhe zbaton mirëmbajtjen e zakonshme të kësaj rruge, e cila për shkak të terrenit, mungesës së veprave të artit dhe kushteve atmosferike që ka zona, paraqet specifika të veçanta. Për këtë arsye kemi kërkuar dhe janë miratuar në këshillin bashkiak 3 vendime për shtesa fondesh për mirëmbajtjen e kësaj rruge, ku dy prej tyre janë bllokuar duke mos marrë shprehje ligjshmërie nga institucionit i Prefektit Qarku Shkodër.
Vendimet në fjalë janë:
Vendimi nr.46 i datës 27.09.2022
Vendimi nr.50 i datës 27.09.2022
Vendimi nr.55 i datës 07.11.2022
Bashkëngjitur këtyre dokumentave që po bëjmë publike për transparencë të opinionit publik, Bashkia Shkodër shpreh keqardhjen që ndodhin të tilla refuzime, bllokime dhe mungesë investimesh nga qeveria shqiptare dhe përfaqësuesit e saj edhe në pushtetin vendor të Shkodrës. Ashtu si ne rastin e anullimit te financimit te rruges se Dukagjinit ne vitin 2013 nga ana e FSHZH-se me drejtor z. Beci, edhe pse projekti dhe fondi ishin gati nga qeverisja e PD-së, fondet ju hoqën rruges se Dukagjinit dhe i kaluan bashkive të tjera në jug.
I përmendur nga Bashkia Shkodër, deputeti socialist Benet Beci, i cili është përfolur se do të jetë kandidati i PS për Bashkinë e Shkodrës në zgjedhjet e 14 majit, në rrjetet e tij sociale është shprehur se do e firmosë edhe ai peticionin për ndërtimin e rrugës.
“Sot në Shkodër po mbahet protesta e dytë për rrugën e Dukagjinit nga komuniteti i zonës. Siç e kam deklaruar publikisht edhe në protestën e parë, jam plotësisht dakord me protestën dhe e mbështes kërkesën e tyre të drejtë për ndërtimin e rrugës. Do ta firmos patjetër edhe peticionin drejtuar autoriteteve për ndërtimin e rrugës. Angazhohem që projektin e hartuar të rrugës ta bëjmë publik në një takim të hapur me të gjithë të interesuarit në momentin më të parë së bashku me inxhinierët dhe agjencitë qeveritare që kanë përgatitur projektin. Hapi tjetër duhet të jetë akordimi i fondeve për fillimin e këtij investimi madhor. Njëkohësisht u bëj thirrje autoriteteve vendore të bashkisë Shkodër si institucioni përgjegjës për rrugën, të mos fshihen pas shkresave të vagullta e të keqadresuara, por të marrin menjëherë masa për mirëmbajtjen e rrugës para sezonit pranveror, në të kundërt t'i kërkojnë qeverisë heqjen e rrugës nga inventari i saj dhe kalimin në inventarin e ARRSH-së si rruga Han i Hotit-Tamarë-Vermosh apo rruga Koplik-Bogë-Theth të cilat janë qartësisht të mirëmbajtura gjatë gjithë vitit,"- shkruan Benet Beci.
Pas tubimit të sotëm, Bashkia e Shkodrës ka reaguar sërish pas protestës së bërë nga banorët e Dukagjinit për rrugën dhe thotë se kanë dërguar dokumentet përkatëse për të investuar por çdo kërkesë e tyre është bllokuar nga qeveria.
Pamje nga aksidenti KORÇË- Një aksident ka ndodhur mesditën e sotme në aksin Korçë-Ersekë. M&...
emigrante ANGLI- Gati 98 për qind e emigrantëve shqiptarë të lëshuar me urdhra dëbimi përdorin pajisje ligjore për...
Policia VLORË- Një 30-vjeçar është arrestuar ditën e sotme në Vlore për plagosje, mësohet se në pr...
Rinas TIRANË- Avioni i një kompanie ajrore që bën linjën Tiranë-Perugia ka pësuar defekt teknik gjatë udhë...
Policia Rrugore TIRANË- Policia Rrugore ka shtuar kontrollet në rrugë për të parandaluar shkeljen e rregullave të qarkullimit...
Vjedhje VLORË- Një 52-vjeçar është arrestuar pasi së bashku me djalin e tij të mitur kryenin vjedhje në bane...
Eralda Spahillari ITALI- Arkivoli i bardhë dhe tullumbace për 19-vjeçaren shqiptare Eralda Spahillari, një nga dy viktimat e aks...
Ura e shembur LEZHË- Ura e ndërtuar në fshatin Berzanë të Lezhës në vitin 2021 është shembur ditën e...
TIRANË- Banorët e Bërxullës kanë dalë në protestë si çdo të djelë për të kundërshtuar ...
Makina TROPOJË- Një 22-vjeçar është shpallur në kërkim ditën e sotme në Tropojë për k...
