Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Gazeta austriake “DerStandard” ka raportuar të dielën për mbështetjen e dyshimtë përmes donacioneve që EULEX-i i ka dhënë OJQ-ve të drejtuara nga Njomza Emini. Ndërsa Lars-Gunnar Wigemark, nuk është në gjendje të ndajë jetën e tij private nga ajo profesionale.
AUSTRI- Gazeta austriake “DerStandard” ka raportuar të dielën për mbështetjen e dyshimtë përmes donacioneve që EULEX-i i ka dhënë OJQ-ve të drejtuara nga Njomza Emini. “DerStandard” ka ngritur dyshime mbi raportet mes shefit të EULEX-it, Lars-Gunnar Wigermark dhe ish-deputetes së LDK-së. Kreu i Misionit të Bashkimit Evropian për Sundim të Ligjit, Lars-Gunnar Wigemark, nuk është në gjendje të ndajë jetën e tij private nga ajo profesionale. Misioni i BE-së në Kosovë ka mbështetur me donacione një organizatë jo-qeveritare që nuk ka të bëjë fare me sundimin e ligjit. Siç raporton “DerStandard”, mulliri i thashethemeve në Prishtinë po zien prej javësh.
Përflitet se kreu i EULEX-it, suedezi Lars-Gunnar Wigemark, i ka dhënë mbështetje Komitetit Paralimpik në Kosovë, pjesërisht për shkak se ai kishte një marrëdhënie private me kryetaren e Komitetit Paralimpik të Kosovës, znj. Njomza Emini, ish-deputete e LDK-së. Bëhet fjalë për donacione për organizatën jo-qeveritare që ajo drejton, por edhe për një ngjarje të OJQ-së. Misioni EULEX nuk i është përgjigjur pyetjes së “DerStandard” nëse Wigemark ka pasur një marrëdhënie të afërt me Njomza Eminin, transmeton Paparaci shkrimin e gazetës austriake. Në dhjetor të vitit 2021, EULEX-i tha se i ka dhuruar zyrës së Komitetit Paralimpik të Kosovës pajisje të përdorura kompjuterike dhe “mobilie të përdorura për zyrë nga stoku i tepërt i tij”. Më 16 dhe 17 korrik, EULEX-i mbështeti një ngjarje të Komitetit Paralimpik në Vushtrri, por të njëjtën gjë e bënë edhe Organizata për Siguri dhe Bashkëpunim në Evropë (OSBE) dhe misioni i NATO-s në Kosovë, KFOR.
Në korrik të vitit 2022, EULEX-i i ka dhuruar Komitetit Paralimpik të Kosovës dy automjete të përdorura, të cilat do të përdoren nga disa federata të ndryshme sportive për personat me aftësi të kufizuara. EULEX-i ka bërë të ditur se që nga viti 2012 e deri më sot, misioni ka dhuruar në përgjithësi mbi 490 automjete për institucionet kosovare dhe OJQ-të vendore. Sipas dokumenteve që posedon “DerStandard, Njomza Emini në mënyrë specifike i ka kërkuar misionit të EULEX-it që të përgatisë broshura dhe bluza për pjesëmarrësit e një ngjarje të një OJQ-je më 16 dhe 17 korrik, dhe një ekip mjekësor nga EULEX-i ishte vënë në dispozicion për eventin. Ky ekip mjekësor kishte qëndruar në vend-ngjarje në dy ditët e zhvillimit të eventit. Emini ka kërkuar nga EULEX-i që të pyeste një kompani kontraktuese të EULEX-it nëse ata mund ta përcillnin ngjarjen e OJQ-së së drejtuar prej saj dhe të prodhonin një video me qëllime promovuese. Me kërkesë të “DerStandard”-it, EULEX-i ka sqaruar se nuk kishte prodhuar video promovuese për ngjarjen e 16 dhe 17 korrikut në Vushtrri. Ata kanë thënë se kanë realizuar vetëm foto dhe video regjistrime për të siguruar më shumë vëmendje për ngjarjen.
EULEX-i pranon se ka prodhuar fletushka dhe bluza për atletët me aftësi të kufizuara dhe për OJQ-në e drejtuar nga Emini. Ajo gjithashtu pranon se “Njësia Mjekësore e EULEX-it ofroi mbështetje mjekësore” gjatë ngjarjes në Vushtrri, megjithëse “pa kosto shtesë për misionin, përveç karburantit për autoambulancën”. Njomza Emini, e kontaktuar nga “DerStandard”, ka thënë se shumë organizata ndërkombëtare kanë përkrahur ngjarjen e OJQ-së së në Vushtrri, dhe jo vetëm EULEX-i. Ajo ka thënë gjithashtu se EULEX-i nuk e ka ndihmuar me asnjë fond financiar “Forumin për Lidership dhe Demokraci”, OJQ-në të cilën ajo e drejton. “DerStandard” raporton se “Forumi për Lidership dhe Diplomaci” organizoi bashkërisht një ngjarje me EULEX-in për të diskutuar rreth të drejtave pronësore të grave dhe dhunën në familje. Sipas burimeve të “gazetës austriake, në “Forumin për Lidership dhe Demokraci” pretendohet se nga EULEX-i janë derdhur 2500 euro për ngjarjen – ndoshta si rimbursim i shpenzimeve.
