Moment historik / Finlanda anëtarësohet zyrtarisht në NATO, reagimet: Tashmë e ka radhën Suedia

Joe Biden

SHBA- Anëtarësimi zyrtar i Finlandës në NATO u përshëndet nga presidenti amerikan Joe Biden. Gjatë fjalës së tij, Biden i dërgojë një mesazh Turqisë dhe Hungarisë për të shkurtuar procesin edhe për Suedinë. Duke lavdëruar anëtarësimin e Finlandës, Presidenti Biden vuri në dukje se ajo erdhi në 74 vjetorin e nënshkrimit të traktatit themelues të NATO-së.

“Sot e mirëpres me krenari Finlandën si aleatin e 31-të të NATO-s. Shtatëdhjetë e katër vjet më parë sot – ndërsa Shtetet e Bashkuara dhe 11 kombe të tjera u bashkuan për të formuar Organizatën e Traktatit të Atlantikut të Veriut, Presidenti Truman tha, “nëse ka ndonjë gjë të pashmangshme në të ardhmen, është vullneti i njerëzve të botës për liri dhe për paqe”. Sot, ky vullnet është më i fortë se kurrë me shtimin e Finlandës në NATO”, “Në maj 2022, Finlanda dhe Suedia aplikuan për anëtarësim në NATO. Të dy vendet kanë demokraci të forta me ushtri shumë të aftë, të cilët ndajnë vlerat dhe vizionin tonë për botën.

Më pak se një vit më vonë, ne mirëpresim Finlandën si anëtare, në procesin më të shpejtë të ratifikimit në historinë moderne të NATO-s. Mezi pres të mirëpres Suedinë si anëtare të NATO-s sa më shpejt të jetë e mundur dhe inkurajoj Turqinë dhe Hungarinë që të përfundojnë proceset e tyre të ratifikimit pa vonesë. Kur Putini filloi luftën e tij brutale të agresionit kundër popullit të Ukrainës, ai mendoi se mund të copëtonte Evropën dhe NATO-n. Ai bëri një gabim. Sot jemi më të bashkuar se kurrë. Dhe së bashku, të përforcuar nga aleati ynë më i ri Finlanda – do të vazhdojmë të ruajmë sigurinë transatlantike, të mbrojmë çdo centimetër të territorit të NATO-s dhe të përmbushim të gjitha sfidat me të cilat përballemi”, tha Biden.

Suedia dhe Finlanda aplikuan për anëtarësim në NATO pas sulmit rus në Ukrainë dhe synuan që kjo të ndodhë në të njëjtën kohë. Antarësimi i një anëtari të ri duhet të miratohet nga të 30 vendet anëtare aktuale të NATO-s. Turqia dhe Hungaria fillimisht hezituan të ratifikojnë anëtarësimin e Finlandës. Javën e kaluar, parlamentet e këtyre dy vendeve ratifikuan anëtarësimin e Finlandës. Antarësimi i Suedisë aktualisht nuk është miratuar nga Turqia, e cila i ka kërkuar shtetit suedez që të ekstradojë disa persona që i konsideron si terroristë, por një gjykatë e lartë e këtij vendi e ka hedhur poshtë këtë kërkesë. 

Anthony Blinken

SHBA- Sekretari amerikan i Shtetit Anthony Blinken foli për një "ditë historike" për NATO-n, duke iu referuar pranimit të Finlandës në Aleancën e Atlantikut të Veriut. 

"Jam i tunduar të them se ndoshta kjo është e vetmja gjë për të cilën mund të falënderojmë presidentin rus Putin, sepse ai shkaktoi diçka që donte qartë ta parandalonte," tha Blinken, duke marrë pjesë në një takim të ministrave të jashtëm të NATO-s në Bruksel. 

Blinken tha se agresioni i Rusisë ka bërë që shumë vende të besojnë se duhet të bëjnë më shumë për të mbrojtur veten dhe për tu siguruar që mund të pengojnë agresionin e mundshëm rus në të ardhmen.

“Është vërtetë një moment historik për Aleancën, për Komunitetin Transatlantik, por edhe për komunitetin global që mbron fuqishëm parimet bazë të Kartës së OKB-së dhe mbron fuqishëm sigurinë dhe stabilitetin e paqes. Kjo është me të vërtetë një ditë historike, sepse sot ne mirëpresim Finlandën në Aleancë ”, tha Blinken.

