Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
IZRAEL- Trupat izraelite duket se u tërhoqën nga tre kampe refugjatësh në Bregun Perëndimor, pas një operacioni ushtarak më shumë se njëjavor, që la pas dhjetra të vdekur dhe shkatërrime. Të premten, trupat izraelite u panë të largoheshin nga kampi i Xheninit, ndërsa më herët u tërhoqën edhe nga kampet Tulkarem dhe Al Faraa. Ushtria izraelite tha se operacioni kishte si objektiv çrrënjosjen e Hamasit nga Bregu Perëndimor. Palestinezët thonë se ka patur shkatërrime të mëdha në Xhenin.
Palestinezët thonë se ky është operacioni më i madh i ushtrisë izraelite në Bregun Perëndimor që prej dy dekadash. Sulmi është përqëndruar në qytetet Xhenin dhe Tulkarm.
Zyrtarët izraelitë thonë se operacioni ka në objektiv udhëheqësit terroristë në Bregun Perëndimor dhe se forcat izraelite kanë vrarë deri më tani të paktën 29 prej tyre. Hamasi dhe Xhihadi Islamik kanë thënë se pjesa më e madhe ishin anëtarë të organizatave të tyre.
Analistët izraelitë thonë se Hamasi ka filluar të përqëndrohet tek Bregu Perëndimor, pasi u dobësua në Gazë.
“Në Rripin e Gazës, Hamasi është pothuajse plotësisht i shpërbërë. Irani dhe udhëheqësit e Hamasit në mërgatë, e kuptojnë se kanë humbur një pjesë të rëndësishme të të ashtuquajturit ‘aksi i rezistencës’. Po përpiqen ta kompensojnë këtë humbje duke forcuar infrastrukturën në Bregun Perëndimor, duke futur kontrabandë armë dhe eksploziv, si dhe para nga Siria, Libani dhe Iraku, nëpërmjet Jordanisë, dhe në vazhdim përmes luginës së Jordanit dhe drejt pjesëve veriore të Bregut Perëndimor”, i tha Zërit të Amerikës, Kobi Michael, studiues në Institutin për Studimet e Sigurisë Kombëtare, në Universitetin e Tel Avivit.
Zyrtarët politikë dhe ushtarakë të Izraelit thonë se aktiviteti terrorist në Bregun Perëndimor është shtuar, ndër të tjera edhe me prodhimin lokal të armëve.
“Zbuluam se në Xhenin, në Ramallah, ka një industri serioze ushtarake që ka prodhuar për vite të tëra, jo vetëm raketa, por edhe bomba dhe armë të ndryshme. Mendoj se ky është objektivi ynë”, tha Amit Halevi, deputet i Partisë Likud në parlamentin izraelit.
Por, palestinezët thonë se operacioni në Bregun Perëndimor po dëmton edhe civilët, në veçanti kampin e refugjatëve në Xhenin. Ata thonë se ushtria izraelite ka prishur shumë rrugë, ndërsa gërmon për paisje shpërthyese, duke e bërë të pamundur udhëtimin drejt kampit. Uji dhe energjia elektrike janë ndërprerë në disa zona.
Analistët palestinezë thonë se opinioni publik në Bregun Perëndimor po mbledh më shumë zemëratë.
“Së fundmi, një fenomen i ri u shfaq në Bregun Perëndimor: Njerëz që janë të gatshëm të luftojnë dhe që po mbledhin armë, të ushqyer nga ndjenja e hakmarrjes për çfarë po ndodh në Gazë dhe nga praktikat e përditshme të pushtimit izraelit”, i tha Zërit të Amerikës gazetari palestinez Mohammed Daraghmeh, i rrjetit të lajmeve Al-Sharq News.
Numri i palestinezëve të vrarë nga ushtarët izraelitë, ose nga banorët e vendbanimeve izraelite në Bregun Perëndimor, po rritet. Kombet e Bashkuara kanë raportuar 680 të vdekur që kur filloi lufta kundër Hamasit në tetor. Izraeli thotë se 22 ushtarë dhe civilë izraelitë janë vrarë gjithashtu në Bregun Perëndimor gjatë së njëjtës periudhë./VOA
fotot ilustruese TURQI- Të paktën gjashtë pasagjerë mbetën të plagosur, si pasojë e turbulencave në një avion ...
UKRAINË- Presidenti i Ukrainës, Volodymyr Zelensky, ka kërkuar më shumë mbështetje ushtarake nga aleatët perëndimor&eu...
Donald Trump SHBA- Sipas sondazheve gara për Shtëpinë e Bardhë është bërë shumë më e ngushtë që...
Foto ilustruese KOSOVA- Ndërmarrja “Trepça” ditë më parë ka bërë të ditur se si përgjigje ndaj s...
Ministri i Jashtëm i Turqisë, Hakan Fidan TURQIA- Ministri i Jashtëm i Turqisë, Hakan Fidan, tha se me homologen e tij kosovare, Donika...
Aleksandër Vuçiç SERBIA- Presidenti serb, Aleksandar Vuçiç, tha se ai do të marrë vendimin lidhur me ftesën...
Foto ilustruese KENIA- Të paktën 17 nxënës kanë vdekur pasi një zjarr përfshiu konviktin e shkollës së tyre gj...
Miroslav Lajçak KOSOVA- I dërguari i Bashkimit Evropian për dialogun Kosovë-Serbi, Miroslav Lajçak, tha se Serbia ka tërh...
Foto ilustruese GJERMANIA- Pas sulmit islamik me thikë në Solingen të një siriani që duhej të largohej nga Gje...
Colin Grey SHBA- Babai i adoleshentit të dyshuar për të shtënat në një shkollë në Xhorxhia u vu në pranga nga ...
