Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
• Gjykata Speciale e ka shpallur fajtor dhe e ka dënuar me 26 vjet burg ish-pjesëtarin e Ushtrisë Çlirimtare të Kosovës, Salih Mustafën të akuzuar për ndalim arbitrar, trajtim mizor, torturë dhe vrasje të paligjshme. • Gjyqtarja e Gjykatës Speciale ka thënë se dëshmitarët e Prokurorit të Specializuar, ishin dëshmi të besueshme dhe të mbështetura. • Gjyqtarja theksoi se vartësit e tij u shkaktuan dhimbje të mëdha fizike dhe psiqike gjashtë të ndaluarve, duke u munduar t’i marrin në intervistë dhe të nxjerrin informacion nga ata. • Mustafa është arrestuar dhe më pas është transferuar në njësinë e paraburgimit të Gjykatës Speciale më 24 shtator të vitit 2020. Procesi gjyqësor ka nisur më 15 shtator të vitit 2021 dhe në të kanë marrë pjesë 29 dëshmitarë, 14 të Zyrës së Prokurorit të Specializuar dhe 15 të mbrojtjes. • Deputetja e Partisë Demokratike të Kosovës(PDK), Ganimete Musliu është ndër politikanet e para që ka reaguar pas dhënies së dënimit me 26 vite burg ndaj ish-pjesëtarit të UÇK-së, Salih Mustafa. Musliu u shpreh se është e tmerruar nga ky vendim dhe kujtoi se si ajo vetë kishte votuar kundër themelimit të Gjykatës Speciale. • Mbesa e ish-pjestarit të UÇK-së, Salih Mustafës, Arta Mustafa që punon si gazetare, ka prekur me fdedikimin e saj pas shpalljes së dënimit të tij me 26 vite burg. Në një postim në Facebook, ajo shprehet se ka mbetur pa fjalë nga ky vendim dhe se qenka e vështirë të shohësh idhullin e saj të dënohet. • Deputetja e Lëvizjes Vetëvendosje, Shqipe Mehmeti-Selimi, ka reaguar pas dënimit të Salih Mustafës me 26 vjet burgim nga Gjykata Speciale. Në një postim në Facebook, Selimi është shprehur se Luftëtarët e Ushtrisë Çlirimtare të Kosovës, kurrë nuk do të gjunjëzohen para një gjykate të fabrikuar në Serbi.
12 artikuj për këtë temë.
KOSOVË- Ish-kryeministri i Kosovës, njëkohësisht kreu i Aleancës për Ardhmërinë e Kosovës, Ramush Haradinaj ka reaguar ashpër pas dënimit të ish-komandantit Salih Mustafa-Cali me 26 vite burg.
Në një postim në Facebook, Haradinaj u shpreh se ai beson në pafajësinë e UÇK-së dhe u shpreh se në shkallën tjetër shpreson që drejtësia për Sali Mustafën të marrë epilog tjetër për lirinë e tij.
“Unë besoj fuqishëm në pafajësinë e UÇK-së. Kosova e ka pranuar drejtësinë si mekanizëm për heqjen e gjitha dilemave se lufta e UÇK-së për lirinë e vendit ka qenë luftë e pastër! Dënimi sotëm i Sali Mustafës është vetëm një shkallë e drejtësisë, dhe rasti i tij në një shkallë tjetër, shpresoj ta marrë një epilog tjetër për lirinë e tij, siç ka ndodhur në plot raste të tjera, që dënimet drakoniane janë rikthyer në pafajësi”, ka shkruar Haradinaj në Facebook.
Gjykata Speciale e ka shpallur fajtor dhe e ka dënuar me 26 vjet burg ish-pjesëtarin e Ushtrisë Çlirimtare të Kosovës, Salih Mustafën. Në përmbledhje të aktgjykimit, Kryegjakatësja Mappie Veldt-Foglia ka thënë se dëshmitë e dëshmitarëve kanë qenë të qarta, koherente dhe përputhëse.
KOSOVË- Vajza e Jakup Krasniqit, Gresë Krasniqi, ka reaguar pas dënimit me 26 vite burg të Salih Mustafës nga Gjykata Speciale ditën e sotme.
