Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• I dërguari special i SHBA-së për dialogun Kosovë- Serbi, Gabriel Escobar ndodhet sot në Kosovë. • Në kuadër të intensifikimit të dialogut, diplomati amerikan ka mbërritur në Prishtinë, aty ku është takuar me presidenten Vjosa Osmani. • Pas takimit, të dy kanë dalë në një deklaratë për mediat, ku Escobar ka folur shkurt duke e cilësuar Kosovën si një aleate të rëndësishme të SHBA-së. • Ndërsa Osmani ka theksuar se mes shumë temave të tjera të diskutuara me diplomatin amerikan është shtjelluar edhe procesi i dialogut Kosovë-Serbi. • Sipas Osmanit, Kosova ka qenë dhe do të jetë gjithmonë pala konstruktive në procesin e dialogut, ndaj dhe është e gatshme që të rritet intensiteti i takimeve dypalëshe. • Pas Osmanit, Escobar është takuar me Kurtin, të cilit i ka bërë të ditur se SHBA do ta mbështesë dialogun me Serbinë. • Ndërsa Kurti nga ana e tij tha se e mirëpresin angazhimin e SHBA-së në procesin e dialogut.• Përveç liderëve institucionalë, pas Osmanit dhe Kurtit, Escobar do të diskutojë edhe me përfaqësuesit e partive opozitare. • Kjo është hera e dytë brenda disa javësh, që amerikani Escobar shkon në Kosovë, por kësaj herë ka shumë pak të dhëna lidhur me qëllimin e tij.
7 artikuj për këtë temë.
KOSOVË- I dërguari special i SHBA për dialogun Kosovë-Serbi Gabriel Escobar, pas takimeve të zhvilluara me krerët shtetëror në Kosovë, do të udhëtojë drejt Beogradit ku do të zhvillojë një takim me presidentin serb Aleksandër Vuçiç.
Sipas Tanjug, Takimi mes Escobar dhe Vuçiç është planifikuar për në orën 9:30 të mëngjesit, pas të cilës pritet që të mbajnë dhe një konferencë për shtyp.
Gabriel Escobar ka mbërritur në Prishtinë, aty ku është takuar me presidenten Vjosa Osmani. Pas takimit, të dy kanë dalë në një deklaratë për mediat, ku Escobar ka folur shkurt duke e cilësuar Kosovën si një aleate të rëndësishme të SHBA-së. Pas Osmanit, Escobar është takuar me Kurtin, të cilit i ka bërë të ditur se SHBA do ta mbështesë dialogun me Serbinë. Ndërsa Kurti nga ana e tij tha se e mirëpresin angazhimin e SHBA-së në procesin e dialogut. Përveç liderëve institucionalë, pas Osmanit dhe Kurtit, Escobar do të diskutojë edhe me përfaqësuesit e partive opozitare. Kjo është hera e dytë brenda disa javësh, që amerikani Escobar shkon në Kosovë, por kësaj herë ka shumë pak të dhëna lidhur me qëllimin e tij.
KOSOVË- Kryeministri Albin Kurti, në një konferencë për media pas takimit me emisarin e SHBA-së, Gabriel Escobar, ka treguar për temat që kanë diskutuar brenda takimit. Ai nuk dha detaje të bisedës, përvecse tregoi në përgjithësi mbi bisedat që pati me të.
“Me zotin Escobar folëm për peshën dhe rëndësinë e raporteve tona dypalëshe, partneritetin ndërmjet vendeve tona, për progresin dhe reformat në Kosovë, ballafaqimin me krizën energjetike, për raportet ndërmjet Kosovës dhe Serbisë dhe për procesin e dialogut dhe rrugën përpara. Përmes gatishmërisë për takime, vullnetit për marrëveshje dhe propozimeve konkrete që japim, Republika e Kosovës është treguar se është palë kontruktive dhe kreative në dialog”, tha Kurti.
Kurti tha se Kosova është e gatshme për marrëveshje ligjërisht të obligueshme, për normalizim të plotë të marrëdhënieve me njohjen reciproke në qendër.
“E mirëpresim gjithmonë interesimin dhe angazhimin e SHBA-së në këtë process. Me SHBA-në jemi aleatë në vlera dhe partnerë në qëllime”, tha Kurti.
KOSOVË- I dërguari i posaçëm i SHBA-së për Ballkanin Perëndimor, Gabriel Escobar, foli shkurt pas takimin me kryeministrin Albin Kurti. Gazeta Express shkruan se Escobar theksoi partneritetin e palëkundshëm të Kosovës me SHBA-në, ndërsa foli pak për temën e takimit, që ishte dialogu me Serbinë.