Suedia dhe Finlanda aplikuan për anëtarësim në NATO pas sulmit rus në Ukrainë dhe synuan që kjo të ndodhë në të njëjtën kohë. Antarësimi i një anëtari të ri duhet të miratohet nga të 30 vendet anëtare aktuale të NATO-s. Turqia dhe Hungaria fillimisht hezituan të ratifikojnë anëtarësimin e Finlandës. Javën e kaluar, parlamentet e këtyre dy vendeve ratifikuan anëtarësimin e Finlandës. Antarësimi i Suedisë aktualisht nuk është miratuar nga Turqia, e cila i ka kërkuar shtetit suedez që të ekstradojë disa persona që i konsideron si terroristë, por një gjykatë e lartë e këtij vendi e ka hedhur poshtë këtë kërkesë. 

Alexander Grushko

UKRAINË- Kremlini ka lëshuar një deklaratë në lidhje me anëtarësimin e afërt të Finlandës në NATO, duke thënë se Rusia do të detyrohet të marrë "kundërmasa" për të garantuar sigurinë e saj. Mediat e huaj raportojnë se Zëdhënësi i Kremlinit Dmitry Peskov e quajti lëvizjen e Finlandës për të finalizuar anëtarësimin në NATO një "shkelje" ndaj sigurisë ruse, duke shtuar se aleanca ishte armiqësore ndaj Rusisë.

Nërkohë zëvendësministri i Jashtëm rus, Alexandër Grushko tha në një deklaratë se Rusia do të forcojë kapacitetin e saj ushtarak në rajonet e saj perëndimore dhe veriperëndimore në përgjigje të pranimit të pritshëm të Finlandës në NATO.

“Një pjesë e masave tashmë janë shpallur. Ne do të forcojmë potencialin tonë ushtarak në drejtimin perëndimor dhe veriperëndimor. Në rast se forcat dhe asetet e anëtarëve të tjerë të NATO-s vendosen në Finlandë, ne do të ndërmarrim hapa shtesë për të garantuar sigurinë ushtarake të Rusisë”, -tha Grushko

Nuk është hera e parë që Rusia sugjeron se do të duhet të rikalibrojë ushtrinë e saj nëse Finlanda, e cila ndan një kufi afërsisht 800 milje të gjatë me Rusinë, i bashkohet NATO-s.

Jens Stoltenberg

GJERMANI- Gjatë fjalimit jashtë selisë së NATO-s në Bruksel sekretari i përgjithshëm i NATO-s, Jens Stoltenberg në takimin me ministrat e Jashtëm të vendeve anëtare të NATO-s, tha se duke nisur nga sot, edhe Finlanda është pjesë e Aleancës së Atlantikut. Nëni 5 i NATO-s nënkupton rregullin që kushdo shtet që sulmon Finlandën ushtarakisht, konsiderohet se ka sulmuar të gjithë aleancën dhe të gjithë aleatët do të përgjigjen së bashku ndaj agresionit, shkruajnë mediat e huaja.

“Nga sot, neni 5 i Traktatit të NATO-s që vendos parimin “të gjithë për një, një për të gjithë” do të zbatohet edhe “për Finlandën”, e cila zyrtarisht po i bashkohet aleancës, Jam i lumtur që jam sekretari i përgjithshëm që mirëpret Finlandën si një anëtare të plotë të NATO-s dhe thjesht shikoni hartën për të kuptuar se sa strategjike dhe e rëndësishme është Finlanda për sigurinë e rajonit Baltik", -tha sekretari.

Finlanda do të bëhet anëtari i 31-të i Organizatës së Traktatit të Atlantikut të Veriut (Nato), duke i dhënë fund dekadave të mos-angazhimit ushtarak.