Në një postim në Facebook, Gresa shkruan se gjenocidi dhe krimet serbe të kryera mbi popullatën civile shqiptare nuk po gjykohen, kriminelët serb enden të lirë në Beograd, ndërsa po gjykohen çlirimtarët e lufta e drejt për liri.
"Sot u denua Cali, me një dënim ç’njerëzor e të padrejt. Turpi bie mbi ata që e bënë këtë gjykatë dhe ata që i shërbejnë politikave shoviniste të Beogradit! Deputet e ish-deputet, dënimet ”në emër të popullit të Kosovës” nuk do t’ua falim kurrë!"-shkruan ajo.
Krasniqi ka thënë se nuk do të ja falë kurrë, deputetëve dhe ish-deputetëve, këto dënime që po jepen në emër të popullit të Kosovës.
Gjykata Speciale e ka shpallur fajtor dhe e ka dënuar me 26 vjet burg ish-pjesëtarin e Ushtrisë Çlirimtare të Kosovës, Salih Mustafën. Në përmbledhje të aktgjykimit, Kryegjakatësja Mappie Veldt-Foglia ka thënë se dëshmitë e dëshmitarëve kanë qenë të qarta, koherente dhe përputhëse.
HAGË- Ushtruesi i detyrës së Prokurorit të Specializuar në Gjykatën Speciale të Kosovës, Alex Whiting, ka mirëpritur vendimin ndaj ish-komandantit të Ushtrisë Çlirimtare të Kosovës, Salih Mustafa, duke e konsideruar atë si “masë që u jep drejtësi viktimave”.
Kjo gjykatë që funksionon sipas ligjeve të Kosovës, por e ka selinë në Hagë, e ka dënuar Mustafën me 26 vjet burgim për vrasje të paligjshme, ndalim arbitrar dhe torturë. Ai është shpallur i pafajshëm për trajtim mizor.
Kryegjykatësja Mappie Veldt-Foglia, ka thënë se krimet janë kryer ndaj shqiptarëve.
“Aktgjykimi i sotëm përbën një fitore për drejtësinë dhe, në veçanti, për viktimat e Salih Mustafës dhe familjet e tyre”, ka thënë Whiting.
Në një komunikatë për media, Whiting është cituar të ketë thënë se “dëshmia e dëshmitarëve që i dhanë besimin e tyre Dhomave të Specializuara që të sjellë drejtësi, pati ndikim kritik te aktgjykimi”.
“Unë duartrokas kurajën e tyre të jashtëzakonshme që dolën për të dhënë dëshmi në gjykatë,” ka thënë ai.
Sipas tij, krijimi i Gjykatës Speciale u ka mundësuar viktimave që të tregojnë historitë e tyre dhe të marrin drejtësi. Krijimi i Dhomave të Specializuara të Kosovës, ka shtuar Whiting, ka bërë të mundur që këto viktima të tregojnë historitë e tyre dhe të marrin drejtësi.
“Me vendimin e sotëm, Dhomat e Specializuara kanë treguar se ato janë një gjykatë për viktimat dhe rreth viktimave dhe se nuk ka datë skadimi për dhënien e llogarisë”, citohet të ketë thënë Whiting.
Aktvendimi ndaj Salih Mustafës është i pari i kësaj gjykate lidhur me hetimet për krime lufte në Kosovë. Gjykata Speciale heton krimet e pretenduara të pjesëtarëve të Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 deri në dhjetor të vitit 2000.
Ajo është formuar pas publikimit të një raporti të Këshillit të Evropës më 2011, nën autorësi të senatorit zviceran, DickMarty. Në atë raport janë përmendur krimet e pretenduara në Kosovë.
Në vitin 2015, kur Kuvendi i Kosovës ka miratuar Ligjin për Gjykatën Speciale, deputetët kanë miratuar edhe një ligj tjetër që ua garantonte të akuzuarve potencialë mbështetjen financiare.