“Diskutuam edhe për çështjet e marrëdhënieve me Serbinë, implikimet rajonale nga dialogu, rëndësinë për të vazhduar mbështetjen amerikane për pavarësinë, sovraninetin dhe sigurinë tuaj”, tha Escobar.
PRISHTINË- Presidentja e Kosovës, Vjosa Osmani pas takimit me dërguarit e posaçëm të SHBA-së për Ballkanin Perëndimor, Gabriel Escobar, në një konferencë për media ka thënë se Kosova është pala konstruktive në dialog si dhe është e gatshme që ta rris angazhimin. Në fjalën e saj në konferencën për shtyp, Osmani tha se ka shprehur shqetësimin për mos respektimin e marrëveshjeve nga Serbia. Mes tjerash, e parja e shtetit tha se Kosova nuk mund të jetë vend i vogël duke punuar me ShBA-në.
“Historia dëshmon se angazhimi i SHBA në Kosovë është i pazëvendësueshëm. Për ne është e rëndësishme mbështetja nga aleatet tanë. Potencova rëndësinë e dialogut ndërmjet dy vendeve tona. Ne takim shprehja angazhimin ndaj synimeve tona të përbashkëta. Sot diskutuam edhe nevojën për të ecur përpara në procesin dialog. Kosova është pala konstruktivë në këtë proces dhe është e gatshme të rrisë angazhimin e saj ne menyre qe te intensifikohet procesi i dialogut. Shpreha shqetësimin për mos zbatimin e marrëveshjeve nga ana e Serbisë. ShBA nuk kanë aleatët më të madh se Kosova. Ne mund të jemi vend i vogël por duke punuar me ShBA do të vazhdojmë të punojmë së bashku. Kemi adresuar çështje në interes të përbashkët në rajonin tonë. Ne mezi presim këtë koordinim të përbashkët,”-tha Osmani.
PRISHTINË- Emisari i SHBA-së për Ballkanin Perëndimor, Gabriel Escobar, mbajti një konferencë të përbashkët për media me presidenten Vjosa Osmani, pas takimit që zhvilluan të dy në Presidencë. Në fjalën e tij para mediave, ku u shpreh shkurt, Escobar tha se Kosova është një aleate e ngushtë e SHBA-së, me të cilën ndan vlera të përbashkëta. E po ashtu nuk komentoi asgjë tjetër.
“Qëllimi i vizitës sime është për të shikuar mënyrën e bashkëpunimit me një aleate shumë të mirë dhe me një mike shumë, shumë të ngushtë. Është një miqësi dhe partneritet i bazuar jo vetëm në interest të përbashkët, por edhe ndarjen e vlerave të njëjta. Që të shpreh mbështetjen e SHBA-së për aspiratat euratlantike të Kosovës dhe për solidaritetin në kohë krize në Kosovë dhe për mënyrat për ta thelluar këtë partneritet, përfshirë edhe mbështetjen tonë edhe për pjesëmarrjen e Kosovës në dialogun e lehtësuar nga BE-ja. Kosova ka kontribuuar shumë për agjendën e përbashkët dhe tha se zhvillimet e javëve të fundit përbëjnë indikatorë se si ajo po ndikon në agjendën e përbashkët të demokracisë dhe lirisë,”-tha Escobar.
Ndërkohë që të dy, si Osmani, ashtu edhe Escobar nuk morën pyetje nga mediat.
KOSOVË- Ka nisur takimi në mes presidentes së Kosovës, Vjosa Osmani dhe emisarit amerikan për Ballkanin Perëndimor, Gabriel Escobar. Pas takimit Osmani-Escobar, do të ketë konferencë për media. Escobar është duke e vizituar Kosovën, ku pos Osmanit do të takohet edhe me kryeministrin e Kosovës, Albin Kurtin.
Emisari amerikan e viziton Kosovën në prag të dështimit të marrëveshjes për energjinë mes Kosovës dhe Serbisë. Kjo pasi kompania Elektrosever nuk i ka plotësuar kriteret e licencimit. Pos kësaj, më 31 tetor mbaron afati ku serbët duhet të konvertojnë targat e veturave nga “KM” në “RKS”.
KOSOVË- Emisari i Posaçëm i Shteteve të Bashkuara të Amerikës, Gabriel Escobar ka zhvilluar një takim me presidenten e vendit, Vjosa Osmanin. Insajderi shkruan se rrugës për tek presidenca, para se takimi të fillonte, Escobar është ndalur te shtatorja e presidentit Ibrahim Rugova në kryeqytet.
Bashkë me të, tek shtatorja ishte edhe ambasadori i SHBA-së në Kosovë, Jeffrey Hovenier. Pos Osmanit, Escobar do të takohet edhe me kryeministrin e Kosovës, Albin Kurtin e më krerët e opozitës.
