Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Projekti i Mbikëqyrjes postoi tre shembuj që tregojnë nënshkrimin e Biden, duke përfshirë dy urdhra ekzekutivë dhe njoftimin e presidentit se ai do largohej nga gara presidenciale e 2024-ës.
SHBA- Shumica e dokumenteve zyrtare të nënshkruara nga presidenti Joe Biden dyshohet se përdorën të njëjtin nënshkrim automatik, duke ngritur shqetësimet mbi mprehtësinë mendore të ish-presidentit dhe nëse ai urdhëroi në fakt nënshkrimin e dokumenteve përkatëse ligjore.
“KUSH KONTROLLON NËNSHKRIMIN AUTOMATIK, KONTROLLON PRESIDENCËN”, postoi në X të enjten Projekti Mbikëqyrës, i cili është një nismë brenda fondacionit konservator Heritage që heton qeverinë, për të forcuar transparencën.
“Ne mblodhëm çdo dokument që mund të gjenim me nënshkrimin e Biden gjatë presidencës së tij. Të gjithë përdorën të njëjtin nënshkrim automatik, përveç njoftimit se ish-Presidenti do tërhiqej nga gara presidenciale vitin e kaluar. Këtu është nënshkrimi automatik,” pretendoi grupi në X, shoqëruar me shembuj përmes fotosh.
Nënshkrimet Autopen janë ato që prodhohen automatikisht nga një makineri, në krahasim me një nënshkrim autentik, të shkruar me dorë. Projekti i Mbikëqyrjes postoi tre shembuj që tregojnë nënshkrimin e Biden, duke përfshirë dy urdhra ekzekutivë dhe njoftimin e presidentit se ai do largohej nga gara presidenciale e 2024-ës.
Nënshkrimi në dy urdhrat ekzekutivë, njëri prej të cilëve u nënshkrua në 2022 dhe tjetri në 2024, tregonte të njëjtin nënshkrim që përfshinte atë që dukej të ishte një vijë, e ndjekur nga “R. Biden Jr.” Nënshkrimi i Biden në dokumentin që shpalli largimin e tij nga gara e 2024-ës ndryshonte nga dy të tjerët të postuar nga Projekti i Mbikëqyrjes, duke treguar një nënshkrim që nuk ishte aq i qartë sa ai në urdhrat ekzekutivë.
Fox News, në mënyrë të rastësishme, ekzaminoi më shumë se 20 urdhra ekzekutivë të epokës Biden të dokumentuara në zyrën e Regjistrit Federal midis 2021 dhe 2024 dhe zbuloi se secili kishte të njëjtin nënshkrim. Fox News Digital kontaktoi zyrën e Biden për komente mbi gjetjet e Projektit Mbikëqyrës mbi hetimin autopen, por nuk mori menjëherë një përgjigje të dielën.
Fox News Digital shqyrtoi gjithashtu nënshkrimet në urdhrat ekzekutivë të Presidentit Donald Trump, të cilat shpesh nënshkruhen në publik ose para mediave, gjatë administratës së tij të parë dhe administratës së dytë dhe zbuloi se nënshkrimet ishin gjithashtu të njëjta.
Viti 2024 nisi me Biden si kandidat kryesor i Partisë Demokratike, ndërsa ai filloi një përpjekje për rizgjedhje në atë që po formohej si një revansh kundër Trump. Sidoqoftë, në shkurt të atij viti, mosha 81-vjeçare dhe mprehtësia mendore e Biden ranë në shfaqjet e tij publike me konservatorët që vunë në dyshim aftësinë mendore të komandantit të përgjithshëm.
Prokurori i posaçëm Robert Hur, i cili po hetonte keqpërdorimin e supozuar të dokumenteve të klasifikuara nga Biden si nënpresident, njoftoi se nuk do rekomandonte akuza penale kundër Biden për zotërim të materialeve të klasifikuara, duke e quajtur Biden-in “një burrë simpatik, me qëllime të mira, të moshuar e me kujtesë të dobët”.
Raporti rinovoi shqyrtimin mbi aftësinë mendore të Bidenit, i cili u bë edhe më i dukshëm në qershor 2024 pas debatit të parë dhe të vetëm presidencial të presidentit kundër Trump. Biden u përball me reagime të kundërta për një sërë gafash dhe gabimesh në ditët para debatit të tij fatkeq kundër Trump, duke përfshirë ish-presidentin Barack Obama që e mori përdore Biden-in duke e larguar nga skena gjatë një mbledhjeje fondesh dhe gjithashtu jashtë vendit, kur kryeministrja italiane Giorgia Meloni e drejtoi Biden-in kur ai u shfaq në mënyrë të hutuar gjatë samitit të G7
Kur erdhi dita e madhe e debatit, Biden e humbi sërish toruan, duke u përgjigjur me vështirësi dhe dukej se kishte humbur të menduarit dërsa përballej me Trump. Paraqitja katastrofike e debatit çoi në një shpërthim si nga konservatorët ashtu edhe nga aleatët tradicionalë demokratë, duke i bërë thirrje presidentit të largohej nga gara e t’i hapte rrugën brezit të ri. Biden u largua nga gara në korrik, me nënshkrimin në atë dokument zyrtar që tregonte se ishte dukshëm i ndryshëm nga nënshkrimi në urdhrat ekezekutivë të tij.
