Mbushi 80 vjeç dy ditë para vdekjes së Papa Françeskut, kardinali përjashtohet nga procesi për zgjedhjen e Pap...
"Janë dhe disa zogj të vegjël që kanë dalë"/ Rama ironizon partitë e reja: Këta më kujtojnë Su...
Berisha: Siguria në shkolla prioritet, orari në shkolla do të jetë 8 orë, që fëmijët të ushqehen dh...
"Po bie një tërmet i fortë në Stamboll", moderatorja panikoset gjatë transmetimit live, i kërkon nënës s...
Imtiaz Eisam Abu Eidah dhe gjashtë fëmijët e saj janë zhvendosur katër herë që nga fillimi i luftës në Gazë. Fletëpalosjet e lëshuara së fundmi nga ajri i paralajmëruan banorët që të largoheshin nga qyteti Rafah, i cili konsiderohej si vendi i fundit i sigurtë.
GAZA- Qindra mijëra njerëz janë larguar nga qyteti Rafah i Gazës, dhe shumë të tjerë po shpërngulen ndërsa intensifikohen luftimet midis Izraelit dhe Hamasit pranë kufirit me Egjiptin. Korrespondentët e Zërit të Amerikës, Heather Murdock nga Stambolli, Nedal Hamdouna, Amjed Tantesh dhe Enas Tantesh nga Rafahu i Gazës, njoftojnë se familjet palestineze thonë se nuk kanë gjetur një vend të sigurtë për t’u vendosur dhe kudo që shkojnë nuk ka ndihma për ta.
Imtiaz Eisam Abu Eidah dhe gjashtë fëmijët e saj janë zhvendosur katër herë që nga fillimi i luftës në Gazë. Fletëpalosjet e lëshuara së fundmi nga ajri i paralajmëruan banorët që të largoheshin nga qyteti Rafah, i cili konsiderohej si vendi i fundit i sigurtë.
Abu Eidah dhe qindra mijëra njerëz të tjerë, shumica tashmë të zhvendosur disa herë, janë futur më thellë në Gazë, ndërsa intensifikohet lufta pranë kufirit me Egjiptin dhe kamionët me ndihma humanitare kanë mbetur në anën tjetër të kufirit.
“Nuk ka asnjë vend të sigurt. Sa herë duhet të zhvendosemi në një vend dhe pastrehë? Kemi vështirësi të gjejmë ujë për të pirë. Djali im duhet ë shkojë shumë larg për të gjetur ujë. Po fëmijët? Nuk kemi ujë të mjaftueshëm për të pirë”, thotë ajo.
Familjet e vendosura në tenda në shkretëtirën pranë qytetit Khan Younis, të shkatërruar nga lufta, thonë se nuk kanë mjetet bazë, si ilaçe, ushqime, ujë ose materiale për të ndërtuar një tendë.
Familjet e zhvendosura thonë se bota i ka braktisur ata, ndërsa vazhdojnë bisedimet e paqes mes dhunës në rritje.
“Gjëja më e vështirë për ne në këtë luftë është heshtja dhe zhgënjimi ndërkombëtar. Kjo ndikon psikologjikisht. Nuk e prisja që një ditë, në shekullin 21, në epokën e përparimit, lirisë, demokracisë dhe humanizmit, një palestinez do të vritej pa asnjë arsye”, thotë palestinezi i zhvendosur, Muhammad Mansour Al-Zanoun.
Lufta filloi në muajin tetor pasi militantët e Hamasit u futën në Izrael duke vrarë 1200 njerëz dhe marrë rreth 250 pengje, goditja më e rëndë ndaj Izraelit që nga pavarësia.
Ministria e shëndetësisë e Gazës, e kontrolluar nga Hamasi, thotë se që nga fillimi i luftës në Gazë janë vrarë më shumë se 35,000 njerëz dhe është zhvendosur shumica e popullsisë prej rreth 2 milionë banorësh.
Programi Botëror i Ushqimit tha të mërkurën se brenda disa ditësh do të mbarojnë rezervat e ushqimit dhe karburantit në Gazë. Organizata tha se zia e bukës është përhapur në të gjithë Gazën veriore, dhe rrezikohet edhe pjesa tjetër. Grupet e ndihmave thonë se sistemi i kujdesit shëndetësor ka muaj që nuk ekziston më.
Sikurse prindërit e tjerë, Abu Eidah, e cila tashmë ka humbur më shumë se 150 anëtarë të familjes së saj të gjerë, thotë se nuk ka asnjë mënyrë për të dalë nga Gaza. Zgjedhja e saj e vetme tani është që të përpiqet t'i mbijetojë luftës.
“Ëndrra ime më e madhe është armëpushimi. Jepini fund kësaj lufte të mallkuar. Sa herë duhet të vdesim? Duam vetëm paqe dhe siguri”, thotë nëna palestineze Imtiaz Eisam Abu Eidah.
Ajo thotë se ka dëgjuar se ditët e fundit janë futur disa ndihma humanitare në Gazë por nuk ka marrë gjë. Disa nga të afërmit e saj të vdekur janë gjetur dhe varrosur, shton ajo, por shumica mbeten të humbur nën rrënoja../VOA
Nesaku BRAZIL- Një video me momente shokues është publikuar së fundmi ku një tiktoker që publikonte video gazmore p&eum...
richard grenell SHBA- Ish-emisari i Presidentit të SHBA-së për dialogun Kosovë-Serbi, Richard Grenell, ka reaguar pasi anëtarë...
Aleksandar Vuçiç dhe Millorad Dodik SERBI- Presidenti i Serbisë, Aleksandar Vuçiç, u takua të premten në Beogra...
Alexandre de Croix BELGJIKË- Disa orë pas atentatit ndaj kryeministrit sllovak Robert Fico, një gazetar në Belgjikë gjat&eum...
Frank Schwabe GJERMANI- Deputeti gjerman i SPD-së, Frank Schwabe, i cili është edhe kryesues i grupit të Socialistë...
Aksidenti PEJË- Katër persona janë plagosur pas një aksdenti të regjistruar në fshatin Raushiq të Pejës. Mësoh...
pamje nga vendngjarja RUSI- Një zjarr ka shpërthyer në një aeroport në qytetin jugor rus Mineralnye Vody gjatë punimeve ...
foto ilustruese SHBA- Dy vëllezër, 24 dhe 28 vjeç, u arrestuan në Boston dhe Nju Jork të martën e kaluar, nën akuz&eum...
foto ilustruese KOSOVA- Anëtarësimi i Kosovës në Këshillin e Evropës nuk u vu të premten në rend dite të takim...
foto ilustruese RUSI- Forcat ruse po zgjerojnë sulmet e tyre në vendbanimet kufitare të Ukrainës afër qytetit verilindor të K...