Në dy vjetët e fundit, buxheti i Kosovës ka ndarë mbi 13 milionë euro për qytetarët e akuzuar në këtë gjykatë. Shuma më e madhe e parave është shpenzuar për avokatët e tetë të akuzuarve./REL/
HAGË- Gjykata Speciale e ka shpallur fajtor dhe e ka dënuar me 26 vjet burg ditën e sotme ish-pjesëtarin e Ushtrisë Çlirimtare të Kosovës, Salih Mustafën. Në seancën e mbajtur ditën e sotme, trupi gjykues i kryesuar nga gjyqtarja Mappie Veldt- Foglia ka lexuar aktakuzat ndaj Mustafës dhe dënimet e dhëna për secilën prej tyre.
Ndërkohë që po për ditën e sotme Dhomat e Specializuara të Kosovës kanë njoftuar se do të mbahet një konferencë për ecurinë e çështjes gjyqësore ndaj Hashim Thaçit, Kadri Veselit, Jakup Krasniqit dhe Rexhep Selimit, nga gjykatësi i procedurës paraprake.
Duke u kthyer pas, në momentin e arrestimit të ish-pjesëtarëve të UÇK-së, dënimi i sotëm i Salih Mustafës nga Gjykata Speciale mund të nënkuptojë se së shpejti mund të vijë dhe dënimi ndaj Thaçit e të tjerëve. Aktakuza ndaj Mustafës u konfirmua më 12 qershor të 2020 dhe më pas ai u arrestua më 24 shtator të vitit 2020 ku dhe u transferua në Hagë. Ndërkohë aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020 ndërkohë që më 5 nëntor u bë dhe arrestimi i tyre.
Zyra e Prokurorit të Specializuar, më 30 shtator ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit. Kjo pasi, gjykatësi e kishte aprovuar pjesërisht mocionin e mbrojtjes së Hashim Thaçit, të parashtruar ndaj aktakuzës së ndryshuar në rastin ku ai me Kadri Veselin, Jakup Krasniqin e Rexhep Selimin, po akuzohen për krime lufte dhe ZPS ishte urdhëruar të bëjë ndryshime në aktakuzën e ndryshuar.
Mustafa akuzohej për ndalim arbitrar, trajtim mizor, torturë dhe vrasje të paligjshme dhe të gjitha këto krime për të cilat akuzohet Mustafa, sipas aktakuzës, dyshohet se janë kryer gjatë muajit prill të vitit 1999 në një qendër ndalimi në fshatin Zllash që ndodhet në rrethinën e Komunës së Prishtinës.
Ndërkohë që dhe ndaj Thaçit e 3 figurave të tjera politike, akuzat janë për veprat penale që përbëjnë krime lufte: ndalim të paligjshëm ose arbitrar, trajtim mizor, torturë dhe vrasje të paligjshme dhe krime kundër njerëzimit: burgosje, akte të tjera çnjerëzore, zhdukje me forcë të personave dhe përndjekje. Krimet pretendohet se janë kryer midis muajit mars të vitit 1998 dhe shtatorit të vitit pasues në disa lokacione në Kosovë dhe në veri të Shqipërisë.
KOSOVË- Deputetja e Lëvizjes Vetëvendosje, Shqipe Mehmeti-Selimi, ka reaguar pas dënimit të Salih Mustafës me 26 vjet burgim nga Gjykata Speciale.
Në një postim në Facebook, Selimi është shprehur se Luftëtarët e Ushtrisë Çlirimtare të Kosovës, kurrë nuk do të gjunjëzohen para një gjykate të fabrikuar në Serbi.
Mehmeti-Selimi është gruaja e ish-luftëtarit të Ushtrisë Çlirimtarë të Kosovës dhe ish-deputetit të LVV-së Rexhep Selimi, i cili gjithashtu gjendet në paraburgim në Hagë. Aktakuza ndaj Rexhep Selimit është konfirmuar më 26 tetor 2020. Sipas akuzës, së paku midis marsit 1998 deri në shtator 1999, Hashim Thaçi, Kadri Veseli, Rexhep Selimi, Jakup Krasniqi dhe anëtarë të tjerë të ndërmarrjes kriminale të përbashkët kishin qëllimin e përbashkët për të siguruar dhe ushtruar kontroll mbi të gjithë Kosovën përmes metodave që përfshinin frikësimin, keqtrajtimin, ushtrimin e dhunës dhe eliminimin e paligjshëm të atyre që konsideroheshin si kundërshtarë.
