Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
Vizita e Lajçakut në Prishtinë ndodh në kohën e rritjes së kërkesave nga faktori ndërkombëtar që Kosova të themelojë Asociacionin e komunave me shumicë serbe
KOSOVË- Kryeministri i Kosovës, Albin Kurti, dhe i dërguari i posaçëm i Bashkimit Evropian për dialogun Kosovë-Serbi, Mirosllav Lajçak, po zhvillojnë një takim në Prishtinë. Takimi, i cilësuar drekë pune, po mbahet në një restorant në kryeqytetin e Kosovës.
Në takimin me emisarin evropian Kurti po shoqërohet nga zëvendëskryeministri Besnik Bislimi. Vizita e Lajçakut në Prishtinë ndodh në kohën e rritjes së kërkesave nga faktori ndërkombëtar që Kosova të themelojë Asociacionin e komunave me shumicë serbe. Pas qëndrimit në Prishtinë, Lajçak do të udhëtojë për takime në Beograd.
Kosova dhe Serbia kanë arritur dy marrëveshje për Asociacionin – më 2013 dhe 2015 – por, Gjykata Kushtetuese e Kosovës tha më 2015 se marrëveshjet nuk ishin plotësisht në harmoni me aktin më të lartë juridik të shtetit, por që mund të harmonizohen.
Shtetet e Bashkuara kanë thënë se tani është koha të themelohet Asociacioni, duke insistuar se Uashingtoni nuk do të përkrahë një asociacion që do t’i ngjasonte Republikës Sërpska në Bosnjë e Hercegovinë.
Kurti kundërshton një asociacion njëetnik, duke argumentuar se do të minonte shtetësinë e Kosovës, teksa Serbia insiston që ai të ketë kompetenca ekzekutive.
Ndërkaq, më herët, gjatë së hënës, u takua me ambasadorët dhe diplomatët e akredituar të misioneve diplomatike në Kosovë.
Sipas njoftimit për media të Zyrës së Kryeministrit, temë qendrore e diskutimit ishte procesi i dialogut, propozimi evropian dhe rruga përpara.
Në njoftim thuhet se Kurti i njoftoi diplomatët me qëndrimet e Qeverisë, përfshirë këtu edhe gjashtë kushtet për themelimin e Asociacionit, të cilat kryeministri i prezantoi më 2 shkurt në Kuvendin e Kosovës.
Sipas Kurtit, Asociacioni nuk mund të jetë njëetnik, ai duhet të jetë në përputhje me Kushtetutën dhe ligjet e vendit, të ketë një emër tjetër dhe të mos ketë kompetenca ekzekutive, të ketë të përfshirë parimin e reciprocitetit mes shteteve sa i përket të drejtave të pakicave kombëtare, bazuar në modelet evropiane.
Vuçiq, në anën tjetër, i ka konsideruar këto kushte si “përralla“.
Së fundmi, SHBA-ja dhe BE-ja kanë intensifikuar përpjekjet e tyre për të shtyrë Kosovën dhe Serbinë drejt një marrëveshjeje për normalizimin e plot të raporteve.
Në këtë kuadër, BE-ja u ka dorëzuar palëve vitin e kaluar një plan që njihet si plani evropian, për normalizimin e plotë të raporteve.
Kryeministri Kurti e ka cilësuar planin evropian – apo siç njihet edhe si propozimi franko-gjerman – si bazë të mirë për negociata, por ka shtuar se plani nuk është marrëveshje përfundimtare.
Kosova dhe Serbia zhvillojnë dialog nën ndërmjetësimin e BE-së – që ka mbështetjen edhe të SHBA-së – që nga viti 2011. Procesi synon të normalizojë raportet mes shteteve. Por, Kosova dhe Serbia kanë pikëpamje të ndryshme sa i përket përfundimit të procesit. Përderisa Prishtina kërkon që një marrëveshje finale të përfshijë njohjen e ndërsjellë, Beogradi insiston në një zgjidhje kompromisi, pa specifikuar se për çfarë kompromisi bëhet fjalë.
Marrë nga REL
Kurti me ambasadoret KOSOVË- Kryeministri Albin Kurti, bashkë me zëvendësin e tij, Besnik Bislimi i pritën në Qeveri ambasado...
Janez Lenareçiç BRUKSEL- Komisioni Evropian ka njoftuar se me kërkesë të Turqisë, pas tërmetit të rënd&eum...
Qyteti TURQI- Një tërmet me magnitudë 7.4 ka ndodhur në lagjen Pazarcık të Kahramanmaraş. Shumë ndërtesa në qe...
Djali nen rrenoja TURQI- Një video emocionuese tregon dialogun mes ekipit të kërkim shpëtimit në qytetin Adana të Turqis...
Termeti TURQI- Numri i të vdekurve është rritur në 1014 në Turqi pas tërmetit me magnitudë 7.8 që ra ditën e s...
Joe Biden SHBA- Presidenti i SHBA-ve, Joe Biden ka reaguar pas tragjedisë së tërmetit në Turqi e Siri. Biden shkruan se ka dërguar...
Pasojat e termetit BRITANI- Mbretëria e Bashkuar i është përgjigjur kërkesave për ndihmë nga Turqia. Ekipet e kërki...
Foto ilustruese PRAGË- Republika Çeke po dërgon një ekip të specializuar kërkim-shpëtimi prej 68 personash në Tur...
Termet SIRI- Izraeli do të dërgojë ndihmë në Siri, duke shënuar herën e parë që ka dërguar ndonj&eum...
Foto ilustruese Më shumë se 1,500 njerëz janë vrarë dhe mijëra të tjerë janë plagosur në të gjith&eu...