Suedia dhe Finlanda aplikuan për anëtarësim në NATO pas sulmit rus në Ukrainë dhe synuan që kjo të ndodhë në të njëjtën kohë. Antarësimi i një anëtari të ri duhet të miratohet nga të 30 vendet anëtare aktuale të NATO-s. Turqia dhe Hungaria fillimisht hezituan të ratifikojnë anëtarësimin e Finlandës. Javën e kaluar, parlamentet e këtyre dy vendeve ratifikuan anëtarësimin e Finlandës. Antarësimi i Suedisë aktualisht nuk është miratuar nga Turqia, e cila i ka kërkuar shtetit suedez që të ekstradojë disa persona që i konsideron si terroristë, por një gjykatë e lartë e këtij vendi e ka hedhur poshtë këtë kërkesë. 

Flamujt

FINLANDË- Finlanda do të anëtarësohet sot zyrtarisht në NATO. Sekretari i Përgjithshëm Jens Stoltenberg tha dje se "nga nesër Finlanda do të jetë anëtare e plotë e NATO-s”. Turqia, e cila ishte vendi i fundit anëtar që ratifikoi anëtarësimin e Finlandës, do të dorëzojë dokumentet për këtë në një takim të ministrave të Jashtëm në Bruksel. 

Para selisë pasdite do të ngrihet flamuri i vendit të 31-të anëtar të aleancës ushtarake.

"Do të jetë një ditë e mirë për sigurinë finlandeze, për sigurinë nordike dhe për NATO-n në tërësi"- tha Stoltenbergu.

Presidenti finlandez Sauli Niinistö dhe ministri i Mbrojtjes Antti Kaikkonen pritet të marrin pjesë në ceremoni së bashku me ministrin e Jashtëm Pekka Haavisto.

"Ky është një moment historik për ne. Për Finlandën, qëllimi kryesor i takimit do të jetë të nënvizojë mbështetjen e NATO-s për Ukrainën, ndërsa Rusia vazhdon agresionin e saj të paligjshëm," tha Haavisto në një deklaratë. 

Rusia reagoi ndaj këtij njoftimi. Zëvendësministri i Jashtëm Aleksander Grushko njoftoi përforcimin e aftësive ushtarake ruse në rajonet perëndimore dhe veriperëndimore të vendit.

Suedia dhe Finlanda aplikuan për anëtarësim në NATO pas sulmit rus në Ukrainë dhe synuan që kjo të ndodhë në të njëjtën kohë. Por anëtarësimi i një anëtari të ri duhet të miratohet nga të 30 vendet anëtare aktuale të NATO-s. Turqia dhe Hungaria fillimisht hezituan të ratifikojnë anëtarësimin e Finlandës. Javën e kaluar, parlamentet e këtyre dy vendeve ratifikuan anëtarësimin e Finlandës./Dosja.al

Foto ilustruse

FINLANDË- Finlanda do të bëhet anëtarja e 31 e NATO-s të martën. BBC raporton se Sekretari i Përgjithshëm i NATO-s, Jens Stoltenberg ka konfirmuar lajmin, ndërsa ka ritheksuar se Finlanda do t’i bashkohet nesër Aleancës. 

“Të 30 aleatët e NATO-s kanë ratifikuar tani protokollin e anëtarësimit. Finlanda do t'i bashkohet zyrtarisht aleancës sonë në ditët në vijim."-tha Jens Stoltenberg.

Pranimi i afërt i Finlandës në NATO erdhi pasi Rusia tha të premten se një armëpushim në Ukrainë nuk do t'i mundësonte asaj të arrinte qëllimet e "operacionit të saj special ushtarak" për momentin. Për presidentin rus Vladimir Putin, pranimi i Finlandës është një pengesë e madhe strategjike.

Presidenti i Republikës, Sauli Niinisto, do të udhëtojë në Bruksel dhe do të marrë pjesë në ceremoninë zyrtare të anëtarësimit të organizuar në selinë e NATO-s.

Një nga parimet themeluese të NATO-s është ai i mbrojtjes kolektive - që do të thotë se një sulm ndaj një vendi anëtar trajtohet si një sulm ndaj të gjithëve. Finlanda, një vend me një kufi prej 1,340 km (832 milje) me Rusinë dhe një nga arsenalet më të fuqishme të artilerisë në Evropën Perëndimore, vendosi të heqë dorë nga neutraliteti i saj dhe t'i bashkohet aleancës në përgjigje të pushtimit në shkallë të plotë të Ukrainës nga Rusia.