KOSOVË- Ministri i Mbrojtjes i Kosovës, Armend Mehaj, është ndër të parët nga rradhët e qeverisë që ka reaguar pas dënimit të Salih Mustafës nga Gjykata Speciale me 26 vite burg.
Në një konferencë për shtyp, teksa po mbante fjalimin e fundvitit, Mehaj u shpreh se vendimi i Gjykatës Speciale për Salih Mustafën është i padrejtë.
Më tej ai vijoi me fjalimin e tij duke thënë se viti 2022 ishte vit i zhvillimit të fuqishëm të kapaciteteve ushtarake të FSK-së si dhe forcimit të bashkëpunimit me aletatë ndërkombëtarë.
“Sukseset i dedikohën të gjithë ushtarakëve të FSK-së, por kemi pasur një bashkëpunim të vazhdueshëm me media në pasqyrimin e punës tonë. Tani vazhdojmë për të ardhmen në koordinim të plotë me aleatët tanë. Gjithçka që ndërtojmë është në bashkëpunim me aleatët tanë. Kemi objektivat e njëjta që janë kyçe dhe janë në përputhje me sigurinë tonë”.- u shpreh Mehaj.
Gjykata Speciale e ka shpallur fajtor dhe e ka dënuar me 26 vjet burg ish-pjesëtarin e Ushtrisë Çlirimtare të Kosovës, Salih Mustafën. Në përmbledhje të aktgjykimit, Kryegjakatësja Mappie Veldt-Foglia ka thënë se dëshmitë e dëshmitarëve kanë qenë të qarta, koherente dhe përputhëse.
KOSOVË- Mbesa e ish-pjestarit të UÇK-së, Salih Mustafës, Arta Mustafa që punon si gazetare, ka prekur me fdedikimin e saj pas shpalljes së dënimit të tij me 26 vite burg.
Në një postim në Facebook, ajo shprehet se ka mbetur pa fjalë nga ky vendim dhe se qenka e vështirë të shohësh idhullin e saj të dënohet.
"Më fal, po sot mbeta pa fjalë. E di që nëse kishe qenë këtu, më kishe thon: “Qysh be xhaxh, me qenë gazetare, edhe me të mungu shprehjet. Xhaxh, qenka shumë vështirë me pa, se idolli im, që përfaqëson idealet e luftës e drejtësisë, u dënua, pikërisht për mbrojtjen e këtyre idealeve të kombit tonë, për kohën kur pak patën guximin t’i dilnin ballë luftës për çlirim të atdheut, e ti ishe në krye."- shkruan Arta.
Gjykata Speciale e ka shpallur fajtor dhe e ka dënuar me 26 vjet burg ish-pjesëtarin e Ushtrisë Çlirimtare të Kosovës, Salih Mustafën. Në përmbledhje të aktgjykimit, Kryegjakatësja Mappie Veldt-Foglia ka thënë se dëshmitë e dëshmitarëve kanë qenë të qarta, koherente dhe përputhëse.
KOSOVË- Deputetja e Partisë Demokratike të Kosovës(PDK), Ganimete Musliu është ndër politikanet e para që ka reaguar pas dhënies së dënimit me 26 vite burg ndaj ish-pjesëtarit të UÇK-së, Salih Mustafa.
Musliu u shpreh se është e tmerruar nga ky vendim dhe kujtoi se si ajo vetë kishte votuar kundër themelimit të Gjykatës Speciale.
“Faleminderit Zot, që ma dhe durimin me e përballu stresin e presionit që m’u shkaktua kur po votohej Gjykata Speciale. Faleminderit që ma dhe guximin qe t’iu qëndroj fort bindjeve të mija të familjes, farefisit dhe shoqërisë sime. Faleminderit të gjithë atyre që më mbështeten e më përkrahen në ato ditë torturuese që më besuan dhe më dhanë kurajo kur vendosa të votoj kundër kësaj gjykate që sot po e përdhosë gjakun e sakrificen e popullit tim”, ka shkruar Musliu.