Emini tha për “DerStandard” se ka marrëdhënie të mira dhe të afërta pune me shumë diplomatë. Ajo ishte gjithashtu qytetarja e parë e Kosovës që u nderua me Legjionin e Nderit nga Republika e Francës. “Jam shumë krenare që kam marrëdhënie të afërta pune me shumë diplomatë të respektuar dhe liderë ndërkombëtarë dhe i përdor këto kontakte për të luftuar për të drejtat e grave dhe personave me aftësi të kufizuara në Kosovë”, ka thënë Emini në një përgjigje me shkrim për “DerStandard”. Ajo nuk i është përgjigjur pyetjes në lidhje me raportin e saj me Wigemark. EULEX-i tha se misioni nuk ka kryer asnjë donacion për “Forumin për Lidership dhe Diplomaci” dhe theksoi se të gjithë punonjësit e saj janë të obliguar të respektojnë kodin disiplinor të sjelljes.
Kodi i emërtuar si “Standardet e përgjithshme të përmirësuara të sjelljes” për misionet e BE-së, thotë: “Zhvillimi i një marrëdhënieje personale me personat e vendit pritës mund të çojë në rreziqe operacionale ose të sigurisë. Personeli duhet të jetë i vetëdijshëm për këto rreziqe të mundshme dhe të përmbahet nga çdo sjellje që mund të cenojë integritetin, pavarësinë dhe paanshmërinë e pozicionit dhe funksionit të tij, ose imazhin e çdo misioni apo operacioni të politikës së përbashkët të sigurisë dhe mbrojtjes". Paparaci ka tentuar të kontaktojë me znj. Emini të martën, por ajo ka qenë e paqasshme në telefon. Njomza Emini, aktualisht drejtuese e “Forumit për Lidership dhe Diplomaci” dhe Komitetit Paralimpik të Kosovës, ka shërbyer si depuete nga radhët e Lidhjes Demokratike të Kosovës (LDK) dhe Aleancës Kosova e Re (AKR) në dy mandate. Me rastin e shpalljes së Pavarësisë së Kosovës, ajo kishte nënshkruar Deklaratën e Pavarësisë si deputetja më e re e Kuvendit të Kosovës në atë legjislaturë. Në vitin 2010, ajo kishte kaluar nga AKR-ja në LDK. Nga politika është tërhequr para disa vitesh.
Aleksandër Vuçiç dhe Jens Stoltenberg BRUKSEL- Ka përfunduar takimi i Sekretarit të Prgjithshm të NATO-s, Jens SAtol...
Aleksandër Vuçiç BRUKSEL- Ka përfunduar takimi i Sekretarit të Përgjithshm të NATO-s, Jens Stoltenberg me...
BRUKSEL- Ka përfunduar takimi i Sekretarit t Prgjithshm t NATO-s, Jens SAtoltenberg me presidentin serb Aleksandër Vuçiç. Shefi ...
Takimi KOSOVË- Kryeministri i Kosovës, Albin Kurti dhe presidenti i Serbisë, Aleksandar Vuçiç, pritet të takohen të ...
Pamje nga rrugët e bllokuara FRANCË- Pas temperaturave të larta moti në Francë ka marrë një kthesë të fort&eum...
Pamje nga vendi i ngjarjes SPANJË- Dhjetë pasagjerë u lënduan teksa u përpoqën t’i shpëtonin një treni q...
Noella SHBA- 10-vjeçarja Noella McMaher tashmë po bën realitet ëndrrat e saj. Ajo është bërë modelja trans m...
Gabriel Escobar dhe Albin Kurti BRUKSEL- Kryeministri i Kosovës, Albin Kurti po qëndron në Bruksel, ndërkohë që para tak...
Papa VATIKAN- Papa Françesku ka bërë një deklaratë që për disa mund të jetë e pabesueshme. Gjatë predik...
Tigri SHBA- Pothuajse 100 vjet pas zhdukjes së tij, tigri Tasmanian mund të jetojë sërish. Shkencëtarët duan të...
