"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Djegiet e Kuranit në të kaluarën kanë ndezur protesta në të gjithë botën myslimane, disa prej të cilave janë kthyer në protesta të dhunshme.
SUEDI- Kombet me shumicë myslimane shprehën të premten zemërim pas përdhosjes së një kopjeje të Kuranit në Suedi. Disa u përgatitën për demonstrata në rrugë pas lutjeve të mesditës, për të shprehur zemërimin e tyre.
Në Iran, Irak dhe Liban, protestuesit planifikuan demonstrata pasi policia suedeze lejoi një protestë të enjten, në të cilën një i krishterë irakian që jetonte në Stokholm shkelmonte dhe qëndronte mbi një Kuran, librin e shenjtë të Islamit, jashtë ambasadës së Irakut. Kryeministri i Irakut Shia al-Sudani ka urdhëruar dëbimin e ambasadorit suedez nga Iraku dhe tërheqjen e të ngarkuarit me punë të Irakut nga Suedia.
Në Iranin fqinj, demonstruesit gjithashtu planifikonin të dilnin në rrugë. Ministri i Jashtëm iranian Hossein Amirabdollahian i ka shkruar një letër Sekretarit të Përgjithshëm të Kombeve të Bashkuara lidhur me përdhosjen e Kuranit dhe ka thirrur ambasadorin suedez.
“Ne e konsiderojmë qeverinë suedeze përgjegjëse për rezultatin e reagimeve provokuese nga myslimanët e botës”, tha zëdhënësi i Ministrisë së Jashtme iraniane Nasser Kanaani.
Burri në Stokholm gjithashtu fshiu këmbët e tij me një fotografi të liderit suprem të Iranit, Ayatollah Ali Khamenei gjatë protestës së tij, dhe bëri një veprim të ngjashëm me një foto të klerikut të famshëm shiit irakian, Muqtada al-Sadr.
Grupi militant shiit i Libanit, Hezbollah, gjithashtu bëri thirrje për një demonstratë të premten pasdite. Udhëheqësi i Hezbollahut, Hassan Nasrallah, përmes një fjalimi të enjten mbrëma u bëri thirrje myslimanëve që të kërkojnë nga qeveritë e tyre të dëbojnë ambasadorët e Suedisë.
“I ftoj vëllezërit dhe motrat në të gjitha lagjet dhe fshatrat që të marrin pjesë në të gjitha xhamitë, të kërkojnë nga shteti që të mbajë një qëndrim ndaj Suedisë”, tha Nasrallah në fjalimin, sipas Agjencisë Kombëtare të Lajmeve të Libanit.
Arabia Saudite dhe Katari, thirrën diplomatët suedezë për të dënuar përdhosjen. Ministria e Jashtme e Turqisë gjithashtu e kritikoi veprimin. Në Pakistan, kryeministri Shehbaz Sharif dënoi ashpër ngjarjet në Suedi. Ai i bëri thirrje Organizatës së Bashkëpunimit Islamik prej 57 vendesh që të luajë një "rol historik në shprehjen e ndjenjave të myslimanëve dhe ndalimin e këtij demonizimi".
Të enjten në mëngjes, protestuesit në Bagdad sulmuan ambasadën suedeze për disa orë dhe vunë një zjarr të vogël. Stafi i ambasadës ishte evakuuar një ditë më parë. Pasi protestuesit u larguan nga ambasada, diplomatët e mbyllën atë për vizitorët pa specifikuar se kur do të rihapet. Kryeministri Sudani tha në një deklaratë se autoritetet irakiane do të ndjekin penalisht ata që janë përgjegjës për ndezjen e zjarrit dhe iu referua një hetimi të "zyrtarëve të pakujdesshëm të sigurisë".
Muajin e kaluar, një burrë dogji një Kuran jashtë një xhamie në Stokholm gjatë festës kryesore myslimane të Kurban Bajramit, duke shkaktuar zemërim botën islame. E drejta për të mbajtur protesta të tilla publike mbrohet nga Kushtetuta në Suedi. Policia suedeze në përgjithësi jep leje bazuar në faktin nëse ajo beson se një tubim publik mund të mbahet pa ndërprerje të mëdha ose rreziqe sigurie.
Për myslimanët, djegia e Kuranit përfaqëson një përdhosje të tekstit të shenjtë të fesë së tyre. Djegiet e Kuranit në të kaluarën kanë ndezur protesta në të gjithë botën myslimane, disa prej të cilave janë kthyer në protesta të dhunshme.
Në Afganistan, talibanët pezulluan të gjitha aktivitetet e organizatave suedeze në vend. Një protestë e ngjashme nga një aktivist i ekstremit të djathtë u mbajt jashtë Ambasadës së Turqisë në fillim të këtij viti, duke ndërlikuar përpjekjet e Suedisë për të bindur Turqinë që ta lejojë atë të anëtarësohet në NATO.
Marrë nga REL
Vadym Prystaiko BRITANI E MADHE- Presidenti ukrainas Volodymyr Zelenskyy shkarkoi Vadym Prystaiko si ambasador në Mbretërinë e Bashkua...
Albin Kurti KOSOVË- Kryeministri Albin Kurti ka thënë se Kosova po bëhet një partner i denjë për t’u kon...
William Burns RUSI- Drejtori i CIA-s, William Burns, pretendon se presidenti rus, Vladimir Putin, ndoshta është ende duke analizuar mund&eum...
foto ilustruese EUROPË- Temperaturat e larta dhe vapa, që do të vazhdojnë gjatë ditëve në vijim, mund të shkaktojn&...
foto ilustruese KOSOVË- Njoftimi i policisë: Drejtoria rajonale e Policisë Gjilan, Stacioni Policor Viti me datën 20.07.2023 rr...
John Kirby SHBA- John Kirby, Koordinatori i Këshillit të Sigurisë Kombëtare në Shtëpinë e Bardhë, tha gjat&eum...
foto ilustruese UKRAINË- Rusia ka përdorur pothuajse 70 raketa të llojeve të ndryshme dhe pothuajse 90 drone Shahed gjatë vet...
Miroslav Lajçak BRUKSEL- Pala kosovare mendon që plani i BE-së për uljen e tensioneve në veri është selektiv dhe ...
foto ilustruese SHBA- Korriku i vitit 2023 ka të ngjarë të jetë më i ngrohti i regjistruar për “qindra, nëse ...
Alexey Navalny RUSI- Prokurorët rusë kanë kërkuar një dënim me 20 vjet burg për liderin e opozitës, Alexey Nav...