Gjykata Speciale e ka shpallur fajtor dhe e ka dënuar me 26 vjet burg ish-pjesëtarin e Ushtrisë Çlirimtare të Kosovës, Salih Mustafën. Në përmbledhje të aktgjykimit, Kryegjakatësja Mappie Veldt-Foglia ka thënë se dëshmitë e dëshmitarëve kanë qenë të qarta, koherente dhe përputhëse.
HAGË- Ish-pjesëtari i UÇK-së, Salih Mustafa është shpallur fajtor nga Gjykata Speciale dhe e ka dënuar me 26 vjet burg nën disa akuza për krime lufte.
Në seancën e mbajtur ditën e sotme ku trupi gjykues i kryesuar nga Mappie Veldt-Foglia ka lexuar aktakuzat ndaj Mustafës dhe dënimet e dhëna për secilën prej tyre.
Gjatë momentit të dënimit të dhënë nga gjyqtarja, kamerat kanë fokusuar Mustafën i cili po qëndronte në këmbë dhe nga mimika nuk ka patur asnjë reagim.
Mustafa është arrestuar dhe më pas është transferuar në njësinë e paraburgimit të Gjykatës Speciale më 24 shtator të vitit 2020. Procesi gjyqësor ka nisur më 15 shtator të vitit 2021 dhe në të kanë marrë pjesë 29 dëshmitarë, 14 të Zyrës së Prokurorit të Specializuar dhe 15 të mbrojtjes.
HAGË- Gjykata Speciale e ka shpallur fajtor dhe e ka dënuar me 26 vjet burg ish-pjesëtarin e Ushtrisë Çlirimtare të Kosovës, Salih Mustafën.
Në seancën e mbajtur ditën e sotme ku trupi gjykues i kryesuar nga Mappie Veldt- Foglia ka lexuar aktakuzat ndaj Mustafës dhe dënimet e dhëna për secilën prej tyre. Gjykatësja tha se në dvnim do të llogaritet dhe koha e paraburgimit.
“Në emër të popullit të Kosovës, për arsyet e shtjelluar në aktgjykim ju shpall fajtor, për torturë për krime lufte, ndalim arbitrar për krime lufte, si pjesë e ndërmarrjes kriminale”, ka thënë ajo.
Gjyqtarja e Gjykatës Speciale ka thënë se dëshmitarët e Prokurorit të Specializuar, ishin dëshmi të besueshme dhe të mbështetura.
“Gjykimi filloi ka filluar më 15 shtator më 2021. Mbrojta bëri mbrojtjen e saj më 22 mars 2022. Tetë viktima morën pjesë në proces dhe të gjithë ishin nën masa mbrojtëse. Në lidhje me dëshmitarë e prokurorit të specializuar, trupi gjykues vlerësoi se të gjitha dëshmitë e dëshmitarëve ishin të besueshme dhe të mbështetura”, ka thënë ajo.
Mustafa është arrestuar dhe më pas është transferuar në njësinë e paraburgimit të Gjykatës Speciale më 24 shtator të vitit 2020. Procesi gjyqësor ka nisur më 15 shtator të vitit 2021 dhe në të kanë marrë pjesë 29 dëshmitarë, 14 të Zyrës së Prokurorit të Specializuar dhe 15 të mbrojtjes.
Ish pjesëtari i UÇK-së akuzohet për ndalim arbitrar, trajtim mizor, torturë dhe vrasje të paligjshme dhe të gjitha këto dyshohet se janë kryer në Zllash gjatë vitit 1999, në ndërtesën e ndalimit. Aktakuza ndaj Mustafës ishte konfirmuar më 12 qershor 2020, ai është arrestuar më 24 shtator të vitit 2020, ndërkaq procesi gjyqësor ka nisur më 15 shtator të vitit 2021.