Prokurori i Përgjithshëm republikan i Misurit, Andrew Bailey, i dërgoi një letër Departamentit të Drejtësisë të mërkurën e javës së kaluar duke kërkuar që të hapej një hetim nëse “rënia njohëse e Biden lejoi stafin e pazgjedhur të çonte përpara politikën radikale pa miratimin e tij”.
“Ka arsye të thella për të dyshuar se stafi i Bidenit dhe aleatët politikë e shfrytëzuan rënien e tij mendore për të nxjerrë urdhra të supozuar presidencialë pa miratimin apo dijeninë e tij,” thuhej në letër.
“Kryetari Johnson, për shembull, raportoi se stafi dhe zyrtarët e zgjedhur përfshirë ish-zëvendëspresidenten Kamala Harris dhe ish-udhëheqësin e shumicës në Senat, Chuck Schumer u përpoqën ta pengonin Johnson-in të takohej me Biden-in”, vazhdoi ai.
“Megjithëse presidentët kanë gjithmonë rojtarë, në rastin e Bidenit, muret rreth tij ishin më të larta dhe kontrollet më të mëdha, sipas ligjvënësve demokratë, donatorëve dhe ndihmësve që punuan për Biden dhe administrata të tjera. Stafi kufizoi aftësinë e Biden-it për të folur me të tjerët dhe kufizoi burimet e informacionit që ai përdorte,” thuhej më tej.
Projekti i Mbikëqyrjes ndau letrën e Bailey-t në temën e tij që hetonte nënshkrimin e Biden në dokumentet zyrtare, përveç një interviste me Kryetarin Johnson, kur ai tregoi se Biden nuk mbante mend nënshkrimin e një urdhri për ngrirjen e eksporteve të reja të gazit natyror të lëngshëm në 2024.
“Unë nuk e bëra këtë,” tha presidenti, rrëfeu Johnson gjatë një interviste me Bari Weiss të Free Press në janar.
“Zotëri, ju e ndaluat. Unë i kam terminalet e eksportit në shtetin tim. Kam biseduar me ata njerëz në shtetin tim, kam folur me ata këtë mëngjes, kjo po i bën dëme të mëdha ekonomisë sonë, sigurisë kombëtare,” tha Johnson i tha presidentit në atë kohë.
“Unë dola nga ai takim me frikë dhe urrejtje sepse mendova, “Ne jemi në telashe serioze, kush po e drejton vendin?’”, tha Johnson për takimin e vitit 2024.
“Unë nuk e di se kush ia vuri letrën përpara, por ai nuk e dinte”, shtoi ai.
Projekti i Mbikëqyrjes vijoi në gjetjet e tij se hetuesit duhet të përcaktojnë “kush e kontrollonte Autopenin” gjatë administratës së Biden.
“Që hetuesit të përcaktojnë nëse presidenti i atëhershëm Biden urdhëroi në të vërtetë nënshkrimin e dokumenteve përkatëse ligjore, ose nëse ai kishte edhe aftësi mendore për të, ata duhet së pari të përcaktojnë se kush e kontrollonte Autopenin dhe çfarë kontrollesh kishte," shkroi Projekti Mbikëqyrës në X.
Shqetësimet për mprehtësinë mendore të Biden-it kur ai ishte në detyrë, të kombinuara me gjetjet e Projektit të Mbikëqyrjes, kanë shkaktuar zemërim në mesin e përdoruesve konservatorë të mediave sociale, pasi ata pyesin nëse Biden i ka nënshkruar personalisht urdhrat ekzekutivë./Fox News
foto ilustruese SHBA- Kur Presidenti Donald Trump njoftoi të martën se kishte krijuar një zyrë të re në Shtëpinë e ...
Mark Rutte BALLKAN- Sekretari i Përgjithshëm i Organizatës së Traktatit të Atlantikut Verior (NATO), Mark Rutte, pritet ta shfryt&...
Rubio SHBA - Sekretari amerikan i Shtetit, Marco Rubio, tha të hënën se Shtetet e Bashkuara po anulonin 83 për qind të programeve ...
Donald Trump SHBA- Fjalimi i presidentit Donald Trump para Kongresit të martën mbrëma ishte një deklaratë e fuqishme për mand...
Protesta GJERMANI - Komisioni zgjedhor i Rumanisë ndaloi të dielën politikanin e ekstremit të djathtë Calin Georgescu t&...
Mark Carney KANADA- Ish-drejtori i bankës qendrore Mark Carney fitoi garën për t’u bërë udhëheqësi i Partisë ...
foto ilustruese ARABIA SAUDITE- Bisedimet për t’i dhënë fund agresionit rus në Ukrainë kanë përfshirë deri ta...
Katharina Droge GJERMANI - Të Gjelbrit nuk duan të miratojnë paketën e mbrojtjes dhe infrastrukturës prej miliarda eurosh t&e...
Volodymyr Zelensky, Donald Trump dhe Vladimir Putin UKRAINA- Ukraina do të propozojë një armëpushim ajror dhe detar me Rusinë...
Foto ilustruese RUMANIA- Komisioni Qendror i Zgjedhjeve në Rumani ia ndaloi kandidatit pro-rus Calin Georgescu të marrë pjesë n&eu...
