Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Me Gazën që është bllokuar, shumë media nga e mbarë bota varen nga fotografitë, videot dhe artikujt për luftën që përgatiten nga gazetarët palestinezë për agjencitë ndërkombëtare të lajmeve.
GAZË- Disa organizata mediale thanë se më 24 korrik se gazetarët e tyre në Gazë po përballen me kërcënimin nga uria, teksa po vazhdon lufta mes Izraelit dhe Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian.
Përmes një deklarate të përbashkët, katër media i bën thirrje Izraelit që të lejojë gazetarët të hyjnë dhe të dalin nga Gaza dhe të lejojnë hyrjen e furnizimeve të duhura ushqimore në territorin palestinez.
“Ne jemi thellësisht të shqetësuar për gazetarët tanë në Gazë, të cilët gjithnjë e më shumë po përballen me vështirësi që ta ushqejnë veten dhe familjet e tyre”, thanë Agence France-Presse (AFP), Associated Press (AP), Reuters dhe BBC.
Këto media shtuan se “gazetarët po përballen me shumë privime dhe vështirësi në zonat e luftës. Jemi thellësisht të alarmuar që tashmë edhe uria është një nga këto rreziqe”.
“Edhe një herë u bëjmë thirrje autoriteteve izraelite të lejojnë hyrjen dhe daljen e gazetarëve nga Gaza. Është thelbësore që furnizimet e mjaftueshme me ushqim të arrijnë tek njerëzit atje”, u tha në reagimin e tyre.
Me Gazën që është bllokuar, shumë media nga e mbarë bota varen nga fotografitë, videot dhe artikujt për luftën që përgatiten nga gazetarët palestinezë për agjencitë ndërkombëtare të lajmeve.
Kritikat ndërkombëtare po intensifikohen për situatën e rëndë me të cilën po përballen më shumë se 2 milionë civilë palestinezë në Gazë, ku mbi 100 organizata humanitare dhe për të drejtat e njeriut kanë paralajmëruar se “uria masive” po përhapet.
Që nga fillimi i luftës pas sulmit të paprecedentë të 7 tetorit 2023 ndaj Izraelit nga Hamasi, një numër shumë i vogël gazetarësh kanë mundur të hyjnë në Gaza vetëm me ushtrinë izraelite dhe nën rregulla të rrepta të censurës ushtarake.
Organizata e mediave, Reporterët pa Kufij (RSF), tha në fillim të korrikut se mbi 200 gazetarë janë vrarë në Gaza që nga fillimi i luftës.
Mediat kanë publikuar artikuj për jetën brenda Gazës gjatë kësaj jave. Sipas raportimeve, banorët atje po përballen me një situatë të rëndë dhe çdo ditë po përballen me vështirësi për të siguruar ushqim.
“Nuk kemi energji për shkak të urisë dhe mungesës së ushqimit”, tha Omar al-Qattaa, fotografi i AFP-së.
“Sigurimi i ushqimit në Gazë është jashtëzakonisht i vështirë. Edhe kur ka ushqim, çmimet janë shumë të larta”, tha gazetari tjetër, Youssef Hassouna.
Izraeli thotë se ndihma humanitare po lejohet që të hyjë në Gazë dhe e akuzon Hamasin se po e keqpërdor vuajtjen e civilëve, përfshirë duke ua vjedhur furnizimet ushqimore për t’i shitur me çmime të larta apo duke qëlluar drejt atyre që presin të marrin ndihma.
Shefi i Organizatë Botërore të Shëndetësisë ka paralajmëruar një ditë më parë për përhapjen e urisë në Gazë, duke thënë se dërgesat ushqimore në territor janë “shumë më të vogla sesa është nevoja për mbijetesën e popullsisë”.
Dëshmitarët si dhe agjencia për mbrojtje civile në Gazë vazhdimisht kanë akuzuar forcat izraelite se qëllojnë drejt banorëve që presin për ndihma. Kombet e Bashkuara kanë thënë se ushtria izraelite ka vrarë më shumë se 1.000 palestinezë që po tentonin të merrnin furnizime ushqimore që nga fundi i muajit maj.
Komiteti për Mbrojtjen e Gazetarëve (CPJ), me seli në Nju Jork, përmes një deklarate tha të mërkurën se Izraeli po “i lë pa bukë gazetarët në mënyrë që t’i heshtë”.
“Ata nuk janë vetëm gazetarë, ata janë dëshmitarë në vijën e frontit, të braktisur pasi mediat ndërkombëtare u tërhoqën dhe iu ndalua hyrja”, tha CPJ.
Shumë gazetarë palestinezë kanë folur publikisht ose kanë postuar për lodhjen e tyre, me Sally Thabet, korrespondenten e kanalit satelitor Al-Kofiya, që ka humbur ndjenjat pas një transmetimi të drejtpërdrejtë këtë javë, tha CPJ-ja.
Al Jazeera, grupi medial më me ndikim në gjuhën arabe, bëri thirrje për veprime globale për të mbrojtur gazetarët në Gaza të martën. Pesë gazetarë të kësaj media janë vrarë në Gazë që nga nisja e konfliktit dhe Al Jazeera ka thënë se ata u vranë qëllimshëm nga Izraeli.
Ky medium, i ndaluar në Izrael, ka humbur pesë gazetarë që nga fillimi i konfliktit, në atë që ai e quan një fushatë të qëllimshme për t’i goditur nga Izraeli.
Në disa raste, Izraeli ka akuzuar gazetarët, duke i cilësuar si “agjentë terroristë”, siç ndodhi kur vranë vitin e kaluar një gazetar të stafit dhe një korrespondent freelancer të Al Jazeeras në Gaza, akuza që kjo media me seli në Doha i ka dënuar ashpër.
“Ne e dimë se shumica e gazetarëve brenda Gazës operojnë nën mbrojtjen e Hamasit, dhe deri sa Hamasi të shkatërrohet, ata nuk do të lejohen të raportojnë lirshëm”, tha zëdhënësi i Qeverisë izraelite, David Mercer, në një konferencë për shtyp në dhjetor të kaluar./REL
Foto TEHERAN- Teherani është duke u përballur me krizë aq të madhe me ujin, prandaj 15 milionë banorët e tij mund të...
çifti britanik BRITANI- Djali i një çifti britanik të ndaluar nga talebanët pesë muaj më parë është s...
epstein dhe trump SHBA- Togfjalëshi "dosjet Epstein" e kanë përndjekur administratën Trump për javë të tëra. Presio...
foto ilustruese SHBA- Shtetet e Bashkuara janë të shqetësuara nga raportet për bashkëpunim mes Universitetit të Malit të...
Foto KROACI- Një fëmijë i vogël humbi jetën në Kroaci pasi i rrëshqiti nga krahët e babait të tij. N...
foto ilustruese SHBA- Në një njoftim spektakolar, por të diskutueshëm nëpërmjet Truth Social, Donald Trump pretendo...
Mitsotakis GREQI- Greqia e ka paralajmëruar Turqinë se mund t’ia bllokojë qasjen në një fond të Bashkimit Evropian n&eu...
Foto SHBA- 75,000 meksikanë janë larguar vullnetarisht nga Shtetet e Bashkuara dhe janë rivendosur në atdheun e tyre që kur presid...
Foto GJERMANI- Ekonomia është gjithmonë pak psikologji. Kjo u pa edhe në samitin e fundit për investime, të mbajtur me k...
fOTO GREQI- Një rast tronditës ka shokuar autoritetet dhe banorët e ishullit grek, Rodos. Mësohet se një rast abuzimi seksual...
