LIVE UPDATES
Bota

Deklarata e çuditshme e gjeneralit izraelit: UFO-t kanë kontakte me SHBA, ata nuk e lanë Trump të flasë

Një profesor i respektuar dhe gjeneral në pension, Eshed tha se alienët ishin po aq kureshtarë për njerëzimin dhe po kërkonin të kuptonin "strukturën e universit".

2 Gusht 2022, 12:49 Nga d.a.
Deklarata e çuditshme e gjeneralit izraelit: UFO-t kanë kontakte me
Trump

IZRAEL- Haim Eshed, një ish-shef izraelit i sigurisë hapësinore ka habitur me deklaratat e tij pasi tha se tokësorët kanë qenë në kontakt me jashtëtokësorët nga një "federatë galaktike".

"Objektet Fluturuese të Paidentifikuara kanë kërkuar që të mos publikohen se janë këtu, njerëzimi nuk është ende gati”, tha Eshed, ish-kreu i drejtorisë hapësinore të Ministrisë së Mbrojtjes të Izraelit, për gazetën izraelite Yediot Aharonot.

Sipas mediave të huaja, një profesor i respektuar dhe gjeneral në pension, Eshed tha se alienët ishin po aq kureshtarë për njerëzimin dhe po kërkonin të kuptonin "strukturën e universit". Eshed deklaroi se Federata Galaktike po kryen eksperimente mbi "pëlhurën e universit" dhe se tashmë ka bashkëpunim midis administratës amerikane dhe jashtëtokësorëve për funksionimin e një baze nëntokësore në Mars. 

Në vitin 2020, qeveria amerikane krijoi Forcën Hapësinore, e cila është e mandatuar të projektojë fuqinë ushtarake në të gjithë sistemin diellor, e cila, në dritën e pretendimeve të Eshed në lidhje me Marsin, është një rastësi intriguese. Eshed tha se marrëveshjet e bashkëpunimit ishin nënshkruar midis specieve, duke përfshirë një "bazë nëntokësore në thellësi të Marsit", ku ka astronautë amerikanë dhe përfaqësues të alienëve.

Ka një marrëveshje mes qeverisë amerikane dhe alienëve. Ata nënshkruan një kontratë me ne për të bërë eksperimente këtu”, tha ai.

Ai shton se ish-presidenti i SHBA-së, Donald Trump, ishte në dijeni të ekzistencës së alienëve dhe pothuajse e kishte nxjerrë atë në publik, por më pas iu kërkua të mos e bënte, për të shmangur 'histerinë masive'. Trump pretendoi se kishte dëgjuar gjëra "shumë interesante" për Roswell, qytetin e Nju Meksikos, i njohur për një ngjarje të supozuar të UFO-ve në 1947.

“Nuk do të flas me ju për atë që di për të, por është shumë interesante”, tha Trump në atë kohë.

Ai tha se do të ishte mbyllur në spital nëse do t'i thoshte këto gjëra pesë vjet më parë. Mirëpo, opinionet publike po ndryshojnë gradualisht dhe ai nuk ka më frikë, duke mos pasur çfarë të humbasë, tha fituesi i diplomave dhe çmimeve të shumta, i respektuar në institucionet e huaja.

Një zëdhënës i NASA-s tha se një nga qëllimet kryesore të agjencisë ishte kërkimi i jetës në univers, por se ende nuk kishte gjetur shenja të jetës jashtëtokësore.

Eshed shërbeu si kreu i programit hapësinor të sigurisë të Izraelit nga viti 1981 deri në 2010 dhe gjatë viteve mori çmimin e Sigurisë së Izraelit tre herë, dy herë për shpikje teknologjike konfidenciale. 87-vjeçari ka një diplomë bachelor në inxhinieri elektronike nga Technion, një diplomë master në kërkimin e performancës dhe një doktoraturë në inxhinieri aeronautike.

donald trump haim eshed eksitenca e alieneve

Sondazh

Poll

Privatizimi i ish-klubit ‘Partizani’, dëshmon Qirjazi: MM më kërkoi firmën, bëra ç’ishte e ligjshme

Privatizimi i ish-klubit ‘Partizani’, dëshmon Qirjazi: MM më kërkoi firmën, bëra ç’ishte e ligjshme

Tiranë, bënin kontrabandë me veshje, pije, cigare dhe rroba, 3 të arrestuar në 2 operacione

Me 14 emigrantë në Morinë, arrestohet 19-vjeçari, shpallet në kërkim bashkëpunëtori i tij

Rrumbullaku ngre strukturë për emërimet në polici: Riformatim ekipeve që hetojnë krimin

Me dy kallashnikovë në shtëpi e municion luftarak, arrestohet 31-vjeçari në Dibër

"Porsche", "Maseratti" e 'Mercedes Benz", arrestohet 52-vjeçari që shiste mjetet e vjedhura në BE

Pellusha, rripa e çanta markash kontrabandë, arrestohet pronari i 5 dyqaneve në Tiranë e Durrës

Mandati i Xhaçkës, Bushka: Duam kohë për raportin. Alibeaj: Mos nxirrni sebepe

Dashnor Sula shpërndan "paund" në Kuvend, i lë ca para edhe Ramës tek vendi